حوارات طلبة مطحونين

[نانا]

الموضوع بإختصار
حوارات دائرة بين مجموعة من الطلبة المطحونين ( ومطحونين شوية عليهم والله )

صحبتي دايما تقولي .. ايه السحل اللي احنا فيه ده ..

فـ كنت هسمي الموضوع ( حوارات طلبة مسحولين ) ..
بس حسيتها كلمة يعني مش عاطفية خالص

الحوار ممكن يضم من اتنين لـ عشرة حسب عدد الأحباب ( المطحونين ) اللي في الحوار

فكرة الموضوع جاتلي وانا ع الفيس بوك باتناقش مع صحبتي عن الإمتحانات والمواد اللي بناخدها ومواعيدها والعملي والحاجات اللي المفروض نسلمها والشغل اللي ما لحقناش نخلصه .. ومواقف الدكاترة والمعيدين اللطيفة جداا معانا ..

وإذ فجأة الحوار قلب دراما مع ضحك .. زائد رغبة عنيفة في البكاء
والأخيرة اللي غلبت طبعا في الآخر

الموضوع متجدد بإستمرار إن شاء الله .. لأن الحوارات لا تنتهي ..

بس ممكن أنا انتهي بسببها .. وابقى خلصت بصراحة


يا ريت تشاركونا بحوارتكم حتى لو أيام الكلية خلصت
الحوارات دي اكيد بتسيب ذكرى جميلة .. ممكن نجددها سوا

 

[نانا]

هابدا بأول حوار دار بيني وبين صحبتي منذ قليل
بعد ما خلصنا يوم من أصعب أيام هذا الأسبوع
حيث الحوسة في الإمتحانات وإنهاء شغل لازم يخلص ونسلمه آخر معاد ليه النهاردة
طحن طحن بمعنى الكلمة

وبما إن النهاردة الخميس .. فهذا الحوار يتكرر كل خميس من كل أسبوع تقريبا وفي نفس المكان ( بنغلس على بعض ع الفيس بوك ) احتفالا بـ التخلص من اسبوع واستعدادا للـ الدخول في أسبوع آخر ألعن منه بمراحل ..
ويدور الحوار غالبا عن ماذا سنفعل غدا وبعد الغد ( الجمعة والسبت ) لأنهم يومين الأجازة الوحيدين اللي ممكن نحصل فيهم حاجة نذاكرها
لأن طول الأسبوع مفيش صحة للمذاكرة أوي .. هو نتطحن في الجامعة نرجع ننام لتاني يوم .. بسس

ويبدأ الحوار كالتالي

ملاحظة ( الحوار بيني وبين ميم ( م ) صحبتي
ونصيحة : اللي مش عنده صداع بلاش يقرأ الحوار .. لأنه بين اتنين ما ناموش بقالهم أسبوع )


أنا : مريومة .. هو احنا هنمتحن ايه امتى !!

..
.
.
.
.
.
.
.
.
.
.
.
هو احنا عايشين ازاي لحد دلوقتي ؟
وانتي صاحية ليه .. هاا .؟

م : ههههههههههههههه .. والله انا مش عارفه بجد احنا عايشين ازاي
شوفتي منظرنا النهرده واحنا في الاندو( سيكشن مادة عندنا ) مش لاحقين نسلم حاجة والحاجات عماله تقع واحنا عمالين نلم فيها وشكلنا كان غلبااان أوي ..
عارفة لو كنا بنتصور يحطوها في مواقف وطرائف ..


أنا : هههههههههههه .. اه ما تفكرنيش /

م : م : بالنسبه للامتحانات يا اوختي عندنا oral pathology و prosthesis تقريبا في نفس اليوم وامتحانات عملي فاينال endo وoperative ومش فاكره الباقي بقي اهيء اهيء اهيء انا تعبت من الغم ده

أنا : بسسس بسس أنا كمان تعبت .. :((

أنا : النهاردة كنت ماشية انا وس .. بنجري في الطرقة بتاعت الإندو عشان نلحق نخلص تصوير وتحميض الاكس راي ولقيت كل الدفعة مستعجلين وبيجروا بردو وواحد ضحك وقال لصاحبه يا عيني شايف الكل مش لاحق وبيجري ازاي .. كان منظرنا مسخرة

م : ههههههههههه يا نانا انا كنت بجري برضو وما شوفتنيش وانا في أوضة البروسيسنج ( اوضة التحميض حيث الظلام الدامس .. ولو الباب اتفتح ودخل ضوء الفيلم يتحرق على طول .. واللي فتح الباب يتضرب )
كنت البنت الوحيده وعماله اعك .. الفيلم وقع مني في الديفلوبر ( سائل من سوائل التحميض يوضع فيه الفيلم لفترة محسوبة عشان ما يتحرقش ) عماله اكلم نفسي .. ايه ده اعمل ايه دلوقتي الفيلم وقع في الديفلوبر اطلعه ازاي والناس عماله تضحك عليا وواحد كان هيفتح الباب
وأنا اقوله لاااااا ماتفتحششششششششششششششش الباب بصوت عااالي .. الواد اتفزع مني قالي مش هفتحه والله

أنا : ههههههههههههههه .. استني انا كمان
كنت البنت الوحيدة وسط ولاد كتييير في اوضة البروسيسنج .. كلهم احاطوا الفيكسر والديفيلوبر والمية ولخبطوا الدنيا وما بقيتش عارفة فين ده وفين ده في الضلمة.. كنت عايزة أضربهم ..
بس بصراحة كانوا محترمين .. حسيت بنفسي أوي يا م
تخيلي لما بتكلم كانوا بيسكتوا ... اروح اسكت انا كمان ايه الجو ده
مش مصدقة أن حد من دفعتنا بيتعامل بذوق ( مش أخلاقهم خالص )
النهاردة حسيت جميع أنواع المشاعر
بس دلوقتي مخنوقة :(

م : هههههههههههههههههه ناصحه يا حلوه أنا لو منك كنت قتلتهم .. انا الوقت ده ماكنتش في وعيي اسكتي يا نانا كنت عامله زي الشحاتين اعمل ايه :
احم احم "لو سمحت معاك دباسه .. ؟
لو سمحت معاك شيت ؟
احم احم لو سمحتي معاكي كوندينسر ؟
لوسمحتي انا مش فاهمه ممكن تقوليلي اعمل ايه ؟
وبعدين في اوضة الاكس راي : ايه ده البتاع مش بيصور والطلبة الواقفين : ايه ده باظ
حسسوني انهم عايزين يقولولي بوظتيه يا حلوة بس الحمد لله اشتغل وإلا الناس كانت هتضربني محدش كان في وعيه يا عيني

أنا : و ايه اللي جابرنا على كدة .. مالها آداب نفسي أفهم
:(

م : ده زائد اني فعلا كنت شبه الشحاتين في اليوم ده في الشكل لدرجه بقول لواحد لو سمحت عايزه دباسه يقولي : ماشي بس رجعيها تاني .. يالهوي هي حصلت انا اللي عمري ما طلبت حاجه من حد وكمان واحد يقولي كده .. بس انا ماسكتلوش قولتله ليه يعني هو انا هاخدها لنفسي يعني ولا ايه .. قالي انا اسف ماقصدش بس بعد ايه انا كنت انهارت خلاص :((

م : انا عارفه اه اسنان بقينا شحاتين

أنا : هههههههههههههههههههههههه ...

وانا كنت شبه بنت البواب

لا حرام
دي بنت البواب تشوفني تقول ياي سوفاج

موضوع الشحاتة ده ياااه حسيته كتير .. بس غالبا بحب أصدر واحدة منكم تشتحتلنا كلنا

م : اسكتي يا نانا انا اتدايقت اوي لما قالي ابقي رجعيها وماتخديهاش حسيت ان انا عايزه اعيط هو انا من امتي بطلب من حد حاجه عشان يقولي كده لدرجه دي شكلي عره
ولو سمحتي ما تكلمينيش علي المذاكر..................

أنا : ههههههههههههههه ... لا يا بنتي مش تتضايقي ..
أصلا هو تلاقية شاحتها هو كمان من زميلة كلنا كنا شحاتين النهاردة عادي

قال عرة قال .. أومال لو كنت روحت أجيبها منه أنا كان هيبقى موقفه ايه

يديني ألمين ولا يقولي روحي يا حبيبتي الله يسهلك

م : لا مش لدرجة ألمين يعني

أنا : أه كفاية الله يسهلك

أنا : أنا بكره جروب اتحاد الطلبة ده أوي

م : وانا بكرهه كره من ساعة ما عملنا اتحاد طلبه واحنا حالتنا كرب وما فيش مطالب بتتحقق



أنا : و احنا مفترض يعني نذاكر امتى

معلش عارفة انه سؤال رخم جدااا .. في وقت رزل جدا جدا

م : مش النهاردة :(


..

كفاية كدة

 

 

[مدى]

:-)
في وقت من الأوقات ..هتكون الحورات دي من أحلى ذكريات حياتك..
لي عودة يا نونو

 

 

[مدى]

ليه البني آدم بيذاكر...!!!


ليه البني ادم بيذاكر؟
عشان يمتحن..

وليه البني ادم يمتحن؟
عشان يدخل مرحله جديده ..ويذاكر فيها برضو ..

طب ولما يدخل المرحله الجديده يعمل ايه؟
يذاكر بقي عشان يوصل للي بعدها!!

مين اللي اخترع المذاكره؟
اكيد واحد كان بيحب يذاكر..

ومين اللي اخترع الامتحانات؟
واحد كان عايز يغيظ اللي بيحب يذاكر..

ايه الفايده من المذاكره؟
انك تخلص اقلام وورق وتشخبط ف الكتب وتعمل دواير عند الكلمات المهمه

وايه الفايده من الامتحانات؟
انك تملي ورق الحكومه وتوريهم جمال خطك

طب وهو لازم اذاكر؟
في الوقت الحالي مش لازم..بس اكيد لما تعيد السنه هتبقي عيل وترجع ف كلمتك

ليه الدكاتره بيدونا كتب ف الكليه؟
عشان نلاقي حاجه نشخبط فيها

طب وليه بيقرروا علينا مواد سخيفه؟
عشان وانت بتشخبط تشخبط بضمير

طب مهو ممكن بعد كل ده اشيل الماده؟
مانت شخبطت للدكتور ف كتابه..عايزه يسكت..قله ادب

طب اعمل ايه عشان انجح؟
امسك ورقه الاجابه وارغي

ارغي ف ايه؟
مش مهم..المهم تبقي مسطر وخطك نضيف واول سطرين كده تبع الموضوع اللي بيتكلموا فيه والباقي انت ومزاجك

طب والرغي ده مش حرام؟
يعني هو اللي بيقرروه علينا ده مش حرام



طب هو مين اللي بييجي الاول ..المذاكره ولا الامتحانات؟
يعني هو التعلب بيبيض ولا بيولد؟

لا بس التعلب مكار ممكن يعمل اي حاجه
والامتحانات كذلك..!


كانت شويه اسئله بحاول الاقي بيها سبب يخليني اذاكر

اكتشفت ان البني ادم بيقضي جزء كبير من حياته ف الشيء اللي اسمه مذاكره..اسمحولي اعامله بنوع من الاحتقار..
مذاكره ايه بس وكلام فارغ ايه..هو احنا فاضيين
طب انا راضيه ذمتك
يعني الواحد يصحي م النوم ع الساعه 12 ونص 3 كده يادوب يغسل وشه ويضرب النسكافيه المتين هوب الساعه بقت خمسه ..وانت لسه يا عيني علي لحم بطنك..ف طبيعي تروح بصفاقه كلب البحر تدور علي اكل..

غالبا هتسمع كلمتين وهتعمل عبيط وكأنك مسمعتش حاجه..ما انت نايم طول اليوم وصاحي المغرب وعايز الخدامين يجهزولك الاكل يا سعاده البيه..
المهم..بعد ما تاكل وتعمل الشويتين دول..هوب الساعه بقت 7..تصلي وتشوف مين رن عليك وتعمل كام مكالمه..الساعه بقت 9..في مسلسل دلوقتي ع التليفزيون..(غالبا مسلسل تركي م اللي بيقعدوا 4000 حلقه دول والممثلين هم هم لا حد كبر ولا عجز ولا جراله اي حاجه)والحلقه بتقعد ساعه.,.يعني تخلص الساعه 10
الله..مش ده معاد العاشره مساءا..لا اتفرج بقي
(اصل الثقافه حبكت..وبالذات ايام الامتحانات)ما علينا..
تخلص البرنامج علي 11 ونص كده..تفتكر ان دلوقتي كل اصحابك متجمعين اونلاين..هقعد ساعه ولا ساعتين وهقوم اذاكر علي طول..طبعا..هأو
ومابين شاي ونسكافيه واكل جنب الكمبيوتر ..واحيانا تسمع ع القهوه عشان تستفيد من احمد يونس شويه..وطبعا نجوم اف ام علي كيفك..تبص تلاقي الساعه بقت 3..اوباااااااا انا لسه مذاكرتش
رجعنا لموضوع المذاكره(تصدق انا كنت نسيت برضو اننا بنتكلم عليها)..احم احم..
اذاكر ايه ولا ايه
تحط كل الكتب قدامك..
ممممممم لاياعم بلاش ابدأ بده..عايز حاجه تفتح النفس!
ولا ده ييييييييييييييه ..ده دكتور نكد
وده بقي ..لا لا مليش مزاج..الغلاف شكله مش عاجبني

علي ما تخلص تناكه علي كتب الكليه تكون عدت بالقليل نص ساعه..تكون اخترت الكتاب بقي اللي هتنزل عليه تاكل الورق من كتر المذاكره
الله..طب مش هتصلي الفجر..دانت حتي ف ايام امتحانات عشان ربنا يباركلك..تروح تصلي الفجر وترجع..اما ابص بسرعه كده ع الفيس بوك ..يمكن حد بعتلي حاجه مهمه(علي اساس انك عمر الشريف)..تدخل ع الفيس بوك..وسبحان الله..متلاقيش حاجه مهمه..شوف انت بقي..بيفتح السمكه..ههههههههههه ملقاش الخاتم..احم احم
تقوم محترم نفسك ولا هذاكر سيبوني بقي..لأ تؤجل عمل اليوم الي كمان شويه..بس المشكله ان الساعه بقت 6 الصبح..تفتكر هعرف اركز؟..هحاول

تقعد قدام الكتاب..تقعد قدام الكتاب..تقعد قدام الكتاب(مهو كل اللي انت بتعمله انك بتفضل تقعد قدام الكتاب)..وبعدين..لا انا زهقت بقي ومش عارف اركز....الساعه دلوقتي 7ونص هدخل انام واصحي فايق بقي واخد اليوم من اوله..

لـــ بسمة العوفى

 

 

[نانا]

اقتباس المشاركة الأصلية كتبت بواسطة مدى ليه البني آدم بيذاكر...!!! ليه البني ادم بيذاكر؟ عشان يمتحن.. وليه البني ادم يمتحن؟ عشان يدخل مرحله جديده ..ويذاكر فيها برضو .. طب ولما يدخل المرحله الجديده يعمل ايه؟ يذاكر بقي عشان يوصل للي بعدها!! مين اللي اخترع المذاكره؟ اكيد واحد كان بيحب يذاكر.. ومين اللي اخترع الامتحانات؟ واحد كان عايز يغيظ اللي بيحب يذاكر.. ايه الفايده من المذاكره؟ انك تخلص اقلام وورق وتشخبط ف الكتب وتعمل دواير عند الكلمات المهمه وايه الفايده من الامتحانات؟ انك تملي ورق الحكومه وتوريهم جمال خطك طب وهو لازم اذاكر؟ في الوقت الحالي مش لازم..بس اكيد لما تعيد السنه هتبقي عيل وترجع ف كلمتك ليه الدكاتره بيدونا كتب ف الكليه؟ عشان نلاقي حاجه نشخبط فيها طب وليه بيقرروا علينا مواد سخيفه؟ عشان وانت بتشخبط تشخبط بضمير طب مهو ممكن بعد كل ده اشيل الماده؟ مانت شخبطت للدكتور ف كتابه..عايزه يسكت..قله ادب طب اعمل ايه عشان انجح؟ امسك ورقه الاجابه وارغي ارغي ف ايه؟ مش مهم..المهم تبقي مسطر وخطك نضيف واول سطرين كده تبع الموضوع اللي بيتكلموا فيه والباقي انت ومزاجك طب والرغي ده مش حرام؟ يعني هو اللي بيقرروه علينا ده مش حرام طب هو مين اللي بييجي الاول ..المذاكره ولا الامتحانات؟ يعني هو التعلب بيبيض ولا بيولد؟ لا بس التعلب مكار ممكن يعمل اي حاجه والامتحانات كذلك..! كانت شويه اسئله بحاول الاقي بيها سبب يخليني اذاكر اكتشفت ان البني ادم بيقضي جزء كبير من حياته ف الشيء اللي اسمه مذاكره..اسمحولي اعامله بنوع من الاحتقار.. مذاكره ايه بس وكلام فارغ ايه..هو احنا فاضيين طب انا راضيه ذمتك يعني الواحد يصحي م النوم ع الساعه 12 ونص 3 كده يادوب يغسل وشه ويضرب النسكافيه المتين هوب الساعه بقت خمسه ..وانت لسه يا عيني علي لحم بطنك..ف طبيعي تروح بصفاقه كلب البحر تدور علي اكل.. غالبا هتسمع كلمتين وهتعمل عبيط وكأنك مسمعتش حاجه..ما انت نايم طول اليوم وصاحي المغرب وعايز الخدامين يجهزولك الاكل يا سعاده البيه.. المهم..بعد ما تاكل وتعمل الشويتين دول..هوب الساعه بقت 7..تصلي وتشوف مين رن عليك وتعمل كام مكالمه..الساعه بقت 9..في مسلسل دلوقتي ع التليفزيون..(غالبا مسلسل تركي م اللي بيقعدوا 4000 حلقه دول والممثلين هم هم لا حد كبر ولا عجز ولا جراله اي حاجه)والحلقه بتقعد ساعه.,.يعني تخلص الساعه 10 الله..مش ده معاد العاشره مساءا..لا اتفرج بقي (اصل الثقافه حبكت..وبالذات ايام الامتحانات)ما علينا.. تخلص البرنامج علي 11 ونص كده..تفتكر ان دلوقتي كل اصحابك متجمعين اونلاين..هقعد ساعه ولا ساعتين وهقوم اذاكر علي طول..طبعا..هأو ومابين شاي ونسكافيه واكل جنب الكمبيوتر ..واحيانا تسمع ع القهوه عشان تستفيد من احمد يونس شويه..وطبعا نجوم اف ام علي كيفك..تبص تلاقي الساعه بقت 3..اوباااااااا انا لسه مذاكرتش رجعنا لموضوع المذاكره(تصدق انا كنت نسيت برضو اننا بنتكلم عليها)..احم احم.. اذاكر ايه ولا ايه تحط كل الكتب قدامك.. ممممممم لاياعم بلاش ابدأ بده..عايز حاجه تفتح النفس! ولا ده ييييييييييييييه ..ده دكتور نكد وده بقي ..لا لا مليش مزاج..الغلاف شكله مش عاجبني علي ما تخلص تناكه علي كتب الكليه تكون عدت بالقليل نص ساعه..تكون اخترت الكتاب بقي اللي هتنزل عليه تاكل الورق من كتر المذاكره الله..طب مش هتصلي الفجر..دانت حتي ف ايام امتحانات عشان ربنا يباركلك..تروح تصلي الفجر وترجع..اما ابص بسرعه كده ع الفيس بوك ..يمكن حد بعتلي حاجه مهمه(علي اساس انك عمر الشريف)..تدخل ع الفيس بوك..وسبحان الله..متلاقيش حاجه مهمه..شوف انت بقي..بيفتح السمكه..ههههههههههه ملقاش الخاتم..احم احم تقوم محترم نفسك ولا هذاكر سيبوني بقي..لأ تؤجل عمل اليوم الي كمان شويه..بس المشكله ان الساعه بقت 6 الصبح..تفتكر هعرف اركز؟..هحاول تقعد قدام الكتاب..تقعد قدام الكتاب..تقعد قدام الكتاب(مهو كل اللي انت بتعمله انك بتفضل تقعد قدام الكتاب)..وبعدين..لا انا زهقت بقي ومش عارف اركز....الساعه دلوقتي 7ونص هدخل انام واصحي فايق بقي واخد اليوم من اوله.. لـــ بسمة العوفى

جميل أوي المقال ده يا مدى

فكرتيني بنفسي ..
بس والله كنت بذاكر أيام الإمتحانات إلى حد ما

الحمد لله إنها عدت ..
ويا رب نتيجتي كمان تظهر بقى عشان أخلص من الجو ده

 

 

[ana_3enady]

دعوه لموضوعي

RobertInole

مذاكرة ايه ووجع دماغ ايه .. انا طول عمري أكسب في مسابقة الطالب النظيف لان كتبي أنظف م الصيني بعد غسيله .. ما بيلمسهاش قلم

 

 

[زهرة بريه]

بصى يادكتورة ندى
المذاكرة دى زى اى حاجة حلوة(من غير ضرب)
مش هتعرفى قيمتها غير لما تخلصى _ان شاء الله_

صدقينى
الدراسة دى أجمل حاجة فى الحياة
كل يوم بتعرفى حاجة جديدة
بتزيد خبرتك فى الحياة وطبعا فى المجال اللى انتى فيه

المذاكرة دى عاملة زى الدوا وطبعا الدوا اشكال وانواع واحجام(زى الكتب)
لمجرد احساسك انه دوا بتبقى رافضاه
لكن لو بصيتى له من مكان غير مكانك
هتلاقيه هو الحل علشان تقدرى تكملى الحياة

بجد الله يعينكم عليها ويحببكم فيها

انا عارفه ان الموضوع حوارات طلبه ايام المذاكرة
بس انا نسيت الحوارات دى (بقالى 11 شهر متخرجة)

وحبيت أشاركم فى الموضوع

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة بنت كلزار بصى يادكتورة ندى المذاكرة دى زى اى حاجة حلوة(من غير ضرب) مش هتعرفى قيمتها غير لما تخلصى _ان شاء الله_ صدقينى الدراسة دى أجمل حاجة فى الحياة كل يوم بتعرفى حاجة جديدة بتزيد خبرتك فى الحياة وطبعا فى المجال اللى انتى فيه المذاكرة دى عاملة زى الدوا وطبعا الدوا اشكال وانواع واحجام(زى الكتب) لمجرد احساسك انه دوا بتبقى رافضاه لكن لو بصيتى له من مكان غير مكانك هتلاقيه هو الحل علشان تقدرى تكملى الحياة بجد الله يعينكم عليها ويحببكم فيها انا عارفه ان الموضوع حوارات طلبه ايام المذاكرة بس انا نسيت الحوارات دى (بقالى 11 شهر متخرجة) وحبيت أشاركم فى الموضوع

أنا نسيت الحوارات دي بقالي 7 سنين

 

 

[زهرة بريه]

اقتباس المشاركة الأصلية كتبت بواسطة ana_3enady أنا نسيت الحوارات دي بقالي 7 سنين

وحد الله ياحاج
متعملش فى نفسك كده

 

 

[D@rk_Kn!ght]

اقتباس المشاركة الأصلية كتبت بواسطة بنت كلزار بصى يادكتورة ندى المذاكرة دى زى اى حاجة حلوة(من غير ضرب) مش هتعرفى قيمتها غير لما تخلصى _ان شاء الله_ صدقينى الدراسة دى أجمل حاجة فى الحياة كل يوم بتعرفى حاجة جديدة بتزيد خبرتك فى الحياة وطبعا فى المجال اللى انتى فيه المذاكرة دى عاملة زى الدوا وطبعا الدوا اشكال وانواع واحجام(زى الكتب) لمجرد احساسك انه دوا بتبقى رافضاه لكن لو بصيتى له من مكان غير مكانك هتلاقيه هو الحل علشان تقدرى تكملى الحياة بجد الله يعينكم عليها ويحببكم فيها انا عارفه ان الموضوع حوارات طلبه ايام المذاكرة بس انا نسيت الحوارات دى (بقالى 11 شهر متخرجة) وحبيت أشاركم فى الموضوع

يا عاقل انت يارزين

فعلا المذاكرة دى شىء ممتع
ومتعب فى نفس الوجت

ربنا يعين

معتقدش انى هفتكر حاجة
بقالى يجى 8 سنين مخلص

بس ممكن نرجعلها تانى لما نبدأ فى الماستر