علشان انت مصري - احمد فؤاد نجم

[yasovinas]

الصحف المصرية والعربية

يمكن تكونوا قريتوهاقبل كده او وصلتكم على الايميل لكنها دايما بتوجع ولازم ما ننسهاش
لذلك حبيت افكركم بيها وش واحد غتت قوي
مساء العكننه

عشان انت مصرى

عشان انت مصرى لازم تعانى

وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى

عشان انت مصرى العذاب بيناديك

بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك

ورايح لشغلك حتحتاج مواصله

ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت

عشان انت مصرى وده للاسف

فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

__________________________________________________

 

[sanaa]

ياسو بعض الكلمات مشبكه في بعضها
هي الحروف مشبكه ولا لما عملت المدخله شبكت في بعضها

ياريت تفصلها

 

 

[yasovinas]

تم التعديل يا افندم

 

 

[sanaa]

اقتباس المشاركة الأصلية كتبت بواسطة yasovinas تم التعديل يا افندم

حاجاتبترازيك



شكرا يافندم

انا حاولت اقراء الكلمه دي ابدا بس لما فصلتها الحمد الله عرفت

 

 

[savary]

اقتباس المشاركة الأصلية كتبت بواسطة yasovinas يمكن تكونوا قريتوهاقبل كده او وصلتكم على الايميل لكنها دايما بتوجع ولازم ما ننسهاش لذلك حبيت افكركم بيها وش واحد غتت قوي مساء العكننه عشان انت مصرى عشان انت مصرى لازم تعانى وتفقد كرامتك بكل المعانى وتحرق فى دمك سنين مش ثوانى واوعى تصدق كلام الاغانى بتاع الحضاره وكانى ومانى ده كله هجايص مايدخل ودانى عشان انت مصرى العذاب بيناديك بتبدا فى يومك حاجات بترازيك فى نومك فى قومك تعكنن عليك تضايقك ولسه العماص فى عينيك مافيش ميه تشطف صابونه فى ايديك وجسمك ملزق وريحتك عاديك فتلبس وتنزل وفيك اللى فيك ورايح لشغلك حتحتاج مواصله ادى المترو واقف وكهربته فاصله وفى الميكروباص خناقه وحاصله اوتوبيس فرامله عايزالها وصله وتوك توك ده تايه ومحتاج لبوصله بتوصل لشغلك بدم اتحرق فى زحمه وكتمه وحر وعرق رئيسك سايبلك كومه ورق ده غير دمغه ضايعه وملف اتسرق وفى كام مواطن عامللك قلق بيشكى تقول له روح اندعق وعركه وهوجه وشاى اندلق ومخك خلاص من الصداع اتفلق هترجع لبيتك ده لو كان فى بيت هتوصل هتندم ياريتك ماجيت مراتك بتصرخ خلاص استويت عيالك بتطلب وهات كيت وكيت تزعق تهاتى ياناس اتهريت ولاحد سامعك مهما هاتيت عشان انت مصرى وده للاسف فلازم تاسى تعيش تتقرف وكل الاساسى فى حياتك ترف فتنسى الكرامه وتنسى الشرف وتسرق وتنصب او تنحرف ودمعك بيجرى وجرحك نزف مش انت اللى مصرى؟؟؟ جتك القرف __________________________________________________

اولا يعنى القصيده دى مش لاحمد فؤاد نجم
هى انتشرت على النت بسبب النقل و ان الناس مش بتدور و الاسلوب مشابه للفاجومى

بس الفاجومى وطنى اصيل
18 سنه معتقلات و بيكحل عينه بتراب البلد دى
وعمره ما يقول
مش انت اللى مصرى جاتك القرف


دا كلام لشاعر ميعرفش قيمه مصر و مهما الواحد شاف من بلده بسبب العصابه
فلا يجوز سبها بالشكل دا

بس هى مدرسه مصر مش امى مصر مرات ابويا
فى الصحافه والادب و الشعر
مدرسه دائه السباب لمصر وكأن مصر هى السبب فى الخنوع و الخضوع و فقدان البوصله و الكرامه و النخوه و الرجوله من معظم الجيل دا من المصريين

والمشكله الاكبر انهم جبناء اوى
مستحيل تلاقى واحد منهم نازل فى مظاهره ولا وقفه احتجاجيه
ولا يعمل اضراب ولا اعتصام ولا اى عمل يبين بيه اعتراضه على الاوضاع

هى شتيمه فى مصر وبس
ومحاسبتها العسيره على كل تفصيله من تفاصيل حياتهم

الادهش انهم مش بيحاولوا حتى يسافروا او يهاجروا و ينجحوا برا مصر
لانهم اساسا مش بيعرفوا ينجحوا فى اى مكان




اخيرا القصيده دى لشاعر عاميه اسمه الدكتور عادل عيد

 

 

[yasovinas]

للحقيقة بحثت كثيراُ عن هذه القصيدة ووجدتها اكثر من مرة وفي اكثر من موقع منسوبة لاحمد فؤاد نجم واما موضوع انها ليست له وانها لعادل عيد فليس هناك اي مرجع
على كل حال القصيدة مهما كان قائلها فهي للاسف تتحدث عن الواقع المؤلم
وبصراحه انا شخصياً شابف اننا السبب فيما وصلنا اليه ونستاهل اللي يحصل فينا لاننا كما يقولون (نملنا من كثرة الضرب والسرقة وال،،،،،،،)
ماعلينا