سيدة من دمياط تقاضي وزارة الداخليه

[FINETOUCH]

الصحف المصرية والعربية

احترت شويه اضع الموضوع دة فى باب الترفيه والفكاهه ولا هنا وبعدين قلت زى بعضه ما هو معظم شئون مصر مضحكه

سيدة من دمياط تقاضي وزارة الداخلية.. مصلحة الأحوال المدنية حولت ديانتها من مسلمة إلى يهودية

كتب حسين البربري (المصريون): : بتاريخ 19 - 10 - 2008
أقامت سيدة من محافظة دمياط، دعوى قضائية ضد وزارة الداخلية، بعد أن اكتشفت تغيير ديانتها في شهادة الميلاد من مسلمة إلى يهودية، عند تقدمها بطلب الحصول عليها من مصلحة الأحوال المدنية بدمياط.
وقالت إيمان جمعة علي إنها تقدمت بطلب إلى مصلحة الأحوال المدنية بدمياط لاستخراج شهادة ميلاد لابنها جلال عيد علي لتقديمها لمكتب التموين لإضافته إلى بطاقة التموين الخاصة بوالده، للحصول على المقررات التموينية.
لكنها اكتشفت بعد استخراجها شهادة الميلاد وإثر عودتها للمنزل بوجود عبارة "يهودية" في خانة الديانة الخاصة بها، على الرغم من كونها مسلمة.
وعلى الفور توجهت إلى مصلحة الأحوال المدنية بدمياط مطالبة بتصحيح الخطأ، لكن المسئولين رفضوا، وطالبوها بتقديم الأوراق والمستندات التي تثبت أنها مسلمة إلى السجل المدني التابعة له، ليتم تشكيل لجنة لفحصه والتأكد من ديانتها الحقيقية.
وقدمت بالفعل كافة الأوراق التي تثبت أنها مسلمه أبا عن جد، لكن لم يتم البت في التظلم، فلجأت إلى مقاضاة وزارة الداخلية كي تقوم بتعديل الخطأ في ديانتها.

 

[oskasan]

اذا كان ورق الأثبات هو شهادة الميلاد والبطاقة الشخصية
وده اللى هي بتعمله دلوقتي
يبقى ازاي تثبت ديانتها وهي مش معاها الأثباتات دي

ايه الغبى ده
وبعدين ايه اللى كان يثبت انها يهوديه علشان يثبتوه في شهادة الميلاد


هو الوزارة مش ناويه تعين ناس معاهم محو الأميه بقى في الوزارة ولا ايه

 

 

[الطائر الحر]

الاخت عندها فرصة الان للهجرة الى اسرائيل حسب قانون العودة عندهم. معها اثبات رسمي انها يهودية. (:

 

 

[ابتسامــة]

اقتباس المشاركة الأصلية كتبت بواسطة oskasan هو الوزارة مش ناويه تعين ناس معاهم محو الأميه بقى في الوزارة ولا ايه

بالفعل بعض موظفي الدوائر الحكومية
تكاد تجزم أنهم لا يحملون شهادة محو الأمية حتى.
المشكلة إن غلطاتهم بيضيع فيها ناس كتير لأنها بتكون
في الأوراق الرسمية

 

 

[HAMOUDI]

طيب هي لو قالت اشهد ان لااله الا الله قدام الموظف مش ممكن يمشيها لها
والا لازم تجيب رغيف عيش وتحلف عليه
اخر احصائية فى مر من 7 سنين اثبتت ان عدد المصريين ذوي الديانه اليهودية 100 وكلهم ذوي اعمار كبيره لان الكل عارف حكاية هجرتهم من مصر وازاي حصلت واعدش عندنا الا ال100 دول وتلاقي نصهم مات لانهم معدين ال70

 

 

[قائد مدفعيه المطاريد]

الشىء الغريب ان من زمان و انا بسمع انك ممكن تقضى اى مصلحه فى السجل المدنى بس تحط 10 جنيه فى درج المكتب للموظف و ممكن 10 جنيه كتيره كمان