Arabic Discussion Forum with a Special Interest in Travel and Immigration

sanaa · 18th July 2009, 06:38 PM

عندي خروجه بعد ثلاث ساعات من دلوقتي

محتاجه اعمل طبق حلويات (بلاش كنافه ولا بقلاوه ولا بلح الشام ولا لقيمات القاضي ولا رز باللبن ولا مهلبيه ولا بسبوسه )

بس مش عارفه اعمل ايه تاني

موجود عندي

دقيق- سمن -سكر -مكسرات- خميره -زيت- شيكولاته

ده كل اللي عندي

حد يديني اي حاجه سريعه اعملها ولكم الاجر والثواب عند الله

hoppa · 18th July 2009, 06:58 PM

سويسرول اوممكن كيكة متشربة

ده آخرى فى الحلو بصراحة

هى الكيكة المتشربة اسمها العلمى ايه

mohsen · 18th July 2009, 07:41 PM

شوفى يا أستاذتنا الفاضلة

سعادتك تخلطى الدقيق مع السكر و الشيكولاته و المكسرات و تضيفى الزيت و السمنة و تخلطيهم تانى مع بعض و تحطيهم فى الفرن لمدة ساعتين.

و لو عندك كوز درة تزرعيه فى وسط الطبق عشان يعطيه لون حلو

و بالهنا و الشفا

و ربنا يستر

الشيف مكسوف

Farida · 18th July 2009, 07:55 PM

ممكن كيكة زبادى و تتشرب بشربات خفيف و ممكن اسرع حاجه صينية جلاش سريعه و سهله لو عايزه قولى لى و انا اقولك

sanaa · 18th July 2009, 09:20 PM

اقتباس

المشاركة الأصلية كتبت بواسطة hoppa


	سويسرول اوممكن كيكة متشربة ده آخرى فى الحلو بصراحة هى الكيكة المتشربة اسمها العلمى ايه

هبه

مرات اخويا عملت كيك فمكنش ينفع اعمل كيك والسويسرول مجربتش اعمله قبل كده خفت ادخل علي حاجه معملتهاش قبل كده

اقتباس

المشاركة الأصلية كتبت بواسطة maksoof


	شوفى يا أستاذتنا الفاضلة سعادتك تخلطى الدقيق مع السكر و الشيكولاته و المكسرات و تضيفى الزيت و السمنة و تخلطيهم تانى مع بعض و تحطيهم فى الفرن لمدة ساعتين. و لو عندك كوز درة تزرعيه فى وسط الطبق عشان يعطيه لون حلو و بالهنا و الشفا و ربنا يستر الشيف مكسوف

مكسوف

بقي كده يامكسوف مكنش العشم

كنت حااعملها بس مالقتش كوز الذره ملحقتش ازرعه وكده

اقتباس

المشاركة الأصلية كتبت بواسطة Farida


	ممكن كيكة زبادى و تتشرب بشربات خفيف و ممكن اسرع حاجه صينية جلاش سريعه و سهله لو عايزه قولى لى و انا اقولك

فريده

للاسف ناس تانيه عامله جلاش بس قولي الطريقه عشان المره الجيه

دائما بعمل بتاعه عش العصفور

وبعمل الحجاب

ياللا انزلي بالطرق التانيه

Farida · 18th July 2009, 09:31 PM

اقتباس

المشاركة الأصلية كتبت بواسطة sanaa


	فريده للاسف ناس تانيه عامله جلاش بس قولي الطريقه عان المره الجيه

أسهل حاجه هى صينيةالجلاش دى الأول اعمل الشربات بتاعها عباره عن كوب و نصف سكر مع كوب ماء و اسيبهم يغلوا 10 دقايق مش مهم يعقد قوى لما يكون خفيف احسن و اضيف له طبعا نصف ليمونه و فانيليا
افتح لفة الجلاش و ادهن الصينيه سمنه و ارص الجلاش كله فوق بعضه و اسخن خمس ملاعق كبيره سمن و لما تسيح تماما و تسخن - مش تغلى و تتحرق- اوزعها على الصينيه كلها و الجوانب اكتر و بعدين اقطع الجلاش فى الصينيه مربعات او ممكن لو صينيه مدورة اقطعها زى البيتزا مثلا ............اكون مسخنه الفرن و اضع الصينيه تحت لما تستوى الأطراف اطلعها فوق تقريبا نصف ساعه او اقل طبعا لما تطلع اصب فوقها الشربات الخفيف و الأفضل لو كان الشربات لسه دافئ .....ولو انتى واخده على عمايل طرق اخرى للجلاش يبقى هى نفس مقادير الشربات و طريقة صبه فى الجلاش اما يستوى .....و بالهنا و الشفا المهم ان تجربيه فى نفسك الأول ...........و تقولى لى على النتيجه

اقتباس


	دائما بعمل بتاعه عش العصفور وبعمل الحجاب ياللا انزلي بالطرق التانيه

انزلى انت بقه بلسان العصفور ده - او عش العصفور- و الحجاب ............
بخصوص الغريبه ..تفتكرى انها اسهل حلو ....................طب ازاى ...........انا عندى عمايل الكحك و البسكوت و الغريبه دى ارخم حاجه من ايام ما كنت باشرف على شيل الصوانى و نروح بيها الفرن و نرجع بيها محروقه او متبدله و نقضى ايام سودا فى المشاكل دى

sanaa · 18th July 2009, 10:52 PM

اقتباس

المشاركة الأصلية كتبت بواسطة Farida


	بخصوص الغريبه ..تفتكرى انها اسهل حلو ....................طب ازاى ...........انا عندى عمايل الكحك و البسكوت و الغريبه دى ارخم حاجه من ايام ما كنت باشرف على شيل الصوانى و نروح بيها الفرن و نرجع بيها محروقه او متبدله و نقضى ايام سودا فى المشاكل دى

اخترت الغريبه لان مافهاش دبكه ولا بتخمر ولا حاجه

لو بنعمل الكحك مع البسكوت والغريبه بيقي هيصه

لكن انا كل اللي عملته الأتي

ولعت البوتوجاز علي بال ما خلط

2---كوب دقيق الكوب المتوسط
1 ----زلال بيضه
1----و1/4 ---كوب سمن
1/2 سكر (اكتر من النصف بشويه )
فانيلا

حطيت السمن مع السكر وبعدين البيض والفانيليا وبعدين الدقيق

وقطعتهم كان البتوجاز سخن

صاجين( طبق كبير) علي قد المطلوب

والحمد الله طلع حلو

sanaa · 18th July 2009, 10:54 PM

اقتباس

المشاركة الأصلية كتبت بواسطة Farida


	انزلى انت بقه بلسان العصفور ده - او عش العصفور- و الحجاب ............

دول لازم اجبلك صور حدور في النت علي الصور وبعدين اقولك الطريقه مع الصور

لما ارجع من المشوار ده علي بالليل كده ان شاء الله

sanaa · 18th July 2009, 09:20 PM

عملت غريبه

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
اللغة العربية	الكمبيوتر والإنترنت	sanaa	7	1118	10th February 2012 03:03 AM
جبهة الدفاع عن المتظاهرين للابلاغ والشكاوي العاجلة	شؤون مصر الداخلية	fatfouta	2	833	25th January 2012 05:18 AM
شغلني شكرا	شؤون مصر الداخلية	مودة	10	1948	17th January 2012 08:28 PM
عبد العزيز فهمي عبد العزيز	المفسدون فى الأرض	sanaa	1	1023	16th January 2012 01:46 AM
رجل صالح رأى في منامه الرسول يمسح بيده على قبة...	شؤون مصر الداخلية	مزاياإنسانة	1	950	14th January 2012 03:24 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ملف حلويات للرجيم	سهى يافا	شؤون المطبخ	13	14th September 2013 06:49 AM
حلويات الشهر الكريم	Sonesta	شؤون المطبخ	10	3rd August 2011 12:56 PM
طبق حلويات سريع جداً	بنت البلد	شؤون المطبخ	9	27th July 2011 12:49 PM
الحقوووووووووونى هياُسسو حزب ماسونى!!	only you	شؤون مصر الداخلية	50	18th July 2011 04:42 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

شؤون المطبخ

الحقووووووووووني بطبق حلويات سريع