رشحوا حشيش أميناً عاماً للأمم المتحدة

[حشيش]

الصحف المصرية والعربية

أخواتى وأخوتى الأعزاء

فكرت طويلاً قبل أن أطلب منكم ملئ نموذج ترشيحى لمنصب الأمين العام للأمم المتحدة خلفاً للسيد Ban Ki Moon وإرساله إلى مقر المنظمة بالولايات المتحدة الأمريكية

سبب رغبتى فى الترشح لهذا المنصب الرفيع إنه ممكن يطلع لنا منه لقمة طرية لو ربنا يسرها لى وفُزت وطبعاً حينوبكم من الحب جانب

تابعت ماذا يفعل بان كى مون خلال سنوات توليه رئاسة المنظمة وتدربت عليه جيداً ومش ناقص حاجة غير ملئ النموذج

لو حصلت أى مصيبة فى أى حتة فى العالم فكل المطلوب منى أن أختار من بين هذه العبارات بعناية:

أُعرب عن قلقى

أو

أُعرب عن أسفى

أو

أُطالب جميع الأطراف بضبط النفس

أو

أشجب وأندد وأدين

أو

أعرب عن خالص التعازى لأسر الضحايا

بس كده ... ولايمنى يابا على الدولارات

 

[biopasha]

like

انا موافق وهرشحك

 

 

[حشيش]

اقتباس المشاركة الأصلية كتبت بواسطة biopasha like انا موافق وهرشحك

خد دى دلوقتى دفى بيها سدرك ... الشتا داخل علينا

 

 

[imatinib]

مش تقول فيها فلوس؟
داحنا نقفلك الانتخابات يا باشا
و اتعاب البلطجية عليا
بس مش تنساني فى كرسي جنبك
انا باعرف العب طاوله و دومينو احسن من سوزان رايس

 

 

[biopasha]

اقتباس المشاركة الأصلية كتبت بواسطة حشيش خد دى دلوقتى دفى بيها سدرك ... الشتا داخل علينا

يدوم ياريس
تسلم لنا

 

 

[عالي مستواها]

هرشحك ومش عايزه منك.حاجه
عشان هنقلب عليك واسجنك

 

 

[ysma]

الشعب يريد إسقاط حشيش

 

 

[حشيش]

أشكر كل من رشحونى للمنصب الرفيع وأعدكم أن أكون عند حسن ظنكم إن شاء الله

 

 

[ysma]

اقتباس المشاركة الأصلية كتبت بواسطة حشيش أشكر كل من رشحونى للمنصب الرفيع وأعدكم أن أكون عند حسن ظنكم إن شاء الله

مش خايف من ثورة الجياع.... قصدى الضفادع؟!

 

 

[NazeeH]

أنا فاهم قصدك من المنصب بأنها "لقمة طرية" و " أكل ومرعى وقلة صنعة" .. وسفر رايح جاي ببلاش وحراسة ومنجهة وفخفخة ...
---------
بس في الأول والآخر الأمين العام عبارة عن "شرابة خُرج"

وانت عندي قيمتك أعلى من كدة بكتير ...

وإذا كان على الفلوس والدهب والياقوت والمرجان ..

ينفع أشيل لك الشنطة يا ريس