خايف من تطبيق الشريعه .. تعالي نشوف هتغير رأيك ولا لا

[doctor farouk]

الصحف المصرية والعربية

السلام عليكم
كتير خايف لو فصيل معين مسك مصر انه هيطبق الشريعه ويرجع مصر للعصور الوسطي
ومن هنا انا دورت في الموضوع ده ولقيت كلام مقنع وجميل لو اتطبق فعليا هيفرق في مستقبل مصر من خلال الشريعه

اولا تعريف بالشريعه



فوائد تطبيق الشريعه (الجزء الاول )

 

[NazeeH]

لاتعليق من أحد .. دليل على عدم الإهتمام واللامبلاة .. لأنها وجهة نظر مؤيدة للشريعة..

أما إذا كان الأمر غير ذلك .. فحدث ولاحرج

 

 

[Mzohairy]

اقتباس المشاركة الأصلية كتبت بواسطة NazeeH لاتعليق من أحد .. دليل على عدم الإهتمام واللامبلاة .. لأنها وجهة نظر مؤيدة للشريعة.. أما إذا كان الأمر غير ذلك .. فحدث ولاحرج

او تكون وجهة نظر تافهه لا تستحق التعليق

ليه سوء الظن؟

 

 

[NazeeH]

اقتباس المشاركة الأصلية كتبت بواسطة Mzohairy او تكون وجهة نظر تافهه لا تستحق التعليق ليه سوء الظن؟

ومعظم النار من مستصغر الشرر...

هل تقبلها من أحد أن يقول على وجهة نظرك{ تافهة لاتستحق التعليق}؟

 

 

[Mzohairy]

اقتباس المشاركة الأصلية كتبت بواسطة NazeeH ومعظم النار من مستصغر الشرر... هل تقبلها من أحد أن يقول على وجهة نظرك{ تافهة لاتستحق التعليق}؟

انا بتكلم على وجهة نظر المتحدث في الفيديو

ايه اللي يضايقك في كده؟

انت عرضتها و محدش رد فزعلت و اتهمت من لم يعلق بأنه لم يعلق لأنها وجهة نظر مؤيده للشريعه

و كان هيرد لو كانت مخالفه

مما يعني ان كل من لم يرد هو صاحب رأي مخالف للشريعه

كلامك يترد عليه بسهوله ان وجهة النظر المطروحه في الفيديو قد تكون تافهه مما لم يدفع بأحد للرد

و ليس بسبب سوء ظنك في الناس التي لم ترد

بسيطه جدا

 

 

[هند عبد المقصود]

الكلام اللي انا سمعته ده كلام ممتاز وشكرا جزيلا لصاحب الموضوع
بس حضرتك شايف الناس اللي علي الساحة دلوقتي واللي في الحكم و اللي الميكروفونات والاضواء مسخرة ليهم فاهمين الكلام ده؟
اتفرج حضرتك علي الشيخ اللي عاوز يبعت غزوتين تلاتة كل سنة علشان يملا جيوبه هو واتباعه والمصيبة ان المحسوبين علي المتعلمين بيهللوله وبيعتبروه قدوة

قلنا مليون مرة ان الغرب بيطبق مبادئ وروح الاسلام اكتر مننا احنا
متلقيش عندهم واحد نايم في الشارع غصب عنه لان مفيش مأوي
متلقيش عندهم قطة او كلب مشردين مش طفل
صاحب الفيديو ده راجل يستحق كل الاحترام لانه بيخاطب ناس بيفترض فيهم اعمال العقل فبيحترم عقولهم

لكن اللي مبيفكرش غير بعقلية الجاهلية ده هل احترمنا وخاطبنا علي اننا بني ادمين وعندنا عقول وربنا كرمنا و طلب مننا نشغل عقولنا ونتعلم ونفكر؟
طبعا لأ
واحد منهم عاوز يهد الهرم وابو الهول وهو ده اللي شاغل دماغه ومش شاغله ان فيه ناس بتدور علي اكلها في الزبالة
والتاني بتاع سبي النساء والاطفال وغزو الدول اللي حواليه مش شاغل باله يلم الاتنين مليون طفل المشردين في شوارع مصر وتحت كباريها
بس تقول لمين
قد اسمعت ان ناديت حيا
ولكن لا حياة لمن تنادي

ربنا يستر علي ادمغة المصريين البسطاء اللي بيسلموا ادمغتهم طواعية لهذا الفكر الوهابي المقيت
وبما انهم مش هيتغيروا يبقي برده الدولة المدنية أأمن و اثر عدلا

 

 

[NazeeH]

اقتباس المشاركة الأصلية كتبت بواسطة Mzohairy انا بتكلم على وجهة نظر المتحدث في الفيديو وأنا بدافع عن وجهة نظر المتحدث في الفيدي لأنها مش تافهة وتستحق الدراسة ايه اللي يضايقك في كده؟ طبعا لازم أضايق انت عرضتها و محدش رد فزعلت و اتهمت من لم يعلق بأنه لم يعلق لأنها وجهة نظر مؤيده للشريعه و كان هيرد لو كانت مخالفه مما يعني ان كل من لم يرد هو صاحب رأي مخالف للشريعه كلامك يترد عليه بسهوله ان وجهة النظر المطروحه في الفيديو قد تكون تافهه مما لم يدفع بأحد للرد و ليس بسبب سوء ظنك في الناس التي لم ترد بسيطه جدا

للمرة التانية تتهمني بسوء الظن يازوهيري ..!!

 

 

[Mzohairy]

اقتباس المشاركة الأصلية كتبت بواسطة NazeeH للمرة التانية تتهمني بسوء الظن يازوهيري ..!!

مفيش شك عندي و ربنا يخيب ظني

حاول تقرا كلامك قبل ما تكتبه و فكر انت بترمي مخالفك في الرأي بإيه

حاول تقرا تاني مداخله في الموضوع بعقليه محايده و انت تستوعب كلامي


لاتعليق من أحد .. دليل على عدم الإهتمام واللامبلاة .. لأنها وجهة نظر مؤيدة للشريعة..

أما إذا كان الأمر غير ذلك .. فحدث ولاحرج

تأكد ان من طرق باب غيره طُرق بابه

 

 

[NazeeH]

اقتباس المشاركة الأصلية كتبت بواسطة Mzohairy مفيش شك عندي و ربنا يخيب ظني حاول تقرا كلامك قبل ما تكتبه و فكر انت بترمي مخالفك في الرأي بإيه حاول تقرا تاني مداخله في الموضوع بعقليه محايده و انت تستوعب كلامي لاتعليق من أحد .. دليل على عدم الإهتمام واللامبلاة .. لأنها وجهة نظر مؤيدة للشريعة.. أما إذا كان الأمر غير ذلك .. فحدث ولاحرج تأكد ان من طرق باب غيره طُرق بابه

يعني بتأكد كلامك ..
أنا عارف كلامي اللي بكتبه ومتأكد منه كويس .. مش برمي كلمتين والسلام..
أنا قلت {عدم اهتمام ولا مبالاة} أظن كلام واضح مش محتاج تأويل ..
لما يبقى 160 مشاهدة للموضوع بدون تعليق واحد .. يبقى ده اسمه ايه ؟..
وجهة نظري الشخصية يبقى عدم اهتمام بالموضوع .. ولامبالاة بعدم الرد ..
دي وجهة نظري الشخصية .. وكل واحد حر في رأيه ..
وانت اتهمتني مرتين بسوء الظن ورجعت أكدت كلامك .. بناء على الكلمتين دول ..
ياريت بس أي حد معارض لكلامي يتهمني بعدم الاهتمام واللامبالاة ..
يمكن تكون انت شوفت حاجة تانية ..
الله أعلم ..

 

 

[Mzohairy]

اقتباس المشاركة الأصلية كتبت بواسطة NazeeH يعني بتأكد كلامك .. أنا عارف كلامي اللي بكتبه ومتأكد منه كويس .. مش برمي كلمتين والسلام.. أنا قلت {عدم اهتمام ولا مبالاة} أظن كلام واضح مش محتاج تأويل .. لما يبقى 160 مشاهدة للموضوع بدون تعليق واحد .. يبقى ده اسمه ايه ؟.. وجهة نظري الشخصية يبقى عدم اهتمام بالموضوع .. ولامبالاة بعدم الرد .. دي وجهة نظري الشخصية .. وكل واحد حر في رأيه .. وانت اتهمتني مرتين بسوء الظن ورجعت أكدت كلامك .. بناء على الكلمتين دول .. ياريت بس أي حد معارض لكلامي يتهمني بعدم الاهتمام واللامبالاة .. يمكن تكون انت شوفت حاجة تانية .. الله أعلم ..

سبحان الله !!! زي مانكون بنتكلم على جمله مكتوبه بالهيروغليفي

كلامك بيقول بالبلدي كده ان محدش اهتم و رد علشان الكلام موافق للشريعه

و لو كان غير كده كان زمان الناس اهتمت

مش شايف في كلامك اي تلقيح كلام خالص على من لم يقم بالرد؟

ده غير ان الرد او عدم الرد حريه خاصه بكل شخص و لا يمكنك او يمكن لأحد اجبار الناس على الاهتمام او الرد على امر لم يلفت انتباههم

اسلوبك فيه اهانه للمخالف لرأيك يا نزيه لو مش عايز تصدقني انت حر

تحياتي