تحذير هام لكل الأمهات مدمنى النت ..........

[Farida]

الصحف المصرية والعربية

هذا التحذير اوجهه لكل الأمهات مدمنى النت اللى زى حالاتى و خصوصا جماعة الرغايات الفاتنات اللى عندنا

https://www.ahram.org.eg/390/2010/12/23/9/54575.aspx

اقتباس مدمنة إنترنت قتلت ابنها قتلت كورية مدمنة انترنت طفلها البالغ ثلاث سنوات بعدما ازعجها بكاؤه وهي تلعب علي الانترنت وأوضحت شرطة شيونان بوسط كوريا ان المرأة البالغة‏27‏ عاما كانت تمضي عشر ساعات يوميا وهي تمارس العابا الكترونية عبر الانترنت‏.‏ وقد قتلت ابنها البالغ ثلاث سنوات بخنقه بعدما تبول علي الأرض وكان بكاؤه يزعجها‏,‏ وقال الناطق باسم الشرطة ان المرأة ذكرت للشرطة انها كانت غاضبة منه لانها ارادت ان تستريح بعدما لعبت أربع ساعات علي الانترنت وتقدر الحكومة عدد مدمني الانترنت والالعاب الالكترونية بنحو المليونين من اصل‏50‏ مليونا عدد سكان البلاد‏.‏

 

[ana_3enady]

دعوه لموضوعي

RobertInole

ما تقلقيش يا دكتورة .. الأمهات اللي هنا أكبر من كدة

 

 

[ام ندى]

معقوله يا دكتوره توصل للدرجه دى! تقتل ابنها علشان لعبه الكترونيه
والعدد كمان يخض (عدد مدمني الانترنت والالعاب الالكترونية بنحو المليونين من اصل‏50‏ مليونا عدد سكان البلاد‏.‏) يعنى كام ام بقى حتموت ضناها علشان لعبه او نت
زمان كانوا بيحكولنا على ستات بيوت مدمنين تليفزيون ومسلسلات وكنا بنقول ده هبل او دلع ستات

لكن جه الوقت اللى يبقى فيه امهات تقتل عيالها علشان النت
لا حول ولا قوه الا بالله العلى العظيم

 

 

[ramyfathalla]

الحمد لله مراتى ما لهاش فى الانترنت
و ماذا عن الأباء يا دكتورة
هل فيه أب قتل ابنه و لا ضرب بنته مثلا بسبب الانترنت

أنا عن نفسى أعرف واحد طلق مراته بسبب الانترنت
و أعتقد أن الناس دى مش سوية

 

 

[Farida]

عارفه يا أم ندى انا متأكده انها مش قصدها تقتل ابنها ...........انا مثلا قرأت مرة ان فيه أم قتلت ابنها لأنه كان بينام جنبها و هى و هى مش واخده بالها اتقلبت عليه و هى نايمه مش حاسه فطسته ...........
واحد كان زميل لأختى فى المدرسه و من المتفوقين و هو فى تالته ثانوى بيتخانق مع صاحبه خناقه عاديه زقه الواد اتخبط فى طوبه مات ...و الواد قعد فى الأحداث مده ...........ربنا يعافينا ........

 

 

[ام ندى]

اقتباس المشاركة الأصلية كتبت بواسطة Farida عارفه يا أم ندى انا متأكده انها مش قصدها تقتل ابنها ...........انا مثلا قرأت مرة ان فيه أم قتلت ابنها لأنه كان بينام جنبها و هى و هى مش واخده بالها اتقلبت عليه و هى نايمه مش حاسه فطسته ........... واحد كان زميل لأختى فى المدرسه و من المتفوقين و هو فى تالته ثانوى بيتخانق مع صاحبه خناقه عاديه زقه الواد اتخبط فى طوبه مات ...و الواد قعد فى الأحداث مده ...........ربنا يعافينا ........

موضوع ان الام قتلت ابنها عن طريق الخطأ وهى نايمه اسمع عنها لما بتكون الام لسه جديده وطفلها الرضيع كان مسهرها طول الليل فهى من قله النوم او وهى بترضعه بالليل ما دريتش بنفسها فنامت من التعب وخنقته فطسته زى ما حضرتك قلتى
لكن الخبر زى ما فهمت ان الست دى من كتر السهر على اللعبه الهباب دى
خلى الكميا فى مخها من قله الراحه باظت فلما صحيت على صوت بكاء ابنها قتلته من الغيظ


احنا ساعات لما بنكون مرهقين جدا او مطبقين سهر زى ما بيقولوا بننفعل ونغضب بشده لما حد يصحينا من النوم وخصوصا الخمس دقايق الاولى بس مش بتوصل لدرجه انى اقتل ضنايا

وبعدين ياريت دى كانت مطبقه علشان شغل او عمل او سهرانه بتذاكر للاولاد علشان امتحاناتهم ده علشان لعبه


انا عارفه ان حضرتك بتحاولى تخففى عليا الخبر بس بصراحه لو الحادثه دى صحيحه انا ما اديش العذر ابدا لام وصلت روحها من هيافتها او فراغها انها تدمن لعبه نت

 

 

[Farida]

انا مش باديها عذر ولا حاجه و الله .........انا باقول ربنا يكون فى عونها و عوننا جميعا

 

 

[TeTo IT]

هيا كانت بتلعب لعبة اسمها ايه ؟

 

 

[haya]

يا نهار سوفوحلقي
يعني هو الواحد المفروض برضه يكون عنه أولويات ..يعني الفارم فيل اكيد اهم من الواد واللي خلفوه
الذ حاجة في البني ادم لما يكون ملول زي حالاتي
مش بأطيق حاجة تربطني ودي مشكلتي مع التلفزيون مثلا ..ما عنديش حاجة اسمها اتابع مسلسل
ليه يعني كل يوم في نفس المعاد اسيب كل اللي في ايدي علشان اقعد اشوف حاجة وهمية ؟؟؟ فما بال بلعبة الكترونية ...
يمكن تكون دماغي متركبة شمال بس اكتشفت ان الشئ ده مفيد بشكل عام

الادمان بيدمر الخلايا العصبية للانسان وادمان الانترنت وامتصاصه لطاقه الانسان وتركيزه وعدد ساعات صحيانه وقدرته على المقاومة والتفكير خلى تأثيره على الست دي شبه تأثير المخدر عليها بالضبط ..ففقدت السيطرة على اعصابها وما بقيتش في كامل وعيها باللي بتعمله بالتاكيد ...

 

 

[Farida]

الأدمان ادمان ........مش عارفه ماجربتش ادمان المخدرات مثلا لكن مجربة ادمان النت ..............