ازاي تعرف انك بتتفرج على فيلم مصري؟

[بنت شعنونة]

الصحف المصرية والعربية

الصراحا له مميزات كتير
اعتقد اني كنت قريت بعضها من عمر طاهر لو ذكرياتي لسا شغالة
لكن ما يمنعش اننا نضيف..

مميزات الفيلم المصري خاااااااااااااااااااااصة
انه تلاقي الفيلم شغال جامد و الاحداث ماشيا وانت مركز.. وفجأة..














تلاقي رقاصة و غنوة وما تعرفش ايه اللي حصل!!!

- لازم تلاقي ام بترقع بالصوت وتلطم
- لازم تلاقي بنت ليل و ابن هوى!!
- لازم يكون التصوير في حتة من اتنين يا منتهى الزبالة.. عشاوائيات وكدا
يا منتهى الفخامة ..قصور و فيلل!!
ياربي نفسي اتكعبل في فيلم في شقة عادية زي اللي بنعيش فيهم
- لازم يكون فيه بخور او حتة فيها دجل و شعوزة
- مؤخرا بقى لازم يكون فيه بنت بتدخن سجاير او شيشة وقاعدة ع النت


كملوا انتوا بقى لحد ما افتكر انا شوية كمان

 

[ana_3enady]

دعوه لموضوعي

RobertInole

وبعدين بقى .. طب هاحاول أركز وأقول

 

 

[بنت شعنونة]

طب اكمل انا

لازم تلاقي واحدا نايمة وتحلم حلم وحش وتصحى على صرررررررخة
ااااااااااااااااااااااااااه
او تلاقي واحد نايمة وعرقان ويصحى من حلم وحش برضه او اب و ام نفس الكلام ويصحى على كلمة اللهم اجعله خير يارب.. ويدخل عليه حد يديله كوباية مية موجودة دائما ع الكوميدينو جنب السرير!!!!!!!

- لازم الاب يبقى لابس فانلة في البيت خصوصا لو الفيلم في طبقة متوسطة او عشوائية
- ولازم يبقى لابس ال "روب دي شامبر" لو طبقة هاي
- لازم يشرب ويسكي الشاب اللي عاوز ينسى.. مؤخرا بقى برشام او جوان او هيروين
لازم يبقى معاه "سيجار" الراجل الغني في الفيلم ومعظم الوقت بيكون مش مولعه اصلا

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة بنت شعنونة طب اكمل انا لازم تلاقي واحدا نايمة وتحلم حلم وحش وتصحى على صرررررررخة ااااااااااااااااااااااااااه او تلاقي واحد نايمة وعرقان ويصحى من حلم وحش برضه او اب و ام نفس الكلام ويصحى على كلمة اللهم اجعله خير يارب.. ويدخل عليه حد يديله كوباية مية موجودة دائما ع الكوميدينو جنب السرير!!!!!!! - لازم الاب يبقى لابس فانلة في البيت خصوصا لو الفيلم في طبقة متوسطة او عشوائية - ولازم يبقى لابس ال "روب دي شامبر" لو طبقة هاي - لازم يشرب ويسكي الشاب اللي عاوز ينسى.. مؤخرا بقى برشام او جوان او هيروين لازم يبقى معاه "سيجار" الراجل الغني في الفيلم ومعظم الوقت بيكون مش مولعه اصلا

في حتة غلط بس هاعديها .ز انما بقى الجوان .. اسمه جوينت ولا مؤاخذة .. اتعلموها بقى

برضه .. لازم تلاقي في الفيلم صراع بين الطبقتين وحقد .. وأحيانا تكون قصة لا تهدف لأي شيء .ز ويا سلام لو فيلم لعمنا يوسف شاهين ..

 

 

[بنت شعنونة]

لا لا لا
افلام يوسف شاهين دي ها نفتحلها التواء لوحدها


وبعدين جوان دي بتاعت الناس الهاي يا فندم
افهموها بقى


نكمل..
لازم يبقى زي ما قال عندي يبقى فيه خناقة وضرب مهم اهمية الرقاصة بالظبط
ومؤخرا في الافلام اللي فيها شوية فلوس يبقى فيه عربية بتتقلب او بتطير في الهوا
ولو الفلوس اكتر يبقى يخت

لو فيلم شبابي يبقى فيه شوية الفاظ من الجديدة كبر الدي و ظبط الجي من النوع دا
لو فيلم كوميدي لازم يبقى مليان "قفيان" وشوية طرقعة امال ها نضحك و نكركر على اييييييييييه!!!

 

 

[ana_3enady]

دعوه لموضوعي

RobertInole

برضه أي فيلم مصري مبني على قصة حب .. أهبل وهبلة

 

 

[RMG]

وفي افلام زمان كان عادة الأنجاب يسبق الزواج
وغالبا بيكون الأب عماد حمدى أو كمال الشناوي
ولازمن الرقاصة تطلع اشرف واحده واحن واحده واطيب واحده في الفيلم
ودايما جرائم الأغتصاب بتتم في الشتا والمطره بتمطر مش عارف ليه ( هو ماينفعش في الصيف؟) ولا زم الهوا يفتح الشباك

 

 

[بنت شعنونة]

ايوا كدا يا دكتر
اظهر وبان عليك الامان


نكمل..

- لازم البنت لو زعلانة تعيط وهيا "سايقا" العربية او نايمة على مخدة
- لازم لو الفيلم فيه طفل.. يبقى رخم ويرفع ضغطك ويعلم ولادك كام حركة رزلة تخليك تندم على دخولك للفيلم من اصله

 

 

[ana_3enady]

دعوه لموضوعي

RobertInole

الطفل ده بيبقى عيل نكد

 

 

[RMG]

ولازمن اي واحده بتكلم حبيبها في التليفون تكلمه وهي نايمه وبتلعّب رجليها
مش عارف ايه الحكمه في كده
دي بتبقى واقفه وهوب يجيها تليفون المحروس تروح ناطه ع السرير وهاتك يا مرجحه في رجليها
وأي رقاصه بتكون اشتغلت رقاصه غصب عنها علشان عملية امها المشلولة اللي ب 200 جنيه
واي واحده مشلوله تخف في آخر الفيلم
والأعمى يرجع يشوف
واللي عنده القلب يخف في المانيا
طبعا ده كله كوم والنقط المنومه دي كوم تاني اللي بتتحط في الشاي ولا الحاجه الساقعه وتنيم فورا اسرع حتى من حقن الوريد