عضوة قديمة فى ثوب جديد..فهل من مرحب يا مطاريد.

[رغدة]

انا زميلة قديمة كنت فى المحاورات وبعدين روحت الواحة وبعدين سافرت وانشغلت وخدنى الحنين للمصريين وقفشاتهم وكلامهم الحلو ولكن للاسف رجعت لاقيت كل شيء اتغير وناس كتير اختفتوالكل اصبح جديد واسماء غريبة وجديدة على.المحاورات كانت مكان جميل بيحسسنى ببيت العيلة فى ليالى الشتاء الباردة رجعت من غيبتى لاقيته اشبه ببيت التأمينات او مصلحة خدمات حكومية ..وكل الاسماء الكبيرة العزيزة على قلبي اختفت ..الواحة كانت جميل وشيك قبل ما اغيب عنها رجعت لاقيتها دار الشكاوى المصرية ومواضيع اكثر من سطحية كأن الناس زهقت لاقيت موضوع عن المطاريد بصراحة الاسم غير مشجع وقولت هى ناقصة من دار التأمينات لدار الشكاوى للمطاريد اوعوا تزعلوا منى انا باهزر بس جيت لاقيت المطاريد اسم على غير مسمى الناس الى حد ما كلها اسماء كبيرة لها احترامها وثقافتها ومجمل المواضيع مش بطالة وحسيت بجو اسري دافيء من خلال مراقبتى للمنتدي مدة لسيت بالقصيرة قبل ما اسجل ..واليوم قررت اسجل والادارة مشكورة فعلوا لى عضويتى بسرعة غير متوقعة ..واتمنى ان اجد ما ابحث عنه هنا بينكم يا مطاريد رغدة