بث مباشر من بلاد الجد والهزل والقانون ... (مواقف وخواطر شخصية)

[biopasha]

الصحف المصرية والعربية

احيانا بيكون فيه امتحان نظري العملي ودا بيكون عبارة عن تجارب علي الورق مثلا دي تفاصيل امتحان الامس :

- احمد عمل التجربه الفلانيه وكتب خطوات التجربه كما يلي ١، ٢، ٣، ٤،،،الخ ... في كراسة المعمل .. نواتج التجربه لم تكن علي مايرام ..

اجب علي الاسئله :

١- بعد قراءتك لخطوات التجربه التي كتبها احمد في كراسته .. هل تستطيع اكتشاف الخطأ او الاخطاء الذي ارتكبها في التجربه ..

- اثناء دروس العملي استخدمنا الجهاز التالي .. قمت بنفسك باستخدامه وظهرت لك النتائج التاليه ( مثلا منحنيات هيستوجرام ) .. بم تفسر نتائج الجهاز ... عند استخدامنا الماده الفلانيه لم تكن النتائج كالمتوقع .. ما تفسيرك باختصار ..

قمت بتحليل لمعرفة فصائل الدم لعينتين لشخصين مختلفين .. وكانت النتيجه كالتالي تجلط في العينه ١ بعد اضافة كذا .. في العينه ٢ حصل كذا ... الخ .. مافصائل الدم في العينتين !

 

 

[biopasha]

وطبعا عشان اللي اوله شرط آخرُه نور ...
لازم يوضحوا حتي مجرد المصطلحات المستخدمه في الاسئله ...
يعني :
معني كلمة بم تفسر : انك تشرح الاجابه في حدود كيت وكيت ...
كلمة ارسم مع البيانات : معناها كيت وكيت
كلمة اشرح باختصار معناها كيت وكيت ..

 

 

[biopasha]

وطبعا الدرجه علي كل سؤال لازم تكون واضحه جدا وبالتفصيل علي كل نقطه في الاجابه .. عشان الطالب يبقي عارف هيكسب او هيفقد كم درجة في حالة اصاب او اخطأ ..

 

 

[biopasha]

لو عندك مشكلة شخصيه .. ارق .. مشكلة في الدراسة مثلا رسوب في ماده ما .. مشكله في فهم ماده معينه زي الحسابات .. الكيمياء ..الخ .. عندك مشكلة عاطفيه ..

الجامعة بتوفر معالجيين نفسسين للمعاونه في حل المشكله في سرية تامه ...

 

 

[biopasha]

هتكلم بصراحة عن المقارنه بين طريقة التعليم في مصر وهنا ومش هقدر احكم فيما اقول حكم نهائي ..

التعليم عندنا يفتقد الهدف .. المناهج ايضا متكلسه وصلبه بالمقارنه بما اري هنا ..

هنا يكون كل هم الكورس هو التركيز علي الشئ المفيد عمليا في الواقع بعكس الدراسه عندنا .. يعني بيدلك الخلاصه ويعيد ويزيد فيها لغاية ما تفهمها وتتقنها وتبقي جزء من حياتك .. مين مايعرفش يمسك كوباية ميه ويشرب ؟؟ هدفهم من الكورس انك تتقن الحاجات المهمه اللي بتمكنك من الشغل العملي لاقصي درجه كأنك بتشرب كوباية ميه .

مثال عشان اوضح اكتر .. درست في صيدلة مادة ( حاسب الي ) .. في اعدادي صيدله ..
ياتري كان ايه هدف الكورس وازاي افادني فيما بعد ؟؟؟

علما ان درجتي في الكورس كانت جيد جدا .. والحق يقال اني لم اكن افقه فيه شئ علي الاطلاق ..
الكورس كان يتكلم عن لغة الحاسب الالي الرقميه اللي من الف سنه فاتت .. بازيك .. دوس .. لابلابلابلابببب ...

عفوا .. مالي انا كطالب صيدله غير متخصص بلغة الكومبيوتر القديمه وقصتها .. هل دا درس تاريخ ولا درس كومبيوتر يساعدني في شعلي فيما بعد ..

طبعا نسبة الاستفاده من الكورس في حياتي العمليه ( سالب) -١٠٠٠ ٪ ليه ؟؟ لأنه مش بس مستفدتش منه ولا كلمه فيما بعد لكن عطلني اثناء دراستي لأنه كان حشو فارغ ...

في المقابل هنا لو حبوا يدولك كورس كومبيوتر كطالب صيدله او هندسه او اي مجال غير متخصص هيدولك الخلاصه ..
هيعلموك ازاي تشتغل علي الاكسل والورد والوبور بوينت .. ازاي تعمل برزنتاسيون ، ازاي تدخل بيانات علي برنامج في شركه وبس خلاص ويعيدوا ويزيدوا فيهم لحد ما تحفظهم ..

 

 

[m.eisa]

ربنا يوفقك يا دكترة ونسمع عنك كل خير ......وبانتظار المزيد

 

 

[biopasha]

اقتباس المشاركة الأصلية كتبت بواسطة m.eisa ربنا يوفقك يا دكترة ونسمع عنك كل خير ......وبانتظار المزيد

تسلم ياجميل .. د. عيسي .. الله يكرمك

 

 

[gigoo]

المشكلة ان استاذ الجامعة او المدرس بيفكر بمفهوم الموظف,هروح الشغل الساعة كذا ,هدخل المحاضرة او الحصة الفلانية الساعة كذا,وهقبض اخر الشهر مرتبي واهو انا كدة كدة متثبت في الحكومة,يبقي ادوش دماغي بحاجة تانية ليه......علي فكرة مكنتش بلاحظ الكلام ده في الدكاترة الي واخدين الدكتوراه من خارج مصر (كلية علوم)