سؤال لكل رجل متغرب

[القلب الكبير]

الصحف المصرية والعربية

بما انكم نازلين تحقيقات مع المرأه ا

فأنا قولت اسألكم وكلا ينهار ويعترف

لكل رجل متغرب بعيدا عن زوجته وبيته واولاده
عدة تساؤلات والرجال عموما ايه ردودهم على هذه التساؤلات


ايه شعورك وانت فى الغربه؟
هل اعتادت على التعايش بدون زوجتك واولادك؟
هل حبك لزوجتك مازال مستمر بنفس الدرجه؟(والا كتر البعد يعلم الجفا كما يقال)
هل المقابل يوازى التنازلات؟
طبعا انا عايزه كمان الستات يقولوا رأيهم

يلا انهاروا واعترفوا

 

[O.S.A.M.A]

اقتباس المشاركة الأصلية كتبت بواسطة القلب الكبير بما انكم نازلين تحقيقات مع المرأه ا فأنا قولت اسألكم وكلا ينهار ويعترف لكل رجل متغرب بعيدا عن زوجته وبيته واولاده عدة تساؤلات والرجال عموما ايه ردودهم على هذه التساؤلات

مش عارف ليه أنا شامم ريحة مش عاطفية فى الموضوع ده لأنى لسه قايل لناش انى لوحدى اليومين دول
"بعتينى يا ناش ؟؟؟؟ ماشي..."
لا لا لا ... ظلمتك يا ناش شكلها كده كبدة الناندوز هيا السبب

اقتباس المشاركة الأصلية كتبت بواسطة القلب الكبير ايه شعورك وانت فى الغربه؟

للأسف شعور أتعودت عليه لأنى لما حتى كنت فى مصر كنت باسافر كتير لوحدى هو يومين حزاينى كده وبعدين يعنى الواحد بياخد على كده

اقتباس المشاركة الأصلية كتبت بواسطة القلب الكبير هل اعتادت على التعايش بدون زوجتك واولادك؟

أتعودت للأسف

اقتباس المشاركة الأصلية كتبت بواسطة القلب الكبير هل حبك لزوجتك مازال مستمر بنفس الدرجه؟(والا كتر البعد يعلم الجفا كما يقال)

طبعاً أنا وزوجتى اللى بينا قصة حب فعلاً حقيقية ... وماعتقدش لا غربة ولا ميت غربة تقدر تأثر فينا أمال التليفونات والموبايلات والكمبيوتارات والانترنت بتعمل ايه ؟؟؟

اقتباس المشاركة الأصلية كتبت بواسطة القلب الكبير هل المقابل يوازى التنازلات؟

الحمد لله الوضع الحالى هو وضع مؤقت والولاد إن شاء الله هايرجعوا يعيشوا معايا تانى زى الأول والموضوع مافيهوش أى مقابل مادى بل البعد عمل خسارة كمان

اقتباس المشاركة الأصلية كتبت بواسطة القلب الكبير يلا انهاروا واعترفوا

عاجبك كده آدينى إنهرت أهـــــــــــــــــــــــــو

 

 

[القلب الكبير]

للأسف شعور أتعودت عليه لأنى لما حتى كنت فى مصر كنت باسافر كتير لوحدى هو يومين حزاينى كده وبعدين يعنى الواحد بياخد على كد

هو ده اللى عاوزه اعرفه يعنى كلامنكم اعتاد ان يعيش حياته بدون الاخر صح وده موش لوحده مشكله فى حد ذاتها

طبعاً أنا وزوجتى اللى بينا قصة حب فعلاً حقيقية ... وماعتقدش لا غربة ولا ميت غربة تقدر تأثر فينا أمال التليفونات والموبايلات والكمبيوتارات والانترنت بتعمل ايه ؟؟؟


مهما كان حبك ليها مش هيبقى بنفس الاشتياق والدرجه لو فضلتم سويا

يعنى انت شايف ان الموبايلات والكمبيوترات هى الحل ماأظونش مش معاك انا فى الموضوع ده

البعد عمل خسارة كمان

وهو ده اللى انا عاوزه اقوله

عاجبك كده آدينى إنهرت أهـــــــــــــــــــــــــو
الف سلامه علي حضرتك من الانهيار

 

 

[O.S.A.M.A]

اقتباس المشاركة الأصلية كتبت بواسطة القلب الكبير مهما كان حبك ليها مش هيبقى بنفس الاشتياق والدرجه لو فضلتم سويا يعنى انت شايف ان الموبايلات والكمبيوترات هى الحل ماأظونش مش معاك انا فى الموضوع ده

لأ بقى تصدقى أحنا أول مرة نبعد عن بعض الموضوع ده رجع لينا ذكريات حلوة "فاهماني طبعاً"
وكنا حاسين أن أحنا ازاى هانسيب بعض ولما كنت فى مصر وباسافر أسبوع ولا اسبوعين الموضوع ده كان بيجدد حياتنا
ومجرد استخدام التليفون هو وسيلة بس عشان نحس ان احنا ماسيبناش بعض مش وسيلة بديلة للعشرة طبعاً

اقتباس المشاركة الأصلية كتبت بواسطة القلب الكبير البعد عمل خسارة كمان وهو ده اللى انا عاوزه اقوله

لأ فهمتيها غلط ... أنا قصدى خسارة مادية مش خسارة فى حياتنا ..أصلا الولاد هى السنة دى اللى نزلوا فيها مصر وكل شهرين يا إما هما بيجولى يا إما انا بانزل وغالباً هما اللى بيجو
وخلاص هانت فاضل شهر نقول شهر ونص

اقتباس المشاركة الأصلية كتبت بواسطة القلب الكبير عاجبك كده آدينى إنهرت أهـــــــــــــــــــــــــو الف سلامه علي حضرتك من الانهيار

يافندم بعد أيه ....؟؟؟؟ بس تصدقى أنتى شكلك كده هاتبقى حليفة مع ناش وبدرورة عليا وشكلى كده مش هاعمر معاكوا كتير هنا

 

 

[القلب الكبير]

اقتباس المشاركة الأصلية كتبت بواسطة Abu Youssef لأ بقى تصدقى أحنا أول مرة نبعد عن بعض الموضوع ده رجع لينا زكريات حلوة "فاهماني طبعاً" وكنا حاسين أن أحنا ازاى هانسيب بعض ولما كنت فى مصر وباسافر أسبوع ولا اسبوعين الموضوع ده كان بيجدد حياتنا ومجرد استخدام التليفون هو وسيلة بس عشان نحس ان احنا ماسيبناش بعض مش وسيلة بديلة للعشرة طبعاً اسبوع او اتنين اوشهر اوشهرين يجدد (اكتر من كده مااظونش) وبعدين التليفون ده يادوب على اخباركم وعاملين ايه وكدهوت يعنى لكن لو فعلا فى مشكله حقيقيه الزوجه بتحاول تبعدها عن فكر الزوج لانها ببساطه مش عاوزه تشيله الهم كفايه غربته لأ فهمتيها غلط ... أنا قصدى خسارة مادية مش خسارة فى حياتنا ..لا فهمتك صح لانها نفس مشكلتى(خساره ماديه) وحضرتك بتقول ان كل شهرين هما بيجولك يعنى متعتبرش غربه اوى يعنى انا بقصد البعد عن الزوجه والاولاد مدة سنه مثلا او اكتر وربنا يهون الايام ويجمكم يارب على خير يافندم بعد أيه ....؟؟؟؟ بس تصدقى أنتى شكلك كده هاتبقى حليفة مع ناش وبدرورة عليا وشكلى كده مش هاعمر معاكوا كتير هنا

لا والله حضرتك منورنا بارائك وموضوعاتك وردودك
وشكرا جدا على ردودك القيمه

 

 

[O.S.A.M.A]

اقتباس المشاركة الأصلية كتبت بواسطة القلب الكبير وبعدين التليفون ده يادوب على اخباركم وعاملين ايه وكدهوت لا فهمتك صح لانها نفس مشكلتى(خساره ماديه) وحضرتك بتقول ان كل شهرين هما بيجولك يعنى متعتبرش غربه اوى يعنى انا بقصد البعد عن الزوجه والاولاد مدة سنه مثلا او اكتر

كدهوت دى مش غريبة عليا ...."أطلعي يا ناش..."

أنتى عارفة بقى أن أغلب اللى بيسيب ولاده فى مصر بيكون عشان يوفر فلوس وده اللى مش حاصل معانا خالص
طب تصدقى ؟؟ إن شاء الله هاتصدأى ؟؟؟
أنتى عارفه أحنا فى الغربة يا دوبك عايشين والله العظيم هو ده اللى حاصل ويمكن حاصل لأغلب اصحابنا هنا بس البلد ونظام البلد هو اللى مخلينا مش بنفكر نرجع مصر وكمان بندور على هجرة من الآخر "بينى وبينك ده أهم سبب من أسباب الخنقة عندي"

اقتباس المشاركة الأصلية كتبت بواسطة القلب الكبير لا والله حضرتك منورنا بارائك وموضوعاتك وردودك وشكرا جدا على ردودك القيمه

يا فندم المنتدى منور بناس محترمة زيك

 

 

[القلب الكبير]

لا والله ناش بريئه
وبعدين هى فعلا كلمة ناش بس عجبتنى واستعارتها عادى يعنى
مش اوقات كتير لما شخصيه بتعجبك وبيعجبك افكارها وخفة دمها تلاقى كلام منها بيلزق معاك هو ده اللى حصل وبعدين دى كلمه صغنطوطه
سامحينى ياناش

أنتى عارفة بقى أن أغلب اللى بيسيب ولاده فى مصر بيكون عشان يوفر فلوس وده اللى مش حاصل معانا خالص


والا معانا

يا فندم المنتدى منور بناس محترمة زيك
الله يخليك ويهون عليك غربتك

 

 

[O.S.A.M.A]

اقتباس المشاركة الأصلية كتبت بواسطة القلب الكبير والا معانا

ماتعياطيش خالص انتى طلعتى من نفس المدرسة ؟؟؟؟
... بس انتى عارفه الموضوع ده مشكلة فعلاً وللأسف زوجتى على طول تقولى "محسوب علينا خليج"
وطبعاً الناس اللى بتجيلنا من مصر شايفين بقى قاعد فين وراكب عربية شكلها أيه ؟؟؟؟؟
وانتى عارفه الكارثة الكبيرة بقى ان احنا كنا واخدين هنا فيلا من الشغل ودى طبعاً لوحدها مش عايز اقولك خدت فيها أررررر محترم وأحلفلهم أقولهم والله يا اخوانا دى الشغل مديهالى ومش دافع ولا ريال طبعاً مين يصدق وفعلاً روحت بعدها الديوان وقولتلهم شوفولي شقة كويسة وخدوا الفيلا دى طبعاً قالولك مين الخبلونة ده اللى عايز يغير فيلا بشقة ؟؟؟ والله الكلام اللى باقولهولك ده اللى حصل معايا
تصدقي ؟؟؟ إن شاء الله هاتصدأى...
والله أنا حصلتلى حادثة بالعربية من حوالى سنة لو الحادثة دى اتصورت تيجى على طول فى مواقف وطرائف.... "أوعي تقولى لبدرورة" وبدون سبب
بس هانعمل أيه البلد غاليه جداً ومدارس ولاد أكتر من غالية يعنى أنا لو سفرتهم يدرسوا فى أوروبا ولا أمريكا هايكون أرخص
الله يسامحك قلبتى عليا المواجع

 

 

[القلب الكبير]

والله أنا حصلتلى حادثة بالعربية من حوالى سنة لو الحادثة دى اتصورت تيجى على طول فى مواقف وطرائف.... "
الحمد لله ان حضرتك بخير ودى ضريبة السفر سورى يعنى ان مأرور عليهم وعلى كل ارش من فلوسهم
ربنا يحفظك ويحفظ زوجتك واولادك
ودائما اقرا(اعوذ بكلمات الله التامه من كل شيطان وهامه ومن كل عين لامه)

الله يسامحك قلبتى عليا المواجع
انا اسفه مكنتش اقصد وربنا يهون عليك وترجع بألف سلامه

 

 

[O.S.A.M.A]

اقتباس المشاركة الأصلية كتبت بواسطة القلب الكبير انا اسفه مكنتش اقصد وربنا يهون عليك وترجع بألف سلامه

يا فندم ماتعتذريش ... الواحد بس دخل شوية فى مود الخنقة بعمق أكتر
دومتى بخير