بخصوص اللاندنج خارج كيبيك للحاصلين على CSQ

[bongeorge]

الصحف المصرية والعربية

السلام عليكم ورحمة الله وبركاته

أنا أفكر فى عمل اللاندنج فى أونتاريو بالرغم من حصولى على فيزا كندا كيبيك و سمعت أنه ربما يقوم ظابط الهجرة هناك فى أونتاريو أن يقوم بمنع عملية اللاندنج لأنى مختار من كيبيك و ليس فيدرالى.

السؤال هو هل هذا الكلام صحيح ؟ هل يستطيع ظابط الهجرة هناك ان يقوم بألغاء عملية اللاندنج؟ و لا ممكن يغلس بس ؟

 

[midomansour]

ضابط الهجره من حقه انه مايدخلكش البلد بدون ابداء اسباب ودي من سلطاته لكن الحالات قليله جدا جدا اما عنانك تعمل لاندنج في مقاطعه غير كيبيك فممكن عادي جدا
لكن ممكن يغلس عليك في الضمان المالي اللي معاك يعني في فرق كبير جدا بين كيبيك واونتاريو او الفيدرال بشكل عام وممكن يمضيك علي ورقه باحضار اموال اكثر بكثير زي ما عمل مع زميله فاضله هنا في المنتدي

 

 

[midomansour]

اقتباس المشاركة الأصلية كتبت بواسطة bongeorge السلام عليكم ورحمة الله وبركاته أنا أفكر فى عمل اللاندنج فى أونتاريو بالرغم من حصولى على فيزا كندا كيبيك و سمعت أنه ربما يقوم ظابط الهجرة هناك فى أونتاريو أن يقوم بمنع عملية اللاندنج لأنى مختار من كيبيك و ليس فيدرالى. السؤال هو هل هذا الكلام صحيح ؟ هل يستطيع ظابط الهجرة هناك ان يقوم بألغاء عملية اللاندنج؟ و لا ممكن يغلس بس ؟

المشاركه دي للأسِتاذه ايناس احمد

[SIZE=×4]طبعا اول ماوصلنا مطاركندا حمدنا ربنا اننا وصلنا بالسلامه بعد الرحله الشاقه لينا وللاولاد
ذهبنا للجوازات ماخدناش تقريبا دقيقتين وويلكم تو كندا
لحد هنا الحمدلله الامور ماشيه تمام مفيش مشاكل
توجهنا بعد ذلك لظابط الهجره ومن هنا بدأ تعب الاعصاب لان ظابط الهجره عمل معانا موقف سخيف جدا تعب اعصابنا فى اول لحظات لينا فى كندا
احكى لكم المشكله بالتفصيل
طبعا ذى ماقلت لكم فى الاول اننا كنا من الاساس مقدمين كيبك وكنا متخوفين من اننا نغامر وننزل اونتاريو من غير مانعمل لاندنج فى كيبيك بس توكلنا على الله وقلنا احنا معانا فيزا فيدرالى لدخول كندا كلها مش بلد بعينها بس كنا قلقانين من المبلغ المالى اللى ناخده معانا احنا كنا ماضيين مع كيبك اننا ندخل ب 5000دولار كندى وكان المبلغ الكاش اللى معانا اكتر من كدا فلما سأل زوجى عن المبلغ اللى معاه قاله 7000دولارامريكى وهو سمع الكلمه دى من هنا واتجنن اذاى جاى كندا بأولادك وممعاكشى غير سبع الاف انت المفروض انك داخل اونتاريوامش كيبيك والمفروض يكون معاك 23000كاش

طبعا انا كنت فاهمه من المنتدى هنا اننا مينفعشى نشيل اكتر من10000كاش ودا اللى خلانا نقول كدا قلنا بلاش نقول عشره علشان الورقه اللى ماضينها مع كيبك فقلنا نقول سبعه
ويحاول زوجى يقنعه اننا معانا فيزا لبنك فى مصر وفيها حسلب لينا ودا ابدا اثبت لى
يديله كشف حسلب كنا عاملينه من البنك فى مصر قبل سفرنا ودا ابدا مش راضى يقتنع
يقوله انا لى اموال فى السعوديه وحتتحول لى بعد فتره يقوله اثبت لى
طبعا بدات اعصابنا تتعب ومش عارفين نرضى سعادته اذاى
ويزيد فيه ويقول انت معاك اطفال حتصرف عليهم منين احنا حكومتنا مبتديش اعانات
قلناله احنا مش جايين هنا علشان اعاناتكم احنا هنا لان حكومتكم اختارتنا ووافقت علينا للهجره ليها
ودا برضه مفيش فايده يقول انا المفروض دلوقتى ارجعكم مصر تانى وبكل قله ذوق بس انتو حاطينى فى موقف محرج لان الفلوس اللى معاكم متكملشى تمن التذاكر
المهم طولت عليكم انتهى الموضوع بانه مضانا اننا داخلين ب 15000دولار ودا مكانشى حقيقى
طبعا احنا عارفين انه مش من حقه يعمل معانا كدا بس الموقف والله ياجماعه كان صعب علينا بعد رحله سفر طويله ومتعبه وكنا مش ناقصيين مشاكل من اول لحظه لينا فى كندا

ودا كان اول انطباع لينا فى كندا بس للاسف كان سىء جدا وتعبنا وتعب اعصابنا وخلانا نسينا فرحه وصولنا لكندا

معلشى انا اسفه انى اكتب لكم اول انطباع لى فى كندا ويكون سىء بس لازم اكون صريحه معاكم
للحديث بقيه ان شاء الله[/SIZE]

Read more: https://www.almatareed.org/vb/showthr...#ixzz1MjOCvkBP