Australia VS Canada ؟؟

[Ehab Salem]

الصحف المصرية والعربية

Slide Show: 10 Reasons Canada Is Cheering

 

 

[doctor farouk]

السلام عليكم

Z باشا انت اتهزيت بسرعه ليه كده اجمد يا راجل ده انت من قاده المطاريد

انا هقول شويه معلومات ممكن تعدل الكفه شويه لصالح كندا

اولا انا من اشتراكي في البر التاني في هناك سيده فاضله كانت في استراليا عايشه وهي مصريه طبعا وسابت استراليا وعملت هجره لكندا
طبعا انا استغربت انها تكبدت عناه الهجره مره تانيه والسفر الطويل ده
فراسلتها علي الخاص وسالتها
كان ردها ان استراليا جوها وحش جدا ورطوبه عاليه اوي لدرجه ان صدر اولادها تعب
وقالتي فعلا الجو فعلا مضايقها اوي في استراليا
وده رايها الشخصي
ثانيا
زي ما ناس كتير قالت الهجره لاستراليا اصعب من كندا وانا كان برضو تعتبر كندا مش سهله
وكمان انت في كندا بيتفتح قدامك دول اكتر من اللي هتتفتح قدامك لو انت استرالي
زي امريكا ودول الكومنولس وان كان استراليا برضو بتفتح دول الكمنولس برضو
عامه الفرق مش كبير بين الاتنين
بس بالنسبه لموضوع العنصريه
في مشاركات قالت انها مواضيع فرديه وده معتقدتش انه صح اوي
الاكيد ان استراليا فيها عنصريه وده قريته من تجارب ناس كتير
وموضوع ان في ناس في استراليا ماشافوش العنصريه ديه هرد واقول زي مصر مهو امن الدوله او الشرطه لما بتمسك واحد بتبهدله وكلنا عارفين كده ولكن هل كل واحد فينا حصل معاه كده
طبعا لأ بس كفايه الرهبه من الي ممكن يحصل والشعور بعدم الامان
اما كندا فاعتقد انها دوله اقوي واكبر
ياجماعه ده تلت استراليا عايش في سيدني بس( سبعه مليون من اصل واحد وعشرون ) والتلت التاني في ملبورن وخلاص علي كده والباقي ضواحي
كندا كل مقاطعه فيها بلد بسكانها بوظايفها
ده راي شخصي


علي فكره من كندا تقدر تاخد فيزا استراليا بسهوله جدا

السلام عليكم

 

 

[Ehab Salem]

أنا معايا إتنين في الشغل هاجروا من إستراليا لكندا وواحد هاجر من أمريكا لكندا

 

 

[ايجيكويب]

الموضوع فى رئيي ان كندا واستراليا حاجة واحده تقريباً بس ال ياخد على دي اوك وال ياخد على دي اوك برضة وعشان تكون المقارنه عادلة في رئيي نخليها ( Australia VS Canada vs Egypt ) اعتقد كده يبقى عدل ونشوف وجة المقارنات هيكون ازاي ؟

 

 

[م/ غريب]

السلام عليكم جميعا
فعلا ده موضوع مهم ولازم اي حد بيفكر في الهجرة انه يسأله لنفسه
انا كمان سالت نفسي السؤال ده ... وابتديت اعمل بحث علي النت عن ظروف الحياه في كل بلد ... والاخوة الكرام اللي شاركوا بتعليقاتهم اتكلموا عن اهم عوامل التقييم ( فرص عمل –اجراءات معادلة – مصاريف معيشيه – المناخ – تاقلم واندماج مع المجتمع - ...)
وبالرغم من فيه من قرايبي واحده وجوزها في استراليا من 12 سنه ووضعهم ماشاء الله كويس (الاتنين جراحيين ) وبيقولوا شعر عن استراليا لكني اخترت كندا برغم كل ده وبرغم اني معرفش اي انسان في كندا نهائيا (طبعا بقول انسان لاني متوكل على الله )
ليه باه اخترت كندا مش استراليا ؟
كندا بتقدم انواع متعددة من برامج مساعدة المهاجرين اكتر بكتيير من استراليا
والسبب الاهم هوه ان استراليا بلد فقيرة جدا جدا في الموارد المائيه ... بعكس كندا ... والمياه هي اهم مورد طبيعي في السنين المقبله وستقوم بسببها حروب كثيرة ( دول حوض النيل – شمال افريقيا – تركيا وسوريا – الاردن وفلسطين واسرائيل – وغيرها )
ومفيش حد فينا بيفكر في الهجرة الا واولاده جزء من الفكرة وعامل اساسي في رغبته في الهجرة دي ... وطالما الاولاد هي الاساس في الهجرة يبقى ليه نخليهم يكبروا في بلد مفهاش موراد مائيه ...
تحياتي لكم جميعا .. انا اشترك معاكم بوجهة نظري دي وطبعا كل واحد ادرى باولوياته ...
الاخ ضبش .... التوقيع بتاعك هايل جدااااا .... ولازم وانت بتقراه تقراه بطريقه معينه .... ومعبر جدااااا عن رغبتك في الهجرة ... ولا انا فاهمه غلط ؟؟

 

 

[Ehab Salem]

اقتباس المشاركة الأصلية كتبت بواسطة م/ غريب والسبب الاهم هوه ان استراليا بلد فقيرة جدا جدا في الموارد المائيه ... بعكس كندا ... والمياه هي اهم مورد طبيعي في السنين المقبله وستقوم بسببها حروب كثيرة ( دول حوض النيل – شمال افريقيا – تركيا وسوريا – الاردن وفلسطين واسرائيل – وغيرها ) ومفيش حد فينا بيفكر في الهجرة الا واولاده جزء من الفكرة وعامل اساسي في رغبته في الهجرة دي ... وطالما الاولاد هي الاساس في الهجرة يبقى ليه نخليهم يكبروا في بلد مفهاش موراد مائيه ...

الكلام ده صحيح
إستراليا فعلا عندها مشكلة جفاف و شح متزايد في الموارد المائيه
على الجانب الأخر كندا أغنى دوله في العالم في الموارد المائيه .. قرأت مره إن عندها أنهار و بحيرات تكفي نصف سكان العالم
والله أعلم

 

 

[ramyfathalla]

أنا لى أصدقاء فى استراليا و بيقولوا انه فى عنصرية فى كندا ضد المسلمين و فيه صديق منهم راح كندا
يمكن تكون حالات فردية لأن فيه ناس تانية مرتاحة هناك و مبسوطة هناك قوى يمكن مناطق و مناطق
هذا و الله أعلم

 

 

[Tornado]

موضوع العنصرية اظن انه موضوع نسبي من ة شخص لاخر ومن مكان لاخر والله اعلم وربنا يوفق الجميع لما فيه الخير

 

 

[هشام المصرى]

السلام عليكم ورحمة الله

أنا أعرف أن البلدين ممتازين بس سمعت أن كل بلد فيهم فيها مشكلة جامدة

أستراليا العنصرية و الأفكار المعادية للإسلام خصوصا بين الأجيال الحديثة و
كندا برودة الجو الشديدة

أى العيوب أسهل فى التٌأقلم معها للمهاجر الجديد العربى المسلم ؟

 

 

[تيتو]

اعتقد البرد من الممكن التأقلم عليه ولكن العنصرية هتكون صعبة شوية