إلى الزملاء الجدد مرتادى منتدى كندا

[biopasha]

الصحف المصرية والعربية

الموضوع تنظيمي ليس ألا .. ولا يقصد به أي تفرقه بين الابواب ..
كما ان الموضوع مطروح للأستفتاء وأذا وافقت الاغلبية سيتم تطبيقه وان لم توافق سنتماشي مع الأغلبية في رأيها ..

وأجدد دعوتي مع الاخ العزيز الاهلاوي الاصيل .. لجميع اعضاء منتدي المطاريد - باب الهجرة - الجدد والقدامي .. ببناء وتعمير بيتهم ومنتداهم الجديد ليصبح منتداهم الدائم ..

ويطيب للأدارة الترحيب بجميع الاعضاء الجدد والقدامي وتدعوهم لممارسة نشاطهم تحت سقف عال من الحرية والديموقراطية والشوري أنطلاقا من مبدأ أحترام الرأي والرأي الأخر .. وتهيب بالجميع نبذ ما مضي من خلافات وفتح صفحة جديدة في منتداهم الجديد.



BIO

عن فريق الاشراف

 

 

[اسكندرانية كنداوية]

أولا: شكرا للإدارة وجميع أعضاء المنتدى القدامى على الترحاب و دفئ المشاعر
ثانيا: تحية تقدير و شكر و إحترام للإدارة على الإسلوب الراقى فى التحاور وإشراك و إحترام رغبات رواد المنتدى فى قرارات التعديل و الإضافة للمنتدى

أنا من مؤيدى وجود شريط خاص بمحاورات كندا لتعدد أبوابه و كثرة التردد عليها و بالتالى كثرة العناوين الخاصة به تطغى على عناوين الأبواب الأخرى

 

 

[أكسيلانس]

لا مانع من وجود شريط منفصل لمطاريد كندا ,, لعله يسهل علي أعضائه و يقلل من الضغط علي وجود باقي المواضيع في الشريط ألآساسي

خالص تحياتي لفريق ألاداره

 

 

[ايجيكويب]

انا فى رئي ان شريط واحد يكفى ويتم المشاركة بكافة المواضيع وده يتبع الاهواء الشخصية والميول لمريدي المطاريد اما بالنسبة لعوده الاعضاء للمنتدى القديم اعتقد ده برضة بيرجع ليهم واهواءهم هما جايين هنا مؤقت والا دائم يعنى مينفعش التحكم فيه بالمره وعشان كده اعتقد ممكن يتم التنسيق بين المطاريد والمحاورات لانها اماكن محترمة وممكن الاعضاء المزدوجين فى المنتديين او اعضاء المنتدى الواحد يحصل بينهم تواصل اقصد يعنى لو امكن ان يتعمل روابط بين الموقعين عشان محدش يفوته معلومة مكتوبه على المنتديين ويكون فى حرية اكبر فى تبادل المعلومات والكتابة فى المنتديات وتكون الفيده اكبر وشكراً على سعه صدركم للرأي

 

 

[Admin]

بسم الله الرحمن الرحيم

الأخوة والأخوات الكرام مرتادى منتدى كندا

السلام عليكم ورحمة الله وبركاته

شكراً لجميع الأراء التى وردت رداً على الإقتراح المقدم من الإدارة بتخصيص شريط لآخر موضوعات الهجرة إلى كندا بحيث لا تطغى على بقية موضوعات المنتدى الأخرى ... ونظراً لتحقق الموافقة على الإقتراح بالأغلبية فى الردود التى تفضلتم بها فقد قمنا بتفعيله بحمد الله ... ستجدون شريطاً بآخر موضوعات باب كندا تحت عنوان الباب الرئيسى (شؤون المغتربين) مباشرةً يعرض لكم جديد منتدى كندا على أن يظل شريط الموضوعات الذى يوجد بأعلى الصفحات مخصصاً لبقية أبواب المنتدى ... فى حال وجود أى مقترحات أو شكاوى بخصوص التنظيم الجديد يرجى إبلاغ الإدارة لعمل اللازم ... شكراً لكم

 

 

[شينكاوي]

انا اقترح نعمل حاجتين لرواد منتدي كندا الأولي الهاك بتاع مواضيعهم علشان الواحد يركز معهم وكمان ف المواضيع العامة المهمة والحاجة التانية نفتح لهم عربية كبدة محترمة مع سلطات ومخللات ومية معدنية وبكدا يبقي ريحنا العضو ع الاخر هجرة واكل سفن ستارز

 

 

[ايجيكويب]

اقتباس المشاركة الأصلية كتبت بواسطة Mohamed Hassan انا اقترح نعمل حاجتين لرواد منتدي كندا الأولي الهاك بتاع مواضيعهم علشان الواحد يركز معهم وكمان ف المواضيع العامة المهمة والحاجة التانية نفتح لهم عربية كبدة محترمة مع سلطات ومخللات ومية معدنية وبكدا يبقي ريحنا العضو ع الاخر هجرة واكل سفن ستارز

ونكتب عليها بالبنط العريض
(( كده رضا ))

 

 

[مطرودالجبل]

انا عايز اوضح حاجة بس..
اعتقد ان الادارة تقصد.. ان ما سيتم فعله هو استبدال الشريط.. يعنى لما تكون داخل باب كندا, هتشوف شريط مواضيع كندا فقط.. لكن لما تروح الابواب التانية, هتلاقى شريط بالمواضيع فى الابواب كلها..

يعنى مفيش شريطين هيظهروا.. انما الشريط هيتبدل على حسب المكان اللى انتا فيه..

اتمنى ان فهمى يكون صحيح.

 

 

[Robin Hood]

الأعتراف بالحق فضيلة ..... الصراحة أنا كنت معترض في الأول علي شريط منفصل انما بعد التنفيذ الحق يتقال كده أحسن كتير و أعتقد إنه مرضي للجميع .....تحية خالصة علي أسلوب اتخاذ القرار

 

 

[dana]

انا موافق على فكرة الشريطين فكرة جميلة بس انا نفسى اعرف الجدد اللى زينا اللى لسه مشتركين فى المنتدى يبدأو ازاى المواضيع بقت صعبة جدا وبندور وندوخ علشان نملى ورقة واحدة بس ارجو الافادة