هل يقبل الثوار بهذه الصفقة ..حتى حين؟؟!!!!

[HanyMan]

الصحف المصرية والعربية

والله يا سندباد باشا انت عبرت عن كل اللى حاسة وفهمة من الصفقات
فعلا هناك من باع وقبض
وهناك من أستنسخ على انهم ثوار
والدليل على ذلك 2 من أعضاء مجلس الشعب المعينين من المجلس كل ما بسمع كلام منهم بحس انى عايز أرجع(يع)
وأكتر حاجة بتغيظنى ببقى عايز افرتك التلفزيون لما اسمع جملة (الثوار الحقيقيون) يا راجل دة فى يوم واحد سمعتها بتاع 18 مرة منهم 12 مرة فى مجلس الشعب واللى كان بيقولها اعضاء التيار الاسلامى
تحس ان فى حد بيلقن الناس دى وكأنهم على خشبة مسرح

 

 

[SindBad]

اقتباس المشاركة الأصلية كتبت بواسطة HanyMan والله يا سندباد باشا انت عبرت عن كل اللى حاسة وفهمة من الصفقات فعلا هناك من باع وقبض وهناك من أستنسخ على انهم ثوار والدليل على ذلك 2 من أعضاء مجلس الشعب المعينين من المجلس كل ما بسمع كلام منهم بحس انى عايز أرجع(يع) وأكتر حاجة بتغيظنى ببقى عايز افرتك التلفزيون لما اسمع جملة (الثوار الحقيقيون) يا راجل دة فى يوم واحد سمعتها بتاع 18 مرة منهم 12 مرة فى مجلس الشعب واللى كان بيقولها اعضاء التيار الاسلامى تحس ان فى حد بيلقن الناس دى وكأنهم على خشبة مسرح

صدقت يا هاني باشا والله
بس مش اتنين دول اكتر من اتنين

العجيب واللي يثبت تورط المجلس العسكري وباقي المجالس
تقبلهم لهؤلاء رغم يقينهم انهم كاذبون
فيه ناس كتير ماتت كمداً بسبب "الثوار الحقيقيون"

انت تعرف انا اقترحت زمان في 14/02/2011 لما بدأت معمعة الثورة تنفض
قلت المفروض المجلس العسكري يرسل نواب من عنده ويسجلوا الثوار الحقيقيون
عشان المندسون والهليبة ما يستغلوش الثورة ويسترزقوا من وراها
الفكرة كانت تبدو صعبة التنفيذ، لكنها سهلة وبسيطة في نفس الوقت
كان ممكن يدخلوا على الفايس بوك وتويتر ويسجلوا اسماء النشطاء
وكانوا وقتها واضحين وظاهرين، وعلى فكرة الحل ده ما زال قائم وممكن تنفيذه
المشاركات والحسابات على تويتر والفايس موجودة ولا يمكن فبركتها اللهم الا قليلاً
ممن تم اختراق حساباتهم، ودول مشهورين ومعروفين
بس المجالس مجتمعة مش عايز تعترف بان فيه ثوار حقيقيون فعلاً
اكتفوا بصناعة ثوار من عندياتهم مثلما كان يفعل النظام السابق، من تصنيع للمعارضة

 

 

[Virus]

المجلس ياسندو عارف كويس قوي جدا مين الثوار اللي بجد ومين اللي ليهم تأثير..ولعلمك كلهم قعد معاهم في الشهور الأولى من الثورة وثبتهم بأحلى كلام قبل ما يحط إيده في إيد الاسلاميين اللي قالوله احنا هنكفيك شرهم وقبل ما يحس إن الخونة والعملاء من الاعلاميين كتييييير جدا في البلد دي وممكن يظبطوه آخر حاجة من غير ما يتعب نفسه..

ومن ساعتها ركز إنه يقبض على الناس دي..يضربهم..يشنع عليهم أي حاجة من كده..

 

 

[SindBad]

اقتباس المشاركة الأصلية كتبت بواسطة Virus المجلس ياسندو عارف كويس قوي جدا مين الثوار اللي بجد ومين اللي ليهم تأثير..ولعلمك كلهم قعد معاهم في الشهور الأولى من الثورة وثبتهم بأحلى كلام قبل ما يحط إيده في إيد الاسلاميين اللي قالوله احنا هنكفيك شرهم وقبل ما يحس إن الخونة والعملاء من الاعلاميين كتييييير جدا في البلد دي وممكن يظبطوه آخر حاجة من غير ما يتعب نفسه.. ومن ساعتها ركز إنه يقبض على الناس دي..يضربهم..يشنع عليهم أي حاجة من كده..

طبعاً يا فيرس، كلامك صحيح
كل المجالس مش المجلس العسكري بس
عارفين الثوار الحقيقيين بالواحد
وده من أكبر دليل على صحة الصفقات التي تمت والتي تُعرض حالياً

طب ايه رأيك يا فيرس لو الثوار قبلوا الصفقة الاخيرة
اللي هي يرضوا بالأمر الواقع وياخدوا استراحة محارب لمدة 4 شهور
حتى 30 ستة، ويبدأوا في الفترة دي يحسنوا صورتهم
عند العامة والاغلبية اللي هما الــ72%، ويوهموهم أنهم خلاص
مش هينكدوا عليهم وانهم رجعوا لحظيرة الشعب
ويشتغلوا من تحت لتحت، زي ما المجالس شغال،
بالشكل ده ممكن ينجحوا تاني على 25 يناير الجاي
بتكلم بجد
يعني يثبتوا المجالس، فيحلوا عنهم ويبدأوا يعترفوا بيهم
في الاثناء دي الثوار يرتبوا اوراقهم وينقوا صفوفهم من الاختراقات
ويحشدوا على صح، وياريت يبدأوا حتى في عمل جمعية أهلية
تضم غالبية الثوار، وتقدم خدمات اجتماعية للمناطق العشوائية
اعتقد نسبة الجوع اللي ف البلد، هتخلي اقل مجهود يظهر
بشرط يمتنعوا عن الذهاب للتحرير حتى 30 يونيو
وبعدها يروحوا كل جمعة بس لعرض لوحات بمطالب خفيفة
لطيفة وعمل حفلة لإحياء ذكرى الشهداء فنية وكده
زي كرنفال اسبوعي، هيجتمع الناس حواليهم شوية شوية
الاول عشان يشمتوا فيهم وبعدين للفرجة عليهم
وف الاخر هتلاقي التضامن بدأ يزيد معاهم
ويضرب المجالس المتربعة في مقتل

 

 

[Virus]

والله أنا ياسندو كنت بقول زيك كده من بعد المسخرة بتاعة العباية والكباسين والمهزلة دي..وبعدين حوار الشرعية باللبن والشرعية بجوز الهند..

قلت وعلى إيه اناس تبهدل نفسها كده...ماكل واحد يقعد في بيته ويتفرجوا على العمة وهي بتتقلوظ تمام التمام وبعدها يبقى الناس يعرفوا قيمة الكلام اللي كان بيتقال..

حاجة كده زي اللي البرادعي عملها..بدل ما البشر بستغله لتشويه الثورة سابهم مع نفسهم يحاربوا طواحين الهواء وتسقط ورقات التوت عنهم..

اللي غير رأيي تماما هو الطاقة المهولة والاعداد الخرافية اللي شفتها في 27 يناير..حاجة فعلا تخليك تؤمن جدا أننا منتصرون لا محالة...ساعتها عذرت رموز الثورة من الشباب اللي محاطين بالجو المشحون ده طول الوقت ومديلهم أمل للكفاخ والاصرار للنهاية..

على أي حال..احنا كده كده وصلنا خلاص للمنعطف الأخير..الترشيح فتح والانتخابات آخر مايو..

مظنش هيكون في خطوات تصعيدية أخرى الا لو حصلت مجازر أخرى..

بالعكس في إيمان شديد إن عسكر كاذبون والسلاسل حققت نجاح أكبر بكتير جدا من العصيان مثلا..وكان في كلام عن التحرك للمحافظات..

لكن غالبا هيكون في شوية أفلام وحيشتكانات على الدستور اللي المفروض كده هيتسلف في شهر ولا حاجة..وده غالبا هيستدعي شوية مظاهرات ويمكن أكتر..هنشوف..

هذا والله أعلم..

 

 

[mohamed elhakim]

إن السياسة مليئة بالصفقات ونعوذ بالله من الذين يريدون الاضرار بمصلحة الوطن

 

 

[SindBad]

اقتباس المشاركة الأصلية كتبت بواسطة mohamed elhakim إن السياسة مليئة بالصفقات ونعوذ بالله من الذين يريدون الاضرار بمصلحة الوطن

الصفقات تظهر وتتجلى الان وبوضوح شديد
ويستفيد من له باع طويل في النشاط الصفقي

شكراً لمرورك الكريم