امتحان المعادله للمهندسين APEGA في شهر ابريل

[shawi]

الصحف المصرية والعربية

اقتباس المشاركة الأصلية كتبت بواسطة yamo يعنى اللى فهمتوا ان اونتاريو بيعدلوا الشهادات من غير امتحانات من غير معادله انا هندسة اسكندريه(ميكانيكا انتاج) ممكن يقبلونى من غير امتحانات المعادله؟ هل نفس الكلام مطبق فى البيرتا برضه ولا اونتاريو و بريتش كولمبيا بس ......اذا بروفنس و بروفنس يبقى على حسب الشغل يعنى اذا حد مسجل فى اونتاريو من غير امتحانات غير الاثيكس يجيلوا شغل فى البيرتا يطلبوا منه امتحان و يشغلوا مهندس تحت التدريب؟؟؟؟؟!!!!! يعنى اذا فيه شركه ليها فرع فى تورونتو و نقلت مهندس البيرتا مينفعش يروح على نفس البوست ديه تبقى حاجه غريبه اوى؟؟؟؟ برجاء الايضاح فى حدود معلوماتك حيث اذا وفق الله فى بقية الاجراءات من الممكن جدا ان يتم تغيير الخطط على حسب المقاطعه اللى بتعادل من غير امتحانات غير الاثيكس يعنى توفير وقت و مجهود و فلوس اكيد المهاجرين الجدد محتاجينها

حضرتك لما بتاخد الترخيص وبقيت مهندس
لما بتروح تشتغل في مقاطعه تانيه بتعمل موبلايزيشن يعني نقل ملف بس وبالتالي بتدفع رسوم التسجيل وبتاخد عضويه المقاطعه اللي لقيت شغل فيها
انا شفت ناس كثير مدحت في الترخيص في اونتاريو بدايه حتى وهم مقيمين في مقاطعه تانيه يمكن لانك بتدخل مستعد وما بتنجحش او بتدخل نص مستعد وبتنجح في المقاطعات التانيه وفي الحالتين مانتاش فاهم ليه
وتلاقي الناس هدفها تعدي الايثك واللو وبس

 

 

[mezo]

اقتباس المشاركة الأصلية كتبت بواسطة shawi حبيبي ميزو انت فين من زمان بالمناسبه هل انت في اونتاريو؟ لاحظ يسما طلبوا منه مواد في كيبيك بينما اعترفوا بيه من غير موا في بريتش كولومبيا امتحان اونتاريو ايسي بنظام اربع اسئله تجاوب كتابه وفي مانيتوبا ساسكاتشوان والبيرتا ملتي تشويس مئه سؤال في ساعتين انا قريت قانون المهندسين بتاع انجنيرز كندا وطبعا باستغرب من اللي بيحصل في كل مقاطعه الكلام اللي رفعاه فوق هو اللي وصلني من يومين من ابيجم مانيتوبا ربنا يوفق الجميع دي فايده الحوارات والنقاشات فيه صديق قال لي من الاول روح قدم في اونتاريو احسن لك وانا ما اسمعتش كلامه --- ملاحظه موضوع اثبات اللغه موجود في الطلب نفسه ملاحظه 2 حضرتك بتدرس في الجامعه؟ فين

انا بدرس فى كونكوريا ماستر فى الهندسة المدنية والى اكتشفت ان بمجرد ماباخد الشهادة بتاعة الماستر اقدر اقدم على اى نقابة ومنهم كيبك من غير اى مواد ومكانش ليها لازمة التقديم على البرتا من الاساس بس انا اصلا مكنتش بفكر فى الدراسة وغيرت رائيى فى اخر لحظة

 

 

[shawi]

اقتباس المشاركة الأصلية كتبت بواسطة mezo انا بدرس فى كونكوريا ماستر فى الهندسة المدنية والى اكتشفت ان بمجرد ماباخد الشهادة بتاعة الماستر اقدر اقدم على اى نقابة ومنهم كيبك من غير اى مواد ومكانش ليها لازمة التقديم على البرتا من الاساس بس انا اصلا مكنتش بفكر فى الدراسة وغيرت رائيى فى اخر لحظة

اللي حضرتك عملته عين العقل
لما بتاخد شهاده عليا من هنا بيحذفوا المواد المطلوبه عنك
هو الهدف واحد ان تنخرط في سلك التعلم علشان تعيش الحياه زي ما هم عاوزينها بس بالقانون
ربنا يوفقك

 

 

[yamo]

اقتباس المشاركة الأصلية كتبت بواسطة mezo انا بدرس فى كونكوريا ماستر فى الهندسة المدنية والى اكتشفت ان بمجرد ماباخد الشهادة بتاعة الماستر اقدر اقدم على اى نقابة ومنهم كيبك من غير اى مواد ومكانش ليها لازمة التقديم على البرتا من الاساس بس انا اصلا مكنتش بفكر فى الدراسة وغيرت رائيى فى اخر لحظة

بالتوفيق مهندس ميزو بس ليا سؤالين

حضرتك اخدت الترخيص بدون امتحانات غير الاثيكس و بعدين بتعمل ماستر هل السبب ان حضرتك ملقيتش شغل مثلا؟

و بخصوص الماستر هل بيبقى فيه وقت تشتغل و لا حضرتك بتدرس بس و معتمد على السيفينج بتاعت حضرتك؟

 

 

[Cracker]

السلام عليكم يا شباب زي الورد حد يفيدني انا ملخبط علي الاخر انا خلصت هندسة حاسب الي 2003 و خبرتي بالاي تي كلها قسم الشبكات هل استطيع معادلة شهاتي ب P.eng واذا بقدر ابدا ازاي انا مقيم في ميسيساجا من سنتين ودلوقتي لا شغل ولا مشغله عواطلي حد يفيدنا جزاكم الله خير

 

 

[shawi]

اقتباس المشاركة الأصلية كتبت بواسطة Cracker السلام عليكم يا شباب زي الورد حد يفيدني انا ملخبط علي الاخر انا خلصت هندسة حاسب الي 2003 و خبرتي بالاي تي كلها قسم الشبكات هل استطيع معادلة شهاتي ب P.eng واذا بقدر ابدا ازاي انا مقيم في ميسيساجا من سنتين ودلوقتي لا شغل ولا مشغله عواطلي حد يفيدنا جزاكم الله خير

سلام عليكم
فيلمك طويل يا ولدي
اولا الاي تي مش محتاج ابيجا وبالتالي مش محتاج معادله
لو عاوز تشتغل مهندس يبقى لازم تشوف الكلام اللي كتبناه في المشاركات اللي قبل دي
جيب الشهادات والذي منه وقدم وطبعا خبرتك ومشاريعك الاخيره
كل ده علشان تتسجل مهندس تحت التدريب وبالتالي تدور على شغل في شركه هندسيه تحت ايد مهندس بروفيشنال
ولو طلبوا منك مواد حتعملها واذا ما طلبوش يبقى امك داعيالك
ربما معاك
اسهلك وانت فاضي تعمل سي سي ان اي....او حتى A+ وتدور على شغلانه فني كمبيوتر نركيب اصلاح سوفتوير تشيل فيروسات الخ
حاجه تحط اكل على الترابيزه

 

 

[Cracker]

شكرا علي الرد السريع بس انا معنديش مشاريع وشهادة خبره في الهندسه اعمل ايه عادي احط مشاريع في الشبكات؟ علي فكره انا معايا ccna & ccnp بس صارلي سنتين مش شغال بيهم

 

 

[shawi]

اقتباس المشاركة الأصلية كتبت بواسطة Cracker شكرا علي الرد السريع بس انا معنديش مشاريع وشهادة خبره في الهندسه اعمل ايه عادي احط مشاريع في الشبكات؟ علي فكره انا معايا ccna & ccnp بس صارلي سنتين مش شغال بيهم

حقا حضرتك نموذج للبحث

في مسيساجا ومعاك شبكات والشهادتين اللي الناس بتطلبهم وما بتشتغلش

اعمل التالي
كورس في الاتصال الجماهيري او التواصل او الكميونيكشين علشان تعرف تعرض نفسك
انا واجهت الحكايه دي

واحد في معرض وظايف قال لي التالي
انت بتعرض نفسك فوق بسبب طول مده خبرتك وتنوعها...........اقتصرها على اخر عشر سنين..وكان عنده حق
اعتقد ان قصتك لغه وعرض ودول فيه فيديوهات يوتيوب كثيره ومنا اليوتيوب بتاع لغه الجسد اللي حطيته من كام يوم ينفعك




حدثنا عن السنتين ماذا فعلت هل قابلت في وظائف؟
هل عملت شهاده كندي؟
هل عملت تطوع؟

----------------
لا تنس اخيرا ان الرزق من الله
ركعتين في جوف الليل واخلص في الدعاء

 

 

[نيفين توماس]

بعد اذنكم انا كنت عايزة اعرف انا عاملة هجرة لكيبك بس بعد ماهااعمل لاندج غالبا هااروح اونتاريو.... انا خريجة هندسة القاهرة دفعة 2004 قسم كهرباء قوي بس خبرتي كلها instrumentation وانا دلوقتي خلصت الميدكال فكنت عايزة اعرف ايه الخطوات بتاعت المعادلة ولو فيه حاجة ممكن اعملها من دلوقتي وكمان لو قدمت من دلوقتي على المعادلة في اونتاريو قبل مااعمل لاندج في كيبك فيه مشكلة هاتقابلني ...وشكرا

 

 

[shawi]

عثرت على هذا الموقع الجميل للي ناوي يراجع ما ذاكره لامتحان ابيجا
https://quizlet.com/63255331/nppe-fla...a-flash-cards/