ماذا تفعل لو كنت مكاني

[nash]

الصحف المصرية والعربية

ياتري ..كتير بيحسوا بتأنيب الضمير أو الذنب لو قاموا بالتقصير تجاة واجب ما أو تجاة إنسان ما

الموضوع ده الحقيقه عاملي أنهيار عصبي غير عادي....

إذا صحيت متأخرة ربع ساعه عن ميعاد الإستيقاظ الطبيعي..اقوم اجري كأن ورايا الديوان...رغم ان مافيش حاجه جاده تستاهل أني اصحي علشانها ..لكن قلق وخلاص.... ورغم ان ميعاد وصول الشعب بيكون متأخر شويه.... طيب بصحي ملقوفه ليه يعني؟

إذا كان فيه حاجه محطوطه مش في مكانها مظبوط..بالمسطرة يعني...احس كان الدنيا كلها مكركبه...وبحس اني عايزة أشقلب الدنيا وارجعها تاني...لمجرد حاجه بسيطه زي كده...

لو لا قدر الله..السفرة ماكانتش جاهزة بالمسطرة برضه...قبل ميعاد وصول الغجر بحس أني أم مهمله..وأقعد أأنب نفسي... طيب ماهما علي مايغيروا ويصلوا ويقعدوا علي السفرة فيه علي الأقل ربع ساعه ..ايه المشكله يعني لو أتأخرت....لكن أبدا..

لو مارحتش لكل واحد كل ساعتين أساله إذا كان عايز يتعشي..او يشرب أو حابب يتكلم في اي موضوع ومحرج مني...أحس أني أم قمه في الإهمال....

إذا حسيت ان صديقه قصرت معاها رغم أن ممكن تكون هي اللي مقصرة ...أحاول أجي علي نفسي واصالحها..وإن كانت أصبحت نادرة الحكايه دي..يعني شويه بقيت اقابل الإساءة بالتجاهل..والعتاب ممنوع تماما....

اللي مش قادرة عليه ..وبجد حاولت مع نفسي كتير سواء بالتأنيب أو بالإكراة..أني اسامح في الإساءة... وخصوصا لما تكون من حد كان غالي عليا.... يمكن لإنها بتكون أشد ايذاءا" ؟ مش عارفه الحقيقه....

ماذا تفعل لو كنت مكاني.....

حقيقي إزاي الواحد ممكن يتغلب علي الإحساس المرضي للشعور بالقلق وتأنيب الضمير والذنب المستمر..

والله الموضوع زاد لدرجه..انه بدا ياثر علي نفسيتي بشكل مزعج.... وممكن كمان يسببلي حاله إكتئاب.. واثر بالفعل علي معدتي...يعني العمليه مش ظريفه نهائي...ورغم ان الحياة بسيطه ومافيش حد ماسكلي الساعه .بالعكس نفسهم أكون من النوع الهادي اللي مش بيفرق معاه ..إلا أن القلق مستمر بإستمرار....

 

[Farida]

انا كمان قلوقه جدا بطبعى و ده بيتعب لى اعصابى .انا تقريبا متشابهه معاكى فى حاجات كتير اهمها موضوع الشعور بالتقصير تجاه الأخرين و انى اجى على نفسى بس المهم م اأقصرش تجاه البيت و الزوج و البنات و الأخوات طبعا و هلم جرا احيانا لو حد زعل منى افتكر انى انا السبب و ابدأ فى الأعتذار بس لو حد عمل معايا دقة نقص و أساء الى لا يمكن انسى اساءه مهما كانت بسيطه مع الناس اللى بيهمونى قصدى اللى كانوا بيهمونى ............دلوقتى الدنيا اسهل شويه لأنى ابتديت اتجاهل ناس و اهمل ناس

 

 

[No Body]

واحد راح لحكيم يسأله

الواحد : أنا بقالي 20 سنة عايش في فقر .. قُدامي أد إيه عشان أخرج منه ؟

الحكيم : قُدامك عشرين سنة كمان .

الواحد : وبعد كده ؟

الحكيم : ولا حاجة حا تفضل زي ما انت .. إنت خدت عليه خلاص

مش عارف افتكرت القصة دي ليه لما قريت موضوعك يا Nash

 

 

[nash]

اقتباس المشاركة الأصلية كتبت بواسطة farida انا كمان قلوقه جدا بطبعى و ده بيتعب لى اعصابى .انا تقريبا متشابهه معاكى فى حاجات كتير اهمها موضوع الشعور بالتقصير تجاه الأخرين و انى اجى على نفسى بس المهم م اأقصرش تجاه البيت و الزوج و البنات و الأخوات طبعا و هلم جرا احيانا لو حد زعل منى افتكر انى انا السبب و ابدأ فى الأعتذار بس لو حد عمل معايا دقة نقص و أساء الى لا يمكن انسى اساءه مهما كانت بسيطه مع الناس اللى بيهمونى قصدى اللى كانوا بيهمونى ............دلوقتى الدنيا اسهل شويه لأنى ابتديت اتجاهل ناس و اهمل ناس

والله يا دكتورة فريده الموضوع مش بسيط ولا هين... كتير ممكن يفكروا انها حاجه بسيطه....

المشكله انها ابعد مايكون عن البساطه بالنسبه لي... بالعكس قمه التعقيد وقمه النكد..وإن كنت بحاول أحبس الإحساس ده وأمشي حالي مع نفسي علشان الهدوء يفضل مسيطر علي البيت....

بستغرب الناس اللي مش بيفرق معاهم حاجات بالنسبه ليهم تافهه .لكن بحسها انا قاتله..

الإساءة عندي كانت شيء عادي.أي حد ممكن يغلط ومش مشكله لو سامحت...بس لما زادت الأمور..حسيت بجد بالأستغلال النفسي والعاطفي....لأعصابي.... وانتهي أني اسامح تاني....

 

 

[nash]

اقتباس المشاركة الأصلية كتبت بواسطة No Body واحد راح لحكيم يسأله الواحد : أنا بقالي 20 سنة عايش في فقر .. قُدامي أد إيه عشان أخرج منه ؟ الحكيم : قُدامك عشرين سنة كمان . الواحد : وبعد كده ؟ الحكيم : ولا حاجة حا تفضل زي ما انت .. إنت خدت عليه خلاص مش عارف افتكرت القصة دي ليه لما قريت موضوعك يا Nash

ماهي قصه واقعيه يا نوبودي.... بس صدقني بيحصل شيء من الإنتفاضه....

يعني لو الواحد استحمل عشرين سنه بيلاقي امراض الدنيا ...وأولهم الإكتئاب....

مشكلتي ببساطه إزاي أطنش وفي نفس الوقت مايكونش فيه تأنيب ضمير...خصوصا اني عمري مااهملت شيء..ولو انا مع نفسي أهملت شويه ..في الأخر كل حاجه هاتكون مظبوطه وفي التوقيت المضبوط...يبأة لازمته ايه القلق والعصبيه من الاول والدوشه اللي عملاها مع نفسي؟

فهمت حاجه؟

 

 

[No Body]

إوعي تفتكري كلامي ده هزار .. بالعكس والله

أنا عاوز أقولك إن صفة القلق والإحساس الدائم بأن هناك شئ ناقص

ده مرض مزمن ليس منه شفاء ووالدتي أطال الله في عمرها مازالت حتى الآن تعاني من هذه الصفات

 

 

[nash]

اقتباس المشاركة الأصلية كتبت بواسطة No Body إوعي تفتكري كلامي ده هزار .. بالعكس والله أنا عاوز أقولك إن صفة القلق والإحساس الدائم بأن هناك شئ ناقص ده مرض مزمن ليس منه شفاء ووالدتي أطال الله في عمرها مازالت حتى الآن تعاني من هذه الصفات

الله يكرمك يارب....ويحفظ الوالده من كل شر....

يعني مافيش امل؟

بس صح.... دايما فيه شيء ناقص... بالظبط والله ....

 

 

[حسام]

شخصيتك كدة يا ناش زي ما بتتكلمى عنها بترجع لسببين فى رأيي الشخصي
أولا النشاة بالأساس من الطفولة
أعتقد ولدرجة كبيرة أكيد الوالدة كانت كدة
جد
وعارفة هية وراها
وهتعمل اية
وماتحبش حاجة تتعمل أقل من عشرة على عشرة
وأكيد انتى ورثتي الطبع بتاع العشرة على عشرة دة منها
الحاجة التانية حضرتك برج قوس
الجدية
والالتزام
والرغبة فى الكمال
والكمال طبعا للة وحدة عزوجل
دة من ناحية سبب شخصيتك كدة لية
التعليق بتاع العبد لله على الموضوع بتاعك لو سمحتيلي أعلق يعني
خصوصا بعد اللى حصل امبارح
فية جزئين فى القصة
نقطة ايجابية
وهيةانك بتسعى ان كل شيئ يكون مظبوط
ومية فل واربعتاشر
وأعتقد وان لم أتشرف بالتعرف عليكي فى من قرب
أنك والحمدلله رب العالمين
بتحققى كتير من الالتزام بالاهداف اللى وراكى
النقطة السلبية بقى اللى عايزة تحكم منك عشان تحجميها
وماتخليهاش تنغص عليكي حياتك
هية اضطراب نفسي
ودة طبيعي
المهم أنة ما يوصلش لمرحلة مرضية
ويبقى مرض نفسي
اسمة
الوسواس القهرى
الوسواس القهرى فية أكتر من نوع من الافكار التى تتسلط وتنغص على الانسان حياتة
منها نوع اسمة الكمال
أو بيسموة بالعامية مظبوط بالظبط
بيبقى فية الانسان عايز يعمل كل حاجة مظبوطة مية فى المية
لدرجة أنة ينهمك ف نقطة معينة مش مشكلة انها تبقى مية مية ويسيب حاجات كتير تقع في حياتة
طبعا مش قصدي اقول بعد الشر انك وصلتى لدة
لكن احنا مش عايزين نوصل لدة
عشان كدة انصحك تقرى كتاب أفدنى جدا اسمة الوسواس القهرى
عن سلسلة عالم المعرفة
رائع بجد
هيعرفلك الوسواس القهرى
وانواعة
وأسبابة
وسبل العلاج
اسف لو كنت طولت
واسف لو كنت افورت الموضوع
بس اللى خلانى أرد بكدة
انى لغترة طويلة كان عندى الاحساس بتاعك دة
عايز كل حاجة صح مليون فى المية مش بس مية فى المية
ودة طبعا مش عملى
لأننا فى الدنيا
مش على كراس مربعات
والسبب التانى برضة انى أنا كمان قوس
ودي من سمات البرج بتاعنا دة
لو مشاركتى عجبتك
انا ممكن اجيبلك الكتاب
وآسف لو كنت اديت الحالة أكتر من حجمها
بس يمكن أنا شفتها كدة
تحياتى
وصباح الفل

 

 

[toota]

تعالي عيشي في مصر...حتلاقيكي اتلهيتي في مليون حاجة...تنسيكي كل الي بتفكري فيه ومش حتلاقي وقت تنهي اي حاجة للاخر...بالتالي حتكبري الكبورة غصبن عنك...وتعملي الاهم والي تقدري عليه فقط وتسيبي الباقي لوقت تقدري عليه ...وفي الاخر تقولي مايقدر على القدرة الا ربنا.... نصيحة متجربة

 

 

[nash]

والله يا حسام أكيد الوراثه ليها دخل كبير...

وفعلا والدتي كانت كده وإن كنت أنا أخف في موضوع الأوامر والنواهي.....بس برضه موجوده بدرجه ما....

طبعا يا حسام أنا واثقه أنه مش وسواس قهري...بس هو درجه ما من الوسوسه....

درجه منكده عليا حياتي بجد....لإن فيه حاجات كتير ممكن ببساطه تتأجل لوقت أخر..أو حتي لو ماتمتش محدش هاياخد باله..ولا حتي أنا....

أنزل بالكتاب يا حسام.....