إزاي تفتح برطمان معصلج ...

[Rapt]

الصحف المصرية والعربية

اقتباس المشاركة الأصلية كتبت بواسطة تووت مشاركة جميلة رابت بس مش عارف ليه أنا مبحبش حكاية المية السخنة دي قال ايه بخاف البرطمان "يطق" فبجيب سكينة وأسلك بيها الغطا من الألربع اتجاهات قال يعني كده مش خطر تامر

إنت مشكلة يا تامر باشا ...

 

 

[Rapt]

هوه تقريبا أليه عمل الاستيك انها تديك سطح مقاوم للزفلطة ومختلف المادة بتاعتة عن مادة الصاج
الخاصة بالغطاء وبالتالي الايد هاتتعامل مع خامة الجلد بطريقة مختلفة عن خامة الصاج

نورت شيف بندق
نورت محمد على عامر باشا
نورتي بنت البلد

 

 

[مزاياإنسانة]

اقتباس المشاركة الأصلية كتبت بواسطة Rapt وهمي يا نومونولجي نورت يا دوك رامي ودوك مزايا

النور نورك يا كبيرررررر منووور بالأخضريكا

اقتباس المشاركة الأصلية كتبت بواسطة بندق يعنى هى المشكلة فى الأستيك؟ الغطاء متصمم للأستيك ده .. لكن لو برطمان غطاه زى ده هنعمل ايه؟ وبعدين الأهم لو نسينا وحطيناه فى الثلاجة قبل ما نفتحه؟ مش هيفتح ولا بالطبل البلدى .. لازم نسخنه زى ما قلت مزايا او نخرم الغطاء او نجيب شمشمون

كنت فعلا حأكتب عن البرطمان ده يا بندق
بس ماحقتش عشان كان عندي ضيوف

الحل عندي للبرطمان ده أني أعمل حركة آمنة
جداً
وهي إستخدام هذه الأادة المعروفة في كل مطبخ تقريباً



بالطرف المقوس اللي بنفتح فيه قزاز الكوكا والببسي
بروح من أحد الجوانب وبأعمل كأني بفتح قزاز كولا بشوي بس
ومن جهة تانية برضه وبشويش
وتلاقيها فتحت معاك بسهولة من غير مصارعة ولا سكاكين زي مابيعمل العزيز توت
وبرضه تحتفظ بالغطاء سليم

اقتباس المشاركة الأصلية كتبت بواسطة Rapt هوه تقريبا أليه عمل الاستيك انها تديك سطح مقاوم للزفلطة ومختلف المادة بتاعتة عن مادة الصاج الخاصة بالغطاء وبالتالي الايد هاتتعامل مع خامة الجلد بطريقة مختلفة عن خامة الصاج نورت شيف بندق نورت محمد على عامر باشا نورتي بنت البلد

طريقة تانية للبرطمان اللي بيتقفل قلواز بجيب فوطة مبلولة مية
دافية برضه بتفتح بسهولة

 

 

[Eng A7m3d]

أشطة يا رابت
موضوع حلو
بس بالنسبالي أنا لما برطمان يعصلج معايا برزعة زرعتين في الحيطة يقوم يفك على طول
بس مرة جيت اعمل كده في برطمان مربة أتكسر وبهدل الدنيا
بالمناسبة هو اسمه برطمان ولا بطرمان

 

 

[بنت شعنونة]

دب سكينة في "قلب" الغطا تفرغ الضغط يتفتح هوا

دا ايه ال لحوسة دي!

واستيك وبتاع
خليك راااااااااااااااااجل واشرب بيريل

 

 

[Rapt]

طب البرطمان لو صاج ودبينا السكينة في
الغطا ما ممكن رايش صاج يخش في الاكل اللي جوه البطرمان

 

 

[Rapt]

معرفش والله يا انج احمد هل هوه بطرمان ام برطمان ... بس في الغالب الاتنين صح زي
مرسيدس ومرشيدس ... زي يمين وليمين ... ههههههههههههههه
كل الطرق تؤدي الى ملطا

 

 

[جراح]

الموضوع جميل ..لدرجه أنى بطلت أشوف أخبار الثورات..و دلوقتى بأدور على أخبار البرطمانات!!!

 

 

[Rapt]

نورت التوبيك يا دكتور جراح

 

 

[أم محمد إيهاب]

دعوه لموضوعي

مش موضوعي لكنه مهم جدا جدا... بداية النهاية هل اقتربت ؟؟؟ د. مصرية جزاها الله خيرا

الموضوع ده كله أفكار رهييييييييييييييييييبة


هابقى أقول لأبو محمد يشوفها


لأن ده تخصصه هوة فتح البرطمانات المعصلجة .....


أنا برة اللعبة دي تماما



شكرا يا رابوووووتة وشكرا لأصحاب كل الأفكار الأخرى