الموظف المتهم بارتكاب الفعل الفاضح

[تومى]

الصحف المصرية والعربية

ياسر علي: الموظف المتهم بارتكاب الفعل الفاضح ترك الرئاسة من 2009

أكدت رئاسة الجمهورية أن الموظف المتهم بارتكاب الفعل الفاضح والذي صدر ضده اليوم الأربعاء حكمًا بالحبس 6 أشهر ليس له صفة برئاسة الجمهورية.

وقال د. ياسر علي المتحدث الرسمي باسم رئاسة الجمهورية إن الموظف ترك العمل برئاسة الجمهورية في 5 مارس 2009 الماضي، ولا يعمل في الرئاسة منذ ذلك التاريخ.
وكانت محكمة جنح قليوب برئاسة المستشار عمرو عبده قضت بحبس موظف برئاسة الجمهورية وربة منزل 6 أشهر وتغريمهما ألف جنيه في تهمة ارتكاب فعل فاضح في الطريق العام داخل سيارة بمنطقة "ميت نما" على الطريق الدائري بقليوب.

وكان محمود الجيوشي، محامي المتهم قد نفى خلال مرافعته ارتكاب موكله الواقعة، مؤكدًا أنه ليس له علاقة بمؤسسة الرئاسة؛ حيث انقطع عن العمل منذ 7 سنوات، وأنه يعمل موظفًا بمحافظة القاهرة.
https://www.klmty.net/2012/10/2009.html
موفقين بإذن الله ... لكم مني أجمل تحية .

 

[Eng Hesham]

هو سابها فى ٢٠٠٩ ولا سابها من ٧ سنين

ابوس ايديكوا اتفقوا على كدبه واحده قبل ما تتكلموا

حرام كده يعنى بتحرقوا اعصابنا عالفاضى

 

 

[تومى]

اقتباس المشاركة الأصلية كتبت بواسطة Eng Hesham هو سابها فى 2009 ولا سابها من 7 سنين ابوس ايديكوا اتفقوا على كدبه واحده قبل ما تتكلموا حرام كده يعنى بتحرقوا اعصابنا عالفاضى

بسم الله الرحمن الرحيم
يا باشا عندك تاريخين أختار منهم .
ال7 سنين دول بإعتبار ما سيكون مستقبلا , يعنى لما حنبقى فى سنة 2016 حيبقى بقاله 7 ولا لأ ؟
و بعدين يا باشا أنت يهمك أيه فى التواريخ المهم أنه مكنش فى الرياسة و خلاص .
يا باشا مفيش كذب ولا حاجة دول بيحاولوا يكرهوا الناس فى الإسلاميين صدقنى ولو الإسلاميين سابوا الحكم البلد حتولع .
أحمد ربنا أن فى ناس بتتقى ربنا و وطنية بيحكموا مصر و مش حيسيبوها تقع مهما حدث ( طبعا أنت فاهمنى ) ,ولا تنسى أنك فى قلبى .

 

 

[Eng Hesham]

طب بذمتك يا راجل يا طيب
الكذب دا مش بيأكدلك مليون ٪ انه فى رئاسه الجمهوريه
وبعدين تشويه ايه هو حد لمسكوا

 

 

[تومى]

اقتباس المشاركة الأصلية كتبت بواسطة Eng Hesham طب بذمتك يا راجل يا طيب الكذب دا مش بيأكدلك مليون ٪ انه فى رئاسه الجمهوريه وبعدين تشويه ايه هو حد لمسكوا

بسم الله الرحمن الرحيم
يا باشا مش كذب ولا حاجة , ممكن يكون محرر الخبر غلط فى نقل الخبر أكيد لو عايزين يكذبوا مش حيكذبوا بالطريقة الهبلة دى , سيبك من الكلام ده , متشغلش دماغك بالكلام ده كله بيطلع فى الغسيل , سيبك من الناس البتسخنك على الفاضى .
أنا بقول تشويه عشان شيفك متحفز بس , متحطش فى دمغك الكلام ده و على فكره أنا بقولك الكلام ده عشان متوجعش دماغك لأنك عشان تبتدى تحس بإزدهار مش أقل من 10 سنين الإسلاميين بيأسسوا دولة منتهية .

موفق بإذن الله ... لك مني أجمل تحية .

 

 

[Eng Hesham]

يعنى دلوقتى الخطا على المحرر
شكله كان ساقط ابتدائيه ومبيعرفش يجمع
لا داعى لوجود اى مبررات اكتر من كده يا اخ تومى
بجد محدش محتاج تسخين عليكوا
انتوا اصلا ماشيين تكتسبوا اعداء من الهوا
اقسم بالله لو ما فيه معارضه تنفس قليلا من غضب الشعب
لكان مرسى الان بصحبه مبارك
ومازلتم فى غيكم تعمهون حتى ستيقظون يوما على ثوره تاكل الاخضر واليابس
وحسبى الله ونعم الوكيل

 

 

[shawi]

زمان فيه جيران لينا في مصر الجديده مكتوب على باب بيتهم

فلان الفلاني موظف بالقوات الجويه

وسالت مره مين ده وبيشتغل ايه...قالوا لي الله يرحمه كان سواق العميد طيار فلان الفلاني

وعربيه المرحوم اللي بيسوقها ابنه ملصق على لوحه الارقام علامه القوات الجويه
في مصر المحامي بيلصق ميزان العداله والدكتور او الصيدلي شعار مهنته والمحاسب شعار النقابه والمهندس زيه

يا باشمهندس هشام طول نفسك

انت خرجت من مسؤوليات الاداره علشان ترتاح وتكتب براحتك
خليك كبير ده انت مهندس.....اديها 20% توليرانس!!!!بالمناسبه حضرتك تخصصك في اي مجال من مجالات الهندسه....الاي تي في كندا ما بيحتاجوش معادله
خد وقتك واشغل نفسك بشهادتين من سيسكوا وانسى الهم اللي اسمه خميس...ده حيفيدك اكثر الف مره من مقارعه امور ليس من ورائها طائل
تعرف لو الخلاف في جوهر الموضوع ما كنتش علقت ابدا...........بس نضيع الوقت فيما ليس من وراءه طائل امر غير محمود