Top 8 Reasons NOT to Immigrate to Canada

[ehabtaher]

الصحف المصرية والعربية

ماتزعلش يا سيرجيون
بص انا طالع من مصر على السعوديه ومافيش فى دماغى وانا فى مصر الا الحصيله المتراكمه من احنا الفراعنه مصر ام الدنيا العبقريه المصريه وطبعا فاكر انه ياما هنا ياما هناك ولكن بعد شويه القيلك ان ده الموجود فى كل مكان فى دولنا العربيه السعوديه يقولك ياسعودى انا سعودى وحاجات من هذا القبيل ومصر الاغان الوطنيه والمصريين اهما ملت دماغنا او قول عملت لنا غسيل مخ (عنصريه يعنى)
ولكن لما تغسل نفسك من كل ده

تجد ان كندا بلد حطت لنفسها مستوى معين فى كل حاجه ترضى انك تعيش على هذا المستوى كان بها
ماتقدرش هما مش بيمنعوك انك تمشى

الدراسه فى مصر الخاص دلوقت اقل حاجه 30000 لحد 90000 جنيه فى السنه

ولما يطلع دكتور مثلا مش حيلاقى وظيفه الا ب مثلا 1000 جنيه لما يبقى عنده واسطه


طيب اذا كانت شغلانه بسيطه زى المسعف مثلا بتخليك تعيش عيشه كريمه فى كندا زى الدكتور فى مصر
وانا امكانياتى تسمح باننى اشتغل الشغلانه البسيطه دى بل واكثر
يبقى ابدأ من هنا وكمل الطريق الى السلمه اللى بعدها

انا افتكر مسلسل اى ار كان فيه واحد فىالطوارئ عنده نزف من الاورطى وحيموت فى الطوارئ قامت اللى اسعفته هى العامله واللى هى اصلا طبيبه اوعيه فى بلدها (الكلام ده عن امريكا) فى مسلسل تلفزيونى وطبعا اكيد الظاهره دى موجوده هناك بكثره والا مكانوش يلاحظوها ويحطوها فى المسلسل

المهم ابدأ ولا تياس وادرس سواء المعادله او ادرس فى الجامعه من تانى

امال لما تشوف واحد بيدرس وعمره 55 سنه او 60 سنه وكل هدفه انه يغير الكارير لانه زهق
عندك من دلوقت الفرصه تغير الكارير وتاخد الحاجه اللى بتحبها ليه ما تستغلهاش

ابدأ وربنا يعمل اللى فيه الخير

 

 

[هنداوي]

لا مصر مفيش مقارنة اصلا يا جماعة
والله ما فيه ايجار دلوقتي تحت الـ 1000 جنيه الا اذا كان مأساوي جدا

انا متأكد ان كندا وغيرها فيهم سلبيات لكن المسألة بالناتج الصافي (محاسب بقى)

انا في المقارنات دي بفتكر دايما سمير غانم في مسرحية المتزوجون
لما لينا بتقوله : مش انت اللي قولتلي نبدأ مع بعض من الصفر
فقالها : من الصفر يا لينا عندكو , في الفيلا , في بيت باباكي
هنا تحت الصفر يا ماما

 

 

[المصرى أفندى]

	استاذ المصرى افندى شكرا على مداخلتك بس أنا مش فاهم أنت رأيك ايه مع و لا ضد أنا مع الهجرة الى كندا مش ضدها أنا مع النحت فى الصخر و أكتر من كده و طبعا بالحلال أنا مع بذل الجهد و التعب فى سبيل الوصول لحياة كريمة و أكيد حضرتك عارف الدوافع اللى دافعتنا للهجرة الى كندا و فى الأخر مش عايز أخرج عن الموضوع و ربنا يوفق الجميع أستاذ رامى آسف انى كتبت أسمك بالغلط كنت قاص بكلامى أستاذ سبيدر لكن على العموم أنا مع الهجرة بنسبة ديشريون سنة ضوئية ودة عشان أنا يا جماعة بعانى فى مصر طبعا الحمد لله فى الأول وفى الآخر بس مش عارف ليه حاسس أنى مش دى بلدى زى ما كان الله يمسيه بالخير د/أشرف حمدى رسم كاريكاتير لمواطن مصرى بيسأل شخص مصرى برده فى الشارع فى مدينة القاهرة(هى السفارة المصرية فين لو سمحت) وعنون الكاريكاتير بأسم الغربة داخل الوطن حاسس أن حقى مهضوم ان فرصة انى أشتغل شغلانة محترمة مع position محترم مش بتيجى الا بالرشوة و الواسطة والمحسوبية (على رأى شريف منير فى فيلم ولاد العم لو حد شافه مع فارق وجود كندا أو أى دولة غربية ماعدا دولة أحفاد القردة) ودة ليه لأن الدول الغربية قائمة بنسبة 85%على النظام والعدل و المساواة ومفيش حد فوق القانون نفسى أتقدر مش لا مؤخذة الاقى الرقاصة و لاعيب الكورة اللى يجرى ورا الكور 90 دقيقة بس ياخد اللى ياخده أستاذ جامعة محترم عايش بالحلال لمدة 140 سنة ليييييييييه و عشان أيه حرااااااااااام بجد أتفرج على كليات الطب اللى فى بلدنا ما شاء الله كل استاذ فيها بيعين أبنه و كأنهم من سلالة أباقراط و أبن النفيس دى بقت شبه دكانة الحاج حلمى و ولده اتفرج يا سيدى داخل طب أسكندرية فى منهج التشريح بيحصل أيه عشان متستغربش ليه فيه دكاترة بينسوا مقص و مشرط و فوطة جوة بطن العيان أتفرج على الشباب اللى ياحول الله يارب جاب مافوق 96 % خد الرابط و اتفرج على الفضيحة https://www.bbcalex.com/News/News.asp?id=56375 دة كمان مش عارف حيلاقيها من المية الملوثة ولا الخضار المسرطن ولا اللحوم الفاسدة اللى بتتوزع علينا أقرأ هذا التقرير عن اللحوم فى مصر عشان بس تتحسر على حالك و كأن الناس دى بتعملنا تحديد نسل أجبارى https://www.masrawy.com/News/Egypt/Po...rted_beef.aspx بدعى ربنا فى الأول وفى الآخر انه سترها معانا دنيا و آخرة سواء فى بلدنا أو فى أى بلد آخر الرحمة من عندك يارب

 

 

[مصطفى العزبى]

بسم الله الرحمن الرحيم
الواحد دماغة هتسيبه وتروح لواحد غيره من كتر التفكير فى اللى بيحصل فى مصر
بعد اللى قريه على اللى بيحصل فى مصر
لو فى هجرة لبلاد الواق الواق او حتى الهجرة لموزمبيق عيبها ايه يعنى

حد عارف شروط الهجرة ليها ياريت يقولى
انا لغيت كندا خالص موزمبيق احسن

 

 

[نوفا سمايل]

اقتباس المشاركة الأصلية كتبت بواسطة المصرى أفندى استاذ المصرى افندى شكرا على مداخلتك بس أنا مش فاهم أنت رأيك ايه مع و لا ضد أنا مع الهجرة الى كندا مش ضدها أنا مع النحت فى الصخر و أكتر من كده و طبعا بالحلال أنا مع بذل الجهد و التعب فى سبيل الوصول لحياة كريمة و أكيد حضرتك عارف الدوافع اللى دافعتنا للهجرة الى كندا و فى الأخر مش عايز أخرج عن الموضوع و ربنا يوفق الجميع أستاذ رامى آسف انى كتبت أسمك بالغلط كنت قاص بكلامى أستاذ سبيدر لكن على العموم أنا مع الهجرة بنسبة ديشريون سنة ضوئية ودة عشان أنا يا جماعة بعانى فى مصر طبعا الحمد لله فى الأول وفى الآخر بس مش عارف ليه حاسس أنى مش دى بلدى زى ما كان الله يمسيه بالخير د/أشرف حمدى رسم كاريكاتير لمواطن مصرى بيسأل شخص مصرى برده فى الشارع فى مدينة القاهرة(هى السفارة المصرية فين لو سمحت) وعنون الكاريكاتير بأسم الغربة داخل الوطن حاسس أن حقى مهضوم ان فرصة انى أشتغل شغلانة محترمة مع position محترم مش بتيجى الا بالرشوة و الواسطة والمحسوبية (على رأى شريف منير فى فيلم ولاد العم لو حد شافه مع فارق وجود كندا أو أى دولة غربية ماعدا دولة أحفاد القردة) ودة ليه لأن الدول الغربية قائمة بنسبة 85%على النظام والعدل و المساواة ومفيش حد فوق القانون نفسى أتقدر مش لا مؤخذة الاقى الرقاصة و لاعيب الكورة اللى يجرى ورا الكور 90 دقيقة بس ياخد اللى ياخده أستاذ جامعة محترم عايش بالحلال لمدة 140 سنة ليييييييييه و عشان أيه حرااااااااااام بجد أتفرج على كليات الطب اللى فى بلدنا ما شاء الله كل استاذ فيها بيعين أبنه و كأنهم من سلالة أباقراط و أبن النفيس دى بقت شبه دكانة الحاج حلمى و ولده اتفرج يا سيدى داخل طب أسكندرية فى منهج التشريح بيحصل أيه عشان متستغربش ليه فيه دكاترة بينسوا مقص و مشرط و فوطة جوة بطن العيان أتفرج على الشباب اللى ياحول الله يارب جاب مافوق 96 % خد الرابط و اتفرج على الفضيحة https://www.bbcalex.com/News/News.asp?id=56375 دة كمان مش عارف حيلاقيها من المية الملوثة ولا الخضار المسرطن ولا اللحوم الفاسدة اللى بتتوزع علينا أقرأ هذا التقرير عن اللحوم فى مصر عشان بس تتحسر على حالك و كأن الناس دى بتعملنا تحديد نسل أجبارى https://www.masrawy.com/News/Egypt/Po...rted_beef.aspx بدعى ربنا فى الأول وفى الآخر انه سترها معانا دنيا و آخرة سواء فى بلدنا أو فى أى بلد آخر الرحمة من عندك يارب

طبعا يا جماعة الهجرة قرار شخصي يا استاذ مصري افندي انا خريجة طب اسكندريه وكنت بقف كدة علي الكرسي عشان بس المح الجزء اللي الدكتور بيشرح عليه في الجثة وفضلنا كدة سنتين قولت بعد ماتخرج الدنيا هتتحسن اتمرمطت في مكاتب الصحه وحالات الوفاة ولما اخدت نيابه اتبهدلت اكتر ولما قلت خلاص نجرب ارض الخيرات السعوديه لاقيت عقول مش لاقيلها وصف كنت زمان بقول عمري ماهاهاجر ابدا ودلوقتي بقول يارب الورق يخلص واهاجر الصور يا استاذ مصري قلبت عليا المواجع وفكرتني ببهدله 12 سنه فاتوا من اولي طب لحد الان انه دكتور في الدنيا بيحصله كدة زينا نصيحه للي متمسك بمصر او عاشق لاسكندريه زيي يفكر كويس ويحسبها كويس

 

 

[الأهلاوي الأصيل]

باختصار شديد جداً...
أنا عشت في الكويت 7 سنوات ، وقبلهم عمر كامل عشته في مصر ، وبقالي 6 شهور بالتمام والكمال في كندا.
مصر...مفيش فيها حاجة عدلة إلا ذكريات الطفولة والشباب وأهل الواحد وناسه والحاجات اللي بيحبها.
الخليج: حياة سهلة ومرفهة ووفرة مادية إلى حد ما، لكن مع عنصرية وتمييز وعدم إحساس بالأمان.
كندا: راحة نفسية وهدوء بال واطمئنان
ولو رجع بيا الزمان كنت هاجرت كندا أول ما اتخرجت ولا استقريت في مصر ولا رحت الخليج.
كندا مش بلد سوبر ومش بلد رفاهية ، بس أهم ما يميزها حاجتين...العدل والنظام

 

 

[3omda To]

اقتباس المشاركة الأصلية كتبت بواسطة الأهلاوي الأصيل كندا مش بلد سوبر ومش بلد رفاهية ، بس أهم ما يميزها حاجتين...العدل والنظام

يعني ايه رفاهية؟

 

 

[الأهلاوي الأصيل]

يعني أنتخة

اقتباس المشاركة الأصلية كتبت بواسطة 3omda To يعني ايه رفاهية؟

 

 

[3omda To]

اقتباس المشاركة الأصلية كتبت بواسطة الأهلاوي الأصيل يعني أنتخة

لو الرفاهية الانتخه يبقى كيبيك هي ام الرفاهية

الواحد يخلف 5 عيال
ولو قالوله اشتغل يقولهم مش فاضي

 

 

[Ahmed Osman]

يعني يا عمده .. إنت جربت الانتخة في مونتريال