بشــري ســـارة جـدا للازواج .. ولكنها ستصدم الزوجات

[Eng Hesham]

الصحف المصرية والعربية

بشري سارة جدا للرجالة تعطينا الامل في ان تعود الامور الي طبيعتها والي امكانية ان يحيا الرجال مع زوجاتهم بسعادة واطئمنان بعيدا عن النكد الاسري الذي اصبحت الزوجات مدمنات عليه ولا يستطيعون ان يعيشوا مع ازواجهم الا اذا قلبوا حياتهم الي نكد مستمر
والبشري السارة هذه المرة تأتي من ماليزيا
فقد نشر خبر عن اعتزام احدي المنظمات الاسلامية في ماليزيا اقامة ناد للزوجات المطيعات بهدف تدريب الزوجات علي معاملة الازواجواسعاد الازواج وتجنب العنف المنزلي وقالت المؤسسة لهذا النادي ان الوصفة السحرية للسعادة الزوجية هي الخدمة والطاعة و التسلية
والخبر منشور في جريدة زيه ستار
.
يعني الكلام جاي من الستات ومن ماليزيا يا اخونا يعني محدش يطلع يقول لي اني من اعداء المرأة او اني رجعي ومن العصر الحجري واني متخلف وثقافتي ذكورية والكلام المحفوظ دا
وبعدين احنا بنحب الكلام المستورد والنظريات اللي جايه من بره ي وخصوصا الستات تموت في الحاجة المستوردة وعشان كدا جبنا ليها المرة دي دراسة اجنبية عشان تقتنع وتنفذ اللي فيها من غير تعب ولا وجع دماغ
.
وانا ادعوا الازواج لنشر هذا الخبر والتمسك به وتخيلوا نفسكم يا ررجالة عايشين مع زوجة مطيعة خدومة مسلية يا سلام دي تبقي عيشة تمام التمام ولو استدعي الامر نعمل مليونية للتأكيد علي هذه المطالب الثلاثه التي لم تعد موجودة
.
وانا احذر الزوجات المصريات من ان يركبوا دماغهم ويرفضوا تنفيذ الدراسة لانه وقتها ممكن الازواج يبحثوا عن زوجات ماليزيات فيهم الثلاث صفات دي وده طبعا مش هيكون حلو للستات خالص لان الزوجة الماليزية بهذه الصفات ستكون ذات قوة ثلاثية ستقضي علي الزوجة المصرية في وقت قصير ولن يكون هناك اي منافسة بينهم وبين الزوجات النكديات المصريات
.
فالافضل للازواج والزوجات في نفس الوقت ان تسمع الزوجة المصرية النصيحة الماليزية وتنفذها بكل دقة وان تكون مطيعة خدومة مسلية وانا اوعدها لو عملت كدا الزوج هيشلها علي دماغه وهتبقي عنده اغلي حاجة في الدنيا وهتكون القعدة في البيت اجمل وقت يقضية الزوج
كما ان الزوجة التي ستنفذ هذه الوصية ستجد زوجا محبا متعاونا مقدرا لكل ما تقوم به من اجله
كدا ولا ايه

 

[oskasan]

والله ما بتفرق معاهم


بكرة لو حصل الكلام ده في مصر
هاتلاقى شعار المرأه في المرحلة القادمة


أحب اعرفك ان المنظمة دي ما أثرتش علينا
إحنا اللى أثرنا في المنظمة

 

 

[nash]

مستفز انت وموضوعك علي الصبح يا هشام

طيب وليه التعب بنظريات ونوادي وندوات

طيب مايروح ويشتري كيس لب اسمر سوبر ويروح السيرك ... أوفرله منها هايتسلي ويزأطط ومنها يريح دماغه من الزن والنكد


علي رأي طلعت غريب انت أوي يا هاني



قال قال الخدمه والطاعه والتسليه

عند مامتهم يا ادهم

 

 

[بندق]

لا أدرى الحوار الذى كان بين برنارد شو وكاتب آخر (مغرور) لما قال له نحن نكتب بحثا عن الشرف وأنت تكتب بحثا عن المال .. فرد شو .. كل يبحث عما ينقصه

الكلمتين دول هم بيت القصيد

 

 

[مدى]

اقتباس المشاركة الأصلية كتبت بواسطة nash مستفز انت وموضوعك علي الصبح يا هشام طيب وليه التعب بنظريات ونوادي وندوات طيب مايروح ويشتري كيس لب اسمر سوبر ويروح السيرك ... أوفرله منها هايتسلي ويزأطط ومنها يريح دماغه من الزن والنكد علي رأي طلعت غريب انت أوي يا هاني قال قال الخدمه والطاعه والتسليه عند مامتهم يا ادهم

حبيبة قلبي

 

 

[بنت الشاطئ]

دعوه لموضوعي

مدونه بنت الشـــــــــاطئ

اقتباس المشاركة الأصلية كتبت بواسطة Eng Hesham فقد نشر خبر عن اعتزام احدي المنظمات الاسلامية في ماليزيا اقامة ناد للزوجات المطيعات بهدف تدريب الزوجات علي معاملة الازواجواسعاد الازواج وتجنب العنف المنزلي وقالت المؤسسة لهذا النادي ان الوصفة السحرية للسعادة الزوجية هي الخدمة والطاعة و التسلية

واضح ان الزوجات بقو ملطشه

واحدة عايزة ترجعنا لعصر الجوارى والتانى عاوز يحولنا لعرايس ماريونت كدة تضحك وكدة

تخدم وكدة تسلى طيب ماتروحو تشترو عروسه بالريموت كنترول وحتبقى اوفر

الموضوع دة لازم له وقفه اعتصام لغايه ماناخد حقوقنا وكل الرجاله تعترف

باننا من ابناء آدم مثلهم

لنا نفس الحقوق وعلينا نفس الواجبات واكثر ونمتلك جهاز عصبى قابل للانفجار وساعتها

ياويلكم وياسواد ليلكم

 

 

[geuvara]

طب في فرع للجمعية بالاردن؟؟؟؟

حلوة الفكرة

وياريت يكون كمان جمعية على ضوئها للرجال

 

 

[Night Angel]

يا عزيزى هشام الزوجات بيعاملو ازواجهم بمبدء " مش هنمشى ..... هو يمشى ... "فعلشان كده متحيرش نفسك كتير بجمعيات وغيره -- اسمع كلام ناش وسلم امرك لله

 

 

[ELSOHAGY]

فى مصر هيعملوا نادى للزوجات...شعاره
"ازى تحطى جوزك فى اكياس بلاستيك من غير ماتبوظى المنيكير بتاعك"

 

 

[fatfouta]

ايه المواضيع اللى ضد الزوجات دى اللى ملت المنتدى

حد يغتال هشام