عشره ايام في كالجاري

[anwar-m]

الصحف المصرية والعربية

نبداء نحكي عن المطار , وانا افضل نبدا من اول مكان حنشوف فيه علم كندا , الا وهو بالنسبه لي كان مطار فرانكفورت

وصلنا مطار فرانكفورت الساعه 8 صباحا على ما اذكر , ثم استقبلنا موظف قمه في الذوق والاحترام وقال لنا انتو راحين فين ؟
قلت كالجري على air canada
قالى روح على ال terminal 1 قسم B48
طبعاء العبد لله اول مره يروح مطار محترم فيه بوابات كثيييير
انا على طول كتبت الكلمتين دول في ورقه ورحت ادور
طبعاء المسافه بين قاعه الوصول ومكان الاقلاح كبير لدرجه انك تركب قطار داخل المطار علشان توصله
على العموم , انا تتبعت الارشادات لحد ما وصلت الى بوابه بيفتشوا الى بيدخل منها
احنا طبعا ما خلوناش ندخل منها علشان معانا عربيه طفل stroller وكان في اخت من مصر الله يكرمها قالتي روح على الجهه الاخري حتلاقي مكان زي ده بيفتشوا فيه الى معاهم عربيات اطفال

تم التفتيش بكل احترام واخلاق معانا , ولم نواجه اي مشكله مع الموظفين
طبعا زي ما قلت سابقا , الغرب بيجبوا الاطفال جدا جدا جدا
بنتي ريناد كان عمرها اقل من سنتين , وكانت هي بسبوري لخطف الابتسامات من الموظفين

وصلنا اخيرا ال terminal 1 قسم B48 وكانت الفرحه برؤيه شعار الطيران الكندي امامي

كان في هناك طابور , وانا شفت ان الرحله الى تورونتو , وكان باقي على رحلتنا حوالى 5 ساعات , بس انا استهبلت ووقفت في الطابور علشان اعرف اذا في اي حاجه ممكن اعملها وانا مش عارفها ( اول مره اسافر واول ما فطرت فطرت بجمل )

طبعا قالولي رحلتك بعد الظهر , وتعال هنا علشان البوردنج باس


انا حعمل انتر الان ,, خايف ان اكهرباء تنقطع ويروح كل الى كتبته ,,, وللحديث بقيه انشاء الله [/FONT]

 

[anwar-m]

نحط شويه صور


في الطياره الى فرانكفورت



العبد لله في مطار فرانكفورت عند ال terminal 1 - B48

 

 

[anwar-m]

وقفت في الطابور علشان اخذ البوردنج باس الساعه وحده ونصف ظهرا
ولما وصلت للموظفه وشافت الجوازات , قالت لي " مافيش عندنا مقعد لابنك , ولكن لا تقلق , انا حشوف له مكان, استريح شويه وبعدين حندهلك "

طبعا المشكله دي مش من طيران كندا , لكن من الشركه الاصليه التي حجزت منها التذاكر من اليمن

على العموم خلال دقائق نادتني تاني وقالت "انا شفت ليكم 3 مقاعد بس مش جنب بعض " ( بنتي ريناد كانت بدون مقعد لانني قطعت لها تذكره رضيع )
قلت ليها ماينفعش , احنا 4 ومعانا اطفال وصعب يقعد كل واحد في مكان
قالت لي طيب انتظر شويه , قعدت تشوف في الكومبيوتر وقالت , طيب ينفع مقعدين جنب بعض والثالت بعيد شويه
قلت ليها مش مشكله , احسن من الاول

ولكن ما لم اكن اتوقعه هو التالي

ونحن ندخل الطياره , لقيت الموظفه بتجري لعندي وتقول "استنى شويه , انا لقيت ليك 3 مقاعد جنب بعض . وجابتلي البوردنج باس الجديد "

ما اثر بي في هذا التصرف هو المقارنه به , وبالمعامله الظريفه جدا التي تلقيتها في مطار بلدي

ما علينا

طارت الطياره واخذت الرحله حوالي عشر ساعات ونصف , المشكله في الرحله هي الاطفال , صعب عليهم تحمل هذه الفتره الطويله , ولكن ربنا يسر الموضوع ووصلنا بالسلامه الى كالجري

في المطار طبعا كان في استقبال المسافرين سيده مرسوم على وجهها ابتسامه عريضه جدا , وتقوم بتوجيه المسافرين الى الطريق المناسب

المطار كبير نسبيا , ولكن ليس بكبر مطار فرانكفورت

خطوات المطار كانت كالتالي

اولا وقفنا جميعا في طابور وكان في هناك موظف بيشوف الباسبورات

شاف البسبورات بتعتنا , وانا قلت له انني مهاجر جديد
سئلني عن الورق المكربن , ووجهني الى قسم الهجره
الحمد لله لم يكن هنالك كثير من المهاجرين في ذلك اليوم , كنا حوالي 5 اسر فقط

في الخطوه الثانيه , سئلني الموظف الثاني عن الجوازات ,والورق المكربن , وعن عنواني في كندا

اخي العزيز ,الدكتور طارق كان عايش في كالجري , واعطاني عنوان سكنه لهذه الخطوه
طبعا انه يكون معاك عنوان جاهز عند الوصول الى المطار , حيوفر عليك مشور الى اداره الهجره في اليوم الثاني

الموظف اخذ بعض الاوراق من الورق المكربن واعطاني الباقي , وقال لي بالحرف
احتفظ جيدا بهذه الاوراق , هي اهم ورق لك في كندا حتي تطلع على المعاش

الخطوه الاخيره كانت عند موظفه قمه في الاحترام , سئلتني عن الفلوس الي معايا , ولما كنت عايز اوريها الفلوس , رفضت , وكانك بتعمل حاجه غلط

على العموم , عملت سكان للشنط , ولم تفتح اي شنطه , وطلبت مني الفورم B4 وصورته واعطتني نسخه منه

وبعدين ساعدتني في دفع عربيات الشنط حتي باب المطار ( شفتوا الدلع الي ان فيه )

كان في انتظارنا الدكتور طارق على باب المطار , واخذنا مباشره الى الفندق

طبعا مش حقدر اوصف الصدمه بالجمال الخلاب في الطبيعه والخضره الي شفته في الطريق من المطار الى الفندق

بس شوفوا المقطع البسيط التالي الي صورته وانا جاي من المطار



وللحديث بقيه انشاء الله

 

 

[great expectations]

شكرا د انور

 

 

[anwar-m]

 

 

[anwar-m]

اقتباس المشاركة الأصلية كتبت بواسطة qenawy شكرا د انور

العفو د.خالد

 

 

[great expectations]

اقتباس المشاركة الأصلية كتبت بواسطة anwar-m

ايه الزحمة دي ؟

 

 

[anwar-m]

والفيديو ده في ال downtown

 

 

[Amro Elsayed]

طبعا دي رحله اللاندج للاستاذ انور ربنا يكتبله السلامه


عشان في بنا ناس كتيره مهتمه بكالجاري هنقدم العشره ايام اللي قضاهم الاستاذ انور هناك

واتمني انه يشاركنا بخواطره وافكاره

 

 

[salamatarek]

الف مبروك يا دكتور انور على المغارة الجديدة, ومبروك اللاندنج, ربنا يوفقك ان شاء الله
مع تحياتى