أنا انهاردة اشتريت ممنوعات... سامحيني يا حكومة !!

[سهل جدا]

الصحف المصرية والعربية

اضطررت للذهاب إلى ذلك المكان الذي يبيع تلك الممنوعات.. بعد كثير من إلحاح الأهل.. وبعد أن سألت البائع عن مبتغاي نظر إلي نظرة متفحصة.. ليحاول من خلالها معرفة ما إذا كنت أريد فعلاً الشراء أم أنني أحد أفراد العصابة.. قصدي الحكومة..

وبعد أن اطمئن إلي وإلى نظراتي البريئة الطاهرة طلب مني أن أدفع الثمن.. وبعدها أخرج البائع الممنوعات من مكان خفي، ثم وضع الممنوعات في كيس أسود وأعطاني إياها.. بعد أن نظر يمنة ويسرة.. لأنصرف من أمام المحل في دهشة..

المحل الذي اشتريت منه عبارة عن مكتبة تبيع أدوات وكتب مدرسية

الممنوعات التي اشتريتها: كتاب "سلاح التلميذ" للمرحلة الابتدائية !!


مش عارف فيه إيه.. دا أنا لو حبيت أشتري سلاح آلي كان هايبقى أسهل من شراء كتاب سلاح التلميذ..

وللحديث بقية.. إذا كان في العمر بقية..

 

[FINETOUCH]

خليه دايما فى البلكونه علشان لو حصل كبسه ترميه بسرعه من البلكونه بس ابقى دايما امسح البصمات من عليه او تستعمله وانت لابس جوانتى

 

 

[سهى يافا]

هو سلاح التلميذ بقى من الممنوعات
عجبي

 

 

[Farida]

و الله العظيم بتحكى على اللى حصلى بالضبط انا كمان البياع اول ما قلت له قالى هشششششششششششششش و عدى الشارع الناحيه التانيه دخل عند البقال اللى فى الناحية التانيه و جالى بكيس اسود ولماحبيت اشوف طلبى قالى ارجوكى يا مدام فى البيت لو سمحتى و لما سألته على ملحق التدريبات قال لى احمدى ربنا انك لاقيتى الكتاب ده انا ممكن اخد غرامه على بيع الكتب دى بحوالى 100 الف جنيه اجيبهم منين أخدتهم و دعيت على الوزير ابن ******** يا جماعة بجد لازم نعمل حاجه لازم ندعى فى اوقات الأجابه و بقوة و احنا متيقنين من الأجابة ................لازم ندعى بشده و نوصى اخوتنا فى مكه و المدينه بتكرار الدعا على كل اللى عمل فينا كده .............

 

 

[فــيــروز]

اقتباس المشاركة الأصلية كتبت بواسطة سهل جدا الممنوعات التي اشتريتها: كتاب "سلاح التلميذ" للمرحلة الابتدائية !!..

مش يمكن عشان ده "سلاح" التلميذ و انت عارف لابد من رُخصه لحمل السلاح .. معاك رُخصه؟

هو ليه الناس بتشترى الكتب الخارجيه قبل الدراسه بزمان كده !! أنا فاكره إننا كُنّا بنشتريها بعد ما تبدأ ييجى بشهر مثلا !!

 

 

[ana_3enady]

دعوه لموضوعي

RobertInole

وكمان منعوا بيع الـ

 

 

[Prof]

أنا كمان أصدقائي عندهم نفس المعاناة دي وعملوا مغامرات عشان يجيبوا كتب خارجية برضه.

 

 

[oskasan]

ياسلاااااااام





بتتلكموا جد ولا بتهرجوا

انا باشتري سلاح التلميذ هنا اللى جاي من مصر عادي من غير تصريح ولا حاجة
ولا اتمنع السنة دي ؟

 

 

[بنت شعنونة]

معلش انا مش فاهما حاجا!
بما اني ما عنديش حد مدارس يعني

هما منعوا الكتب الخارجية؟
طب دي خطوة كويسة؟ انتوا زعلانين ليه؟؟؟؟
عشان يخلوا المذاكرة من كتب الوزارة وبس بدل المليون كتاب
والا انا مش فاهما حاجا والا ايه؟

 

 

[Prof]

المشكلة إن منعوها فجأة والناس بتعتمد عليها بشكل كبير وفيه ناس كتيييييييييييييييييييييير جداً هاتفلس.. لسه امبارح كنت باتكلم مع واحد ابتدى يدور على شغل جديد عشان الموضوع ده.. هو شغال في دار نشر بتعمل كتب خارجية.