رحلتي الي مكتبه الاسكندريه

[النجم الثاقب]

الصحف المصرية والعربية

بعد اذنك يا جلاكسى انا هعتبر الموضوع بتاعى


الصور دى من الميل بتاعى .. هبتدى بعرض صور للمكتبة من الخارج









الجدار الخلفى للمكتبة .. أكبر جدار دائرى فى العالم ( كما ذُكر فى الميل )













المكتبة من الداخل





























المتاحف





























القبة السماوية

 

 

[فــيــروز]

اقتباس المشاركة الأصلية كتبت بواسطة galaxy يوم الاتنين اللي فات قمت برحله لمكتبه الاسكندريه...انا عمري ما زورتها قبل كدا للاسف.......

معقووووووووووله !! إزّاى .. دى مصيبه















الصراحه أنا كمان لحد دلوقت عمرى ما زرت المكتبه مصيبه فعلا .. و الأمصب من كده بقى -بس محدّش يشتم - أنا عمرى ما زرت الهرم 86 فيا رب يكتب لى زيارتهما قبل ما اموت

 

 

[النجم الثاقب]

اقتباس المشاركة الأصلية كتبت بواسطة فــيــروز معقووووووووووله !! إزّاى .. دى مصيبه الصراحه أنا كمان لحد دلوقت عمرى ما زرت المكتبه مصيبه فعلا .. و الأمصب من كده بقى -بس محدّش يشتم - أنا عمرى ما زرت الهرم 86 فيا رب يكتب لى زيارتهما قبل ما اموت

ايه ده .. معقوووووووووولة فى حد مازارش الهرم لحد دلوقتى !!










يعنى مش أنا بس

 

 

[galaxy]

قادر كريم يكتبهالكوا عن قريب عشان نيتكوا الحلوة بس........


قولولي بقي كمان ان ما روحتوش الاقصر واسوان .......ولا المتحف المصري؟؟؟

 

 

[النجم الثاقب]

أنا رحت الأقصر و قنا .. لكن مرحتش أسوان ولا المتحف المصرى مع إنى كنت بعدى من جنبه كتيييييير

 

 

[فــيــروز]

أنا رحت الأقصر و أسوان سنة 2002 فى رحله نيليه
الرحله باختصار غير مخلّ كانت : رائعه .. و "أسوان" أجمل من "الأقصر" و نيلها فاتن و كان نفسى وقتها أنهى حياتى هناك .. قصدى يعنى أتقاعد فى "أسوان"
و أفكّر فى تكرار الرحله الشتاء القادم إن شاء الله

رحت المتحف المصرى بس ماحبيتوش الحقيقه .. يمكن كنت بحاجه لرؤية شئ أكثر تنظيما يعيننى على الفهم و من ثمّ الاستمتاع و يمكن أنا اللىّ مش وش متاحف

 

 

[ابتسامــة]

بجد صور المكتبة في الليل أكثر من رائعة
وصوركم للمتحف والقبة السماوية أغرتني جدا للمحاولة جاهدة لزيارتها مرة أخرى ومش هدخل المكتبة هدخل المتحف والقبة السماوية الأول لأني بمجرد دخولي المكتبة بنسى نفسي قدام الكتب.... عندي إدمان كتب بجد مدمنة رائحة ورق الكتب


فيروزة والنجم بجد مزورتوش الأهرامات قبل كده ان شاء الله تزوروها لأنها جميلة جدا بس طبعا في الشتا أوعو تطق في مخكم وتروحوا في الصيف ....

أوافقك جيدا يا فيروز على روعة أسوان النيل في أسوان مش ممكن خرافي المنظر بجد .... بس عجبتني الأقصر كمان هو يبدو من انطباعاتك حتى عن زيارة المتحف انك مش من هواة الآثار ... ولو سمعك زاهي حواس اللهم أنه هيطلب سحب الجنسية منك أنا الصراحة من هواة الآثار جدا وطلعت عين المرشد السياحي في رحلة الأقصر وأسوان وحتى لما زرت المتحف كانت المرشدة هايلة جدا وعجبها اوي اهتمامي الشهادة لله البنت كانت بتحب شغلها ...

 

 

[النجم الثاقب]

اقتباس المشاركة الأصلية كتبت بواسطة ابتسامــة فيروزة والنجم بجد مزورتوش الأهرامات قبل كده ان شاء الله تزوروها لأنها جميلة جدا بس طبعا في الشتا أوعو تطق في مخكم وتروحوا في الصيف ....

لااااااااا..الصيف بتاع مطروح ..اللى بقالى كام سنه مرحتهاش مش بتاع المصريين القدماء

 

 

[فــيــروز]

اقتباس المشاركة الأصلية كتبت بواسطة ابتسامــة فيروزة والنجم بجد مزورتوش الأهرامات قبل كده ان شاء الله تزوروها لأنها جميلة جدا بس طبعا في الشتا أوعو تطق في مخكم وتروحوا في الصيف .... أوافقك جيدا يا فيروز على روعة أسوان النيل في أسوان مش ممكن خرافي المنظر بجد .... بس عجبتني الأقصر كمان هو يبدو من انطباعاتك حتى عن زيارة المتحف انك مش من هواة الآثار ... ولو سمعك زاهي حواس اللهم أنه هيطلب سحب الجنسية منك أنا الصراحة من هواة الآثار جدا وطلعت عين المرشد السياحي في رحلة الأقصر وأسوان وحتى لما زرت المتحف كانت المرشدة هايلة جدا وعجبها اوي اهتمامي الشهادة لله البنت كانت بتحب شغلها ...

آه والله مازرتش الهرم خالص ..
رغم إن شكله حلو و بيقول .. قصدى يعنى ممكن آخد له صور جميله

اللىّ عجبنى فى "الأقصر" المعابد بس كنت بين اختيارين إمّا الاستماع لشرح المرشد و إمّا التصوير و اخترت التصوير بصراحه ..

كمان عرض الصوت و الضوء فى "الكرنك" اللىّ باللغه العربيه شئ لا ينسى .. خصوصا مع هيبة أصوات الممثلين بتوع زمان و الموسيقى المصاحبه للعرض

"أسوان" بقى النيل فيها تحسّى إنّه كائن حىّ و له مهابه و شخصيه مش زى النيل التعبان بتاعنا اللىّ فى القاهره ده و أنا عندى هوس بأى شئ له علاقه بالنيل .. ده غير إن الناس هناك ناس جميله فعلا حسّيت إنّهم أطيب من ناس "الأقصر" ..

لكن بالنسبه للمتاحف هى فعلا مش سكّتى لأنّى مابحبش الأماكن المغلقه .. أينعم باحب الحاجات القديمه بس مش لدرجة التواجد فى متحف خاصة لو مش منظّم زى المتحف المصرى و مفيش حد يشرح لك أى حاجه عن اللىّ بتشوفيه .. ده كان الحال وقت ما رحت و المرّه اللىّ رحتها كان بسبب وجود بعض الوقت بين مهمّتين فى وسط البلد وماكنتش عارفه أقضّيه فى إيه فقلت أزور المتحف ..

 

 

[galaxy]

[SIZE="6"]رحلات المتاحف دي كانت ايام المدرسه وكانت وقتها ممتعه جدا...........زلكن بقي الاقصر واسوان طلعتهامع الكليه وكانت تحفه بجد وكانت الاقصر بديعه ووادي الملوك والكرنك مالوش حل.....الصوت والضوء........... ونيل اسوان لا يوصف فعلا.........كنا بنقضي اليوم كله تقريبا في المركب عشان نتنقل من مكان لمكان........ولو رجعنا الفندق للاكل او لاي غرض.كنا بنكون متلهفين للعودة تاني ليه.......الغروب هناك بيقول كلام كتير يا جماعه والميه ليها سحر تاني ......ان شاء الله ناويه اكررها مع العائله بس عن طريق النيل ......حساها هتكون احلي واجمل كتير وكمان هحس بيها اكتر من قبل كدا اول مرة.........[/SIZE]