كلينتون ستلتقي طنطاوي وتبحث دور الجيش المصري في الانتقال الديمقراطي

[محمد علي عامر]

الصحف المصرية والعربية

الجزيرة مباشر مصر: كلينتون أعلنت أنها ستلتقي المشير طنطاوي غدا وتبحث دور الجيش المصري في الانتقال الديمقراطي


بأي صفة يلتقي طنطاوي وزيرة الخارجية الأمريكية؟؟
من الذي يسمح لوزير الدفاع بمقابلتها؟ هل هو رئيس الجمهورية ؟؟ أم أن وزير الدفاع هو الذي قرر ذلك وليشرب رئيس الجمهورية من البحر؟؟

أليس من العار أن تتوسط وزيرة الخارجية الأمريكية بين وزير الدفاع ورئيسه ( وليس بين الرئيس ووزير دفاعه فقد أصبح وزير الدفاع بامتلاكه للدبابة أعلى من رئيس الجمهورية !!!!).

كيف نسمح بهذا الوضع الشاذ؟؟
ألا يضع طنطاوي رئيس جمهورية مصر العربية في وضع " منكسر العين" عندما تتوسط كلينتون لديه أو تضغط عليه أو تأمره بإعادة صلاحيات رئيس الجمهورية؟؟

من الذي سمح لطنطاوي ومجلسه بتلك العربدة؟؟

 

[brain]

لو قلنا ليه هيزعل مننا مدعو الليبراليه او اللي مصدقين انه من يسمون انفسهم لييبراليون فعلا ليبراليين
السبب في كل ده
ان هولاء الليبراليون يرضون بجمعيه تأسيسيه يضعها العسكر بدلا من ان يضعها ممثلو الشعب
فمادام وصلنا لهذه المرحله
يبقى مافيش قدامنا غير بعبع العسكري و هي امريكا
و من غبائهم المستحكم
بيعملوا مظاهرات لرفض التدخل الامريكي في شئون مصر الداخليه
بينما هم بأفعالهم يجبرون الرئيس مرسي على الاستعانه بهم ضد العسكري
امتى بقى نخلص من الأشكال دي

 

 

[brain]

و علشان تصدقني يا استاذ محمد
النهارده رفعت السعيد بيقول
الدكتور مرسي اعلن انه سيتخلى عن بيعة المرشد و لكننا نعلم كيف يفكر الاخوان
يعني من الاخر كده
قول مهما قول يا عم مرسي
نحن عندنا تصور للإخوان
لن يتغير
و حتى الأقوال و الأفعال لن تفيدك
لان رفعت السعيد و أمثاله يعلمون الغيب
و يقرأون الأفكار

 

 

[أسامة الكباريتي]

طول عمرك يازبيبة في قعرك هالعودة
من يوم مالسادات -الله يرحمه- سلم لحيتنا لماما أميريكا
وهم يسرحون ويمرحون في أرجاء أمخاخنا قبل حكوماتنا ..

يعني خلال الثورة - 25 يناير -ايش كان عنان رئيس الأركان بيعمل في واشنطون؟!!!
التنسيق بين مختلف أجهزة الدولة وما يقابلها في أمريكا صار روتين عادي
وهيلاري لما بتزور بلد ما بتلتقي بالخارجية والرئاسة فقط
ممكن تبحث أي شئ مع أي واحد
هادول يابا اولاد الداية
ما بيتخبا عليهم شئ
انقش ...

 

 

[محمد علي عامر]

اقتباس المشاركة الأصلية كتبت بواسطة brain لو قلنا ليه هيزعل مننا مدعو الليبراليه او اللي مصدقين انه من يسمون انفسهم لييبراليون فعلا ليبراليين السبب في كل ده ان هولاء الليبراليون يرضون بجمعيه تأسيسيه يضعها العسكر بدلا من ان يضعها ممثلو الشعب فمادام وصلنا لهذه المرحله يبقى مافيش قدامنا غير بعبع العسكري و هي امريكا و من غبائهم المستحكم بيعملوا مظاهرات لرفض التدخل الامريكي في شئون مصر الداخليه بينما هم بأفعالهم يجبرون الرئيس مرسي على الاستعانه بهم ضد العسكري امتى بقى نخلص من الأشكال دي

كراهية الإسلاميين أوقعت من يطلقون على أنفسهم التيار " الليبرالي" في نفس الخطأ مرة تلو الأخرى.

بعيد الثورة علت أصوات كثيرين من " الليبراليين" و إن شئت فقل " المتلبرلين" -- عارف نطقها صعب- بأن دستور مصر بعد الثورة لابد أن يصبح دستور علمتني أو مدني وعليه يجب إخلاؤه من أي إشارة للدين وهو ما إستفز عامة الشعب المتدينة بطبعها وأصبح الإستفتاء إياه في عين الشعب هو إستفتاء على "الإسلام" أو "اللا إسلام " فكان ماكان مما نعرفه وبدلا من أن يعترفوا بنصيبهم من الخطأ نراهم يلومون من أسموهم بغزاة الصناديق ولو أنصفوا للاموا أنفسهم أيضا.

الآن يعيدون نفس الخطأ (ولا أقصد هنا رفعت السعيد وحزبه لأنهم مخبرين بالأساس وإنما أقصد كثير من الليبراليين مع وجود إستثناءات كعلاء الأسواني وغيره) بوقوفهم مع الجنرال أبو دبابة.

الوضع الطبيعي والذي يصب في مصلحة مصر هو وقوف قيادات الجيش خلف رئيس مصر المخول الوحيد بالتحدث باسمها وهذا من شأنه جعل أمريكا تدرك أن مصر ما بعد مبارك لا تتصرف إلا وفقا لمصالحها كدولة ذات مؤسسات حقيقية ترسم سياساتها ويكون الرئيس هو المعبر عنها.

أما وقد طغى جنرالات المخلوع (وكلهم صنعوا على عين أمريكا ) على صلاحيات الرئيس أصبحت كلينتون هي لديها القدرة أن تساوم الرئيس كي تأتي له بصلاحياته مقابل "المرونة" التي يطلبونها منه.

وتستطيع أمريكا أيضا أن تدعم الجنرالات ولو بصورة سرية بمستوى معين من القوة بحيث يربحون الصراع على الرئاسة أو بحيث لا يكون الصراع به غالب ولا مغلوب مما يؤدي إلى وضع دائم التأزم تمسك أمريكا بخيوط توجيهه فتفجره أو تطفئ نيرانه وقتما تشاء.

هكذا يربح الأعداء من غباء وأنانية وطمع الجنرالات ومن يقف معهم.

 

 

[محمد علي عامر]

اقتباس المشاركة الأصلية كتبت بواسطة أسامة الكباريتي من يوم مالسادات -الله يرحمه- سلم لحيتنا لماما أميريكا وهم يسرحون ويمرحون في أرجاء أمخاخنا قبل حكوماتنا .. يعني خلال الثورة - 25 يناير -ايش كان عنان رئيس الأركان بيعمل في واشنطون؟!!! التنسيق بين مختلف أجهزة الدولة وما يقابلها في أمريكا صار روتين عادي وهيلاري لما بتزور بلد ما بتلتقي بالخارجية والرئاسة فقط ممكن تبحث أي شئ مع أي واحد هادول يابا اولاد الداية ما بيتخبا عليهم شئ

كونداليزا رايس إجتمعت بمديري المخابرات المصرية والأردنية والسعودية والإماراتية في واقعة لم تحدث من قبل في الأعراف الدبلوماسية حيث أن وزارة الداخلية يكون تعاملها مع نظيرتها في البلاد الأخرى وحتى التعاون المخابراتي يكون ما بين أجهزة المخابرات في الدول المعنية.

اقتباس المشاركة الأصلية كتبت بواسطة أسامة الكباريتي انقش ...

؟؟؟؟

 

 

[محمد علي عامر]

اقتباس المشاركة الأصلية كتبت بواسطة brain ان هولاء الليبراليون يرضون بجمعيه تأسيسيه يضعها العسكر بدلا من ان يضعها ممثلو الشعب فمادام وصلنا لهذه المرحله

لو حدث ذلك فما قيمة دستور يضعه العسكر؟

وكم سيصمد دستور كهذا إلا بقدر ما تسانده دبابة من وضعوه؟؟

 

 

[أسامة الكباريتي]

انقش
طلعت مني ياريس لأنني تخيلت النقش على الماء..

حضرتك فسرتها بنقش كوندرا رايس في عَمَّان
وأذكِّر بنادي السافاري الإيراني(الشاه) -السعودي(فيصل) -المصري(السادات) - وطبعا الأمريكي
وأظن ان المغربي كان ضمنه
ومقره كان في مايوركا بأسبانيا

30 سنة تدهورت خلالها زراعة القمح في مصر
ووئدت التجربة السعودية لزراعته والتي أهدت من فائضه لمصر والسودان ..
تخيل
كل هذا يكون بأمر من وزير الدفاع الأمريكي؟!!!!!!!!!

كمان شوية رايح أنقش على الهواء

 

 

[savary]

سبحان الله على ( هُس هٌس ) الليبرالية

الناس قالت دستور توافقى زى اى مكان محترم فى الدنيا و زى اى ثورة فى الدنيا ما بتقيم عقد اجتماعى جديد مبنى على الاسس التى تقوم عليها المجتمعات المتمدينة و المتحضرة ..دستور يقر المجتمع المدنى و حقوق الانسان و الحريات السياسية و تداول السلطة و دولة المؤسسات و دولة القانون

جه عمك ابو دقن بلاستك و قعد مع العسكر و ظبطوا البولة مع بعض

نعمل استفتاء ناخد بيه السلطة ( دا العسكر ) و مقابل دا هنخليلكم الانتخابات أولا ..تكسبوا الانتخابات و بعدها تحطوا الدستور براحتكم

عم ابو دقن بلاستك طول عمره كدا اساسا يعنى ...عنده فجع لللسلطة ..عنده طفاسة سياسية ...وطول عمره ...يتحالف مع السلطة و تركب على كتفه و بعدين تديله باتخن جزمة على قفاه !

راح عم ابو دقن بلاستك ناصب على الناس و قالهم استفتاء المادة التانية و الحق يا جوووووووووووووودع

الحق الاسلام يا جوووووووووودع

لحق المادة التانية يا جووووووووووودع


بعدين بعد ما العسكر رستقوا نفسهم على السلطة و على الكرسى و ملكوا كل حاجة

راحوا لاسعين عم ابو دقن بلاستك قلم على قفااااااااااااااه .... زى كل مرة

عم ابو دقن بلاستك دا غبى غباء الدنيا و الاخره .....مبيتعلمش ابدا من اخطائه


عاملة زى فيلم عنتر و لبلب لما لبلب كل شوية يلسع عنتر قلم على قفاه

اهو العسكر بقالهم سنين بيلعبوا نفس اللعبة مع عم ابو دقن بلاستك

يضحكوا عليه و يطلعوا على كتفه مستغلين انه مفجوع و انه غبى

وبعد ما يطلعوا على كتافه .........يلسعوه القلم المعتبر على قفاه لما قفاه يحمر عيش !


السيناريو دا بنفس الحذافير دى اتكرر فى 52 مع ضباط يوليو

واتكرر مع السادات

واهو فى 25 يناير اتكرر تالت مرة !


المهم عم ابو دقن بلاستك لما كنا بنقوله الدستور لازم يبقى توافقى و لازم كل الناس توافق على الدستور الجديد

كان العنجهية تااااااخد أخرها معاااااااااااه

العنطزة يبقى ملهاش حد

انا مصر و مصر انا ...انا الشعب والشعب انا ...هوا كدا واللى عاجبه عاجيه واللى مش عاجبه يروح يهاجر


طيب ماشى ياعم الفتوة

الليبرالين دلوقتى برا اللعبة خاااالص

الراجل البرادعى شغال على الحزب بتاعه و مدخلش انتخابات الرئاسة من اساسه




منك للعكسر يا عم الحاج

مش انت دكر ياعم ابودقن بلاستك ؟؟؟

مش انت حامى حمى الاسلام ؟؟

مش انت مصر و مصر انت ...وانت الشعب والشعب انت ... ؟؟

مش انت اللى عندك استعداد تقدم شهداء بالملايين ؟



طيب روح يا دكر قول للعسكر كدا

العسكر بعد يومين هيطلعوا قرار ببطلان اللجنة التأسيسية و هيحطوا هما الدستور الجديد

سيبك بقى من الريبراريين اللى عاملين لك هس هس فى دماغك



العسكر هما اللى لسعوك على قفاك يا محترم زى كل مرة

ولا أنت مش قادر على الحمار ؟؟؟

تيجى علينا و تعمل أسد و صباح البلطجة و التهديد و قلة الأدب

وتيجى عند العسكر و تعمل (( سوسن )) ؟؟


اطلع يا سوسن ....قصدى اطلع يابو دقن بلاستك و خد حقك من العسكر و خد دستورك من العسكر

احنا ملناش فيه ...


احنا بعيد خالص عن العركة بتاعتكم دى لأنها عركة سوقية زى عركات الخمارات كدا بتاعة فريد شوقى و المليجى الله يرحمهم !

 

 

[يوبي]

دعوه لموضوعي

ضنك.....بعد ثورة الأستحمار