بعدسه ياسر حصريا 25 يناير

[nash]

الصحف المصرية والعربية

بعض يوتيوبات توثق للثورة في البدايات الفعليه لها يوم 25 يناير بعدسه موبايل ياسر حصريا للمطاريد وغان عن الذكر أن هذه الثورة ستذكر في التاريخ كأروع وأعظم ثورة في تاريخ البشريه ..







إذا أعجبتكم سأقوم بوضع الباقي

 

[مصرية]

ربنا ميعيدش تاني ظلم وقهر الشرطة ده
شوفتي كل الناس مش قادرين من الريحة بس الشباب ربنا يقويهم فيهم كل الخير مش بيهدوا وبيقووا أكتر وأكتر

ربنا يبارك لك في ياسر ويفرحك بيه يا نوشة

في انتظار باقي الفيديوهات

 

 

[sanaa]

الصور حلوه يانوشا

ربنا يبارك في ياسر وكل الشباب اللي خاطروا بحياتهم عشان بلادهم

 

 

[Um Aya]

الله يباركلك يا ناش في ابنك
بس ياريت لو تحطي التاريخ جنب كل مقطع
عشان نكون عارفين ترتيب الاحداث

 

 

[midomansour]

يا نوشااا لنا الشرف ان ياسر يكون من أوائل الناس اللي نزلوا وفاااااااااااكره لما كنتي مرعوبه انه ميرجعش او يحصله حاجه
اقل تكريم له ان احنا نتفرج علي اللي عمله هو واصحابه ويزداد فخرنا بهم




بقولك هو في انهي ائتلاف من بتوع الثوره

 

 

[مــــلامــــح]

دعوه لموضوعي

رســـوماتى

تسلم الأياادى وفى انتظار البقيه

 

 

[!! Lidooooo !!]

الله ينور يا ياسر ويام ياسر



ممكن ازاحم انا كمان؟ .. إدخل معانا انت كمان يا بروف


احم احم






بداية تحركنا من امام دار القضاء العالي في اتجاه ميدان التحرير






وعسكر عسكر عسكر ليه .. احنا سرقنا ولا ايه






لاحظوا حديقة الميدان .. كانت لسة خضرا






واخيرا عساكر الامن المركزي يهربون !!!







كانت ايام مجيدة .. لا زلت اذكر كيف كتبنا عصر ذلك اليوم يافطة باقلام الماركر ورفعناها بعد ان كتبنا فيها غير مصدقين:





عددنا وصل 20 ألف!!!

 

 

[D@rk_Kn!ght]

تحية تقدير واعزاز لياسر
ولام يا سر
ولكل شباب وشابات مصر
اللى شاركو فى الثورة
وخصوصا الايام الاولى منها

ولسة فاكر قلق ناش على يا سر واصحابة
وحالة القلق اللى انتقلت للمطاريد كلها فى الوقت ده
الحمد لله ان ربنا كلل جهودنا وجهود الشابا دول بالنصر
وان شاء الله ده الشهداء مش هيروح هدر

وفخر لينا كلنا ان المطاريد يكون فيه ناس زى ليدو وبروف

تحياتى وتقديرى للجميع

 

 

[Prof]

ذكرياااااتون
اللي عنده حاجة يحطها.
أنا ما صورتش ولا صورة لأني كنت عامل حسابي إن فيه سحل أو حبس أو بخ.. فقلت مش وقت تصوير وأخدت موبايل قديم من اللي ما بيتكسرش.
اليوم اللي أخدت فيه الموبايل ابو تصوير اتسرق في لجنة شعبية.. يوم 4 فبراير تقريباً.

 

 

[nash]

اقتباس المشاركة الأصلية كتبت بواسطة مصرية ربنا ميعيدش تاني ظلم وقهر الشرطة ده شوفتي كل الناس مش قادرين من الريحة بس الشباب ربنا يقويهم فيهم كل الخير مش بيهدوا وبيقووا أكتر وأكتر ربنا يبارك لك في ياسر ويفرحك بيه يا نوشة في انتظار باقي الفيديوهات

ويباركلك في فرح يامصريه يارب وتشوفيها أحلي عروسه في الدنيا

اقتباس المشاركة الأصلية كتبت بواسطة sanaa الصور حلوه يانوشا ربنا يبارك في ياسر وكل الشباب اللي خاطروا بحياتهم عشان بلادهم

أنتي الأحلي يا سنا والله

اليوم ده وربنا المعبود كانت عينه هاتطير كان واقف عند الولد اللي وقف لعربيه الأمن المركزي اللي بترش ميه علي الناس والطوب كان بيتحدف من جميع الإتجاهات كان يوم مشهود والغريبه أن الشباب كان مطمن ببعضه واللي يجري يلاقي اللي بينده عليه ويقوله اثبت وارجع تعالي ... في ثواني يكونوا شايلين الجرحي وبيتجمعوا ... ولاد عندهم همه وعزيمه رهيبه

اقتباس المشاركة الأصلية كتبت بواسطة Um Aya الله يباركلك يا ناش في ابنك بس ياريت لو تحطي التاريخ جنب كل مقطع عشان نكون عارفين ترتيب الاحداث

أم آيه تسلمي علي مرورك

المقاطع كلها من يوم 25 يناير وبعد كده عمل زي بروف أخد موبايل عفي عليه الزمن علشان بتاعه وقع كذا مرة وماكانش هاييجي يوم اصعب من ده ... بس كان موقعه الجمل وقبلها بيوم كان بدل مع ولاد خالتي وهما أكلوا العلقه المتينه