السعودية وافقت على مساعدات لمصر بقيمة 4 مليارات دولار

[brain]

الصحف المصرية والعربية

وافقت السعودية اليوم السبت على تقديم مساعدات قيمتها حوالي 4 مليارات دولار لمصر لدعم الأقتصاد.

ووجه المشير حسين طنطاوي رئيس المجلس العسكري الحاكم رسالة شكر وتقدير لخادم الحرمين الشريفين الملك عبدالله بن عبد العزيز وحكومة وشعب السعودية على الاسهام في دعم اقتصاد مصر بما يقارب 4 مليارات دولار امريكي.

وسوف توزع الاربعة مليارات على شكل قروض ميسرة وودائع ومنح.

ومن المتوقع أن تساهم حزمة المساعدات الاقتصادية السعودية فى دعم الميزانية العامة والبنك المركزي والتنمية ومشاريع اخرى ومشتريات السندات، حيث انكمش الاقتصاد بحوالي 7 بالمائة في الاشهر الثلاثة الاولى من هذا العام.

وقال وزير المالية سمير رضوان انه يتوقع ان ينمو الناتج المحلي الاجمالي في نطاق لا يتعدى 3 الي 4 بالمائة في السنة المالية القادمة التي تبدأ في الاول من يوليو.

 

[savary]

طيب نظبط الدنيا مع بعض كدا

الأول كانوا زعلانين من محاكة مبارك

ومش عاوزينه يتحاكم

استفتاء دستورى و نتيجته تهدى دستور مصر الجديد للقوى الأسخليجيه -الأسلاميه المدعومه خليجيا -


الوضع الأقتصادى تدهور و واضح أننا كنا داخلين على مشكله كبيره

المجلس العسكرى يطلب مساعدات من الدول العربيه و يعلن دا

ويعلن أن الدول دى رفضت

أول أمبارح مرشد الأخوان - القوى التى ستضع دستور مصر الجديد -
أن زمن فصل الدين عن السياسه و فصل السياسه عن الدين أنتهى

لا تعقيب من المجلس العسكرى

أمبارح أحد أقطاب الأخوان و حزبهم قال لا نعترف بمسلم ليبرالى أو مسلم علمانى أو مسلم يسارى

برده لا تعقيب من المجلس العسكرى

والمفروض أن قانونا دا لا يجوز , المجلس العسكرى نص أن الأحزاب لا ترفع شعار دينى !!
أنهرده الأخبوان غابوا عن قوى المجلس الوطنى

بعدها

السعوديه غيرت موقفها 180 درجه وهتدى مساعدة أقتصادية لمصر !!!



ايه اللى بيدور فى الخفاء ؟؟

الناس دى ناويه على أيه ؟؟؟؟؟؟

الواضح أننا هنستعد فعلا يا برين لحمل السلاح

بس مش ضد المجلس العسكرى وحده !!

المسيحين يبقوا جاهزين بقى يا جدعان لأن المفروض أننا هنبقى فى خندق واحد

مستعدين على كافة الأصعده و على كل الأتجاهات

داخليا و خارجيا

 

 

[اسلامنا]

الله اكبر ولله الحمد
حى على الجهااااااااااااااد

=========
هو احنا مورناش غير السلف من الكل كده
سبحان الله لسه سامعه خبر ان اليابان رفضت المساعدات والشعب اتبرع ب 4 ساعات عمل اضافى بدون اجر لصالح بلده لرفع اقتصادها بدون مساعدات واحنا فالحين نعملوا اضرابات واعتصامات ونستلفوا مهو لازم كده نستلف
يارب عدى الازمه ديه على خير

 

 

[brain]

اقتباس المشاركة الأصلية كتبت بواسطة savary الوضع الأقتصادى تدهور و واضح أننا كنا داخلين على مشكله كبيره

الميزه في الاقتصاد يا سافاري انه لا يحتمل الافكار الشخصيه
الاقتصاد يساوي ارقام
لهذا السبب الاقتصاد الشيئ الوحيد اللي التاليف لم يدخل اليه بعد
نشوف بقى الناس الخبيره بتقول ايه ردا على كلامك

المركزي المصري ينفي تقريرا عن تراجع الاحتياطي الاجنبي

القاهرة (رويترز) - نفى البنك المركزي المصري يوم السبت تقريرا بثته وكالة أنباء الشرق الاوسط بأن احتياطي النقد الاجنبي للبلاد قد تراجع الى 24.9 مليار دولار.


كانت الوكالة الرسمية تنقل في تقريرها الذي بثته يوم 19 مايو أيار عن وزير المالية سمير رضوان.


وأبلغ هشام رامز نائب محافظ البنك المركزي رويترز "المصدر الوحيد للاحتياطي الاجنبي هو البنك المركزي المصري."


وقال "الرقم الصحيح 28 مليار دولار في نهاية ابريل وليس 24.9 مليار دولار كما ذكرت وكالة أنباء الشرق الاوسط."

Read more: https://www.almatareed.org/vb/showthread.php?p=602486#post602486#ixzz1N3iFKNZ2

 

 

[brain]

السؤال دلوقتي
بناء على تحليلاتك الخاصه
لماذا فعل المجلس العسكر هذا على الرغم من اعلان البنك المركزي و كافة الخبراء الاقتصاديين ان مصر لا تعاني من ازمه اقتصاديه من الاصل ؟
هل المجلس اخوانجي ؟
ام خليجي ؟
ام يتم تمويله هو كمان من الكهوف ؟
طبعا في اجابه رابعه و هي الاجابه العاديه السهله البسيطه و لكني لن اذكرها
هاسيبك توصلها لوحدك

 

 

[brain]

بالمناسبه الجميله دي احب افكر الناس بحاجه
سمير رضوان وزير الماليه فاضله كذبه و يبقى لازم له مليونيه علشان يقعد في بيتهم
الكذبه الاولى : التصريح في الصحف ان مصر في حاجه الى 13 مليار دولار مساعدات عاجله
و بعد ان هاجت الدنيا عليه و مسح الخبراء به الارض عاد و نفى الكلام و قال ان مصر تطلب 4 مليارات فقط
الكذبه التانيه : موضوع الاحتياطي المصري اللي بيقل 3 مليار في الشهر و ان الاحتياطي بتاعنا لا يكفي الا ل 9 اشهر
و ها هو البنك المركزي المصري يكذبه و لكن بأدب بالحديث عن الاحتياطي الحقيقي الموجود بعد 4 اشهر من الثوره و يقول انه الجهه الوحده المخول لها بالحديث عن الاحتياطي

فاضل لك كذبه يا عم سمير و تقعد في بيتكم
خد بالك و خليك متأكد ان ما فيش حد في الفلول هينفعك
ولا المجلس السمكري كمان

 

 

[شينكاوي]

شكرا للسعودية ونردها لكم في الافراح إن شاء الله يعني في طهور أمير او في فرح اي حد من العيلة
______________________________

اللي نفسي افهموا بجد السيد وزير المالية لما بيطلع يصرح ليه مبيتكلمش بالارقام
في اي مكان فيه الف باء اقتصاد وحسابات وارقام اذا لم تتحدث بالارقام فانت واحد
من اتنين يا اما كذاب يا اما فاشل مدلس , ال 4 مليار دولار دول رايحين فين ؟!!
في اي قطاع ؟؟ ولو قال لدعم قطاع السياحة هخلع اللي في رجلي
اللي بيشحت علشان ياكل هيفضل طول عمره يشحت
لكن اللي بيستلف علشان يستثمر هيجيله يوم ويغتني

وزير المالية شكله معندوش اي سياسة غير السلف والديون
ودا استمرار لنفس النهج اللي كان ماشي بيه المخلوع

 

 

[savary]

اقتباس المشاركة الأصلية كتبت بواسطة brain السؤال دلوقتي بناء على تحليلاتك الخاصه لماذا فعل المجلس العسكر هذا على الرغم من اعلان البنك المركزي و كافة الخبراء الاقتصاديين ان مصر لا تعاني من ازمه اقتصاديه من الاصل ؟ هل المجلس اخوانجي ؟ ام خليجي ؟ ام يتم تمويله هو كمان من الكهوف ؟ طبعا في اجابه رابعه و هي الاجابه العاديه السهله البسيطه و لكني لن اذكرها هاسيبك توصلها لوحدك

أعتقادى

عاوزين يلموا البلد شويه

عاوزين الناس تشتغل و تبطل اضرابات و اعتصامات

زى الزوج اللى بيقول لمراته مش باقى فى جيبى غير 50 جنيه لآخر الشهر
وهو شايل خمسين جنيه تانيه احتياطى

بس عشان تمسك ايدها فى المصاريف

-------------------------------------------------------------------------

فسرلى أنت بقت بتحليلاتك

تحول موقف السعوديه 180 درجه من النقيض إلى النقيض

وتزامنها مع تصريحات كالطلقات الناريه من الأخوان فى مصر !!

تصريحات لم تشهدها مصر يمكن من حكومة يكن !!


الموضوع بجد بقى عامل زى لبنان

شوف موقف ايران و تصريحات حسن نصر الله

موقف سوريا و تصريحات نبيه بيرى

موقف فرنسا و تصريحات سمير جعجع أو أمين الجميل

موقف السعوديه و تصريحات سعد الحريرى

تقدر تلاقى رابط واضح صريح باين

تقدر تلاقى موقف سياسى داخلى و خارجى بينهم سنتيميترات

صوت و صدى الصوت !

أول امبارح تصريح نارى ,, امبارح تصريح نارى
انهرده المجلس العسكرى يصمت

تعلن السعوديه تغير 180 درجه من موقفها من مصر !!

وتعلن عن دعم لمصر ب 4 مليار دولار

هى الحدايه بترمى كتاكيت ؟؟

لا الأمريكان ولا الأتحاد الأوربى بيدوا منحة ولا معونة لدولة فى العالم اعتباطا كده

كله سياسه !

والخليج نفس الأمر !

محدش انهرده بيقف جمب حد

كلها مواقف سياسية و حسابات بتدفع , محدش بيرمى فلوس فى الشارع ولا بيسلف



وربنا اللى بيحصل دا ماهو طبيعى أبدا !!

 

 

[Mizo]

طيب وانتو عايزين ايه!! ولا هنقضي تحليلات

 

 

[savary]

اقتباس المشاركة الأصلية كتبت بواسطة Mizo طيب وانتو عايزين ايه!! ولا هنقضي تحليلات

يقولوهالنا وش كده

صراحه كده

يقولولنا أن بلدنا هتلبس غطرة و عقال

عشان نبقى عاملين حسابنا عليهم على الأقل يعنى واحنا نازلين