::: الصدفة تجعل من "قروية" سكوتلاندية أشهر مغنية في العالم :::

[nash]

الصحف المصرية والعربية

يعني يا موديست عرفت أنك اشتريت واحده كلاركس ومارضيتش اقر عليك مع انك عايش في الخليج وكدهوت...

ماااشي

والله للحظه دي أنا مش متخيله الصوت ده دي غنت اروع من سيلين ديون ....سمعتها بتاع عشرين مرة ..

 

 

[Modest]

اقتباس المشاركة الأصلية كتبت بواسطة nash يعني يا موديست عرفت أنك اشتريت واحده كلاركس ومارضيتش اقر عليك مع انك عايش في الخليج وكدهوت... ماااشي والله للحظه دي أنا مش متخيله الصوت ده دي غنت اروع من سيلين ديون ....سمعتها بتاع عشرين مرة ..

خلاص أنا غلطان .. الحق عليا عايزك تتشهري في لحظة بدل شغل الرسم على الكاسات و الفازات اللي مش جايب حقه ده

بالنوسبة لسوزان .. متفق معاكي 100% .. صوت و أداء رائع و الأحلى هي شخصيتها المتواضعة و ردودها بطريقة في منتهى البساطة قبل إنطلاقها في لحظة بالطريقة الرهيبة دي





معقول تكون مخبية كل ده طول المدة دي؟ .. مش يمكن ده لؤم ستات؟

 

 

[shaden]

شوفتها امبارح في العاشرة مساء
صوتها رهيب بجد

اقتباس معقول تكون مخبية كل ده طول المدة دي؟ .. مش يمكن ده لؤم ستات؟

كانت بترعى والدتها المريضة
ولما توفت حبت تظهر موهبتها فين اللؤم اللي هنا بقى

 

 

[Modest]

اقتباس المشاركة الأصلية كتبت بواسطة shaden كانت بترعى والدتها المريضة ولما توفت حبت تظهر موهبتها فين اللؤم اللي هنا بقى

ده سؤال بريء يا شدونة ... ماسألش يعني؟



و انتي ما بتذاكريش ليه

 

 

[القلب الكبير]

والله صوت رائع
واهم حاجه ثقتها فى نفسها

 

 

[Modest]

اقتباس المشاركة الأصلية كتبت بواسطة القلب الكبير والله صوت رائع واهم حاجه ثقتها فى نفسها

بالضبط يا "القلب الكبير" .. بالإضافة لدرس عدم الحُكم على الناس بالنظر إلى هيئتهم الخارجية فقط.
قارنتها بدون ما أقصد ببتوع ستار أكاديمي و البلاوي التانية اللي بنشوفها من بتوع الفيديو كليب .. لألأ .. يععععععععععع

و بالمناسبة وصل عدد مرّات مشاهدة الفيديو على اليوتيوب إلى 32,427,554

أكثر من اتنين و تلاتين مليون مشاهدة خلال ثمانية أيام بزيادة أكثر من 2 مليون مشاهدة عن مساء أمس.

Susan Bolye

 

 

[msameh]

و ما زالت مفاجآت سوزان مستمره

اقتباس أغنية ثنائية بين إيلاين بايج وسوزان بويل لندن, بريطانيا: أعلنت المغنية البريطانية إيلين بايج عن احتمال تسجيل أغنية ثنائية مع زميلتها الاسكتلندية سوزان بويل التي أذهلت العالم بجمال صوتها، بعدما كانت محل سخرية بسبب شكلها عندما غنت في برنامج اكتشاف المواهب الموسيقية في بريطانيا "britain's got talent". ونقلت صحيفة "الأوبسرفر" البريطانية عن بايج، التي ذكرتها بويل يوم مشاركتها في برنامج المواهب، قولها إنها أمطرت بوابل من الرسائل الإلكترونية عن بويل ما دفعها إلى التفكير الآن في احتمال تسجيل أغنية ثنائية معها. وكتبت بايج على موقعها الإلكتروني "منذ مشاركة سوزان في البرنامج امتلأ حسابي الإلكتروني بالرسائل ويبدو ان أداءها جذب كل من رأوها وجذبني أيضاً.. ويبدو انني أمام منافسة! وقد أسجل أغنية ثنائية معها؟!". يشار إلى ان بويل قالت قبل الغناء في برنامج المواهب انها ترغب في أن تحترف الغناء وتصبح مغنية محترفة مثل بايج التي تلعب دور البطولة في الكثير من المسرحيات الغنائية في العاصمة البريطانية، لندن. ويذكر ان بويل (47 سنة) لفتت انتباه العالم بأسره وتتهافت البرامج التلفزيونية لاستضافتها بسبب صوتها.

عندما اعتلت سوزان خشبه المسرح ذكرت ان مثلها لاعلي ايلين بايج

و ها هي المثل الاعلي تعلن عن تسجيلها اغنيه مع سوزان

 

 

[haya]

اقتباس المشاركة الأصلية كتبت بواسطة msameh و ما زالت مفاجآت سوزان مستمره عندما اعتلت سوزان خشبه المسرح ذكرت ان مثلها لاعلي ايلين بايج و ها هي المثل الاعلي تعلن عن تسجيلها اغنيه مع سوزان

شئ رائع ان الانسان يحلم حلم كبير اوي ويحققه في يوم وليلة
لكن الاهم ان يكون عارف إمكانياته الحقيقة كويس علشان ما يحلمش حلم هو مش أده و يصاب بالاحباط ..
اكيد هيا كانت واثقه جدا في إمكانياتها وفي نفسها وده من أروع الاشياء في شخصيتها ..

 

 

[Modest]

وصل عدد مرات مشاهدة مقطع الفيديو على اليوتيوب إلى 36,067,976

منهم على الأقل 35 مرة بإسمي

اقتباس المشاركة الأصلية كتبت بواسطة msameh عندما اعتلت سوزان خشبه المسرح ذكرت ان مثلها لاعلي ايلين بايج و ها هي المثل الاعلي تعلن عن تسجيلها اغنيه مع سوزان

أنا خايف عليها من إيلين بايج .. تفقعها زومبة من بتوع الناس الخبرة دول و تخلي شكلها وحش قدام الناس .. معقول تظهر أقل منها؟ ماننساش إنهم ستات مع بعضيهم

 

 

[HAMOUDI]

بصراحة صوتها اكتر من رائع ولو فى حد عنده خبره فى نقد الاصوات هايلاقيها بتغني كما تتنفس يعني هى موهوبة موهبة جامدة مش مصنوعة لان عمر ماحد علمها تغني .واحدة غيرها فى موقف زي ده وبعد السخرية الى تعرضت اليها بالاضافة الى ان دى اول مرة تقف امام جمهور بالشكل ده حتى لو مستواها قوى لازم هاتظهر ب 50% اقل من مستواها ولكن انا شايف انها طلعت كل الى عندها بهدوء نتيجه لانها موهوبة مش مصنوعة.