عايزه رأيكم ...

[toota]

الصحف المصرية والعربية

لي صديقة...عصبية حبتين...وردودها زي المدب او الطوب....بس انا بحبها لانها احسن الوحشين...

يعني ملتزمه ومتدينة وامينة...ودي حاجات مبقتش موجوده كتير اليومين دول برغم انها حاجه تخصها وبينها وبين ربنا ومش جايلي حسنة من وراها....

وفيها عيوب منها الانانية المفرطة وحب الذات...وكمان نكدية اوي وعاملة زي ابلة الناظرة...مش بتتعاطف ابدا...بس مس ده المهم لاني اتعودت على بعض الامور معها وانا بقيس الانسان كله على بعضه باكاج واحد لو لقيت ميزان الكويس مال بخليني معاه ولو لقيت العكس بديله اكتر من فرصه وبعدين بخلع....

هي قاطعتني مرتين وكنت بصالحها....لاني بنسى الاساءة مع الوقت ومقاطعتها دي كانت لاسباب واهية وهبلة ومكانتش غلط مني...المصيبة انها كانت هي الغلطانه

وهي من النوع الي ممكن تقطع فجاة...وبدون سبب ظاهر ولما ادور ع الاسباب الاقيها مزوداها اوي ....

المهم صاحبتي دي جالها فترة كان عندها ظروف ومشاكل وكانت بتبات عندي وقعدت عندي فترات ومش عايزه اقول اكتر من كدة لاني مش بحب اتكلم ف الامور دي وفيه سبب لذكري للناحية دي دلوقتي حكمله ...

من فترة عملت بعض التجديدات في شقتي منها اني قفلت البلكونه وعملتها مطبخ عشان اوسع في المساحة...ولقيت ان النمل مالي المطبخ الجديد والصراصير....ومش بقدر اسيب بره التلاجة اي فتفوته وقرفت وحبيت ارش قبل رمضان...

قلتلها حرش شقتي وجايالك بقططي عشان مش حقدر اوديهم حته تانيه....

يكون ردها الرفض...تقولي القطط لا....

اقول يمكن بتهزر ...سبت الموضوع كام يوم...انها تقول او تفتح السيرة ابدا...

رحت فاتحاهاالسيرة تاني...لقيتها بترفض بجد المره دي...بتقولي مش بحب القطط ومش بطيقهم وبخاف منهم...

قلتلها قولي يا اه يا لا...قالتلي لا...

وقعدت بعدها تقترح اني اسيب القطط في اوضه مرشهاش او احطهم في البلكونه...او...او

اتضايقت وقلتلها طب مانتي نمتي جنبهم قبل كده...والمبدأ لا يتجزا...وبعدين هو عفشك الجديد اهم عندك من صاحبتك؟؟؟؟

وبصراحة قلتلها كلام مش لطيف لاول مره لاني كنت عايزه اقاطعها...وصعبت عليا نفسي اوي....


وقررت مقاطعتها فعلا..هل انا متجنية؟......

 

[أحمد فاروق]

مدام toota

حضرتك لو عايزة رأيي ... هي مش غلطانة

أولا : هي لما كان عندها ظروف وحضرتك استضفتيها عندك ، ماكنتيش مستنية منها مقابل ، أو رد للجميل . هي كانت مساعدة منك لوجه الله وخلاص .

ثانيًا : هي مبتحبش القطط ولا بتطيقهم ، ودي حاجة مالهاش فيها يد ... .

ثالثًا : لو قلنا إنها تستحمل القطط اللي مبتحبهمش ولا بتطيقهم عشان خاطر صاحبتها ، فهي ببساطة من النوع اللي ميحبيش يعمل كده . يعني متحبش تستحمل حاجة مبتطيقهاش عشان خاطر صاحبتها . وهي ببساطة حرة في كده .

اللي أنا شايف إنه من حقك تعمليه ، لو شايفة إنها مش مقدرة صداقتك ليها بالشكل الكافي ، يبقى ببساطة تنسحبي من الصداقة دي . أو تحطي ليها حدود . لكن اللي أنا حاسه إن الوضع مش كده ...

 

 

[toota]

اقتباس المشاركة الأصلية كتبت بواسطة أحمد فاروق مدام toota حضرتك لو عايزة رأيي ... هي مش غلطانة أولا : هي لما كان عندها ظروف وحضرتك استضفتيها عندك ، ماكنتيش مستنية منها مقابل ، أو رد للجميل . هي كانت مساعدة منك لوجه الله وخلاص . ثانيًا : هي مبتحبش القطط ولا بتطيقهم ، ودي حاجة مالهاش فيها يد ... . ثالثًا : لو قلنا إنها تستحمل القطط اللي مبتحبهمش ولا بتطيقهم عشان خاطر صاحبتها ، فهي ببساطة من النوع اللي ميحبيش يعمل كده . يعني متحبش تستحمل حاجة مبتطيقهاش عشان خاطر صاحبتها . وهي ببساطة حرة في كده . اللي أنا شايف إنه من حقك تعمليه ، لو شايفة إنها مش مقدرة صداقتك ليها بالشكل الكافي ، يبقى ببساطة تنسحبي من الصداقة دي . أو تحطي ليها حدود . لكن اللي أنا حاسه إن الوضع مش كده ...

اشكرك على ردك علي...

الفكرة انه في امور كتيرة اتحملتها سابقا عشانها..وعشان خاطر صداقتنا...بس لقيت انها ممكن تبيع صداقتنا دي دايما لاسباب واهية... وده الي خلاني اعيد حساباتي وكانت الحكايه دي هي القشة

 

 

[hoppa]

المفروض طبعا و الطبيعى و ما يجب ان يكون ان الصديق يضحى بكثير عشان صديقه

عشا كده بقول هى ملهاش حق فى الرفض ده
على فرضا انها مش بتحب القطط و بتخاف منهم فعلا لكن عاشت معاهم مضطرة قبل كده
مكنش حيجرى حاجة و تعمل كده مضطرة كمان مرة
يعنى هى المفروض فعلا تقبل و لو على مضض انما متبقاش ناكرة للجميل
حتى لو كان جميلك ده يا توتا اللى عملتيه معاها لله و مش منترظة منها رد لكن مش معقول ابدا ان حد يعض الايد اللى اتمدتله و قدمته مساعدة هو كان محتاجها قبل كده

نيجى لتصرفك انتى يا توته

طبعا الصراحة حلوة
و انا عن نفسى لما بكون زعلانة من حد بسمعه كلام زى الدبش
بس نيتى بتصفى و بهدأ و مكن بعدها بفترة بسيطة ارجع اصالحه و لا كأن فيه حاجة لانه ببساطة كل اللى فى قلبى طلعته اول بأول
ساعتها يمكن يختشى على دمه و ميكررش التصرف البايخ اللى عمله قبل كده و زعلنى و ممكن نبقى حبايب اكتر من الاول

عشان كده بقولك يا توتا بلاش تقاطعيها
انتى ابديت غضبك من تصرفها سيبيها كام يوم و ارجعى كلميها تانى و متجيبيش كمان سيرة القطط
انما خليها تحس بودك لها و ربنا يهديها ان شاء الله و تلاقيها من نفسها بتقولك تعالى انتى و القطط خدوا عندى كام يوم

و لو معملتش كده برضو بلاش تقاطعيها لانك مسئولى امام ربنا عن المقاطعه دى و لا يحل لمسلم ان يهجر اخاه فوق ثلاث ليال و خيرهم من يبدأ بالسلام زى ما انتى عارفة

بقولك ايه
هاتلى القطط لو مشالتهمش الارض اشيلهم جوة قلبى و عيونى
و خصوصا هوباالقومر

 

 

[somayasaleh]

مدام توته

صباح الفل.... انا كمان شايفه انها مش غلطانة.. هي انسانه صريحه وواضحه معك... وكون ان هي كانت عندك ومستحمله القطط ده كان غصب عنها علشان ظروفها

بس هي حرة في بيتها...وده مش مقياس الصداقه خالص

الصديق هو اللي يقبل صديقه زي ما هو ويقف معاه وقت الشدة

انت ممكن تسمي ده صاحبه مش صديقه.... وتعمليها علي الاساس ده..ومش شرط انك تجدي منها نفس الترحاب اللي انت اعطيتيه لها...لالن ببساطة الشخصيات بتختلف من انسان للتاني

انا من رأي انك تضعي صاحبتك ده في منزلتها الحقيقيه لانهاببساطة( مش انت) ومش حتتصرف زي ما انت متوقعه منها لان شخصيتها مختلفه تماما عنك

وزي المثل ما بيقول

من السهل ان تضحي

ولكن من الصعب ان تجدالصديق الذي تضحي من اجله

الخلاصة
------

الست مش غلطانة( لانها ببساطة مش صديقه)

أنت اللي غلطانة (لانك معرفتيش كده الا متأخر)

ومع تمنياتي باليحث عن صديقة حقيقىة المة الجاية

ملحوظه....

انا كمان مابحبش القطط خالص خالص ...بس علشان خاطر بنتي مستحملة اتنين عندي ....امانه لحد صاحبتهم ما ترجع من السفر...بنتي مبسوطة بيهم قوي قوي....وانا بعد الايام لحد ماترجع صاحبتهم من السفر
لو انت في الرياض يا مرحب بالقطط بتاعتك واكتب علي الفيلا من برة... ملجأ القطط المريح....لحين ميسرة

 

 

[toota]

اقتباس المشاركة الأصلية كتبت بواسطة hoppa المفروض طبعا و الطبيعى و ما يجب ان يكون ان الصديق يضحى بكثير عشان صديقه عشا كده بقول هى ملهاش حق فى الرفض ده على فرضا انها مش بتحب القطط و بتخاف منهم فعلا لكن عاشت معاهم مضطرة قبل كده مكنش حيجرى حاجة و تعمل كده مضطرة كمان مرة يعنى هى المفروض فعلا تقبل و لو على مضض انما متبقاش ناكرة للجميل حتى لو كان جميلك ده يا توتا اللى عملتيه معاها لله و مش منترظة منها رد لكن مش معقول ابدا ان حد يعض الايد اللى اتمدتله و قدمته مساعدة هو كان محتاجها قبل كده نيجى لتصرفك انتى يا توته طبعا الصراحة حلوة و انا عن نفسى لما بكون زعلانة من حد بسمعه كلام زى الدبش بس نيتى بتصفى و بهدأ و مكن بعدها بفترة بسيطة ارجع اصالحه و لا كأن فيه حاجة لانه ببساطة كل اللى فى قلبى طلعته اول بأول ساعتها يمكن يختشى على دمه و ميكررش التصرف البايخ اللى عمله قبل كده و زعلنى و ممكن نبقى حبايب اكتر من الاول عشان كده بقولك يا توتا بلاش تقاطعيها انتى ابديت غضبك من تصرفها سيبيها كام يوم و ارجعى كلميها تانى و متجيبيش كمان سيرة القطط انما خليها تحس بودك لها و ربنا يهديها ان شاء الله و تلاقيها من نفسها بتقولك تعالى انتى و القطط خدوا عندى كام يوم و لو معملتش كده برضو بلاش تقاطعيها لانك مسئولى امام ربنا عن المقاطعه دى و لا يحل لمسلم ان يهجر اخاه فوق ثلاث ليال و خيرهم من يبدأ بالسلام زى ما انتى عارفة بقولك ايه هاتلى القطط لو مشالتهمش الارض اشيلهم جوة قلبى و عيونى و خصوصا هوباالقومر

هبهوب هي فيها منك الاندفاع وحدة الردود وفيها من طيبة قلبك برضو وده الي كان مصبرني عليها...بس الانانية دي الي مقدرش احبها في شخص مهما كان عزيز وغالي عليا....

تسلملي عيونك...تعالي خديهم ميغلوش عليكي...بس حترجعيهم تاني يوم...

يعني مينوبك الا المشوار

 

 

[toota]

اقتباس المشاركة الأصلية كتبت بواسطة somayasaleh مدام توته صباح الفل.... انا كمان شايفه انها مش غلطانة.. هي انسانه صريحه وواضحه معك... وكون ان هي كانت عندك ومستحمله القطط ده كان غصب عنها علشان ظروفها بس هي حرة في بيتها...وده مش مقياس الصداقه خالص الصديق هو اللي يقبل صديقه زي ما هو ويقف معاه وقت الشدة انت ممكن تسمي ده صاحبه مش صديقه.... وتعمليها علي الاساس ده..ومش شرط انك تجدي منها نفس الترحاب اللي انت اعطيتيه لها...لالن ببساطة الشخصيات بتختلف من انسان للتاني انا من رأي انك تضعي صاحبتك ده في منزلتها الحقيقيه لانهاببساطة( مش انت) ومش حتتصرف زي ما انت متوقعه منها لان شخصيتها مختلفه تماما عنك وزي المثل ما بيقول من السهل ان تضحي ولكن من الصعب ان تجدالصديق الذي تضحي من اجله الخلاصة ------ الست مش غلطانة( لانها ببساطة مش صديقه) أنت اللي غلطانة (لانك معرفتيش كده الا متأخر) ومع تمنياتي باليحث عن صديقة حقيقىة المة الجاية ملحوظه.... انا كمان مابحبش القطط خالص خالص ...بس علشان خاطر بنتي مستحملة اتنين عندي ....امانه لحد صاحبتهم ما ترجع من السفر...بنتي مبسوطة بيهم قوي قوي....وانا بعد الايام لحد ماترجع صاحبتهم من السفر لو انت في الرياض يا مرحب بالقطط بتاعتك واكتب علي الفيلا من برة... ملجأ القطط المريح....لحين ميسرة

نفس الكلام ده بالحرف اتقالي من صديقة... وللاسف كنت فاكرة انه تجني على صاحبتي الانانيةانها مش معتبراني الا مجرد صاحبة من ضمن ....مش صديقة مقربة...وغلطي اني من الاول فعلا مفهمتش ده....يظهر الي بيبقى جوه الحدث مش بيشوف صح زي الي من بره....

ميرسي بجد الكلام ده فوقني لحقيقة مهمه اوي...طول عمري بحاول انكرها...اني لازم احجم الناس كويس بحجمهم ومديش انسان قدر اكبر من قدره...

 

 

[Badroora]

يا بخت صاحبتك بينا والله يا مدام توتا
هى مش غلطانة انا نفسي لما صديقتى جت تسافر مصر وقالتلى هاسيب القطة عندك لما ارجع قولتلها لا طبعا وفعلا سافرت والقطة طفشت ولا همنى
لو جاية تزورنى تبقي قطتها ممنوعه من دخول البيت لما باروح ازورها استحالة اقعد فى مكان فيه القطة اللى عاوزة اقوله باختصار ان الصداقة شيء وانك تقبلي شيء مش بتحبيه دا شيء اخر .
لو كنتى تقصدى بالصداقة باكج انها تقبلك بقططك يبقي مش صح انتى حاجة وقططك حاجة تانية خالص وبصراحة قالتلك على حل كويس سيبي قططك فى غرفه بدون رش ورشي الباقي وهكذا ومش معقول تخسري صديقتك عشان شوية قطط

 

 

[toota]

اقتباس المشاركة الأصلية كتبت بواسطة Badria Mekkawy يا بخت صاحبتك بينا والله يا مدام توتا هى مش غلطانة انا نفسي لما صديقتى جت تسافر مصر وقالتلى هاسيب القطة عندك لما ارجع قولتلها لا طبعا وفعلا سافرت والقطة طفشت ولا همنى لو جاية تزورنى تبقي قطتها ممنوعه من دخول البيت لما باروح ازورها استحالة اقعد فى مكان فيه القطة اللى عاوزة اقوله باختصار ان الصداقة شيء وانك تقبلي شيء مش بتحبيه دا شيء اخر . لو كنتى تقصدى بالصداقة باكج انها تقبلك بقططك يبقي مش صح انتى حاجة وقططك حاجة تانية خالص وبصراحة قالتلك على حل كويس سيبي قططك فى غرفه بدون رش ورشي الباقي وهكذا ومش معقول تخسري صديقتك عشان شوية قطط

طيب بأمانة عايزه اسألك...لما قلتي لها لا هي كانت ردة فعلها ايه؟؟

حسيتي انك جرحتيها ولا لا....؟؟؟


وكمان لما الدنيا طينت اكتر وقطتها طفشت...محستيش بشويه تأنيب ضمير؟؟؟؟

حعرفك عليها صاحبتي دي...حلة ولقت غطاها ياربي

 

 

[Badroora]

لالا خالص ولا الهوا بالعكس انا فرحت ان القطة طفشت