هوه جيشنا كوى ولا ضعيف؟

[حشيش]

الصحف المصرية والعربية

من ساعة ما الله يرحمه السادات اغتيل سنة 1981 ومعدش فيه لا عروض عسكرية ولا بطيخ ... مفهوم إن أبو علاء إتلسع من الشوربة وبينفخ فى الزبادى بس إحنا كمان من حقنا نعرف إن كان جيشنا بقى كوى ولا ضعيف ... تعتيم إعلامى إبن كلب عن حالة الجيش ولا احنا عارفين إن كان يقدر يصد لو إسرائيل قلت عقلها من جديد ولا إيه النظام؟ ... حتى المشير عمره ما بل ريقنا بكلمتين عن الجيش ... إيه ياخواتشى الناس دى؟!

 

[HAMOUDI]

والله ياشيشو الكلام في النقطه دي مرسل جدا لانك نفسك قلت الجيش في حالة تعتيم الله اعلم جيشنا ضعيف وبيداروا عليه والا جيشنا قوي وعنده مطارات سريه ( واخدلي بالك انت من المطارات السريه دي ) او صواريخ الظافر والقاهر والطاهر والباهر
صدقني انا طرحت السؤال ده قبلا ولااجابه حتى الناس الي في الجيش نفسهم مايعرفوا
على فكره احنا هنا لما بنتكلم يبقى نقارن نفسنا وقدرتنا باولاد العم مش ببلاد الواق واق
بس الشيء الواضح ان مافيش تصنيع بالشكل المطلوب وتدريب الافراد غير جيد كلها شوية افكار بدائيه وخلاص

 

 

[الأهلاوي الأصيل]

والله أنا خايف ننام ونصحى على فضيحة زي بتاعت 67

 

 

[جماال]

انا شفت حفل تخريج الكلية الحربية شوية حجات بدائية جدا وبصراحه اظاهر ان جيشنا في الباي باي

 

 

[savary]

اقتباس والا جيشنا قوي وعنده مطارات سريه ( واخدلي بالك انت من المطارات السريه دي ) او صواريخ الظافر والقاهر والطاهر والباهر

مش احسن من السبع دبابات بتوع الدفرسوار

واخد بالك يا استاذ حمودى ( سبع دبابات )

 

 

[شريف محمد]

يا اخوانى فيه معاهد ومجلات متخصصة تعطى معلومات على التسليح وحالة الجهوزية القتالية للجيوش فى العالم كله
وجت بعض المعلومات فى ويكيبيديا اظن انها مهمه طبعا هذا ليس كافيا يعنى احنا بنعتمد كثيرا على الغرب والشرق فى تجهيز الجيش واهملنا فى التصنيع الى حد كبير لكن هناك بعض الامل يعنى الجيش يعتبر اقوى جيش فى افريقيا والشرق الاوسط بعد اسرائيل وقبل تركيا فيه تصنيع وتطوير لبعض اجزاء الطائرات والدبابات الاضافة الى قمر صناعة ايجيبت سات 1 اعتقد انه قمر تجسس
https://ar.wikipedia.org/wiki/%D8%A7%...B1%D9%8A%D8%A9

حتلاقو فى الرابط ده مجموعة اخرى من الروابط لباقى المعلومات زى معلومات الدفاع الجوى ومعلومات عن القوات الجوية والبحرية وغيرها اتمنى ان يفيد

 

 

[savary]

اقتباس المشاركة الأصلية كتبت بواسطة الأهلاوي الأصيل والله أنا خايف ننام ونصحى على فضيحة زي بتاعت 67

معتقدش ابدا
الاوضاع مختلفه تماما

مصر فى الستينيات دوله بتنتج و بتزرع وبتصنع
دوله ليها مشروع و ليها نفوذ وممكن تشكل خطر على مصالح القوى العظمى

فكان لازم تضرب - مش المقصود طبعا تبرير 67 - ولكن دا الواقع وقتها


انما مصر دلوقتى
مضروبه لوحدها ,, من غير حروب ولا وجع قلب

 

 

[ana_3enady]

دعوه لموضوعي

RobertInole

تصنيفنا السبعتاشر على مستوى العالم

https://www.globalfirepower.com/

 

 

[biopasha]

اقتباس المشاركة الأصلية كتبت بواسطة ana_3enady تصنيفنا السبعتاشر على مستوى العالم https://www.globalfirepower.com/

يتضح من الاحصائية ان جيش مصر اقوي من جيش كوريا الشمالية وايران وجيشنا بردوا اقوي من جيش استراليا وكندا واليونان والسويد والدنمارك وبولندا وتايلند ..

ويتضح من الاحصائية برضوا .. ان جيش تركيا اقوي من جيش اسرائيل ..
وجيش الهند رابع اقوي جيش في العالم واقوي من جيش بريطانيا والمانيا وفرنسا وايطاليا ..

دا في البلاي ستيشن دا !!!

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة biopasha يتضح من الاحصائية ان جيش مصر اقوي من جيش كوريا الشمالية وايران وجيشنا بردوا اقوي من جيش استراليا وكندا واليونان والسويد والدنمارك وبولندا وتايلند .. ويتضح من الاحصائية برضوا .. ان جيش تركيا اقوي من جيش اسرائيل .. وجيش الهند رابع اقوي جيش في العالم واقوي من جيش بريطانيا والمانيا وفرنسا وايطاليا .. دا في البلاي ستيشن دا !!!