ديكورات وتصميم داخلي

[أحمد باشــا]

الصحف المصرية والعربية

اخواتي و اخواني المطاريد





موضوعنا النهاردة .... هنحاول ان نضفي لمسة جمال على اساس علمي سليم للمكان اللي عايشين فيه سواء كان بيت او عمل او غيره



التصميم الجيد المدروس بعناية و به لمسات جمالية من ذوقنا الخاص بتعطي تأثير نفسي ضروري لأدخال البهجة و الحيوية على حياتنا و تمنع الرتابة و الملل



الموضوع قطعا كبير و لا يمكن ان يدعي احد انه يتغطى كاملا .... لكن هنحاول ان نذكر الأساسيات و نعطي أمثلة .... و نتناقش مع بعض ..... و نجاوب على كل الأسئلة .... و ربنا يقدرنا

هأحاول ابتدي بطريقة غير تقليدية شوية .... لأن لو ابتديت بشرح الأساسيات نظريا فغالبا الحديث هيبقى جاف و موش هيشد حد .... نأخر بعض النقاط و نقدم نقاط أخرى منعا من الملل



سأبدأ أول حلقة من الموضوع بعنوان " كيف تجعل غرفتك الصغيرة تبدو كبيرة "








و منتظر تعليقاتكم و اراؤكم

مع تحياتي

 

[ابتسامــة]

بالتأكيد موضوع الديكور الداخلي على قائمة اهتماماتي
فبالطبع سأكون متابعة مخلصة للموضوع
اختيار موضوع البداية صائب جدا
في الانتظار

 

 

[nash]

أحمد باشا بك

اللون الأبيض في الديكورات بيأسرني .. حقيقي بجد..

الديكور بالنسبه لي يعني شجر اخضر ..سوفت لايت .... فرش بسيط جدا جدا...

شخصيا لا استحمل الزحمه ولا الدوشه في الفرش ..وبستغرب من الناس اللي بتصمم علي غرف كامله سواء سفرة أو انتريه او صالون وخصوصا لازم وحتما يكون مدهب ...

حاليا بفكر بالنسبه لفرش الأنتريه يكون عبارة عن صوفا أوف وايت ..ومعاها كرسيين اللي هما بظهر عالي شويه والمساند منخفضه ..ويكون لونهم زيتي ... وياسلام لو تابلوهين علي الحيطه اللون الغالب عليهم البرتقالي في التركواز ...في الاخضر..

وقف معايا الموضوع في لون الستاير ..والله بتكلم بجد....

مش عايزة زحمه في المكان علشان ألاقي مكان للشجر ...مش حابه الزرع الصغير طبعا الشجر هايكون صناعي وهاطعمه بزرع طبيعي .....

بكرة النجف بطريقه غير عاديه ..وبحب الإضاءات البسيطه جدا ....

هاحاول اشارك بصور تقريبيه....بس عايزة أوضح اني بحب فرش الأوتيلات البسيط وفي نفس الوقت عملي وشيك ...

محدش يفهمني غلط ويفكر اني بروح الاماكن دي لا سمح الله ...بس شوفتها في الافلام

ولو عند حضرتك نصائح هاكون سعيده جدا

 

 

[أحمد باشــا]

اقتباس المشاركة الأصلية كتبت بواسطة ابتسامــة بالتأكيد موضوع الديكور الداخلي على قائمة اهتماماتي فبالطبع سأكون متابعة مخلصة للموضوع اختيار موضوع البداية صائب جدا في الانتظار

يشرفني متابعة و مشاركة حضرتك في الموضوع

 

 

[ابتسامــة]

بالنسبة للموضوع المقترح الأول
وهو كيف تجعل غرفتك الصغيرة تبدو كبيرة
طبعا سأترك النصائح العملية المحترفة لحضرتك
لكن سأدلي بأفكاري :

_ استخدام اللون الأبيض كلون للجدران

_ استخدام المرايا الكبيرة لتعطي إحساس بالاتساع

_ استخدام قطع الأثاث صغيرة الحجم وقليلة العدد


منتظرة التعقيب والنصائح المحترفة


كل التقدير

 

 

[أحمد باشــا]

اقتباس المشاركة الأصلية كتبت بواسطة nash أحمد باشا بك اللون الأبيض في الديكورات بيأسرني .. حقيقي بجد.. الديكور بالنسبه لي يعني شجر اخضر ..سوفت لايت .... فرش بسيط جدا جدا... شخصيا لا استحمل الزحمه ولا الدوشه في الفرش ..وبستغرب من الناس اللي بتصمم علي غرف كامله سواء سفرة أو انتريه او صالون وخصوصا لازم وحتما يكون مدهب ... حاليا بفكر بالنسبه لفرش الأنتريه يكون عبارة عن صوفا أوف وايت ..ومعاها كرسيين اللي هما بظهر عالي شويه والمساند منخفضه ..ويكون لونهم زيتي ... وياسلام لو تابلوهين علي الحيطه اللون الغالب عليهم البرتقالي في التركواز ...في الاخضر.. وقف معايا الموضوع في لون الستاير ..والله بتكلم بجد.... مش عايزة زحمه في المكان علشان ألاقي مكان للشجر ...مش حابه الزرع الصغير طبعا الشجر هايكون صناعي وهاطعمه بزرع طبيعي ..... بكرة النجف بطريقه غير عاديه ..وبحب الإضاءات البسيطه جدا .... هاحاول اشارك بصور تقريبيه....بس عايزة أوضح اني بحب فرش الأوتيلات البسيط وفي نفس الوقت عملي وشيك ... محدش يفهمني غلط ويفكر اني بروح الاماكن دي لا سمح الله ...بس شوفتها في الافلام ولو عند حضرتك نصائح هاكون سعيده جدا

بأذن الله هأجاوب على أي سؤال

شوفي يا ناش بك اختيارك للأبيض ده ارتياح او ذوق شخصي

لكن لو تابعتي معانا هتعرفي ان كل الألوان جميلة ( على فكرة الأبيض ليس لون ) و السر في طريقة اختيار اللون او درجة تشبعة أو مساحته او علاقته بالألوان الأخرى الموجودة معه

حكاية اختيار غرف كاملة كلاسيكية او تصميمات مودرن فهو ذوق شخصي من جهة و ضرورة من جهة أخرى .... و كمثال ذكرتيه هو غرف الفنادق او الموتيلات ... طبعا لازم تكون عملية و مريحة و المساحة مهمة جدا فلابد ان يكون التصميم مودرن ... لكن لو كان جناح فخم في فندق او قصر مثلا فربما يكون الكلاسيك اختيار موفق لو تكاملت معه العناصر الأخرى

فكرة ادخال الطبيعة من الخارج للداخل مثل النباتات او الحدائق الداخلية و الأكواريوم و احواض السمك و الباثيو بتعطي حياة و تجدد دائم للمكان

برضه عناصر الأضاءة لا بد ان تفي بالغرض منها من حيث كمية الأضاءة المطلوبة للأستعمالات المختلفة و مدى ملائمتها و تكاملها مع باقي العناصر الأخرى .... و لأنك تكرهين الكلاسيك تقريبا فأصبحتي لا تطيقين النجف .... لكن هناك اشكال أخرى غير تقليدية لعناصر الأضاءة غير اشكال النجف التقليدي تتماشى بشكل جميل و فعال مع التصميمات المودرن و تتكامل معها

خليكي معانا هتغيري رأيك في حاجات كتير

 

 

[أحمد باشــا]

اقتباس المشاركة الأصلية كتبت بواسطة ابتسامــة بالنسبة للموضوع المقترح الأول وهو كيف تجعل غرفتك الصغيرة تبدو كبيرة طبعا سأترك النصائح العملية المحترفة لحضرتك لكن سأدلي بأفكاري : _ استخدام اللون الأبيض كلون للجدران _ استخدام المرايا الكبيرة لتعطي إحساس بالاتساع _ استخدام قطع الأثاث صغيرة الحجم وقليلة العدد منتظرة التعقيب والنصائح المحترفة كل التقدير

فعلا الكلام ده صحيح .... لكن هناك نصائح و اساسيات اخرى كثيرة جدا

الأبيض ( موش لون خالص ) حل جيد و لكنه يتساوى تقريبا مع كل الألوان ذات النصوع العالي ( فاتحة جدا ) و ذات درجة التشبع المنخفضة ( باهتة ).... ميزته انه يتماشى مع كل الألوان عيبه انه يعطي أحساس بالملل و اللاحياة على عكس الألوان المبهجة

انا شخصيا افضل استعماله في الأسقف

حالا لما اروح للبيت سأبدا في الموضوع الأول .... نقتله بحثا

 

 

[nash]

أنا معاك حضرتك....

لإن بجد بحب الأفكار العمليه البسيطه..وفي نفس الوقت بحب الأناقه الغير متكلفه....

علي فكرة لنت مليان صور للبيوت والديكورات ...أنا نفسي التوبيك ده يكون عنوان للشرح مع الصور مش مجرد صور وخلاص ....

وياسلام يا احمد باشا بك... لو أثرينا الموضوع بصور عمليه في متناولنا جميعا بعيد عن التكلف والإمكانيات الماديه الباهظه الي قد لايتحملها البعض

 

 

[oskasan]

اقتباس المشاركة الأصلية كتبت بواسطة nash وياسلام يا احمد باشا بك... لو أثرينا الموضوع بصور عمليه في متناولنا جميعا بعيد عن التكلف والإمكانيات الماديه الباهظه الي قد لايتحملها البعض

ايون
وكمان مساحات شقق واقعيه
لحسن انا شايف الصور كأن أصحاب الشقق فاتحين الشقه على بعضها وعاملينها صالة وحمام
عايزين غرف من نظام 4×4 متر فوق شويه تحت شويه ماشي
لكن اوضة نوم 10 × 10 مش تبعنا
حتى الصاله شكلها متصوره من ريسبشن فندق
او مأجر دورين وفاتحهم صاله للشقه
وماتنساش اوضة الغسيل لحسن دى مهمه جدا

 

 

[nash]

والله يا أوسكا وانا بدور علي صورة تقريبيه للي في دماغي فوجئت ...وبلا حسد ناس كتيرة مصورة بيوتها للإستعراض فقط ... طبعا انا ماحسدتهمش خالص خالص علي المساحات الخيال ولا علي استايل الفرش الكلاسيك ...وقولت لنفسي الأثاث دمه تقيل( حقد ) مش اكتر ...

نفسي أنزل صور من مجله ايكيا ..فيها إختراع لطيف جدا وانا بصراحه منفذاة هنا ..فوق طاوله الطعام بتنزل وحده إضاءة بمستوي الرأس للجالس علي المقعد..والإضاءة نفسها mirorr lamp فلا تسبب اي ضيق للجالس ...

إن شاء الله لو لقيت الفكرة هانل صورة ليها...

حقيقي موضوع رائع