iPad جديد “أرخص” في الطريق؟

[D@rk_Kn!ght]

الصحف المصرية والعربية

iPad جديد “أرخص” في الطريق؟





لم تمضي أيام عن إعلان الآيفون الجديد و هانحن الآن نسمع أخبارا جديدة عن منتج جديد، طبعا الكل يتوقع الآيباد الثالث و لكن ما تناقلته وسائل الإعلام هو نسخة جديدة من الآيباد و لكن أرخص سعرا !

يبدو أن النسخة الجديدة من الآيباد ستكون موجهه لمنافسة اللوحيات ذات الشاشات الصغيرة نوعا ما الرخيصة السعر مثل الجالاكسي 7 بلس و امازون كيندل فاير وذلك ليس في حجمها بل في سعرها، من المتوقع أن يتوفر الجهاز الجديد في بداية 2012 ثم يتبعه الـ iPad3 مشبعا بالمواصفات الجديدة.

يتوقع عدد من المحللين أن السعر لن يتجاوز الـ 200$ “1200 جنيه تقريبا” و يعتقد أن الجهاز سيحمل ذاكرة صغيرة نسبيا كـ 8 جيجابايت تقريبا،
على كل حال مافى اقرب من الايام

 

[abysaleh]

يا سلاااااام

يعني انتظر وما اشتريش دلوقتي؟؟؟


طب فيه حاجة كنت عايزة اسأل عليها يا دارك صحيح... بالنسبة لذاكرة الآيباد اللي موجود دلوقتي 16 و 32

هي الذاكرة دي اللي بتوازي الهارد في الكمبيوتر واللا الميموري ؟؟؟

ولو هي بتوازي الميموري طيب سعة الهارد بتاع الآي باد بتيقى كام؟؟؟ وهل يمكن زيادتها واللا لأ؟؟؟ وبتزيد ازاي؟؟ وبكام ؟؟؟

معلش شوية اسئلة كتيرة ع الماشي وفيه طلب كمان


ياريت تفتح لنا موضوع مقارنة بين انواع التابليتس الموجودة ف السوق حاليا ومميزات وعيوب كل منها


ح تقولي تقلنا عليك حاقولك اومال انت يعني خبير كمبيوتر ببلاش كدا مش لازم نستغلك

 

 

[D@rk_Kn!ght]

بالنسبة لسؤالك عن الذاكرة

فهى سعة التخزين اى ما يوازى الهارد ديسك

بالنسبة للمقارنة
ابشرى طال عمرك

 

 

[abysaleh]

اقتباس المشاركة الأصلية كتبت بواسطة D@rk_Kn!ght بالنسبة لسؤالك عن الذاكرة فهى سعة التخزين اى ما يوازى الهارد ديسك بالنسبة للمقارنة ابشرى طال عمرك

طب اديني بشرت والمعلوم وصل خلاص


فين بأه الموضوع

 

 

[MFaisal]

طب والله كويس .. أنا كنت مخطط أشترى ال Ipad 2 على سنة 2015

بس بالشكل ده على 2013 هايكون ممكن

 

 

[إكرام يوسف]

أنا جبت آي باد تو (الحقيقة جالي هدية من زوجي) بس رجعت ندمت.. لازم يكون فيه انترنت وايرلس في المكان.. وما ينفعش أحط فيه يو اس بي انترنت طيب ايه لازمته؟ بصراحة أنا كنت عايزة لاب توب صغير نسبيا وخفيف .. ما يوجعش كتفي وانا باتحرك.. حيكون أفضل من الآي باد.. وخصوصا ان الآي باد كل البرامج اللي بتنزل عليه بالفلوس.. على الكمبيوتر العادي طول الوقت الواحد بينزل برامج وافلام واغاني ببلاش.. واللا انا اللي فاهمة غلط واللا ايه؟

 

 

[abysaleh]

اقتباس المشاركة الأصلية كتبت بواسطة إكرام يوسف أنا جبت آي باد تو (الحقيقة جالي هدية من زوجي) بس رجعت ندمت.. لازم يكون فيه انترنت وايرلس في المكان.. وما ينفعش أحط فيه يو اس بي انترنت طيب ايه لازمته؟ بصراحة أنا كنت عايزة لاب توب صغير نسبيا وخفيف .. ما يوجعش كتفي وانا باتحرك.. حيكون أفضل من الآي باد.. وخصوصا ان الآي باد كل البرامج اللي بتنزل عليه بالفلوس.. على الكمبيوتر العادي طول الوقت الواحد بينزل برامج وافلام واغاني ببلاش.. واللا انا اللي فاهمة غلط واللا ايه؟

فين انت يا استاذ تجاوب على الاسئلة ... هه

سايبنا كدا تايهين ومش عارفين نعمل ايه


طب لو الاي باد مافهوش مخرج يو اس بي اومال ح انقل الملفات المهمة اللي عايزة اشغلها عليه ازاي

وكمان اللي اعرفه انه بياخد شريحة موبايل ( سيم كارت ) ينفع ادخل بيها ع النت.... صح الكلام دا واللا غلط؟؟؟

 

 

[somayasaleh]

اقتباس المشاركة الأصلية كتبت بواسطة إكرام يوسف أنا جبت آي باد تو (الحقيقة جالي هدية من زوجي) بس رجعت ندمت.. لازم يكون فيه انترنت وايرلس في المكان.. وما ينفعش أحط فيه يو اس بي انترنت طيب ايه لازمته؟ بصراحة أنا كنت عايزة لاب توب صغير نسبيا وخفيف .. ما يوجعش كتفي وانا باتحرك.. حيكون أفضل من الآي باد.. وخصوصا ان الآي باد كل البرامج اللي بتنزل عليه بالفلوس.. على الكمبيوتر العادي طول الوقت الواحد بينزل برامج وافلام واغاني ببلاش.. واللا انا اللي فاهمة غلط واللا ايه؟

استاذة اكرام....الاي باد تو فيه شريحة زي الموبيل حسب الشركة اللي حضرتك ح تختاريها....فودافون او اتصلات او موبينيل.....وبيبقي لها داتا بلان شهري ورخيص مش غالي....وبكده بيكون عندك انترنت في اي مكان فيه تغطية للشركة ( فودافون.....اتصالات....الخ)

انا عندي اي باد تو وفيه شريحة بس طبعا تبع روجر هنا في كندا ،ولما اخذته معي الرياض في الاجازة...وضعت شريحة موبيلي واشتفل انترنت برضه عادي.

تحياتي...

 

 

[MFaisal]

هو الأيباد يا جماعة ماينفعش يشتغل نت من على lan عادى زى اللاب توب ؟؟

 

 

[HanyMan]

اقتباس المشاركة الأصلية كتبت بواسطة ضبش هو الأيباد يا جماعة ماينفعش يشتغل نت من على lan عادى زى اللاب توب ؟؟

فى نوعين من الايباد
الاول ويرلس ودة بيشتغل عادى على النت بس بيحتاج واىفاى عشان يشتغل ومالوش سيم للنت داخلة ودة النوع الارخص
وتقريبا هو دة اللى مع مدام أكرام والحل بسيط ان مدام أكرام تكلم شركة الاتصالات اللى تحبها وتسألهم هل عندهم ماى فاى ولا هوايوى ودة راوتر صغير قد التلفون المحمول وبيتحط فية السيم كارد وبيدى وايرلس للايباد وممكن يتحط فى الشنطة الحريمى عادى ويستقبل نت مافيش مشكلة وطبعا بيبقى بيوزر وباسورد

النوع التانى من الايباد ودة اللى بيبقى 3G ووايرلس كمان ودة نفس اللى مع الاستاذة سمية ودة بيتحط فية السيم بتاع النت وبيشتغل من غير ماىفاى او هوايويى ودة طبعا النوع الغالى وبيشتغل بردة وايرلس ووايفاى



بالنسبة للخبر, انا متأكد ان الايباد القادم لا يخص شركة أبل ولكنة للشركة المصنعة للأيباد طالما رخيص لان كان فى قضية مرفوعة من الشركة المصنعة فى الصين على أبل فى حق أمتلاك أسم ألأيباد وكسبت الشركة المصنعة فى المحاكم الصينية وبالتالى سوف تستغل الاسم الجديد المملوك ليها فى وضع منتجات تحت الاسم الذهبى ايباد

فاللى عايز يشترى يشترى دلوقتى الايباد 2 وما يستناش يقع فى فخ الاسم القادم من شركة فقط تصنع ولاتملك الا خردة حديد بدون تكنولوجيا أبل الرهيبة ومتأكد انة لو نزل هينزل أندرويد مدعوما من جوجل العدو الاوحد لأبل وليس لة دعم من أبل ستور