ازاي تعرف انك بتتفرج على برنامج اطفال في مصر؟

[بنت شعنونة]

الصحف المصرية والعربية

دي سلسلة مواضيع ازاي تعرف
ها انزلها تباعا

ازاي تعرف انك بتتفرج على برنامج اطفال في مصر
بما اني كنت عايششة في السعودية ف لما جيت هنا فوجئت انهم حارمين الناس من الكرتون
يعني هناك لينا ساعة بحالها كرتون كامل
هنا لقيتهم بيجيبوا ربع حلقة توم وجيري وبدون صوت ومعاها صوت واحدا رخممممممممممة يعلق على الكرتون اللي بيخلص فجأة ب " يا خسارة الوقت خلص ونكمل الاسبوع الجاي يا اتفال"!!!!!!!!!!!!!!!!!!!!!!!!
وعمرها ما بتكمل الحلقة

او تلاقي حد او حده عندها مليون سنة بتحكي حدوتة غلسة وبتعاملنا على اننا اطفال معاقين عقليا
وقال ايه يا ولادددددددد
قاله ازاي يا عمو تعمل كدا؟
قام حمادة قالوا اصل انا كنت بعيط بعيط خالص
وتروح باصة لكام عيل عندهم اكتئاب جبنها ولا فاهمين حاجا و عاوزيين يروحوا ينامو

برضه انك تلاقي شخصية "مابت" قماشية او خشبية وصوتها منتهى العبط وهوا كما في منتهى العبط وهوا بيتناقش مع ماما ستو او بابا جدو اللي بيتكلم معاه

دول حبة كدا على ما افتكر تاني
كملوا انتوا على ما اجي

 

[مدى]

لما تلاقي كلمة اطفال اتحولت فجأة لشطار..
ماشي ياشطار..
فاهمين ياشطار..
هنسمع الكلام ياشطار ..


!!


حمدا لله ع سلامة وجودك يادكتورة شانا..كنا مفتقدينك جدا..

 

 

[oskasan]

لما تلاقى العيال قايمين من قدام التليفزيون عاملين كده
وأهاليهم عاملين كده
ولما يكبروا زينا يبقوا كده

 

 

[بنت شعنونة]

ربنا يكرمك يا مدى
اوسكا
انت بتقول فيها

ولما "التفل" يجي يسألك عن بابا بابا



























يعني ايه "بقلظ"


يبقى انت اكيد في مصر

 

 

[فــيــروز]

القصص فيها دايما أُحاديه !! يعنى يا شرريرين يا طيّبين !! معندهمش وسط ..

و بتروّج لقوالب فكريه غبيه من نوعية التعلب مكّار من غير ما تناقش الأسباب التى اعتبرها البنى آدم من أجله مكّارا و هى مُجرّد تسللّه لعشّة الفراخ عشان يسرق فرخه ياكلها !! رغم إن البنى آدم بيعمل ألعن من كده و يخزّن الفراخ فى تلاّجته فوق طاقته و جاره يمكن يكون مش لاقى ياكل .. بس عُمره ما بيقول على نفسه مكّار ده بيعتبر دى شطاره و اقتصاد ..

العيال دايما صوتهم مسرسع و يكاد يكون أخنف !! و متحذلقين زى بتوع أبله "فضيله" تحسّ إنّك شايفهم فى الراديو بفساتين مُنمّقه و شرابات بيضااااا و شعر مهندم بالشعره و كأنّهم نزلوا من الطيّاره على الاستوديو !! مش عيال طبيعيين أبدا .. و بيذاكروا و عندهم معلومات عامّه فى موضوعات عجيبه جدّا ..

الديكورات غالبا فقيره جدّا و مفيش فيها أى ابتكار و تكئب .. و مش بتبقى مشكلة فقر إمكانيات ماديه ده فقر فى الخيال و نقص فى الحماس و الطموح لعمل شئ مختلف و جديد ..

 

 

[بنت شعنونة]

فعلا يا فيروز
موضوع الديكور البششششششششششششششع دا
وممكن يبقى ملاية او شوية ورد صناعي او لوحات من اللي كنا بنعملها ب ايدينا في ابتدائي
حاجا تجيب غثيان والله

 

 

[ana_3enady]

دعوه لموضوعي

RobertInole

جرى ايه ياخونا انتم كنتم بتتفرجوا على برامج غلط و ايه؟ ..

أومال فين الكابتن ماجد .. مازنجر وأفروديت .. سندريلا .. بابار .. باباي .. يوفو .. سنو وايت .. ميكي ماوس .. بطوط

الحاجات دي كانت بتيجي بانتظام وكنت بتابعهم .. وبعدين الدش حل المشكلة دلوقتي .. سبيس تون و ام بي سي ثري


شينو .. ضبطي التوقيت .. القناة التانية مصري بتفتح الساعة10 الصبح .. يجي القرآن الكريم وبعده الكارتون .. شكلك بتبدأي من الساعة 12 الظهر

 

 

[زورو]

ودة كلة كوم ولما يعملوا مسابقات بقى والشغل الكبير
ههههههههه
تحس انهم بيعاملوا اطفال معوقة زهنيا

واللى يضايق فى الموضوع بتاع المسابقات ان مش فية جوايز

 

 

[Moony]

اقتباس المشاركة الأصلية كتبت بواسطة بنت شعنونة او تلاقي حد او حده عندها مليون سنة بتحكي حدوتة غلسة وبتعاملنا على اننا اطفال معاقين عقليا

لا ياشانا

ونسيتى انها عاملة ضفيرتين او قطتين( اللى بنتى بترفض تعملهم فى شعرها)

ولابسة فستان بكرانيش عفا علية الدهر

ولسة صاحية من النوم ونسيت تغسل وشها (اصلها مذيعة أطفال)

وكل شوية

شطورة...........أمورة..................عسولة...... ....سكورة

والمصيبة الكبيرررررررررررررررررررررررة

انها ورغم سنها الى عدى ال40 بيومين بيدلعها العروسة الهابلة اللى معاها ويقولها يادودو

اة نسيت حاجة
تلاقى ان البرنامج بيخاطب المرحلة العمرية من 5:3 سنوات وكل الاطفال فى الاستوديو
من 11:10 يا مراهقين
طبعا اصلهم قرايب المخرج أو المذيعه

 

 

[زورو]

اقتباس المشاركة الأصلية كتبت بواسطة حموش لا ياشانا طبعا اصلهم قرايب المخرج أو المذيعه

او ممكن واحد دافع فلوس