سائق المستقبل

[فــيــروز]

الصحف المصرية والعربية

اقتباس المشاركة الأصلية كتبت بواسطة ابتسامــة إنتِ لسه متطلعتيش الرخصة يا فيروز أنا فاكرة إني باركت لك قبل كده ؟ بس مش فاكرة كنت ببارك لك علي إيه؟!

كنتِ باركتى لى على إنّى اتعلّمت سواقه بس ماكنتش طلّعت رُخصه أنا لسّه متعلّمه من فتره قريبه جدّا و كنت خايفه أدخل الامتحان .. بس على رأى المثل ......... ولاّ بلاش .. قصدى يعنى إن الناس بتسقط فى امتحان السواقه و تنجح فى النظرى و انا ماشيه عكسهم

 

 

[ابتسامــة]

اقتباس المشاركة الأصلية كتبت بواسطة فــيــروز كنتِ باركتى لى على إنّى اتعلّمت سواقه بس ماكنتش طلّعت رُخصه أنا لسّه متعلّمه من فتره قريبه جدّا و كنت خايفه أدخل الامتحان .. بس على رأى المثل ......... ولاّ بلاش .. قصدى يعنى إن الناس بتسقط فى امتحان السواقه و تنجح فى النظرى و انا ماشيه عكسهم

معلش ربنا يوفقك عادي يعني متزعليش .. بس المهم بتسوقي بأه وإلا إيه؟! لأنه مينفعش تتعلمي وتقعدي من غير سواقه على ما تطلعي الرخصة .. كده تتعبي لما تبدأي تسوقي تاني

 

 

[فــيــروز]

اقتباس المشاركة الأصلية كتبت بواسطة ابتسامــة معلش ربنا يوفقك عادي يعني متزعليش .. بس المهم بتسوقي بأه وإلا إيه؟! لأنه مينفعش تتعلمي وتقعدي من غير سواقه على ما تطلعي الرخصة .. كده تتعبي لما تبدأي تسوقي تاني

لا واللهِ مش زعلانه الحمد لله على كل شئ و أنا مش مستعجله خالص على الموضوع .. أصلا أنا نوعا ما مضطرّه لكل هذا بس بردو باعتبرها حاجه لطيفه إنّى اتعلّمت أخيرا و بقيت أسوق .. أينعم على خفيف بس كنت عاوزه يبقى معايا رُخصة قياده عشان كده أأمن .. عموما شهر يعدّى هوا

 

 

[فــيــروز]

بالمناسبه اللينكات دى فيها ملفّين حجمهم مع بعض حوالى 112 ميجا و فيهم الأسئله بتاعة الامتحان و فيديو عشان اختبار القياده بس أنا حاليا باقرا الأسئله و لم أشاهد الفيديو


------------------------------------------------------------------------------------
https://rapidshare.com/files/111375658/Moroor.part1.rar
https://rapidshare.com/files/111375937/Moroor.part2.rar
------------------------------------------------------------------------------------
sharedzilla.com
------------------------------------------------------------------------------------
https://sharedzilla.com/en/get?id=142728
https://sharedzilla.com/en/get?id=142726
------------------------------------------------------------------------------------
easy-share.com
------------------------------------------------------------------------------------
https://rapidshare.com/files/111375658/Moroor.part1.rar
https://w13.easy-share.com/1700268774.html
------------------------------------------------------------------------------------
zshare.net
------------------------------------------------------------------------------------
https://www.zshare.net/download/112829945f2e0f40/
https://www.zshare.net/download/11282651873b603b/
------------------------------------------------------------------------------------
MegaUpload.CoM
------------------------------------------------------------------------------------
https://www.megaupload.com/?d=J4IFOSDZ
https://www.megaupload.com/?d=UDPNSPQ9
------------------------------------------


مقتبسين من منتدى يشترط على الزوّار الاشتراك أوّلا لنيل شرف تحميل الروابط فحبّيت يكونوا متاحين هنا من غير الشرط السخيف ده

 

 

[RMG]

اقتباس المشاركة الأصلية كتبت بواسطة فــيــروز لأ ما هو أصل من حُسن الطالع إن أنا تبع مرور "العجوزه" اللىّ -يا ما شاء الله - الامتحان فيه على الكنبيوتر .. شبه اللىّ على الموقع بالظبط بالميللّى .. فالرشوه فيه صعبه .. ومش هاعمل فيها مواطنه شريفه و أقول إنّى ماحاولتش أعرض رشوه على العسكرى اللىّ فى أوضة الكنبيوتر بعد ما ظهرت النتيجه 75 % غير لائق .. بس هو قال لى ماليش دعوه كلّمى الآنسه و الآنسه بكل تهذيب و أدب قالت لى أمّا طلبت منها اعيد الامتحان تانى : ماقدرش أعمل لك حاجه طالما اسمك ظهر على الكنبيوتر يبقى لازم تستنّى شهر .. اللىّ مضايقنى فى الموضوع إن بعض الأسئله فعلا إجاباتها تبدو غير منطقيه بشكل كبير .. يعنى سؤال مثلا بيقول : من حق قائد السياره خلال السير أن يقوم بالآتى : ملاحظة الأوكازيونات البحث عن شئ سقط أسفل المقعد المجاور ملاحظة صديق فى سياره مجاوره أنا اخترت الإجابه التالته بس ناس كتير بيقولوا لأ الأولى هى الصح لأن الأوكازيون مجرّد يافطه هتتشاف هتتشاف .. و أنا باقول إن بطبيعة الحال الواحد و هو سايق بيبص للسيارات اللىّ حواليه فعادى إنّه يلمح صديق من غير ما ده يشكّل خطوره على الإمن !! بردو نحمد ربنا قبل كده كانوا بيركنوا الساقطين تلات شهور قبل الإعاده .. و كمان نجحت فى امتحان السواقه و الركن يعنى مش فشل ذريع على كل النواصى .. قصدى النواحى

يا هندسة المرور كل شيئ فيه قابل للرشوة
من اول البوابه لغاية اسم النبي حارسه رئيس الوحده
بس بتفرق ده شلن ودا اكتر شوية وصاحبنا كارت يعني كله بيعدي
حضرتك الكنبيوتر نفسه ممكن يتراضى
لكن صدقيني الرخصة اللي طالعه مجهودا بتفرق كتير

 

 

[فــيــروز]

اقتباس المشاركة الأصلية كتبت بواسطة RMG يا هندسة المرور كل شيئ فيه قابل للرشوة من اول البوابه لغاية اسم النبي حارسه رئيس الوحده بس بتفرق ده شلن ودا اكتر شوية وصاحبنا كارت يعني كله بيعدي حضرتك الكنبيوتر نفسه ممكن يتراضى لكن صدقيني الرخصة اللي طالعه مجهودا بتفرق كتير

بصراحه يا دكتور ماحبتش أهزّأ نفسى و قلت طالما مش مستعجله عليها أمشى قانونى ..
من ناحية الفلوس كنت واخده معايا فلوس كتير بس فعلا محدّش طلب ولا حتى لمّح بالعكس الآنسه فى حجرة الكنبيوتر صدّرت لى وِش خشب و أنا مابحبش أتحايل على حد فخدتها من قصيرها و مشيت

بس فعلا كنت مبسوطه إنّى عدّيت الامتحان الأوّلانى و قُلت إن شاء الله هانجح فى ملحق امتحان الكنبيوتر

 

 

[Farida]

مبروك مقدما انا بقه ماكنتش اعرف ان فيه امتحان كمبيوتر اشاسا ...........و بناء عليه سقطت فيه بالثلث شكلى كنت من اوائل الناس اللى طبقوا عليهم امتحان الكمبيوتر ده سؤال يتجاوب قى دقيقه واختيارات مالهاش اول من اخر ..........بس المرة اللى بعدها و عن طريق الواسطه الست بتاعة الكنبيوتر جاوبت على الأسئله بدالى ربنا يكرمها .........و من غير فلوس علشان زى ماجلت جبل سابج .......واسطه اه رشوة لأ ........-مع الأعتذار لزعلان-

 

 

[Prof]

هاتي موتوسيكل يا فيروز.. أنا بافكر اركن العربية واجيب موتوسيكل.

 

 

[ابتسامــة]

اقتباس المشاركة الأصلية كتبت بواسطة Prof هاتي موتوسيكل يا فيروز.. أنا بافكر اركن العربية واجيب موتوسيكل.

وهي يعني هتسوق الموتوسيكل من غير رخصة؟!
ما هو له رخصة وامتحان برضو، بس مش عارفة فيه كنبيوتر والا لأ

 

 

[فــيــروز]

اقتباس المشاركة الأصلية كتبت بواسطة Farida مبروك مقدما انا بقه ماكنتش اعرف ان فيه امتحان كمبيوتر اشاسا ...........و بناء عليه سقطت فيه بالثلث شكلى كنت من اوائل الناس اللى طبقوا عليهم امتحان الكمبيوتر ده سؤال يتجاوب قى دقيقه واختيارات مالهاش اول من اخر ..........بس المرة اللى بعدها و عن طريق الواسطه الست بتاعة الكنبيوتر جاوبت على الأسئله بدالى ربنا يكرمها .........و من غير فلوس علشان زى ماجلت جبل سابج .......واسطه اه رشوة لأ ........-مع الأعتذار لزعلان-

ده الناس بتتعامل مع الموضوع باعتباره امتحان بجد
يعنى امبارح كان فيه واحده عمّاله تتنقّل بين الممتحنين و تسأل كل واحد إيه الأسئله اللىّ جت له و جاوبها إزّاى .. فأمّا سألتها تبقى مين قالت إن عندها امتحان يوم "الخميس" و جايه تعرف إيه النظام !! مش زيّى مامسكتش "سلاح التلميذ" اللىّ اشتريناه و ذاكرته غير ليلة الامتحان !!

اقتباس المشاركة الأصلية كتبت بواسطة Prof هاتي موتوسيكل يا فيروز.. أنا بافكر اركن العربية واجيب موتوسيكل.

زى ما قالت "ابتسامه" بالظبط .. ما له امتحان راخر و أنا لسّه بقى هاذاكر كتاب الموتوسيكل أنا ما صدّقت استوعبت كتاب السياره

اقتباس المشاركة الأصلية كتبت بواسطة ابتسامــة وهي يعني هتسوق الموتوسيكل من غير رخصة؟! ما هو له رخصة وامتحان برضو، بس مش عارفة فيه كنبيوتر والا لأ

كُلّه موجود يا فندم