كيف احصل على شهادة معاقين

[hoppa]

الصحف المصرية والعربية

عمرى ما تصورت ان فى يوم من الأيام هسأل السؤال ده
الحمد لله على كل شئ اللهم لا راد لفضلك و لامعقب لقضاءك
دلوقتى هل من حقهم ان يحرمونى من العمل (بعد معاناة فى التقديم له تزيد على الثلاث شهور) ما بين مشاوير و اوراق مطلوبة و بهدلة فى المصالح الحكومية
ثم بعد ذلك اطلع غير مؤهله بسبب ضعف بسيط و يكاد يكون غير ملحوظ فى السمع
هو مش فيه نسبة 5% للمعاقين (رغم انى لا اعتبر معاقة) و يمكنهم العمل فى الحكومة .

يعنى دلوقتى انا واحدة متمكنة من مجالى و خدت فيها شهادات حتى اننى اتمتع بمهارات اضافية كمثل مهارة الالقاء و مخاطبة الجمهور و جريئة فى الكلام مع الغير و حتى كلامى واضح و لا اعانى من من تهته او مشكلة فى الكلام و ده اللى غالبا موجود مع السمع يعنى اللى بيعانى مشكلة سمعية غالبا بيعانى مشكلة فى الكلام و ده مبيحصلش عندى

انا مش بقول الكلام ده الا عن تجربة و دى شهادة اساتذتى اللى دربونى و علمونى و كنت ممتازة جدا فى الـ soft skills برغم كل شئ و مع ذلك يقولوا لى انى ممكن مينفعش اشتغل

بس انا وراهم وراهم و مش هسيبهم و هشتغل غصب عنهم
ان مكنش بطريق الاصحاء يبقى بشهادة المعاقين
ازاى احصل عليها بقى

 

[رمضان]

لا حول ولا قوة الا بالله
ادعي عليهم يا هبه
بجد حاجة تجيب الضغط
فكرتيني بأيام ما كنت في مصر واحاول اخلص ورقة او اي حاجة بمجهودي
هبه شوفيهم بحاجة هتلاقيهم زي الكلاب بيخلصوا لك اوراقك

 

 

[شينكاوي]

ليس كل المعاقين يتم تعيينهم للأسف وانا شاهد علي حالتين , الحالة الأولي هي لأحد أبناء اعمامي ونطلق عليه العمدة الصغير لديه شبه إعاقة في رجل واحدة لا تمنعه من استكمال حياته فجأة نزلت البلد لاقيته موظف في الوحدة الصحية قعدت معه شويه وعرفت منه انه قدم للوظيفة بشهادة الاعدادية وقبلوه وطبعا مبيعملش اي حاجة طول اليوم غير قاعد ع القهوة اللي جنب المستشفي بيشيش ويا ويل اي موظف في الوحدة لو حتي قاله صباح الخير المهم لقيته بيقولي انه بكره هيمتحن قلتله مش خلصت تعليم معنا انت ولا هي زيادة علم اللي عرفته بعدين انه رجع تاني يمتحن دبلوم تجارة علشان مش عارف ياخد علاوة او تحسن وضع طيب ييجي ازاي الكلام دا والراجل حاصل علي مؤهل اصلاً وازاي يتعين بالاعدادية وميقدرش يقدم شهادته الاصليه ورجع تعلم من تاني بصراحة معرفش ولما سألته ضحك وقالي يا عم هي ماشية كدا ولو في حد عنده خبرة عن الطريقة دي يا ريت يشرحها لي وهل فيهل تزوير ولا لا وازاي الحكومة متعرفش ان دا عنده مؤهل ولا لأ؟ وازاي يرجع ينتسب تاني مش فاهم بجد
الحالة التانية لصديق ظروفه المادية شوية متكعبلة ومعوق بشلل كامل في الرجلين الاتنين وساب كلية التجارة وهو في السنة التانية ومقدم من زماااااااااااااااااان وقبل العمدة الصغير بكتير لأنه اكبر مننا ومع ذلك لازال ينتظر الفرج من الله سبحانه وتعالي
الخلاصة مش كل المعوقين بيتعينوا والعملية ماشية ازاي معرفش

 

 

[Mzohairy]

رغم ان المفروض يحصل العكس و اي نسبة اعاقه عند اي شخص كان يجب ان تقابل بالمعاونه و الدعم

بس يبقى انت أكيد أكيد في مصر


و انا اجزم ان الأب الدكتور الانسان حسني مبارك لن يرضيه هذا ابدا اذا علم بالموضوع

 

 

[ana_3enady]

دعوه لموضوعي

RobertInole

هبة 50 جند في وسط ورقك وانتي بتقدميه للموظف هايخلص الورق على طول بس هي المشكلة بقى هل كدة ممكن تكوني خدتي حق حد وفي الحالة دي تبقى رشوة وحرام على الطرفين انما ده لو حقك ومايخلصش الا بالفلوس يبقى حرام على أمه هو وعموما لو ليكي فيها نصيب يابنتي هاتخديها

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة شينكاوي ليس كل المعاقين يتم تعيينهم للأسف وانا شاهد علي حالتين , الحالة الأولي هي لأحد أبناء اعمامي ونطلق عليه العمدة الصغير لديه شبه إعاقة في رجل واحدة لا تمنعه من استكمال حياته فجأة نزلت البلد لاقيته موظف في الوحدة الصحية قعدت معه شويه وعرفت منه انه قدم للوظيفة بشهادة الاعدادية وقبلوه وطبعا مبيعملش اي حاجة طول اليوم غير قاعد ع القهوة اللي جنب المستشفي بيشيش ويا ويل اي موظف في الوحدة لو حتي قاله صباح الخير المهم لقيته بيقولي انه بكره هيمتحن قلتله مش خلصت تعليم معنا انت ولا هي زيادة علم اللي عرفته بعدين انه رجع تاني يمتحن دبلوم تجارة علشان مش عارف ياخد علاوة او تحسن وضع طيب ييجي ازاي الكلام دا والراجل حاصل علي مؤهل اصلاً وازاي يتعين بالاعدادية وميقدرش يقدم شهادته الاصليه ورجع تعلم من تاني بصراحة معرفش ولما سألته ضحك وقالي يا عم هي ماشية كدا ولو في حد عنده خبرة عن الطريقة دي يا ريت يشرحها لي وهل فيهل تزوير ولا لا وازاي الحكومة متعرفش ان دا عنده مؤهل ولا لأ؟ وازاي يرجع ينتسب تاني مش فاهم بجد الحالة التانية لصديق ظروفه المادية شوية متكعبلة ومعوق بشلل كامل في الرجلين الاتنين وساب كلية التجارة وهو في السنة التانية ومقدم من زماااااااااااااااااان وقبل العمدة الصغير بكتير لأنه اكبر مننا ومع ذلك لازال ينتظر الفرج من الله سبحانه وتعالي الخلاصة مش كل المعوقين بيتعينوا والعملية ماشية ازاي معرفش

شوف ياسيدي الفاضل ده طبيعي جدا ماحدش له عندك حاجة غير أي شهادة وشهادة التجنيد وبعدين عادي جدا انك تاخد دبلوم طالما انك معاك شهادة الاعدادية بتقدمها وتذاكر وهو قريبك ده ان شاء الله بعد ما يخلص الدبلوم ويقدم الشهادة بعدها بفترة هاتلاقيه قدم شهادة المؤهل بتاعته كمان بس ياك ما يتقفش بتاريخ الشهادات وإلا هايتنفخ
وعلى فكرة انا كنت ناوي أقدم وأدرس في كلية هندسة في جامعة حكومية وده عن طريق شهادة البكالوريوس بتاعتي بس الحمد لله ربنا رزقني بسفرية

 

 

[hoppa]

اقتباس المشاركة الأصلية كتبت بواسطة ana_3enady هبة 50 جند في وسط ورقك وانتي بتقدميه للموظف هايخلص الورق

ايه الخمسين جند ده يا عنيدى..خمسين جنيه يعنى

وهى دى بتعمل ايه فى الزمن ده

و هى اصلا حرام و لعن الله الراشى و المرتشى سواء كانت من حقى او مش من حقى

 

 

[hoppa]

اليوم كنت فى مستشفى التأمين الصحى عشان اخلص شوية ورق و يااااه ع اللى شفته
بجد اتعذبت....مش بسبب اللى عندى...انا مصيبتى اهون بالكتير لكن بسبب اللى شفته فعلا اللى يشوف بلاوى الناس تهون عليه بلوته ..
كان فيه واحدة هناك عندها شلل اطفال كسيحة خالص مش بتقدر تمشى و بتستخدم كرسى و مع ذلك اقسم بالله ان وجهها عليه بشاشة لم ارها فى احد من قبل كانت دائمة الابتسام بدرجة اثرت في جدا و الهمتنى حتى اللى معاها كانوا بيتجاوبوا معاه بطريقة لا تظهر اى حواجز فى التعامل او نظرة شفقة او احسان منهم عليها
بجد اللحظات دى الهتمنى و حسيت فيها بمعنى الحياة الحقيقى

لو هحكى عن المساوئ هقول ايه و الا ايه .....اللجان الطبية اللى مفروض تتختم و تتمضى فيها الاوراق..الناحية الادارية يعنى فى وادى و المستشفى اللى فيه الكشف فى وادى تانى خالص و طول اليوم رايح جاى...آخر بهدلة


الافظع كان اسلوب و طريقة تعامل العاملين و المسئولين حتى الدكاترة..
الكشف بيتم بطريقة غبية و مهينة جدا لا يمكن تكون الا فى بلد متخلفة بصراحة بيكشفوا على العيان و هو واقف , الدكتورة تقول ايه اكشفى رجليكى عشان تشوفها....رغم انى كنت لسة من شوية عند اخصائى العظام
تخيلو هى بنفسها رفعت طرف ملابس...دى كشفتنى مش كشفت عليا..اخصصصصصصص و الله انى انحرجت و بقيت فى نص هدومى فعلا
و الله انى كرهت الدكاترة سم العمى

واحد من الدكاترة مكنش موجود و الممرضة كانت نايمة على المكتب ...بمعنى نايمة مش غفوة بسيطة كدة لأ نوم بمعنى نوم و بصراحة كانت عاوزة عشان تفوق و بكل تناحة تقول..تعالى يوم الخميس
حاولت اشوف دكتور تانى حولونى على عيادة خاصة بتاعت دكتور شغال فى المستشفى اصلا..طب هو مش موجود فى المستشفى ليه دى الساعة 10 يعنى مواعيد العمل الرسمية... يعنى هو عشان ادفع مصاريف كشف طبى تانى و انا اصلا لسة دافعة 40 جنيه
بجد حاجة تعل و ده كله و انا لسة فى توهة الكشف الطبى الروتينى اللى بيعمله الكل الاصحاء و غيرهم

 

 

[hoppa]

كان فيه واحدة تانية..انا الحمد لله معملتش زى ما هى عملت
الدكتورة شغلتها بهلوان
تقولها ايه مدى ايديكى ارفعيهم فوق اقفى على اطارف صوابعك واقعدى على ركبك...اطلعى فوق انزلى تحت..زو هكذا مش عارفة ايه الطريقة الحديثة فى الكشف

 

 

[زعلان]

طب لو في واحد من ذو الاحتياجات الخاصة و لا يستطيع الحركة كنتي حتلاقي موظف يقوله اطلع اختم لنا الورقة ده من الدور السادس و حتلاقي المصعد (الاسانسير ) مكتوب عليه يا عطلان يا حتلاقي حارس المصعد بيقوله ده للبيه المدير بس

في العالم كله ذوي الاحتياجات الخاصة بيعفوا من المصاريف او بيتم تخفيضها ليهم و بيتم استثنائهم من الطوابير الا في مصر

في مصر بصراحة محتاجين طابرو لمرضى الفشل الكلوي و طابو لمرضى السكر وطابور لمرضى الضغط و القلب و طابور لمرضى الكبد و طابور لمرضى السرطان وطابور لذوي الاحتياجات الخاصة

ويعفوا الاصحاء من الطوابير و المصاريف لأنهم أقلية في مصر لابد من دعمهم علشان ما يشعروش ان المجتمع ظلمهم و حسسهم انهم مختلفين