Arabic Discussion Forum with a Special Interest in Travel and Immigration

SindBad · 23rd July 2011, 07:30 AM

بحب جدي .... وأحب جمال

جدي رباني.... على التالي
أحترم عمي .... واحترم خالي
واحافط على بلادي و عيالي

جدي رباني .....

اقول الحق حتى ... لو كان مر
واصون العرض ... وادفع الضُر
وزي النسمة الرقيقة... أعدي وأمــر

جدي رباني......

على التقوى وع الطاعة
وقللي إياك يا ابني والنطاعة
خليك حسيس من غير وضاعة

جدي رباني......

وأدبني وهذبني وكان زين
وحفظني م التاريخ والدين
وعلمني الشعر والصبر واللين

جدي رباني......
وده جدي وكان عال
وكان حارب ف القنال
وكان بيحب جمال

جمال علمني.....

جمال علمني وأنا صغير
أعشق بلادي ولا اتغير
واضحي ليها ولا اتحير

جمال علمني.....
وعشقت العروبة منه
وصدقت كلامه إكمنه
كان راجل مفيش منه

جمال علمني.....
جمال علمني وعلمكم
حفظ الكرامة ولا هانكم
ومكانشي جبان ولا خانكم

جمال علمني.....
ويمكن أحياناً يكون غلطان
أو فاق بعد فوات الأوان
لكنه بشر زيكم .. إنسان

جمال علمني.....
ومش هنكر إنه علمني
و بلدي و أرضي سلمني
ياريت تحترم رأيي وتفهمني

ana_3enady · 23rd July 2011, 07:33 AM

دعوه لموضوعي

RobertInole

طب مفيش حاجة لمبارك بقى

only you · 23rd July 2011, 08:22 AM

اقتباس

المشاركة الأصلية كتبت بواسطة ana_3enady


	طب مفيش حاجة لمبارك بقى

انت هتشحت عليه يا تمتم ؟لا حول ولا قوة الا بالله

SindBad · 23rd July 2011, 01:33 PM

اقتباس

المشاركة الأصلية كتبت بواسطة only you


	انت هتشحت عليه يا تمتم ؟لا حول ولا قوة الا بالله

كان يلزمه واحدة
يا ختييييييييييييييييييه

SindBad · 23rd July 2011, 01:25 PM

اقتباس

المشاركة الأصلية كتبت بواسطة ana_3enady


	طب مفيش حاجة لمبارك بقى

ده التراب يكرم عشان خاطرك يا تيمو

غالي أنت والطلب رخيص

يحكى أن ......
أن إيه؟
أن كنا..
كنا إيه؟!....
كنا ف حالنا
بس جابولنا...
جابولنا إيه؟
جابولنا رئيساً........
عظيماً مهيباً
كئيبا رهيباً
عمل إيه؟..........
عمل عملة
عملة إيه؟!.........
عملة سودة.......
سودة ليه؟!.........
جاب اولاده.....
وفيها إيه؟!.......
فيها خرابها......
وخرابها ليه؟!......
خرابها علينا
وعلى أهلينا
طب نعمل إيه؟!
نعمل إيه؟
نعمل إيه؟
آآآآآآآآآآآآآه
نعمل ودانا.....
نعملها إيه؟!....

ودن عجين
والتانية طين
عجين ليه؟
عجين ناكله
بدل العيش
والحسرة عليه
آآآآآآآآآه

طب والتانية
طين ليه؟
علشان نبني
كوخ ع الترعة
نسكن فيه
ونسيب ليه
الدنيا بحالها
حلالٌ عليه...

آآآآآآآآآآآآآه

آه.... فهمتوا ؟!
ولا إيه؟؟؟!
لأ.... مفهمناش
اومال آه من إيه؟

آه م الحسرة
آه م الكتمة
آه م العتمة
آه وآه وآه
من إيه وإيه
وإزاي وليه

26/01/2008م
دي الحاجة الوحيدة اللي كتبتها مخصوص ليه

only you · 23rd July 2011, 08:20 AM

حلو اوى يا سندو تصور انا جدتى عاسه ولحد دلوقت معلقه صورة جمال عندها فى البيت وبتفتكر الزكرى السنويه بتاعته الناس كانت بتحبه حب غريب سبحان الله

SindBad · 23rd July 2011, 01:28 PM

اقتباس

المشاركة الأصلية كتبت بواسطة only you


	حلو اوى يا سندو تصور انا جدتى عاسه ولحد دلوقت معلقه صورة جمال عندها فى البيت وبتفتكر الزكرى السنويه بتاعته الناس كانت بتحبه حب غريب سبحان الله

الله يكرمك يا فندم

ما هي دي الكاريزما اللي بنقول عليه يا اونلي
والناس بتعترض، حب الاهي متغروش
حتى الأخطاء الجسام
على مبدأ حبيبك يبلعلك الزلط ...الخ

هو رحمة الله عليه كان حالة خاصة وضرورة حتمية لهذه المرحلة
من تاريخ مصر والعرب، كان لابد من وجوده، ولا يقلل من أهميته
أخطائه.. إن كان له أخطاء

فهو بشر يُخطئ ويصيب
ومن الظلم مقارنته بأي حاكم عربي سابق او لاحق

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
نادر السيد يؤيد شفيق ...اسمع وافهم	صحافة ... إعلام ... سينما ومسرح	SindBad	5	1925	13th May 2012 09:10 AM
محمود حسام الدين مرشح القبائل للرئاسة بأربعين الف...	إنتخابات الرئاسة	SindBad	0	1224	3rd April 2012 10:49 AM
شارك بنفسك في وضع مواد الدستور.... بجد	توعية جماهيرية	SindBad	2	1125	27th March 2012 11:24 AM
بيت الوطن.... مشروع وهمي	إبنى بيتك	SindBad	0	3199	26th March 2012 07:16 PM
أشاهد الآن على قناة...........تعالوا شوفوا	صحافة ... إعلام ... سينما ومسرح	SindBad	4	1491	26th March 2012 09:46 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
في ذكرى ثورة 23 يوليو	SindBad	ثورة يوليو 1952	13	1st September 2011 09:24 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

أدب وشعر وقراءات متنوعة

بحب جدي واحب جمال ..... "بمناسبة ذكرى ثورة 23 يوليو"