مايخص المحاسبين ومعادلتهم في كندا

[marselia112]

بسم الله الرحمن الرحيم
السلام عليكم ورحمة الله وبركاته
كنت عايز اعرف ايه احسن مقاطعه للمحاسبين للشغل
يعني مثلا كالجاري و ادمنتون للمهندسين
و هل المعادله شئ ضروري للشغل و لا ممكن تلاقي فرصه عمل و لو حتي بمرتب ضعيف للبدء بيه؟؟

 

[العندليب]

السؤال دة مهم جدا ياريت اللى يعرف معلومات يقول

 

 

[astrophy]

اعتقد لازم معادله دى شىء اساسى ممكن العمل كا كاشير او مدخل بيانات لحد ما ربنا يكرمك وتخلص المعادله

 

 

[mohsen]

اقتباس المشاركة الأصلية كتبت بواسطة marselia112 بسم الله الرحمن الرحيم السلام عليكم ورحمة الله وبركاته كنت عايز اعرف ايه احسن مقاطعه للمحاسبين للشغل يعني مثلا كالجاري و ادمنتون للمهندسين و هل المعادله شئ ضروري للشغل و لا ممكن تلاقي فرصه عمل و لو حتي بمرتب ضعيف للبدء بيه؟؟

طبعا لازم معادلة و بعدها إمتحانات (مش سهلة و على حسب ما سمعت عدد قليل جدا بينجح فيها من أول مرة) عشان تبقى محاسب لأنك لازم تعرف قوانين الضرائب. و أعتقد لازم كمان تتمرن فى مكتب محاسب (مش فاكر لو ده مطلوب قبل الإمتحانات أو بعدها).

ممكن حضرتك تشوف المطلوب هنا:

https://www.cica.ca/

أو تعمل بحث عن: Chartered Accountatns

 

 

[مونتريال اليكس]

للعمل كمحاسب فى كندا يجب حصولك على واحدة من ثلاث شهادات
CA ودى مطلوبة فى سوق العمل
CGA و CMA ودول غير مطلوبين

CA للبدء فى هذة الشهادة يجب الحصول على شهادة ب كورس معين من مكتب مك
كذلك هناك امتحان للغة الفرنسية -- يجب الحصول على الاتنين قبل البدء فى المعادلة

يجب عمل تدريب اثناء المعادلة لمدة 24 شهر \ 4 ساعات يوميا وللحصول على تصريح مزاولة المهنة يجب تقديم شهادة باجتياز فترة التدريب وتقديمها للنقابة للحصول على كارنية
مزاولة المهنة

 

 

[مونتريال اليكس]

اعتقد ان المحاسبين مطلوبين فى كل المدن -- مافيش مكان مش محتاج محاسبين
اقتصاد كندا قوى ويعتمد على المحاسبين

 

 

[محاسب مهاجر]

اقتباس المشاركة الأصلية كتبت بواسطة مونتريال اليكس اعتقد ان المحاسبين مطلوبين فى كل المدن -- مافيش مكان مش محتاج محاسبين اقتصاد كندا قوى ويعتمد على المحاسبين

كلام صحيح و مشجع ..

 

 

[astrophy]

اقتباس المشاركة الأصلية كتبت بواسطة مونتريال اليكس للعمل كمحاسب فى كندا يجب حصولك على واحدة من ثلاث شهادات CA ودى مطلوبة فى سوق العمل CGA و CMA ودول غير مطلوبين CA للبدء فى هذة الشهادة يجب الحصول على شهادة ب كورس معين من مكتب مك كذلك هناك امتحان للغة الفرنسية -- يجب الحصول على الاتنين قبل البدء فى المعادلة يجب عمل تدريب اثناء المعادلة لمدة 24 شهر \ 4 ساعات يوميا وللحصول على تصريح مزاولة المهنة يجب تقديم شهادة باجتياز فترة التدريب وتقديمها للنقابة للحصول على كارنية مزاولة المهنة

طيب يامونتريال الموضوع كدا طويل بتاع المعادله يعنى على الاقل سنتين كدا
والمشكله انى عرفت والله اعلم ان ممكن لوحبيت اقدم على ماجيستير مقدرش امارس مهنة المحاسبه الا بالمعادله
موقفنا صعب شويا وعايز صبر كتير بسى كل يهون كندا تستاهل
هل ممكن الواحد يعمل الخطوات دى او بعضها فى السنه الى منتظرين فيها الطبى والفيزا

 

 

[كيبييك]

اقتباس المشاركة الأصلية كتبت بواسطة مونتريال اليكس للعمل كمحاسب فى كندا يجب حصولك على واحدة من ثلاث شهادات CA ودى مطلوبة فى سوق العمل CGA و CMA ودول غير مطلوبين CA للبدء فى هذة الشهادة يجب الحصول على شهادة ب كورس معين من مكتب مك كذلك هناك امتحان للغة الفرنسية -- يجب الحصول على الاتنين قبل البدء فى المعادلة يجب عمل تدريب اثناء المعادلة لمدة 24 شهر \ 4 ساعات يوميا وللحصول على تصريح مزاولة المهنة يجب تقديم شهادة باجتياز فترة التدريب وتقديمها للنقابة للحصول على كارنية مزاولة المهنة

ازيكو ي جماعة انا عضو جديد بس انا كنت متابع على طول الموقع ممكن اسأل سوال انا عايز اعرف هل المعادلة معناها انى لازم ادرس شهادة من ال3 شهادات دول ولا ممكن اعمل المعدلة بشكل تانى معلش انا مش فاهمة كويس يعنى هو دة الطريق الوحيد لعمل المعادلة علشان اشتغل محاسب فى كيبيك شكرا
معلش يا جماعة هو سوأل رخم شوية بس انا فعلا توهت ومش فاهمة حاجة ياريت حد يرد علية

 

 

[المصرى أفندى]

اقتباس المشاركة الأصلية كتبت بواسطة كيبييك ازيكو ي جماعة انا عضو جديد بس انا كنت متابع على طول الموقع ممكن اسأل سوال انا عايز اعرف هل المعادلة معناها انى لازم ادرس شهادة من ال3 شهادات دول ولا ممكن اعمل المعدلة بشكل تانى معلش انا مش فاهمة كويس يعنى هو دة الطريق الوحيد لعمل المعادلة علشان اشتغل محاسب فى كيبيك شكرا اقتباس المشاركة الأصلية كتبت بواسطة كيبييك معلش يا جماعة هو سوأل رخم شوية بس انا فعلا توهت ومش فاهمة حاجة ياريت حد يرد علية

الأخ العزيز كيبيك هناك عدة شهادات فى معايير المحاسبة أظن أن أفضلها هم CPA و ACCA الدوليتين وهما معتمدتان فى كل انحاء العالم وكمان بتتسم بالسهولة فى دراستها عن CMA واللى ممكن تحصرك فى وظيفة محاسب أدارى أو تكاليف هناك واللى ممكن كشخص لا يعمل فى مؤسسة صناعية يشعر بالملل أو عدم جدوى دراسة CMA بالنسبة لى كشخص اعمل كمحاسب أفضل شهادة زمالة المحاسبين البريطانيين للتالى: أولا- معتمدة دوليا فى كل أنحاء العالم مثل CPA ثانيا- أنك لاتحتاج للسفر للخارج لأمتحانها حيث يمكن أن تؤدى الأمتحان فى البريتش كونسيل ثالثا- بأمكانك أن تدرسها بمفردك وقام الأخ هنداوى مشكورا بتنزيل المتريل الخاص بالمنهج ماعدا جزء القانون التجارى و القانون الضريبى الذى يفضل أن يكون آخر أصدار و يمكنك أيضا أن تدرسها فى المعاهد المعتمدة من جمعية زمالة المحاسبين البريطانين وقد قام الأخ ضبش بوضع عنواينهم وبالتالى سهولة تدريب نفسك على المنهج رابعا- بتديلك دفعة قوية ل CV بتاعك يعنى ممكن تتخطف خطف فى أى دولة من دول الخليج واللى ساعتها حتسهل عليك فى موضوع الخبرة اللى حتكتسبها من هناك خامسا- انها مش حتكلفك قوى زى الشهادات اللى فى كندا واللى حتكون هناك فى اول مرحلة فى حياتك وحتكون محتاج لكل قرش أو (سنت) عشان تعيش بيه و الأهم من كدة أنها حتقلل من عدد المواد اللى حتمتحنها عشان تعادل شهادتك واللى حتكون بالكتير قوى مادتين أو تلاتة سادسا- أنك لو دخلت تمتحن 14 مادة لأنك بالرغم على حصولك من أعفاء بعض المواد لأنك درست محاسبة فحتدفع يا حلو برده تمن أمتحان المواد المعفاه برده وعلى حسب معلومات أخونا الكبير هنداوى لو دخلت تمتحنهم كلهم و خلصت و قدمت بعديها بحث لجامعة OXFORD BROOKS حيبقى معاك ماجيستير يا معلم وأنا عن نفسى بفضل الزمالة البريطانية عشان كل المميزات اللى كتبتهالك من شوية وطبعا من حقك أنك تختار الطريقة اللى تناسبك أنت لأن فى الأول وفى الآخر دى حاجة ترجعلك أنت والطريقة اللى حتفيدك أنت أرجو أنى أكون أفدتك فى الموضوع