كتاب ملــــوش أســـم أحمد العسيلى

[مــــلامــــح]

دعوه لموضوعي

رســـوماتى

امبارح شفت حلقه من برنامج عصير الكتب لــ بلال فضل

كان مستضيف فيها أحمد العسيلى << غالباً أفكاره بتعجبنى

كانوا بيتكلموا على كتاب " ملوش اسم " < اسم الكتاب كده

دورت عليه النهارده ولقيت مقتطفات منه

وقلت تقرؤها معايا



.هو الكتاب الأول للمذيع أحمد العسيلي

وهى التجربة التى اعترف أنها أصابته ببعض الحيرة فى البداية لا سيما فى الاختيار ما بين الفصحى والعامية للتعبير عن أفكاره، وهى الإشكالية التى عبر عنها بقوله «بعد أن قررت أن أكتب كتابى الأول.. وقعت فى حيص بيص.. ما كنتش أعرف أكتب بالعامية ولأّ بالفصحى.. مشكلة معضلة جدا»، وكان كما يبدو من هذا البوح أنه سيستخدم العامية التى اعتبرها أقرب للقلب وتتحدث إلى كل الناس، وقال فى ذلك «المهم من غير رغى يعنى قررت أنى اكتب زى ما بفكّر بالعامية، ولو فى حاجة استعصت على، اكتبها بالفصحى».





التفكير وفلسفة الاشياء هى محور هذا الكتاب الممتع ,, بدأ الكتاب بقوله
" الأفكار حرة حرية مطلقة ..الأفعال فقط هي المحدودة "

قال عن الموت

«ما حدش يقدر ينكر أبدا إن الموت عنده ميزات عبقرية، فجأة كده تخلص كل مسئوليات البنى آدم، كل حاجة خايف منها فى الدنيا، كل حاجة كانت قلقاه، كل حاجة كانت وراه وما بيعملهاش، ومحسساه إنه مقصّر، فجأة يبقى مش محتاج تانى ياخد قرار صعب، فجأة يبقى مش محتاج يبذل مجهود عشان يعرف يقول إيه ولاّ يتصرف ازاى،فجأة يبقى مش مهم خالص كل الناس فاكرين إيه، فجأة يبقى الماضى والمستقبل حاجة واحدة..ياااه»

 

[مــــلامــــح]

دعوه لموضوعي

رســـوماتى

عجبنى جدااا الفصل ده

عنوان الفصل : خداع البصر

مفيش شك ان احنا فعلا كمصريين من اكتر شعوب الارض تدينا ممكن يكون ده فى طبيعة تركيبتنا الاجتماعية التاريخية اصلا بغض النظر عن الاسلام كدين الاغلبية فى مصر دلوقتي .

مصر على مر تاريخها الطويل كانت دائما امة مهتمة بالدين بل تقدسه فسواء ده كان السبب الوحيد فعلا او كان فيه اسباب اخري للتدين الواضح على المصريين من احوال اقتصادية لطريقة تربية للظرف السياسي للتركيبة الاجتماعية العجيبة لنوع الخطاب الديني او لغيره و غيره فى كل الاحوال تبقي الحقيقة ان فى تدين كتير جدا فى الظاهر المصري .
(( تقول لحد صباح الخير يقولك عليكم السلام ))
(( تقول الرسول يقولوا عليه الصلاة و السلام ))
(( ناس تتخانق يقولوا لا اله الا الله ))
(( ناس تتصالح يقولوا سبحان الله ))
(( تجيب حاجة جديدة ما شاء الله ) )
((تركب الاسانسير تقراء دعاء الركوب ))
(( تروح محل تسمع قرأن تركب تاكسي تسمع قرأن تكلم حد فى التليفون و يحطك على الانتظار تسمع قرأن برضه ))
(( حد يتنرفز يقولوا له صلي على النبي )) و هو يقول (( استغفر الله العظيم ))

و الجوامع عامرة و عمرو خالد عنده ملايين المريدين و ملايين اكتر بيصلوا التراويح في رمضان و مش برامج دينيا بقي لا ده كان زمان دي محطااااااااات الله الله الله حلو اقوي الكلام ده و لو حد شافنا من بره يقول ده الناس دول كلهم هايروحوا الجنة طابور !!!!!

المجتمع اللي مليان تدين ده بقي لدرجة انه بيدلدق فى الشارع هو نفس المجتمع اللي البنت بتتعاكس بل و بيتحرش بها على مرأي و مسمع من الناس و محدش بيتكلم حتي يقول عيب ؟؟!!!

هو نفس المجتمع اللي اغلب سكانه بيروحوا الشغل يعدوا الساعات لحد ما يروحوا مش عشان يشتغلوا يعني هو (( ان الله يحب اذا عمل احدكم عملا ان يتقنه )) ده مش دين برضه و لا ده تفاريح و لا ايه ؟؟!!

(( تبسمك فى وجه اخيك صدقة )) ده دين برضه و لا بدعة ؟؟!!

(( رحم الله امرءا سمحا اذا باع و سمحا اذا اشتري )) ده فى الدين و لا مش في الدين في الدين و لا مش فى الدين (( انما بعثت لاتمم مكارم الاخلاق )) بالله عليكم احنا ناس عندنا مكارم اخلاق ؟؟؟؟؟ !!!!

و لو نزلت الجامع اللي جنب بيتكو تقولهم وطوا صوت الميكروفون ده لا نه عالي و مزعج حتلاقيهم واقفينلك كأنهم بيدفعوا عن الحضارة الاسلامية المنقرضة مع انهم بيدفعوا عن فعل قبيح و دميم و لا له ادني علاقة بالدين الاسلام مفيهوش ميكروفونات و لا سماعات كبيرة

شوف بنتعامل مع الموت ازاي و انت تعرف ان اغلب تدينا ظاهري
شوف العلاقة بين الراجل و مراته عاملة ازاي فى اغلب البيوت المصرية تعرف ان اغلب تدينا ظاهري
شوف اللي بيطلب منك رشوة بيصلي و لا لأ
شوف اللي كروتلك اخر شغلانه عنده زبيبة و لا لأ
شوف كام واحد باعلك حاجة قديمة على انها جديدة
شوف الناس بتكلم بعض ازاي
شوف الناس بتسوق ازاي
شوف الناس بتقتات على سيرة بعض ازاي
شوف كام واحد بيسكت على الظلم
شوف كام واحد بيظلم
شوف كام واحد مبيعملش اللي عليه
شوف كام واحد بيخاف من البني ادمين و مابيخافش من اللي خالقهم
شوف اي حاجة انت عايزها و عد كام واحد من اللي بيعملوا كل ما سبق و اكتر بيصلوا و يصوموا تعرف على طول اننا لم نتعدي قشرة قشرة القشرة بتاعة الدين الواسع السمح الجميل اللي من شأنه اذا فهمناه كما ينبغي يعمل مجتمع مختلف تماما عن اللي احنا فيه ده .
ما ينفعش التدين يبقي ستارة بنخبي وراها وحاشتنا و كذبنا و سلبيتنا و انانيتنا و عدم اهتمامنا ولا بالشغل و لا بالناس و لا بالوطن و لا بالشارع حتي بس شاطرين فى الهتافات و الشعارات و السلام عليكم و رحمة الله و بركاته .

و عشان انا متعود ان كل واحد بيسمع و بيشوف اللي هو عايزه ارجع كده إقرا الموضوع من الاول حرفا حرفا حتلاقيني عمري ما انتقدت التدين و لا الدين نفسه ابدا انا بنتقد الطريقة الجوفاء الخالية من المعني و القيمة اللي للاسف الواقع بيؤكد انها طريقة اغلبنا فى العبادة .

وانا ماجبتش سيرة المسيحيين فى الموضوع ده على فكرة مش عشان اقباط مصر كلهم ملائكة و لا حاجة بل على سبيل درء الحساسيات عشان محدش يقولي انت مالك بينا .
بس عموما انا ماكنش قصدي حتي المسلمين انا قصدي اي بني ادام عامل نفسه يعرف ربنا و يعمل حاجات من بره بس يوراي بيها الناس انه يعرف ربنا و تدور وراه تقول اكيد ده ما يعرفش حاجة خالص
الله اعلم و انا ما اعرفش حاجة ابدا بس بيتهيألي كده بيتهيألي ان صحيح الدين كله هدفه عبادة ربنا بس كمان مفيش دين فى تاريخ الارض حتي الاديان اللي البني ادمين عملوها مابيهدفش بعد العبادة على طول و يمكن حتي قبلها انه ينظم المعاملات و يرقي بالاخلاق و يقدس العمل ليعمر الارض .

 

 

[only you]

تسلم الايادى يا ملامح ولى عوده للقراءه بتاءنى

 

 

[مودة]

دعوه لموضوعي

مدونة مودتي بلا حدود

ملامح انتي رائعة
تسلمي ياقمراية

 

 

[مــــلامــــح]

دعوه لموضوعي

رســـوماتى

اقتباس تسلم الايادى يا ملامح ولى عوده للقراءه بتاءنى

الله يسلمك يا جميل

أنا فى انتظارك ^_^

اقتباس ملامح انتي رائعة تسلمي ياقمراية

الله يسلمك يا موده

كلامك هو ال دايما رائع

 

 

[le prince]

الكلام تحفه يا ملامح
شكرا

وده لينك الكتاب للى عايز يدونه
https://www.4shared.com/document/3cvLbxfT/__-___.html

 

 

[مــــلامــــح]

دعوه لموضوعي

رســـوماتى

اقتباس المشاركة الأصلية كتبت بواسطة le prince الكلام تحفه يا ملامح شكرا وده لينك الكتاب للى عايز يدونه https://www.4shared.com/document/3cvLbxfT/__-___.html

وانا أقول الموضوع ناقص ايه ؟ اتاريه ناقص رابط الكتاب ^_^

شكرااا يا برنس

 

 

[سمو الأميرة]

محتويات الكتاب تبدو رائعة

اتمنى فرصة الاستيلاء عليه .



شكرا ملامح ع المجهود الرائع ]

 

 

[مــــلامــــح]

دعوه لموضوعي

رســـوماتى

اقتباس المشاركة الأصلية كتبت بواسطة سمو الأميرة محتويات الكتاب تبدو رائعة اتمنى فرصة الاستيلاء عليه . شكرا ملامح ع المجهود الرائع ]

نورتى يا سمو الأميـــــــره

أسعدتينى بزيارتك

 

 

[D@rk_Kn!ght]

اقتباس المشاركة الأصلية كتبت بواسطة le prince الكلام تحفه يا ملامح شكرا وده لينك الكتاب للى عايز يدونه https://www.4shared.com/document/3cvLbxfT/__-___.html

برنس
شكرا يا دوك