Arabic Discussion Forum with a Special Interest in Travel and Immigration

Prof · 30th March 2011, 10:55 PM

الصحف المصرية والعربية

اﻹعلان الكستوري 30 مارس 2011
حد زعلان منه؟
ليه..
حد مبسوط منه؟
ليه..

حشيش · 30th March 2011, 11:08 PM

ليه يا أونكل محذفوش البند بتاع نسبة الـ 50% عمال وفلاحين فى مجلس الشعب فى الإعلان الكستورى الجديد؟

Prof · 30th March 2011, 11:12 PM

اقتباس

المشاركة الأصلية كتبت بواسطة حشيش


	ليه يا أونكل محذفوش البند بتاع نسبة الـ 50% عمال وفلاحين فى مجلس الشعب فى الإعلان الكستورى الجديد؟

مش عارف يا معنمي.. أنا برضه استغربت.
بند عجيب دبابة

(على رأي البت منى).

savary · 30th March 2011, 11:23 PM

انا زعلااااااااااااااااااااااان

عاااا عاااااااااا عاااااااااا

انا عايش بقالى مش كتير أوى

حاجه بتاع 28 سنه الا كام شهر

بدأت ادراكى السياسى وانا ابن 15 ربيع , لا ربيع ايه بقى , هما خلوا فيها ربيع

وانا ابن 15 خريـــــــــــــف

من وقتها وانا بحلم ب يوم يسقط فيه دستور 71

أدركت من وقتها انه مصدر كل الشرور !!

فضلت مستنى اليوم دا !

مستنيـــــــــــــــــــــــــــــــــــــــــــــ ــــــــــــــــــــــــــــــه

دستور71 اسوأ دستور على وجه الأرض !

تللك اللعنه الأغريقيه

ذلك الطلسم الملعون

ذلك العمل السفلى الذى صنعه السادات ثم ألقى به فى اليم لتبلعه سمكه سردين استقرت فى بطن حوت فى قلب المحيط !

المشكله ان المره دى علمنا كل حاجه

كل اللى نقدر او منقدرش نعمله عملناه

تعبئه على النت و الشباب مقصرش ونزل الشارع و اعتصم واتظاهر

اللى كان برا مصر حاول ينزل و اللى نزل اسبوع قعد 10 ايام منهم برا البيت !

ومشى مبارك

واتحل جهازه القمعى الفاشى

ومشى احمد شفيق

ودستور 71 لسه بيطلعلى لســـــــــــــــــــــــانه !!

انا كان عندى يمشى دستور 71 ويقعد مبارك أرحم !

مبارك مبقاش مبارك الا بدستور 71

دستور 71 يعنى السحل

يعنى القمع

يعنى الفاشيه والنازيه

يعنى الطوارىء

يعنى الديمقراطيه بالأرانب

يعنى الاستعباط و التهريج و التزوير و الفقر

يعنى وطن تحيا فيه الخراف لا البشر !

يعنى كل ماهو سىء , كل ماهو قذر , كل ما هو منحط ,

والاعلان الكستورى تقريبا 85% منه دستور 71

وكأن - دستور 71-لا فكاك منه

سحر أسود ملعون !

ومش عارف نعمل اييه تانى بس يا ربى

نعمل ايه تـــــــــــــانى ؟!!!

نلبس حزام ناسف؟؟ نشيل سلاح ؟؟؟

ما احنا مش هنعرف نعمل غزوات زى بتاعهتم طيب

ولا عندنا منابر جوامع وزوايا نقعد نكيل لهم السباب من خلالها

ولا هنعرف نقول زيهم (( مدنيه يعنى امك متلبسش حجاب - ليبراليه يعنى امك متلبسش هدوم خالص - تداول سلطه يعنى امك تتجوز اتنين مع بعض )) !!

وتوقعى ان الكاستور اللى هيحطه الاخوان والسلفيين والوطنى بعد ما يعملوا غزوه البرلمان - ودى الجزء

التانى من غزوه الصناديق

واللى عاوز يشوف الجزء التانى ويفهمه لازم يشوف الجزء الاول - غزوه الصناديق -

ونبقى فى انتظار الجزء التالت - الغزوه الرئاسيه !

اصلها ملحمه بعيد عن السامعين زى مملكه الخواتم كده

المهم الكاستور اللى هيحطوه اصحاب الغزوات هيبقى كاستور مقلم

مش هيفرق عن دستور 71 كتير

وهيطلع السادات برده ويطلعلى لسانه و يقولى مش قولتلك

مفيــــــــــــــــــــــــــش فايده ,, العمل مبيتفكش

انور السادات لا يمـــــــــــــــــــــــــــــــوت

دستـــــــــــــــــــــــــــــــــــــــــور 71 لا يذهب

انا هرجع لتوقيعى القديم

لا يأس مع الحياه ولا حياه لمن تنادى !!

كل شىء راح وأنقضى و سرقووووووووووووووووهااااااااا أصحاب الغزوات

بس انا فرحان و نفسى تكلل غزواتهم بالنجاح

خلى الشعب اللى بيصدقهم يدوووووووووووووووووق !

السحل على الطريقه الاسلاميه !

اهو تجديــــــــــــــــــــــــــــــــــــــــــــــ ـــــــــد !!

المجد للشهداء !

لا عزاء لاصحاب الغزوات !!

سيلعنكم التاريخ !

قلبت علينا المواجع يا مستر برووووووووووف

abysaleh · 31st March 2011, 12:14 AM

اقتباس

المشاركة الأصلية كتبت بواسطة savary


	اللى كان برا مصر حاول ينزل و اللى نزل اسبوع قعد 10 ايام منهم برا البيت !

هو مش الاسبوع 7 ايام برضه... قعدت منهم 10 ايام يبقى فاضل كام من السبعة

Prof · 31st March 2011, 12:20 AM

حسام عيسى وحسن نافعة وجمال زهران مع يسري فودة
عن هذا الموضوع

savary · 31st March 2011, 12:32 AM

عشـــــــــــــــــــان برين ميزعلش منى و يقولى لسه قدامنا فرصه

دا موضوع المفكر- مينفعش الحقيقه يتسمى غير كدا - برين

حتى لا نلعن الظلام

https://www.almatareed.org/vb/showthr...E1%D9%E1%C7%E3

بجد الانتخابات النيابيه اللى جايه معركه حياه أو موت بالنسبه للثوره

بجد هى الأمل الأخير

بجد هى المعركه الأخيره

نخوضها دفاعا عن وجودنا قبل آى شىء آخر

هى معركه وجـــــــــــــــــــــود !!

---------------------------------------------------------------------------------

الانتخابات المره دى معناها الدستور و الدستور معناه خمسين سنه كمان

اما ان ننطلق للمستقبل و اما نعود لحياه الخراف

لا منطقه وسطى هنا

لا طريق ثالث هنا

لا خيارات أخرى متاحه !!

---------------------------------------------------------------------------

لازم شباب الثوره والمؤمنين بالثوره ينزلوا من دلوقتى !!

يجهزوا لمعركتهم من دلوقتى !!

(حلف الأخرين )عاوزين يعملوا الجزء التانى من سلسله الغزوات - غزوه البرلمان

ودا بعد نجاح غزوه الصناديق !

ولازم نقلبها عليهم انتفاضه البرلمان ان شاء الله

انتفاضه الثوره المصريه و شباب الثوره

لازم نخوض المعركه الكبرى - أم المعارك

لازم نقاتل حتى آخر صوت !

لازم نخوض المعركه بالملايين

حتى من الأمم التانيه - مش مشكله !

صندوق صندوق !!

لجنه لجنه !!

دايره دايره !!

مركز مركز !!

مدينه مدينه !!

محافظه محافظه !!

نزحف عليهم و نقول لهم من أنتم ؟؟

دقت ساعه العمل

دقت ساعه التصويت !

دقت ساعه الانتخابات !

دقت ساعه اليد و ساعه الحائط!

وساعه الموبايل و ساعه تروح و ساعه تيجى !

دقت ساعه لقلبك و ساعه صفا و ساعه بقرب الحبيب !

دقت كل الساعات والمنبهات !

الى الصناديق .. الى اللجان ... الى الأمام

لن يدخلوها الا على أجســــــــــادنا !!

لن يكسبــــــوها الا على بقــــــايانا و أشلائنا !!

الى الامــــــــــــــــــــام !!

لا رجــــــــــــــــوع !!

إنتفاضه البرلمان !!

---------------------------------------------------------------------------------

أنا هزرت كتير لأنى فعلا مكتئب

لكن - موضوع الفاضل برين فعلا مهم جدا

والانتخابات البرلمانيه فعلا المعركه الأخيره للثوره المصريه

ان شاء الله وبإذن الله ربنا هينصر المخلصين

وهتبقى بركه من بركات أم الدنيا

كرامه من كراماتها

اصلها كده و شعبها كده و رجالتها كده - ليهم كرامات

باى منطق سياسى فالأمور صعبه جدا - الوقت ضيق جدا - قدرتهم على الحشد رهيبه جدا !

شباب الثوره اشتغل سياسه ممكن , لكن الانتخابات لعبه تانيه خالص !!

لكن ربنا كبير .

savary · 31st March 2011, 01:27 AM

اقتباس

المشاركة الأصلية كتبت بواسطة abysaleh


	هو مش الاسبوع 7 ايام برضه... قعدت منهم 10 ايام يبقى فاضل كام من السبعة

ما هما 10 أيام

أسبوع فى الشارع و أسبوع فى البيت و يومين مصيف

------------------------------------------------------------------------

فيديو رائع يا مستر برووف

اقولكم على فكره ؟

هل كان المقصود (( أن تخلق عدوا ؟ ))

to creat an enemy !

يعنى الثوره عاوزه دستور جديد , و المجلس العسكرى مش عاوز دا - مش عارف السبب ايه الحقيقه - لان ثقتى عاليه آوى بالمجلس العسكرى ومش عاوز ظنى يكون سىء

لكن بدلا ما اكون انا اللى واقف قدام الطوفان الثورى

انا أقسمهم نصين

والنصين يقفوا قصاد بعض

وواحد زى حالاتى كده كان نفسه دستور جديد و محترم

بدل ما يلوم المجلس العسكرى , يصب جام غضبه على من موافق على التعديلات
خصوصا الاخوان

و بدل ماا لاخوان يبقوا مع الثوره وعاوزين دستور جديد

انا اطمعهم و اخلق مكسب سياسى بالنسبالهم وكده كده بالنسبالهم النهايه واحده

دستور جديد

بس لو قالوا نعم هيبقى دستور جديد و مكسب سياسى لهم

ولو قالوا لاء يبقى دستور جديد فقط

وهنا لازم هيختاروا الاختيار الاول !!

وبعدين بعد ما قسمت الثوره نصين , اطلع اديهم كلهم على دماغهم و انزل باعلان دستورى ملهوش دعوه بكل دا

شويه مواد معدله على اكثريه من 71 و عدنا للمربع صفر و حاله متاهه دستوريه و محدش فاهم حاجه !

لكن قوى الثوره اتقسمت خلاص و تم امتصاص الموجه الثوريه !!

أنا بهيس ولا إيه ؟؟

savary · 31st March 2011, 03:25 AM

اللواء ممدوح شاهين كان عصبى شويتين

الجزء الأول م البرنامج قطع المجلس العسكرى خالص !!

والبيان الدستورى اللى طلعه !!

فالراجل كان متنرفز

بس الظاهر ان فى حد كان بيشوف البرنامج

فخلى الراجل التانى اتصل واللى مرضيش يقول رتبته او اسمه

أحد قيادات القوات المسلحه و بس !

الراجل الحقيقه فى منتهى الذوق و التلقائيه و خفه الدم !!

خلى الجزء التانى جميل من البرنامج جميل آوى

الراجل ثبت الناس و ثبتنا و ثبت يسرى فوده !

بس الواحد فرحان بدرجه الرقى فى النقاش و ان الناس بتهتم بشكلها

لما حسوا ان اللواء ممدوح شاهين عصبى شويه , صلحوا الموقف على طوووول

مش الرئيس السابق بتاع سيبهم يتسلوا

واضح ان المجلس العسكرى قلقانين آوى , خايفين آوى من اى خطوه

بيفكروا فى الحاجه ألف مره قبل ما يعملوها

هما لقيوا نفسهم فى موقف مش محضرين له او متخيلينه وبين يوم وليله !!

ربنا يكرم الجيش و النخبه و يقدروا يوصلوا بالبلد دى لبر الأمان

تصحيح · 31st March 2011, 07:10 AM

دعوه لموضوعي

مصر المستقبل - الرؤيا

اللواء ممدوح شاهين كان عصبى شويتين

لا أظنه كان عصبيا كان بيشدهم شدة ميري

الجزء الأول م البرنامج قطع المجلس العسكرى خالص !!

مشكلة تلك البرامج ان كل ضيف يتكلم موحيا للمستمع انه ممثل الشعب الوحيد و متجاهلا ان الشعب رفض رؤيته بنسبة 77.8% مقابل 22% منها علي الأقل 10% بناءا علي توجيهات الكنيسة

اشعر أنهم كانوا يتكلمون بمرارة و حصره علي فشلهم السابق

محاولات التهجم علي المجلس الاعلي للقوات المسلحة و كذلك محاولات جعل المجلس طرفا في اللعبة السياسية و ايضا محاولات فصل قيادات القوات المسلحة عن قاعدتها ( كما أشار نافعة أكثر من مرة ) هي ما أثار غضب اللواء ممدوح شاهين فشدهم ميري

المزري في النقاش وضوح اجتزاءهم قراءة البيان و التصيد و الاستماتة في منهج عرقلة سرعة الانتقال إلي الديمقراطية ثم التمسك باراءهم المرفوضة شعبيا

المواد

1ـ التشريع .
2ـإقرار السياسة العامة للدولة والموازنة العامة ومراقبة تنفيذها .
تنتقل تلك الصلاحيات الي مجلسي الشعب و الشوري فور انتخابالمجلسين

المواد
3ـتعيين الأعضاء المعينين فى مجلس الشعب .
4ـ دعوة مجلسى الشعب والشورى لانعقاددورته العادية وفضها والدعوة لإجتماع غير عادى وفضه .
5ـ حقإصدار القوانين أو الاعتراض عليها .
6ـ تمثيل الدولة فىالداخل والخارج، وإبرام المعاهدات والاتفاقيات الدولية ، وتعتبر جزءاً من النظامالقانونى فى الدولة .
7ـ تعيين رئيس مجلس الوزراء ونوابهوالوزراء ونوابهم وإعفاؤهم من مناصبهم .
8ـ تعيين الموظفينالمدنيين والعسكريين والممثلين السياسيين وعزلهم على الوجه المبين فى القانون،واعتماد ممثلى الدول الأجنبية السياسيين .
9ـ العفو عنالعقوبة أو تخفيفها أما العفو الشامل فلا يكون إلا بقانون .
10ـ السلطات والاختصاصات الأخرى المقررة لرئيس الجمهورية بمقتضى القوانينواللوائح .
وللمجلس أن يفوض رئيسه أو أحد أعضائه فى أى من اختصاصاته .

تنتقل تلك الصلاحيات الي رئيس الجمهورية فور انتخابه وبعد تأدية القسم امام مجلسي الشعب و الشوري
انتخاب رئيس الجمهورية بعد شهرين علي الاكثر من انتخابات مجلسي الشعب و الشوري ( بحسب تصريح شاهين )

عدلوا الدستور اعملوا دستور جديد

اعملوا اللي انتم عايزينه بالديموقراطية

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
الكلام ده غلط يا جماعة	إقتراحات ... مشاكل تقنية	كيرمايكل	95	9486	25th January 2012 07:47 PM
مالِك حَزين	معرض الصور والفنون الجميلة	إكرام يوسف	4	897	8th January 2012 11:33 PM
حد عنده بروجكتور؟	ثورة مصر ... 25 يناير 2011	Prof	4	1308	25th December 2011 07:53 PM
حملة المشاركة الشعبية لدعم المرشحين الشباب	توعية جماهيرية	الخلاصة	1	1340	14th November 2011 02:12 PM
أوراق يوسف صديق	ثورة يوليو 1952	إكرام يوسف	9	4157	11th November 2011 09:02 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مصادر: الانتخابات 28 نوفمبر 2011 وانعقاد أولى جلسات مجلس الشعب 17 مارس 2012	د. يحي الشاعر	شهود على العصر	0	27th September 2011 10:01 PM
ويكيليكس :- محاولة أغتيال البرادعي يوم الأستفتاء 19 مارس 2011	الفرعون المجهول	إنتخابات الرئاسة	49	11th September 2011 06:22 PM
"ثورة الأغلبية الصامتة" بمصر.. يوم 19 مارس 2011!	بندق	شؤون مصر الداخلية	3	24th March 2011 05:48 AM
ثورة السعودية يوم 20 مارس 2011	Doudy	ثورات عربية	132	17th March 2011 10:29 PM
ثورة سلطنة عمان يوم 2 مارس	Doudy	ثورات عربية	13	17th March 2011 03:37 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

ثورة مصر ... 25 يناير 2011

اﻹعلان الكستوري 30 مارس 2011