الكردونات البشرية الإخوانية !!!

[aymanology]

الصحف المصرية والعربية

الجزيره مباشر مصر في الطراوه ليه ؟؟

مقصود ولا غير مقصود؟؟

 

 

[م الغزالى]

طبعاً من هنا لأخر يونيو ... نفس السيناريو مرشح ليتصدر المشهد اليومى ... وهذا بسبب طول الفترة الإنتقالية التى لم يكن لها داع ... كنا خايفين من النظام الباكستانى إنه يحصل ... أنا كل خوفى الأن لو إستمرت مثل هذه الأحداث إننا نكون بنروح للنموذج الجزائرى ... ربنا يستر

 

 

[savary]

اقتباس المشاركة الأصلية كتبت بواسطة dr-amira للاسف النهارده ما نزلتش يعنى مش قادرة اؤكد ..لكن يوم الجمعة حصل نفس الموقف فى حضور د. غنيم

يبقى اتجننوا رسمى !!

الكراسى عملتلهم لوثه عقلية !!

مالك أنت ومال اللى بيقول يسقط حكم العسكر

ما يقول براحته !

بيستعدوا الناس ليه مش فاهم !


المشكلة أن العسكر دول ممكن يبيعوكم فى أول مزنق

وكل اللى هيعملوه لما تتصاعد الأمور أنهم يحلوا البرلمان و يعلنوا الأحكام العرفية و الجيش ينزل الشارع

بكل قوته !


يبقى أنت كسبت أيه ؟؟


المفروض تستفيد من ضغط الناس على المجلس العسكرى

لأن دا بيقوى موقفك و يخليك تقدر تاخد قرارات جريئة و متبقاش خايف

وراك شعب حتى لو مش بيحبك لكنه على الأقل بيكره العسكر


تقوم أنت تضرب اللى بيقول يسقط حكم العسكر

وعملى ميليشيات و كتائب و دروع بشرية !!


طاب عندكم مضادات جوية ولا كله سلاح متوسط و خفيف

 

 

[م الغزالى]

شباب الاخوان يهتفون «هنحميها.. هنحميها» اثناء محاولة المتظاهرين اختراق دروعهم البشرية للوصول إلى البرلمان

أنباء عن استخدام شباب الإخوان الصواعق الكهربائية لترهيب الثوار والمتظاهرين

 

 

[savary]

اقتباس المشاركة الأصلية كتبت بواسطة م الغزالى طبعاً من هنا لأخر يونيو ... نفس السيناريو مرشح ليتصدر المشهد اليومى ... وهذا بسبب طول الفترة الإنتقالية التى لم يكن لها داع ... كنا خايفين من النظام الباكستانى إنه يحصل ... أنا كل خوفى الأن لو إستمرت مثل هذه الأحداث إننا نكون بنروح للنموذج الجزائرى ... ربنا يستر

الأسوأ من الجزائرى كدا !!

احنا كده رايحين على السيناريو (( اللبنانى )) !!

 

 

[م الغزالى]

بلال فضل "يا معشر الإخوان: المتغطي بالسلطان عريان. كن مع المدني وإن قل عدده وأذاك بعض هتافه فقد كنت يوما قليل العدد يقمعك من تحاول أن تكون قفازا لهم

 

 

[savary]

وسط الزحمة دى كلها

وسط الحشود دى كلها

ازاى تضمن ميندسش واحد كدا ولا كدا

لا هو من شباب الاخوان

ولا هو من شباب الثورة


لو حد معاه سلاح !!


لو حد بيضرب من بعيد !


السلاح فى مصر زى الرز دلوقتى


أسهل حاج تجيبها الحشيش و السلاح و البلطجية !!!


لا قدر الله لو فيه دم مش الأمور هتتصاعد


حد هيفهم أن اللى ضرب مش من هنا ولا من هنا ؟


حد هيسامح فى الدم ؟؟؟



الدم حيهيج الناس


لو لاقدر الله واحد من الدروع البشرية دى وقع


ولا واحد من الناحية التانية وقع !


ليه كده !

 

 

[سيدة مصر الاولى]

معلش ممكن حد يقولى ايه اللى حصل ...و ليه الاشتباكات دى حصلت

 

 

[سيدة مصر الاولى]

هو مش شارع مجلس الشعب و مجلس الوزرا مقفول من الجيش اساسا ؟ازاى الشباب وصلوا هناك سواء الاخوان او غيرهم؟

 

 

[م الغزالى]

صحيح الكردونات دى مشوفنهاش ليه أيام محمد محمود ومجلس الوزراء وغيرها ؟ ولا بس كردونات على المكتسبات السياسية ... على أساس إن المجلس ده بقى بتاعنا !!!