المتقدمين للهجرة فيدرال 2011 ( الدفعة التانيه :)

[Akram Group]

الصحف المصرية والعربية

اصدقائى المطاريد الاعزاء

حبيت اننا نبدأ التوبيك الجديد ده عشان اخواننا اللى ناويين ان شاء الله التقديم فيدرال اخر الشهر الحالي
ويعتبروا الدفعة التانيه من النظام الجديد ( حلوة الدفعه التانيه دى ) وربنا يكمل على خير امور الدفعه الاولى

هنتابع هنا كل الاخبار الخاصة باللسته الجديده للمهن المطلوبة للهجرة فيدرال 2011

ونحاول نجيب اى خبر من دلوقتى عنها وعن الوظائف الجديده المطلوبه وان شاء الله كل اللى لم يحالفه الحظ
فى لسته 2010 يلاقى المهنه بتاعته نزلت السنه دى 2011

وان شاء الله نقدر نكون مجموعة جميله ومتعاونه زى المجموعه اللى مستمرة بقالها سنه على النظام الجديد
يكونوا نواه جديده لنتورك جميله هاتبدأ قريبا وده بالتعاون مع الزملاء المقيمين فى كندا ان شاء الله

 

[المتنبي]

الف مبروك يا دكتور أكرم افتتاح المغارة الجديدة
ويارب دخلتنا تكون حلوة عليكم كده

 

 

[Dr.Samo]

ألف مبروك يا أ.أكرم إفتتاح المغارة الجديدة
وان كنت شايف انها كانت تبقى إمتداد للمغارة القديمة لكن مش مشكلة
زى مغارات اللى مقدمين قبل وبعد 28 فبراير
سؤال مهم بقى .... مافيش أخبار
تقريبا باق 19 يوم على ميعاد الليستة .... ومافيش لا حس ولا خبر
ربنا يستر

 

 

[great expectations]

واضح هتبقي دفعات
يا عيني علي اللي راحوا في دفعه 67

الله يخرب بيتك يا جيسون كيني
Posted via Mobile Device

 

 

[OmarDent]

الف مبروك يا اكرم باشا المغارة الجديدة
ربنا يوفقنا جميعا للخير
و يا رب الدكتور خالد يسافر قبل ٢٠١١ ما تخلص

 

 

[eagle eye]

والله فكرة حلوة يا دكتوراكرم
هو انت مقدمتش ليه السنة اللى فاتت
بيتهيالى انت قدمت معاهم
ولا ايه ؟

 

 

[Akram Group]

الله يبارك فيكم ياجماعه
دى مغارة قانون جديد كده على الضيق

انا قولت ادعبس على اى اخبار عن اللسته الجديده وخصوصا ان احتمال كبير هاتتغير توزيع البوينتس وشكلهم هايزودوا درجات الايلتس ودرجات الخبرة كمان هاتتغير

يارب يقللوا فى درجات الخبرة عشان حبايبنا اللى لسه متخرجين يعرفوا يقدموا

عموما انا بدور على اى خبر ولو اى حد عرف يجيبلنا اخبار يبقى كتر خيره برضو

عموما انا فعلا قدمت فى الدفعه القديمه مرتين مره اترفض ورقى والمرة التانيه ورقى الحمدلله وصل مكتب لندن بس وربنا يسهل ويجيلي ميديكال فى الشهور القادمه وخصوصا انى لما قدمت تانى مره كانت السنه دى 2011

عموما بالتوفيق لينا جميعا ودعواتنا لفلول الدفعه القديمه وانا معاهم

 

 

[jagwaer]

موضوع جميل جدا
وانا معاك على طول
بس لازم يكون معنا هون شباب من الي عندهم خبرة في هاذا المجال

واول استفسار لي ما الفرق بين هجرة كيبك وهجرة فيدرالي ولا هم التنين نفس الشي
ياريت الي عندو معلومة يفيدنا ربنا يعطيه ع اد نيتو

 

 

[jagwaer]

اقتباس المشاركة الأصلية كتبت بواسطة qenawy واضح هتبقي دفعات يا عيني علي اللي راحوا في دفعه 67 الله يخرب بيتك يا جيسون كيني Posted via Mobile Device

---------------------------

استاز قيناوي تحية خاصة الك مني انا ع فكرة الي بس اقل من 10 ايام متابع المنتدى وحسيت انو انت انسان فاهم وانسان قدير المنتدى وحاب اتعرف عليك انا شخصيا
انا ثائر ريان من فلسطين - بيت لحم

تحياتي الك

 

 

[رشا جادولى]

مبروك افتتاح المغارة الجديدة.....ويارب يكون افتتحاها وش سعد على ناس كتير...
انا بسجل معاكم وانا مقدمة فيدرال 4/2011