هل الاخوان ومرشدهم في ورطة؟! (لقاء المرشد ومبارك)

[SindBad]

الصحف المصرية والعربية

انا اتفاجئت دلوقتي ع الفايس بوك بالفيديو ده
معرفش ان كنتوا شفتوه ولا لأ؟؟!!

الملخص، إن فيه احتمال ببراءة مبارك
وهو يعقد صفقة مع الأخوان التيار الأغلب والحاكم
في مصر، في حال صدور براءة، يجب أن يهئوا الناس
لذلك وأن يتقبل الشعب ذلك،

المرشد وعده خير، بشرط أن مؤامرات طرة تتوقف
وواضح أنه تم تفعيل الاتفاق، بدليل ضعف الموجودين من مؤيدي
الرئيس أمس أما الاكاديمية على غير العادة

فيا ترى، هل هذه هي الصفقة الوحيدة للأخوان؟!
ولسه بينكروا أنهم عقدوا صفقات مع العسكر؟!!
وما صفقة التلمساني مع السادات ضد الشيوعيين عنا ببعيد

كله بيتكلم على البراءة، هل هي صفقة بين جميع الاطراف؟
أما أنه تم تسريب الحكم؟!!
فعلاً القضاء المصري، قضاء نزيه وشريف

حسبي الله ونعم الوكيل

 

[SindBad]

 

 

[savary]

الأخوان بينتحروا سياسيا !!


كويس :)


10 سنين على الأكتر فى مناخ الحرية و الديمقراطية


وسينتهون !!!

 

 

[Farida]

كلام فارغ ولايمكن يحصل و عرفت ان عصام كامل بتاع الجريده ده فلول ......و التفسير الوحيد اللى عندى ان دى قرصة ودن من المجلس العسكرى بيقولوا للأخوان ايه رأيكم ولا تطالبوا بحكومة ولا نيله احسن نشتغلكم فى الأزرق زى موضوع نغم الهلباوى كده مع السلفيين ........المهم الأخوان ياخدوا بالهم بقه ان اللى جاى او****** قصدى اسوأ

 

 

[dr-amira]

بصراحة مش مصدقة ...يعنى المرشد ولا الشاطر ولا مبارك اللى حكى التفاصيل دى لعصام كامل ؟؟
زى ما فريدة قالت ..دى مجرد قرصة ودن

 

 

[O.S.A.M.A]

الأول هل ده وارد أنه يحصل ؟ يعنى هل وارد ان مبارك يطلب يقابل رأس هرم الإخوان ؟

أنا أظن أنه وارد لأ ووارد بقوة كمان لأن من الواضح أن مبارك أصبح على المحك وأعتقد أن كل الناس اللى حواليه هايبتدوا يتفرقوا واحد ورا التانى ومن الطبيعى أنه يحاول ينجي نفسه بأى وسيلة لأن الموضوع بقى حياة أو موت

لكن اللى مش وارد أن المرشد يوافق على مقابلته لأن مقابلته تعنى خسران شعبية كبيرة يمكن داخل جماعة الإخوان نفسها

وإحتمال برضه ان يكون المرشد فكر بمنطق القوة أنه أصبحت الجماعة فى موقف قوة والمرشد هو هرم هذه القوة فأيه المانع أنه يقابله من المنطلق ده

أكيد لو الموضوع غير صحيح الإخوان هاتنزل بيان تكذيب بس أنا شخصياً مش عارف هاصدقه ولا لأ !!!؟؟؟

 

 

[SindBad]

الاخوان مش بينتحروا
لأن الانتحار بيكون فيه إرادة ورغبة في الفعل، حتى لو كان غير مقبول
أما ما يحدث من الاخوان فهو طبيعتهم وسلوهم، هم أهل مؤمرات واتفاقات
واتفاقيات، ويربون نشئهم على هذه الاساليب، لا أتجنى على أحد
ولكن عن عشرة عمر طوييييييييييلة، هم كذلك دائماً
لديهم القدرة على التحالف مع الشيطان لتحقيق مآربهم

- الخبر بيقول، أن المجلس الأعلى للأخوان شار واستشار
وهم يعملون بمدأ الشورى، ووافق المتشاورون، وكلفوا المرشد والشاطر أو أحدهما
المهم احتمالية حدوث هذا مثلما قال الاخ O.S.A.M.A. واردة، بل من وجهة نظري بنسبة قوية
بالنسبة لخوفهم من رعاياهم "الأخوانجية" ، هذا قول غير صحيح، فالأخوانجي
يسمع ويطيع ولا يختلف ولا يناقش ولا يجادل، يا أخ علي، ومن يفعل غير ذلك
يصبح في خانة الخارجين، والفلوطة، أبو الفتوح وابو ماضي وسلطان ...الخ
المهم أعتقادي النهائي، أنه يحدث في مصر شوائب ومؤمرات كثيرة هذه الأيام

ولا زلنا نسمع وسنسمع الكثير مستقبلاً
رغم أني أتمنى من الله أن يُخلف ظني في الأخوان

 

 

[dr-amira]

المصدر: منتديات المطاريد ... لقراءة المزيد إضغط على الرابط : https://www.almatareed.org/vb/showthr...#ixzz1ixHmr0N8

أكيد لو الموضوع غير صحيح الإخوان هاتنزل بيان تكذيب بس أنا شخصياً مش عارف هاصدقه ولا لأ !!!؟؟؟

محمود غزلان نفى امبارح و اكد انه هيقاضى الجريدة

 

 

[إكرام يوسف]

طبعا الله أعلم.. ولكن كاتب الموضوع عصام كامل ـ لا أعرفه ولا أعرف مدى مصداقيته ـ لا أعتقد أنه سيغامر في أول عدد يصدره من الصحيفة بخبر مختلق من أوله إلى آخره.. خصوصا وأنه يذكر تفاصيل.. وعندما تحدث محمود غزلان إلى يسري فوده في برنامج آخر كلام أمس ونفى الخبر جملة وتفصيلا، قال ان الجماعة ستلجأ للقضاء ولنقابة الصحفيين، فقال عصام كامل متحديا ان لديه تفاصيل أكثر لم ينشرها حتى لا يكشف مصدره داخل الجماعة.. لكنه قال انه سيقول أكثر في ساحات القضاء.. شخصيا لا أستطيع أن أصدق أو أكذب.. لكنني أعتقد أن هناك ترتيبات ما بين الإدارة الأمريكية والإخوان والمجلس العسكري ربما كان مصير مبارك من ضمنها

 

 

[شينكاوي]

بيقولك ان الاخوان مربين حيوان الكراكن وانهم سيطلقوه علي المصريين فور انتهاء الانتخابات
وفي رواية تانية لواحد تاني بيقولك ان اصل الاخوان صينين
وفي رواية تالتة بتقول ان الاخوان تعاونوا مع اليهود لاحتنلال الهملايا
وفي رواية رابعة بتقول ان الشبكة اللي كان واقف في ماتش الاهلي وسانجر اخوااااااان