المختصر المفيد في هجرة الصيادلة إلى أستراليا

[Batman]

الصحف المصرية والعربية

علشان نبقى طرحنا كل الإحتمالات الممكنة نتكلم عن معادلة الصيادلة الأسترالية

اللي طبعاً كان غالبية الصيادلة بيفضلوها حتى من قبل ليستة الوظائف في كندا

الموضوع مصدره بإختصار شديد من :

عايز تسجل صيدلي في استراليا ... ومش عارف ايه الخطوات ..ادخل هنا

https://www.pharmacyboard.gov.au/Regi.../Overseas.aspx

 

[Batman]

خطوات التقديم على إمتحان المعادلة :
أول حاجة علشان تقدم على فيزا هجرة لازم الأول تقدم على امتحان الترخيص APEC
https://www.apec.asn.au/

الامتحان ده مرتين في السنة في شهر مارس و سبتمبر من كل سنة

الورق المطلوب علشان تقديم الأمتحان :
ورق من الكلية :
1) شهادة مؤقتة بالإنجليزي أو صورة شهادة الكرتون مترجمة.
2) بيان الدرجات بالإنجليزي
3) المقرر (Syllabus) بالإنجليزي
الورق اللى فات ده يتوثق من إدارة الجامعة.

ورق من النقابة :
شهادة حسن سير وسلوك بالإنجليزي

ورق من وزارة الصحة :
ترخيص مزاولة المهنة بالإنجليزي ..ده يتوثق من الخارجية المصرية

ورق من الصيدلية اللي بتشتغل فيها ( أو المفروض بتشتغل فيها )
1) شهادة خبرة وحسن سير وسلوك من الصيدلية .بختم الصيدلية
2) شهادة من 2 زملائك في الصيدلية يشهدو بحسن سيرك وسلوك . موقعة منهم

جواز السفر

5 صور شخصية ... تكتب من ورا اسمك بالإنجليزي(Capital Letter)

شهادة الAcademic IELTS مجموع 7
أو شهادة الOET تقدير B

تاخد الورق اللي فات ده كله وتصورو ... وتطلع بيه على سفارة استراليا ( في مركز التجارة العالمي ع الكورنيش ) و توثق الصور و الصور الشخصية ( توثيق صورة طبق الأصل )
خلي بالك : اسمك في كل الورق بالانجليزي لازم يكون زي جواز السفر .

باقي الورق :
تنزل ال appllication من السايت بتاع ال Australian Pharmacy Councill
https://www.apec.asn.au/APEC_forms.html
شيك ( Cachier Order )بمبلغ 500 AUD$ ده ال Eligibility Assessment
https://www.apec.asn.au/APEC_feeschedule.html
كل اللى فات ده كله تبعتو بال TNT أو ال EMS ع العنوان الى موجود في السايت .
https://www.apec.asn.au/APC_contactdetails.html
الموضوع مش محتاج مكتب ولا حاجة تعاملك كله مع الAPC مباشرة.
سوف يرسلون اليك انهم استلموا الاوراق
مع وصل برسوم الملف
ورقم ملف خاص بيك

بعد استكمال فحص الملف سيقومون بارسال ملف كبير لك يشرح الخطوات المطلوبة لاستكمال التسجيل

 

 

[Batman]

أولا بالنسبة لنظام الامتحان والمذاكرة ...

علشان تسجل صيدلي في استراليا في مرحلتين STEP1 and STEP2

STEP1
ده الامتحان اللى بتمتحن قبل ماتسافر APEC ...ده عبارة عن 2 papers على يومين ورا بعض
كل paper 100 MCQ
Paper 1 تشمل ال
Pharmaceutical Chemistry
Pharmacology and Physiology
Paper 2 تشمل ال
Pharmaceutics
Therapeutics
https://www.apec.asn.au/PDF/Exam%20Content.pdf

STEP 2
ده الامتحان الي بتمتحنو في استراليا بعد 3 شهور تدريب ,,, وده يشمل تركيبات , وأدوية في السوق و قانون الصيدلة...

من أهم مصادر المذاكرة (زي أي معادلة في الدنيا) :
Comprehensive Pharmacy Review
Lippncott Pharmacology
الCalculations
الأسئلة الMCQ

 

 

[Batman]

الهجرة :
بعد إجتياز ال IELTS أو ال OET
ثم إجتياز المعادلة
انت كدا Eligible
بتقدم على Skilled – Independent (Migrant) visa
https://www.immi.gov.au/skilled/gener...-applicant.htm

.. للفائدة مع التحية

 

 

[drbeso]

تسلم الايادى يا اخى باتمان ولله انتا انسان رائع
وانا تحت امر اي احد في موضوع استراليا ده وانا ولله اتمنى انكم تيجو معايا استراليا وبلاش نيوزلاندا ده لو ليا نصيب فيها
اشكركم ياشباب بارك لله فيك يا باتمان اخى العزيز

 

 

[savary]

دك. باتمان مجهود هايل , ربنا يجازيك خير ممكن اسئل ليه الناس بتفضل االاكاديمك ايلتس عن الجنرال ؟؟ مع انه اصعب وواضح طبعا ان استراليا بتقدم الايلتس مع ورق المعادله , يعنى هو الخطوه الاولى ومن غير توتال 7 ومتقلش فى اى جزء عن 6 ونص يبقى مش هتقدر تقدم ع المعادله ودى صعوبتها الصعوبه التانيه ان بفرض اجتياز الايلتس فانت لازم تنجح فى امتحان المعالده من اول مره والا الايلتس هيبقى اكسبير ومش هتقدر ترجعه للشركه عشان مش بياخدوا اكسبير !!

 

 

[Batman]

ألف شكر لإصحاب الموضوع الأساسي
وألف شكر لدكتور بيسو ودكتور سفاري ومستنيين إضافاتكم

إحنا بس حبينا نلخص المفيد فوق علشان نعرف نتكلم براحتنا بعد كدا وكمان لو فيه واحد جديد معانا ما يتوهش في الموضوع ويلاقي الخطوات بسهولة في أول الموضوع

.. أتمنى يكون مفيد

 

 

[Batman]

أنا طبعاً هأقول اللي أعرفه لأني طول عمري وحلمي كندا وموضوع أستراليا دا جديد نسبياً بالنسبة لي

اقتباس المشاركة الأصلية كتبت بواسطة savary دك. باتمان مجهود هايل , ربنا يجازيك خير ممكن اسئل ليه الناس بتفضل االاكاديمك ايلتس عن الجنرال ؟؟ مع انه اصعب بص يا سيدي بالنسبة للIELTS فهو لازم أكاديميك (مع أنه أصعب حبة من الجنرال) لكن انت بتعوزه قبل ما تخش على إمتحان المعادلة هتقدم بيه الورق خطوة كدا زي الdocument evaluation في كندا وواضح طبعا ان استراليا بتقدم الايلتس مع ورق المعادله , يعنى هو الخطوه الاولى ومن غير توتال 7 ومتقلش فى اى جزء عن 6 ونص يبقى مش هتقدر تقدم ع المعادله ودى صعوبتها والميزه هنا أنك هتخلص من اللغة والكلام الفاضي دا قبل ما تدخل على مذاكرة المعادلة .. الصعوبه التانيه ان بفرض اجتياز الايلتس فانت لازم تنجح فى امتحان المعالده من اول مره والا الايلتس هيبقى اكسبير ومش هتقدر ترجعه للشركه عشان مش بياخدوا اكسبير !! نفس الشهادة ليها صلاحية سنتين فلما بتجي تقدم ورق الهجرة بتحطها مع الورق فتاخد ال25 نقطة بتوع اللغة كاملين (من غير ماتمتحن تاني ولا حاجه) ، وبعدين فرضاً لا قدر الله انك ماعدتش امتحان الfirst من أول مرة عندك فرصة تاني بعد 6 شهور والإمتحان في مصر

الOET بقى حكاية الناس اللي دخلته بتقول أسهل وفي ميزة أنه لو ما جبتش الأربعة b في القراءة الكتابة الإستماع والتحدث بتعيد بس الفرع اللي انتا عايزه علشان تحسن تقديرك

 

 

[galaxy]

برافو والله يا دكتور باتمان ...لازم نطرح كل المجالات والابواب المتاحه وربنا يوفق للي فيه الخير للجميع.....كمان منتظرين مساهمات دكتور بيسو عشان تكتمل الاستفاده.....برافو كمان مره ودعواتي للجميع بالتوفيق

 

 

[drbeso]

انا تحت امركم يا جماعه
اكيد من غير حاجه انا معايا ورق ال OET و ورق مهم للمعادله انا حاولت احطو عالجهاز لكن لكتره الورق مقدرتش فانا تحت امركم للي يعوزه لكن انا اسف انا الفتره ديه مشغووول جدا لانى هسافر قريبا للعمره ربنا يسهل انشالله
وهبقا ادعلكو وادعى على ال كنديين
اتمنا ليكم كل خير