محاورات المطاريد حول الأحداث الجارية

[abo_hammad]

الصحف المصرية والعربية

اقتباس المشاركة الأصلية كتبت بواسطة HRD يا ناس حرام عليكوا ... أنتوا المفروض بتدافعوا عن مبداء .... ازاي عايز تقنع الناس انك صح و انت بتدمر الف ب مبدأك بايديك... الصورة اللي انت حاططها دي ربنا حيسالك عليها ... ربنا اللي بيحاسب مش احنا ... ربنا اللي يعرف اللي في قلوب الناس مش احنا ... يا اخي افتكر رابعة اللي انت يترفع علامتها كانت ايه وربنا هداها وبقت ايه

انا مش عارف هل حضرتك مسلم و لا لأ ,بس مش مشكلة.

يا سيدي انا عايز اعرف هو ايه اللى حرام بالضبط,يعنى هى كانت مستخبية و عملت كده و هو فضحها مثلا,دى لقطات من الابداع الفنى الذى يعرض على شاشاتنا ليل نهار و هى بتتفاخر بمشوارها الفنى ,ايه اللى مزعل حضرتك انا مش عارف؟

ثم اننا مش هنحاسب حد على نيته,لان النية بتاعة ربنا,انما احنا لينا ظواهر الاعمال , و فى الاسلام امثالها اسمهم "مجاهرين بالمعصية" و لا غيبة لامثالها و دمتم.

 

 

[Clinical chemist]

اقتباس المشاركة الأصلية كتبت بواسطة HRD يا ناس حرام عليكوا ... أنتوا المفروض بتدافعوا عن مبداء .... ازاي عايز تقنع الناس انك صح و انت بتدمر الف ب مبدأك بايديك... الصورة اللي انت حاططها دي ربنا حيسالك عليها ... ربنا اللي بيحاسب مش احنا ... ربنا اللي يعرف اللي في قلوب الناس مش احنا ... يا اخي افتكر رابعة اللي انت يترفع علامتها كانت ايه وربنا هداها وبقت ايه

أهلالالالالالالالالالالالالالالالالالالالالالالا بالضيف الجديد
والله والتوبيك هيسخن تانى

بص يا (محترم)
اسلوب اشتمك واطلع فيك العبر لحد ما أجبرك على الرد وبعدين الطم وأقول شوفوا ياناس اللى عاملين نفسهم متديين بيقولوا أيه.......مايمشيش معانا هنا.

تدخل بأدب تتعامل بأدب
تدخل بسفالة تتعامل بسفالة

السيد اللى بتدافع عنه صريح وواضح فى سبه للأعراض ....لا وحاطه توقيع كمان.

السيدة اللى بتدافع عنها سافلة ومجاهرة بسفالتها.......عايز تتعلم منها الدين؟!.....هذا شئنك وانت حر .....أحنا حبينا نقولك بس انها هتفتح قناة دينية علشان تبقى تتفرج عليها.

لكن نظام القلوب وانت مالك ودع شئنها لله ده يخلينى اسالك (ده لو عايز نقاش بموضوعية فعلا) وانت ماتركتش شأن الاخوان ومن والاهم وتعاطف معهم لله ليه؟! .......وافقت على سحلهم وقتلهم وحرقهم واعتقالهم ونفيهم ليه؟!.........دع شأنهم لله يا أخى
أعتبرهم زى الهام شاهين يا راجل يا غيور......على دينك .

 

 

[يسر]

يا جماعة ما حصلش حاجة عشان نهاجم الزميل كدة

 

 

[HRD]

اقتباس المشاركة الأصلية كتبت بواسطة abo_hammad دى مع دى الاتنين, طب ازاى يا جدع ؟

سامحني بس انا مفهمتش قصدك ايه... لو في حاجة في كلامي غلط وضحهالي

 

 

[HRD]

اقتباس المشاركة الأصلية كتبت بواسطة يسر طبعا عندي تحفظ على ادراج الصورة لكن كلام حضرتك فيه مغالطات اولا الصورة من احد افلام الممثلة و ليست مزيفة و لم تتطرق الى ما بداخلها بأي شكل من الاشكال , ان كانت الصورة مسيئة فالاولى بها ان تتبرأ هي منها بدلا من ان نلوم ناشرها ثانيا لا يصح ان يتصدر المجاهر بالمعصية صفوف الدعوة و الا الى ما سيدعوا الناس ؟!! ثالثا رابعة العدوية لم تكن عاهرة كما صورها زملاء الممثلة في اعمالهم

انا ماتهمنيش الممثلة .... المفروض الهدف هو نصرة الحق .... وعلشان تظهر الحق اعتقد ان المهم تركز علي الدم اللي راح والناس اللي اتسجنت ظلم ... تركز علي الحرية اللي مش حتبقي موجوده ... مش حاقول أني قريت كل اللي مكتوب ... بس اللي شوفته ناس بتكلم نفسها ... انغلاق علي الذات بطريقة فظيعة ... التحول من الدفاع عن قضية لسب ولعن ونكت وتريقة وبأسلوب في كتير من الأحيان منفر ....

 

 

[يسر]

اقتباس المشاركة الأصلية كتبت بواسطة HRD انا ماتهمنيش الممثلة .... المفروض الهدف هو نصرة الحق .... وعلشان تظهر الحق اعتقد ان المهم تركز علي الدم اللي راح والناس اللي اتسجنت ظلم ... تركز علي الحرية اللي مش حتبقي موجوده ... مش حاقول أني قريت كل اللي مكتوب ... بس اللي شوفته ناس بتكلم نفسها ... انغلاق علي الذات بطريقة فظيعة ... التحول من الدفاع عن قضية لسب ولعن ونكت وتريقة وبأسلوب في كتير من الأحيان منفر ....

و مين قال بس اننا مش مهتمين بصلب القضية - دم الناس و الحرية - الموضوع مليئ و ثري بالمقالات و الآراء و الافكار الى جانب ذلك ما ذكرته انت من تعليقات و صور ساخرة قد تجنح بعضها احيانا - و انا من ضمن الجانحين على فكرة - لكن هي للترويح و التنفيس عما في داخلنا من الم , اما بالنسبة للانغلاق فليس بيدنا و الموضوع مطروح لكل الاعضاء حديثهم قبل قديمهم !!

 

 

[HRD]

اقتباس المشاركة الأصلية كتبت بواسطة abo_hammad انا مش عارف هل حضرتك مسلم و لا لأ ,بس مش مشكلة. يا سيدي انا عايز اعرف هو ايه اللى حرام بالضبط,يعنى هى كانت مستخبية و عملت كده و هو فضحها مثلا,دى لقطات من الابداع الفنى الذى يعرض على شاشاتنا ليل نهار و هى بتتفاخر بمشوارها الفنى ,ايه اللى مزعل حضرتك انا مش عارف؟ ثم اننا مش هنحاسب حد على نيته,لان النية بتاعة ربنا,انما احنا لينا ظواهر الاعمال , و فى الاسلام امثالها اسمهم "مجاهرين بالمعصية" و لا غيبة لامثالها و دمتم.

هل حضرتك شايف ان مشكلتنا حاليا هي الممثلة وإذا كانت بتعمل معاصي وإلا لاء؟
هل حضرتك شايف أننا لما اركز علي اخبار الممثلات وقالو ايه وعملوا ايه دا صح؟

 

 

[HRD]

اقتباس المشاركة الأصلية كتبت بواسطة Clinical chemist أهلالالالالالالالالالالالالالالالالالالالالالالا بالضيف الجديد والله والتوبيك هيسخن تانى بص يا (محترم) اسلوب اشتمك واطلع فيك العبر لحد ما أجبرك على الرد وبعدين الطم وأقول شوفوا ياناس اللى عاملين نفسهم متديين بيقولوا أيه.......مايمشيش معانا هنا. تدخل بأدب تتعامل بأدب تدخل بسفالة تتعامل بسفالة السيد اللى بتدافع عنه صريح وواضح فى سبه للأعراض ....لا وحاطه توقيع كمان. السيدة اللى بتدافع عنها سافلة ومجاهرة بسفالتها.......عايز تتعلم منها الدين؟!.....هذا شئنك وانت حر .....أحنا حبينا نقولك بس انها هتفتح قناة دينية علشان تبقى تتفرج عليها. لكن نظام القلوب وانت مالك ودع شئنها لله ده يخلينى اسالك (ده لو عايز نقاش بموضوعية فعلا) وانت ماتركتش شأن الاخوان ومن والاهم وتعاطف معهم لله ليه؟! .......وافقت على سحلهم وقتلهم وحرقهم واعتقالهم ونفيهم ليه؟!.........دع شأنهم لله يا أخى أعتبرهم زى الهام شاهين يا راجل يا غيور......على دينك .

وحضرتك عرفت منين أني مش متعاطف مع اللي اتقتلوا وأني وافقت علي سحلهم وقتلهم؟
مش ممكن كان ليه قرايب فيهم ؟
مش ممكن أكون شايف حقهم بيضيع علشان ناس باندفعها بتضيع كل حاجة وبتخسر كل حاجة؟
مش ممكن أكون شايف ان ربنا عمل كدا علشان نفوق ونشوف ايه اللي عملناه غلط واللي لسه مستمرين فيه من تعالي وصلف بينفر الناس مننا..
ممكن يكون هدفنا واحد بس انا مبضحكش علي نفسي

 

 

[محمد علي عامر]

اقتباس المشاركة الأصلية كتبت بواسطة HRD هل حضرتك شايف ان مشكلتنا حاليا هي الممثلة وإذا كانت بتعمل معاصي وإلا لاء؟ هل حضرتك شايف أننا لما اركز علي اخبار الممثلات وقالو ايه وعملوا ايه دا صح؟

أعتقد أن الممثلة ليست مهمة بذاتها وإنما لأنها تمثل نوعية ممن يظهرون على الساحة ويؤيدون الإنقلاب بقوة.

وإذا صح الخبر أن ممثلة (الإغراء) تلك ستدشن قناة فضائية لتعرف الناس بإسلامهم فهذا يوضح ما هو الإعلام المطلوب أن يسود في مصر ما بعد الانقلاب.

ثم لا تنسى حضرتك أنها شاركت في وضع دستور العسكر ولو عن طريق المشاركة في لجان الاستماع.

 

 

[HRD]

اقتباس المشاركة الأصلية كتبت بواسطة محمد علي عامر أعتقد أن الممثلة ليست مهمة بذاتها وإنما لأنها تمثل نوعية ممن يظهرون على الساحة ويؤيدون الإنقلاب بقوة. وإذا صح الخبر أن ممثلة (الإغراء) تلك ستدشن قناة فضائية لتعرف الناس بإسلامهم فهذا يوضح ما هو الإعلام المطلوب أن يسود في مصر ما بعد الانقلاب. ثم لا تنسى حضرتك أنها شاركت في وضع دستور العسكر ولو عن طريق المشاركة في لجان الاستماع.

أستاذ محمد
الموضوع ببساطة ان الناس بتبص لأي حد منتمي لجماعة الاخوان او متعاطف معاهم انه بالأساس إنسان بينتمي لفكر ديني (من الاخر شيخ) وبيبتدي يتعامل معاك من الأساس دا .. نشر صور زي دي وكتر التهريج في موضوع مفتوح لنصرة قضية بيفقد الموضوع مصداقيته وبيخلي الناس تقولك بص يا سيدي علي الناس اللي بيدعوا التدين ... ودا حصل قبل كدا مع الشيخ اللي هاجم نفس الممثلة وبعدين نزل وزع صورها علشان يثبت كلامه