إهانة لكل الرجال المصريين

[Dr.Samo]

الصحف المصرية والعربية

أى رجل مصرى يشاهد هذا الفيديو سيشعر بالأهانة
أعلم جيدا ان سلوكيات الشعب لن تتغير بين يوم وليلة
لكن ما حدث صحيح ...بعيدا عن اى نظرية مؤامرة
ما شعورك بعد رؤيتك لهذا المقطع وأنت تعلم جيدا إن الأسقاط هنا تم فى اعز اللحظات فى تاريخ مصر
لارا لوجان فى 60 دقيقة ..... تشق جدار الصمت وتتكلم عن أسوأ 10 دقائق فى تاريخ حياته فى ميدات التحرير
يوم تنحى مبارك فى 11 فبراير 2011
بصراحة شعرت بجد بالأهانة .... وبالكسوف

 

[KANE]

لم اشاهد الفيديو

ولكن غالبا هذه هي المذيعه التي تم التحرش بها


المشكلة هي ما زرعه هذا النظام البائد من خلطة جهنمية


جهل (علمي) + جهل ديني + فراغ + بطالة+ حرمان (عاطفي / جنسي / مادي) + كبت + مخدرات او مسكرات + مستقبل غامض = كارثه



هناك الكثير امامنا ﻷنجازه


من سخرية القدر ان من يفعل هذا ، من الممكن أن يرتكب جريمة شرف



عموماً التحرش موجود في كل دول العالم

وخلي الاخت دي تمشي في حي "لبش" في امريكا / او جنوب افريقيا بعد الظلام وشوف اللي هيحصل لها

 

 

[Rapt]

توبيك رائع دكتور سامح
للاسف كان زمان من 15 سنة مثلا كان فعل اقلية صغيرة جدا دلوقتى بقى ثقافة عامة فى الاعياد وفى الزحام والاماكن الممتلئة ......... قدمنا مشوار طويل عشان نغير مفاهيم وثقافات والشعب لوحدة مش هايعرف يغير لازم اجهزة الدولة نفسها تغير ....... مثال الثقافة اليابانية فى حدوث الازمة الاخير (التسونامى) لم يحدث حالة نهب واحدة سجلت اثناء الاحداث بالعكس حدثت حالة من الايثار بين السكان الاجهزة المعنية والحكومة ساهمت فى رفع ارتقاء الشعب نتمنى انوة يحصل هنا فى مصر بس مش اغلبية المعادن بتيجى بالتوجية فى معادن بتيجى بالطرق او بالسك ..

 

 

[savary]

رفقا يا دكتور سامو .

مش هدى مبرر واقول ان دا موجود فى كل مكان فى العالم - و دا حقيقى .

لكن هقول ان هذا الوطن و هذا الشعب تعرض لأبشع عمليه تجهيل و تغييب يمكن فى تاريخ مصر كلها

احنا بقالنا 40 سنه , بنتعلم كيف نزور
وكيف ندلس
وكيف نهبر
وكيف نفتح مخنا
كيف نرتشى
كيف نتحرش
كيف نهبط الى اسفل السافلين !

40 سنه
بيقتلوا جوانا كل ما هو حق
كل ما هو خير
كل ما هو عدل
كل ما هو جميل
كل ما هو قيم !!

تخريب متعمد !!

بس عشان البلد دى وشعب البلد دى عنده ارث ثقافى و ارث حضارى و عنده مخزون من اللاوعى

استطاع بعد جهد جهيد ومحاولات عديده أن ينتفض

عشان نكون اكثر صراحه , فالقله الباقيه التى لم تلوث هى من انتفضت

بنتكلم عن 15 مليون أوت أوف 85 مليووون

فلسه المشوار طويل يا دكتور سامو

ولسه الأمور مش سهله

ومحتاجين عشرات السنين عشان نصلح الانحطاط اللى بقالهم اربعين سنه بيسقوه لمصر

لما مصر تاخد قمحها من الأمريكان

وتاخد دينها من السعوديه

وتاخد ثقافتها و قيمها من مأجورين

فأكيد دا يعنى انحطاط على كافه المستويات

لكنهم أفسدوا الأوراق وبقيت الجذور , وان شاء الله الجذور دى قادره مع الوقت أن تعيد الأمور لنصابها !

 

 

[Dr.Samo]

اقتباس المشاركة الأصلية كتبت بواسطة KANE لم اشاهد الفيديو ولكن غالبا هذه هي المذيعه التي تم التحرش بها المشكلة هي ما زرعه هذا النظام البائد من خلطة جهنمية جهل (علمي) + جهل ديني + فراغ + بطالة+ حرمان (عاطفي / جنسي / مادي) + كبت + مخدرات او مسكرات + مستقبل غامض = كارثه هناك الكثير امامنا ﻷنجازه من سخرية القدر ان من يفعل هذا ، من الممكن أن يرتكب جريمة شرف عموماً التحرش موجود في كل دول العالم وخلي الاخت دي تمشي في حي "لبش" في امريكا / او جنوب افريقيا بعد الظلام وشوف اللي هيحصل لها

المشكلة يا كين باشا ...غن التركيز وطريقة العرض كانو صادمين
وللأسف إن البرنامج مشاهدته عالية هناك ... ودا بيلقى بقع على ثوب الثورة الأبيض فى العالم كله ..... ولا أنكر شعورى بالأحباط رغما عنى ....
وبصراحة دى مش اول مرة ...برضه الشعور بالحزن أيام الأعياد ...
الست بتقول إن حتى الفتيات المصريات المنقبات اللى حاولوا يحموها تعرضوا للتحرش
ودا شئ مخزى

اقتباس المشاركة الأصلية كتبت بواسطة Rapt توبيك رائع دكتور سامح للاسف كان زمان من 15 سنة مثلا كان فعل اقلية صغيرة جدا دلوقتى بقى ثقافة عامة فى الاعياد وفى الزحام والاماكن الممتلئة ......... قدمنا مشوار طويل عشان نغير مفاهيم وثقافات والشعب لوحدة مش هايعرف يغير لازم اجهزة الدولة نفسها تغير ....... مثال الثقافة اليابانية فى حدوث الازمة الاخير (التسونامى) لم يحدث حالة نهب واحدة سجلت اثناء الاحداث بالعكس حدثت حالة من الايثار بين السكان الاجهزة المعنية والحكومة ساهمت فى رفع ارتقاء الشعب نتمنى انوة يحصل هنا فى مصر بس مش اغلبية المعادن بتيجى بالتوجية فى معادن بتيجى بالطرق او بالسك ..

الله يخليك يا رابت باشا ...
طيب فى رايك نعمل أيه ؟
عايزين نحط خطة للإرتقاء بالذوق العام للمصريين
الست كان هيتم التنكيل بيها وسط الاف المصريين ... وهو شعور مهين وهى عرفت توصله
ولولا الجندى المصرى الشريف من جيش مصر اللى انقذها ...ودا الحسنة الوحيدة فى الحوار ...إلى جانب السيدات المنقبات اللى حموها بأجسادهم
فين جدعنة زمان وشهامة زمان
الله يخرب بيتك يا حسنى مبارك ...ضيعت جيل كامل انت وشلتك الفاسدة

 

 

[Sepia]

شئ حقير لأبعد مدى..ما عنديش كلام اقوله سوى انه للأسف كان شئ متوقع !و اثناء المناظرات الطويلة اللي دخلتها مع كارهي الثورة من اصدقائي و انا باتكلم عن جمال الثورة و ميدان التحرير و احيائه لقيم انسانية و حضارية غائبة و كذا و كذا..كنت دائما متأكدة في قرارة نفسي ان الصورة ليست تماما هكذا ,,,للأسف شئ محبط و محزن و مهين و مقرف و كل شئ..

 

 

[Dr.Samo]

اقتباس المشاركة الأصلية كتبت بواسطة savary رفقا يا دكتور سامو . مش هدى مبرر واقول ان دا موجود فى كل مكان فى العالم - و دا حقيقى . لكن هقول ان هذا الوطن و هذا الشعب تعرض لأبشع عمليه تجهيل و تغييب يمكن فى تاريخ مصر كلها احنا بقالنا 40 سنه , بنتعلم كيف نزور وكيف ندلس وكيف نهبر وكيف نفتح مخنا كيف نرتشى كيف نتحرش كيف نهبط الى اسفل السافلين ! 40 سنه بيقتلوا جوانا كل ما هو حق كل ما هو خير كل ما هو عدل كل ما هو جميل كل ما هو قيم !! تخريب متعمد !! بس عشان البلد دى وشعب البلد دى عنده ارث ثقافى و ارث حضارى و عنده مخزون من اللاوعى استطاع بعد جهد جهيد ومحاولات عديده أن ينتفض عشان نكون اكثر صراحه , فالقله الباقيه التى لم تلوث هى من انتفضت بنتكلم عن 15 مليون أوت أوف 85 مليووون فلسه المشوار طويل يا دكتور سامو ولسه الأمور مش سهله ومحتاجين عشرات السنين عشان نصلح الانحطاط اللى بقالهم اربعين سنه بيسقوه لمصر لما مصر تاخد قمحها من الأمريكان وتاخد دينها من السعوديه وتاخد ثقافتها و قيمها من مأجورين فأكيد دا يعنى انحطاط على كافه المستويات لكنهم أفسدوا الأوراق وبقيت الجذور , وان شاء الله الجذور دى قادره مع الوقت أن تعيد الأمور لنصابها !

صباح الفل يا سفارى باشا
يارب مصر دى تظهر ونشوفها ....يارب

 

 

[Dr.Samo]

اقتباس المشاركة الأصلية كتبت بواسطة Sepia شئ حقير لأبعد مدى..ما عنديش كلام اقوله سوى انه للأسف كان شئ متوقع !و اثناء المناظرات الطويلة اللي دخلتها مع كارهي الثورة من اصدقائي و انا باتكلم عن جمال الثورة و ميدان التحرير و احيائه لقيم انسانية و حضارية غائبة و كذا و كذا..كنت دائما متأكدة في قرارة نفسي ان الصورة ليست تماما هكذا ,,,للأسف شئ محبط و محزن و مهين و مقرف و كل شئ..

د.سبيا
للأسف اللى شاهد البرنامج قريبة ليا تعيش فى الولايات المتحدة وإنتابتها نفس حالة الحزن والأحباط ....والغضب والخجل .....خاصة وإن جيرانها سألوها إزاى حاجة زى كدا تحصل خاصة وتقريبا كلهم كانوا بيهنوها على الثورة المصرية ...

 

 

[Sepia]

في فرق أن يكون هذا يحدث في كل بلاد العالم كما يقال ,, و أن يحدث هذا لحظة الحرية لمصر و "انتصار الثورة" ,
جريمة كهذه في لحظة كهذه كفيلة بالكفر بأي شئ و التشكيك في كل شئ... لو تخيلنا لحظة هدم سور برلين و الفرح و صور الشعب الألماني ثم يظهر بعد ذلك حادث كهذا بتفاصيل كهذه كان يحدث وسط الشباب اللي الكاميرا عمالة بتصورهم ,,كيف سيكون وقعها ؟
هل ينفع نقول ما هو بيحدث في كل العالم,,كل العالم نعم , لكن هذا التوقيت لا

 

 

[tafshan]

طيب بالراحه ..

قبل ما نبدأ في جلد الذات مع كل تقديري للحاله الانسانيه اللى بنتفرج عليها ..


لارا لوجان مع شوية بحث على جوجل ح نلاقى انها بدأت مشوار حياتها كعارضة اثواب سباحه و ليها اكثر من فضيحه اثناء تغطيتها للاحداث في العراق لعلاقتها برجال متزوجين .. ممكن تدور على جوجل و تشوف الحقائق دى ..

ثانياً تعالوا نحلل الكلام بالعقل .. لارا لوجان ليها احاديث تانيه على اليوتيوب بالاضافة للفيديو ده بتقول الآتى :

- بتقول ان الاحداث دى حصلت بعد ما خلصت البطاريه بتاعة الكاميرا بتاعتها ..

يعنى ال 200 واحد كانوا خايفيين من الكاميرا ؟؟ و بعدين ما هى كانت موجوده من الصبح و صورت لما خلصت البطاريات كلها ( بتقول لمدة ساعة .. يعنى معاها بطاريات تغطى بها ساعه واحده بس !!!! ) .. ايه اللى فكر الناس بيها و لو كان فيه تحرش ما صورتهوش لما الكاميرا كانت شغاله ليه ؟؟؟

و بعدين المصور بتاعها و البودى جاردات ما كانش معاهم موبيل بكاميرا ؟؟؟ فين "راي " بتاع القوات الخاصة اللى كان معاها .. قعد يتفرج بس ؟؟ طب كان صور ؟؟؟

- بتقول سارا ان عدد كبير ( في فيديوهات تانيه 200 واحد ) انتهكها جسدياً و كانت معزوله تماماً عن حراستها و بعيده عن اي حمايه لمدة 25 دقيقه ..

السؤال : ليه ما حصلش اغتصاب لسارا لوجان ؟؟ 200 واحد و حالة هياج بهذا الشكل .. ليه ما كملتش ؟؟

- بتقول اللى انقذها ستات لابسين اسود من الرأس الى القدمين .. هو ما كانش فيه غير دول و لا ايه ؟؟

و بعدين بعد 25 دقيقه من الانتهاك .. كانت فايقه و قدرت تشوف الست كانت لابسه ايه ؟؟؟ ايه الصحه دى !

- قالت انها خرجت على ظهر ضابط جيش .. و ماكس المنتج قال شفتها ماشيه بتتعكز على السواق و بتعرج .. يعنى خرجت ماشيه على رجليها .. و راحت للمنتج من غير ضباط جيش .. طب ليه التضارب ده ؟؟

و في الاخر يقولوا اللى عملوا الموضوع تاهوا وسط الزحمه .. ممكن يكونوا مع نظام ميارك و ممكن يكونوا ثوار .. بس عموماً .. التحرش في مصر عادى جداً و مقبول اجتماعياً و بيعترف بيه الرجال و بيلوموا فيه النساء .. يعنى ايه يعنى ؟؟

توقيت الموضوع كله و تزامنه مع المصالحه الفلسطينيه برعايه مصرية و قرار فتح معبر رفح بصفه دائمه (تحت الدراسة و التنفيذ ) يخليني مش مصدق الموضوع ..

لو في تحرش كنا سمعنا بلاوى خاصةً في الفتره الاولانيه من التنحى لما كانت الثورة المضاده في اوجها .. و لا ما فيش في التحرير واحده في حلاوة ست لارا اللى افقدت الناس رشدها بفتنتها الطاغيه ؟؟

دى حملة تشويه لمصر و هو اسلوب قديم و مستهلك ..

بالنسبه لشكلنا قدام الغرب و الكلام ده .. اعملوا شوية بحث على البرومو و انتوا تعرفوا ليه شالوا التعليق على الفيديو ..

الغرب عنصري قذر ضد المسلميين .. اغلب الفيديوهات عنوانها شوفوا المصريين المسلميين عملوا ايه في سارا ..

بيني و بينكم .. يولعوا ..

ما يشرفنيش انهم يقولوا عليا كمسلم كلمه لا بحق و لا بباطل ..