الابتسامة وكازا بين اديكي يا كندا أسئلة كازوكية ... خليكوا معانا :)

[kaza]

الصحف المصرية والعربية

السلام عليكم ومرحبا يا رفاق الدرب

أنا حساس ان موضوعي هيتقفل ويتحدف بس بكل أمانة ماعرفتش أحطه فين لانه مابيندرجش تحت بند معين :)

أنا ولله الحمد اتطلب مني الباسبور وبدأت دماغي توديني وتجبني وتلعب بنفسيتي ..
المهم أنا عايز خبرات حضرتكم وآرائكم معايا وحدة وحدة ...


أنا نويت اكتر من 90٪ انزل برتش كولومبيا مش عشان أي حاجة بس عشان حبيتها وبس ومش حساس انه في فرق بين مقاطعات كندا عندي أنهم كلهم نفس الشيء نسبة وتناسب...

طيب عايز إيه يا كازا ؟؟

عايز اعرف ...

أولا أنا ناوي اعمل لاندنج تقريبا 50 يوم أو 40 واعمل زي ما عمل أخي العزيز م.عبدالرحمن افتح صندوق بريد بعنوان سكن عشان لما يبعتوا ألبي آر كارد لقيت المحامي بيقولي اليوم
ماينفعش لازم اقل حاجة لاندنج 4 اشهر ليييييييييييه
بيقول لأنهم أولا ممكن يطولوا فعلا المدة دي كلها وكمان لانه احتمال كبييييير يطلبوك تيجي تستلم هم بنفسك !! إيه مشورتكم في الموضوع ده ؟ وأنا صعب اقعد أساسا 4 اشهر
أنا مش عايز مجازفات وهل ممكن اعمل تفويض للمحامي يستلمها عني ؟

ثانيا عايز أسافر لو استلمت الفيزا بإذن الله آخر شهر 1 هل ده موسم مناسب في كندا للقاء الأول ؟ بمعنى الجو والزحمة والسياحة الإجازات الرسمية ؟


الطيران : نفسييييي بطيران مفهوش زحمة عموما بفكر ب كي ال أم أو لو فيه طيران دايركت من مصر لفانكوفر


اللستة بتاعت الحاجات اللي هجبها معايا ... أنا مش حجيب أي حاجة ولا اكل ولا مطبخ ولا ذهب ولا سيارة ولا عفش هل اطبعها واكتب مفيش حاجة ؟

إيه ؟؟ إيه أخبار السكن اعمل إيه ! فندق ؟ كتيييييير 40 يوم ده باجت ولا في اوفرز ؟ ولا ممكن اأجر شقة لمدة شهر و أسبوعين ؟ هو ينفع اجر شهر و كم يوم السيستم ده موجود ولا هتعب ومش هلاقي إلا بالحظ؟ وإيه الأوراق اللي حيطلبوها ؟


موضوع مهم ألبي آر اعمل إيه فيها يعني أمتى وفين ؟ هل فيه فورما اطبعها ولا وأنا في المطار هيعملوهالي ؟

لغاية دل وقتي دا اللي في بالي

 

[kaza]

وبحب الناس الرايقة اللي بتقرا على طول

مفيش ولا مشاركة ؟

 

 

[alaashabana]

الف مبروك يا كازا وان شاء الله تكون رحلة موفقة

طبعا انا مش فى كندا علشان كدة مقدرش افيدك بس حبيت ادخل واباركلك

لكن لية متشوفش اى حد قريب من فانكوفر او اى مقاطعة تانية جنبها يستلك منك الكروت وكمان تخلى معاه صور احيتاطى يمكن الصور اللى انت هتبعتها بعد الشر يكون فيها غلط فى المقاسات

كمان بالنسبة للسكن لو انت هتروح تعمل لاندنج لوحدك ممكن تشوف السكن الشيرنج - متهيالى دكتور احمد صاحب توبيك انا وانتم وتورنتو كان اتكلم فى الموضوع دة - لكن لو عائلة متهيالى يبقى لازم تأجر شقة - لكن فندق هيبقى مكلف على كلام بعض الاخوة فى مواضيع سابقه

بالنسبة للطيران لو مش لاقيت حاجة دايركت ممكن تشوف حاجة ترانزيت مطار ابو ظبى ومنها ابو ظبى لفانكوفر على طول - متهيالى ممكن تلاقى - وابو ظبى كويسة والمطار بتاعها جميل اوى

موضوع العفش والحاجات دى من رايى انك تطلبها وتكتب فيها كل حاجة - محدش عارف بكرة هيحصل اية خصوصا انها ببلاش بدون اى مصاريف لكن فى المستقبل هتفيدك لو حبيت تجيب اى حاجة من مصر -

كمان ممكن المايسترو يفيدك اكثر بما انه فى فانكوفر ويقدر يقولك على اماكن السكن باسعار كويسة -
بالتوفيق يارب ورحلة موفقة ان شاء الله

 

 

[kaza]

الله يبارك فيك وتشكر يا زوووق :)
يعني لو حسيب المحامي يستلم ممكن من غير تفويض رسمي يستلم أوراق رسمية ؟

 

 

[ديما]

لسه ما وصلتش الاراضي الكندية
معنديش افادة للاسف
بس اعتقد كل اسالة حضرتك لها اجابات بس في توبيكات متفرقة في المنتدى
كتير من الافاضل شرحوا كل حاجة بالتفصيل
بالتوفيق يا رب

 

 

[canada wait me]

سوف يتم ترك الموضوع لمدة يومين
ربما تجد اجابة ان شاء الله
وسوف يتم نقلة بعد ذلك
بالتوفيق

 

 

[kaza]

شكرًا للجميع
و Canada wait me
أنا بشكرك على المساعدة وأنا بشوف ان اليومين كافيين بالنسبة ليا .. فل الفل

يالاه يا جماعة شدوا حيلكوا معايا :)

 

 

[طبيبة مصرية]

السلام عليكم ورحمة الله وبركاته
الأخ الفاضل كازا...بالنسبة ليناير الجو صعب جدا خاصة انك مهما تشترى من عندك مش حيبقى زى التجهيزات اللى هما بيعملوها هنا..و اعتقد مش حيبقى عندك وقت طويل تنزل و تشترى وكده..بص لو تقدر تأخر لأبريل أو بعده يبقى أحسن...كمان التذاكر قى فبراير و مارس أرخص كتييير ...
بالنسبة للسكن جهز كل حاجة على النت ماتسبش حاجة للظروف...دى نصيحتى لكل المطاريد...كل حاجة صغيرة أو كبيرة جهزها و اعرف عنها كويس قبل ما تيجى.... نظام أروح و ربنا يسهل هناك صعب جدا...أنا طلبوا منى ضامن يكون معروف لهم بس والباسبورات وحساب البنك لو موجود بس دى بتفرق من مكان للتانى علشان كده لازم تسأل كويس و تراسلهم و تكون تقريبا متفق معاهم قبل ما تيجى...اما السكن المؤقت أنا ماعنديش خبرة فيه بس موجود..وربنا يوفقك و يسرها لك ان شاء الله

 

 

[Dr. Ahmad]

اقتباس المشاركة الأصلية كتبت بواسطة kaza السلام عليكم ومرحبا يا رفاق الدرب وعليكم السلام ورحمة الله وبركاته ... اتفضل أنا حساس ان موضوعي هيتقفل ويتحدف بس بكل أمانة ماعرفتش أحطه فين لانه مابيندرجش تحت بند معين :) ما تقلقش ... ان شاء الله هتلاقي له بند معين يندرج تحته ... غالبا هيبقى بند المحذوفات أنا ولله الحمد اتطلب مني الباسبور وبدأت دماغي توديني وتجبني وتلعب بنفسيتي .. المهم أنا عايز خبرات حضرتكم وآرائكم معايا وحدة وحدة ... ألف مبروك يا باشا أنا نويت اكتر من 90٪ انزل برتش كولومبيا مش عشان أي حاجة بس عشان حبيتها وبس ومش حساس انه في فرق بين مقاطعات كندا عندي أنهم كلهم نفس الشيء نسبة وتناسب... طيب عايز إيه يا كازا ؟؟ عايز اعرف ... أولا أنا ناوي اعمل لاندنج تقريبا 50 يوم أو 40 واعمل زي ما عمل أخي العزيز م.عبدالرحمن افتح صندوق بريد بعنوان سكن عشان لما يبعتوا ألبي آر كارد لقيت المحامي بيقولي اليوم ماينفعش لازم اقل حاجة لاندنج 4 اشهر ليييييييييييه بيقول لأنهم أولا ممكن يطولوا فعلا المدة دي كلها وكمان لانه احتمال كبييييير يطلبوك تيجي تستلم هم بنفسك !! إيه مشورتكم في الموضوع ده ؟ وأنا صعب اقعد أساسا 4 اشهر أنا مش عايز مجازفات وهل ممكن اعمل تفويض للمحامي يستلمها عني ؟ ينفع تأجر صندوق بريد ... وينفع تعمل توكيل لمحامي ... ممكن كمان تتحجج لهم بأي حاجه لو حصل لا قدر الله أن في مشكله في الصور وتقول لهم انك اضطريت تسافر .. وترجع تدخل كندا عن طريق ال landing paper ... أفضل حاجه لو قلقان أنك تعمل توكيل لمحامي ثانيا عايز أسافر لو استلمت الفيزا بإذن الله آخر شهر 1 هل ده موسم مناسب في كندا للقاء الأول ؟ بمعنى الجو والزحمة والسياحة الإجازات الرسمية ؟ ده موسم زي الفل ... شهر يناير وشهر فبراير يعني قمة البرد .. كل حاجه تتعلق بالفسح بتكون قافلة ... بصراحة ميعاد ممتاز لو عايز تكره كندا أو يجيلك اكتئاب ... بس بصراحه مش عارف فانكوفر نظامها ايه الطيران : نفسييييي بطيران مفهوش زحمة عموما بفكر ب كي ال أم أو لو فيه طيران دايركت من مصر لفانكوفر لا أعلم والله اللستة بتاعت الحاجات اللي هجبها معايا ... أنا مش حجيب أي حاجة ولا اكل ولا مطبخ ولا ذهب ولا سيارة ولا عفش هل اطبعها واكتب مفيش حاجة ؟ لو هتدخل كندا من غير شنط ... يبقى ما تجيبش ورق معاك أصلا .. ( طبعا أقصد الشنط المشحونه ) وليست ال hand bag ... الفكره في الليسته هي فقط لاختصار الوقت عليك .. لو مش كاتب حاجه ومعاك شنط .. الأوفيسر احتمال يخليك تملأ الأستمارة في المطار ... أما لو تقصد الليسته بتاعة الحاجات اللي هتشحنها .. فلو مش هتشحن حاجه ... برضه ما تكتبش أي لسته ... بس انت مش هتخسر حاجه لو كتبت كل ممتلكاتك .. حتى لو مش هتجيبهم ... جايز تغير رأيك في خلال 5 سنين إيه ؟؟ إيه أخبار السكن اعمل إيه ! فندق ؟ كتيييييير 40 يوم ده باجت ولا في اوفرز ؟ ولا ممكن اأجر شقة لمدة شهر و أسبوعين ؟ هو ينفع اجر شهر و كم يوم السيستم ده موجود ولا هتعب ومش هلاقي إلا بالحظ؟ وإيه الأوراق اللي حيطلبوها ؟ انت ممكن تنزل في فندق عشر أيام .. وبعدين تشوف شقة مفروشة المدة الباقيه ... وممكن تلاقي حاجه بتتأجر باليوم ... لازم تدور على الفندق من على النت من عندك .. وبرضه الشقه .. تشوفها من النت قبل ما تيجي ... مش بيطلبوا منك أي حاجه لأنك بتدفع الشهر مقدم ... المهم أنك ما تدفعش ولا مليم قبل ما تشوف الشقة .. لأن في نصابين كتير ... الا لو عن طريق شركة ايجار موضوع مهم ألبي آر اعمل إيه فيها يعني أمتى وفين ؟ هل فيه فورما اطبعها ولا وأنا في المطار هيعملوهالي ؟ في المطار بيعملوها .. الا لو كانوا غيروا النظام لغاية دل وقتي دا اللي في بالي

....

 

 

[Dr-Alrefa3y]

اقتباس المشاركة الأصلية كتبت بواسطة kaza ماينفعش لازم اقل حاجة لاندنج 4 اشهر ليييييييييييه بيقول لأنهم أولا ممكن يطولوا فعلا المدة دي كلها وكمان لانه احتمال كبييييير يطلبوك تيجي تستلم هم بنفسك !! إيه مشورتكم في الموضوع ده ؟ وأنا صعب اقعد أساسا 4 اشهر مش لازم 4 شهور ,شهرين كفاية ويمكن اقل ,,والكروت غالبا بترسل بالبريد مش بتستلمها بنفسك الا لو فيه خطأ بالصور بترجع تتصور وترسل الصور الصحيحة ثانيا عايز أسافر لو استلمت الفيزا بإذن الله آخر شهر 1 هل ده موسم مناسب في كندا للقاء الأول ؟ بمعنى الجو والزحمة والسياحة الإجازات الرسمية ؟ ذى ما قال احمد باشا ,,فانكوفر بتكون الفترة دى درحة الحرارة حوالى 7 مفيش سنو بس الجو ممطر الطيران : نفسييييي بطيران مفهوش زحمة عموما بفكر ب كي ال أم أو لو فيه طيران دايركت من مصر لفانكوفر مفيش طيران ديركت انت بتتكلم فى 20 ساعة طيران ,, كى ال ام كويسة اللستة بتاعت الحاجات اللي هجبها معايا ... أنا مش حجيب أي حاجة ولا اكل ولا مطبخ ولا ذهب ولا سيارة ولا عفش هل اطبعها واكتب مفيش حاجة ؟ مش مهم تكتب اى شىء طالما مش هتجيب شىء إيه ؟؟ إيه أخبار السكن اعمل إيه ! فندق ؟ كتيييييير 40 يوم ده باجت ولا في اوفرز ؟ ولا ممكن اأجر شقة لمدة شهر و أسبوعين ؟ هو ينفع اجر شهر و كم يوم السيستم ده موجود ولا هتعب ومش هلاقي إلا بالحظ؟ وإيه الأوراق اللي حيطلبوها ؟ اجر شقة مفروش لمدة شهرين احسن وارخص من الفنادق وعلى الاكل تعرفوا تطبخوا فيها بخلاف الفندق موضوع مهم ألبي آر اعمل إيه فيها يعني أمتى وفين ؟ هل فيه فورما اطبعها ولا وأنا في المطار هيعملوهالي ؟ البى ار اوتمامتك بيرسل على عنوانك دون التقديم علية لغاية دل وقتي دا اللي في بالي