من يٌدير صفحة أسفين ياريس؟

[Mizo]

الصحف المصرية والعربية

بسم الله الرحمن الرحيم

انا من المتابعين لصحفة أسفين ياريس وحتى الصفحات الصديقه لهم ، الحقيقه فى الاول كنت اشعر انها مجموعة شباب لهم فكره معينه ويعبرون عنها بشكل او بأخر ، لكن فى الفتره الاخير كان هناك تطوراً ملحوظاً فى تلك الصحفة وهو نشر بعض الصور لبعض الشخصيات السياسية والعامه لغرض او لاخر.. فـ مثلاً الصورة أدناه لإبراهيم عيسي وزكريا عزمى ، هل حد شافها قبل كده؟ ولا هناك شكوك ان يكون أمن الدوله داعم لتلك الصفحات؟ وهل تلك الصفحة علامة استفهام على ابراهيم عيسي ولا شيء عادي؟

 

[Dr.Samo]

على العموم هى صفحة غريبة .... ومستفزه

 

 

[MFadel]

يا عزيزى كلهم فلووووول
ما أكثر فلولك يا مصر

 

 

[snow]

ممكن اللينك بتاع الصفحة

 

 

[snow]

قبل كل شيئا ,,,,, هذا دليل ان كل معارض فى مصر كان فردا من النظام ,,,,,
انقلب او انقلبوا عليها ,,,,,, اصبح يحمل لقب معارض
و هذا يبرر سبب الشماته الظاهر فيهم الان لسقوط النظام

 

 

[abysaleh]

يعني هو ظاهر في الصورة لا بيبوس ايده ولا بيبوس راسه ولا بيبوس جزمته

ايه المشكلة؟؟؟

شايفاها صورة عادية جدا وطبيعي ان الصحفيين يتواجدوا في حفل او لقاء زي دا ... هل دا يثبت انه كان جزء من النظام السابق مثلا او انه كان يوافق على سياسات النظام السابق؟؟؟

أعتقد ان كل واحد تاريخه موجود وموثق والنت مافيش اسهل منه ومواقف الناس بتبان من كتاباتهم وكلامهم وتصرفاتهم تجاه المواقف المختلفة... مش من خلال تواجدهم في مكان مع احد اعضاء النظام السابق... الدور والباقي ع اللي متصور بيبوس الأيادي ومواقفهم كلها كانت مؤيدة ومشجعة للنظام السابق وسياساته

شكرا ميزو ع الموضوع

 

 

[إكرام يوسف]

اقتباس المشاركة الأصلية كتبت بواسطة snow قبل كل شيئا ,,,,, هذا دليل ان كل معارض فى مصر كان فردا من النظام ,,,,, انقلب او انقلبوا عليها ,,,,,, اصبح يحمل لقب معارض و هذا يبرر سبب الشماته الظاهر فيهم الان لسقوط النظام

لا معلش سوري.. التعميم هنا خطأ كبير.. هناك معارضون كانوا طول عمرهم بعيدا عن السلطة ـ باختيارهم ـ ودفعوا الثمن اعتقالات وتعذيب ومطاردة في الرزق وأكل العيش.. همه دول يا عزيزي اللي دعوا للثورة من سنين طويلة واصلوا النضال وكانوا من أوائل من خرجوا في الثورة.. ودول ياعزيزي من هم غير قابلين للشراء ولا البيع ولا تعني المناصب أو المال بالنسبة لهم شيئا فهم أغنياء بما هو أغلى وأرقى من المال والجاه والمنصب.. أغنياء بأنهم وجدوا لحياتهم قيمة معنى أغلى كثيرا من جميع المكاسب والسلطات.. وعلى فكرة من هؤلاء من رفضوا قبول مناصب في السلطة الجديدة، وقد أقر مستشار رئيس الوزراء بأن بعض الثوار رفضوا مناصب عرضت عليهم.. إذا ماكنتش قابلت النوعية دي في حياتك.. فدي تبقى مشكلتك في اختيار معارفك.. لأن أمثال هؤلاء موجودون في جميع المجتمعات وفي جميع الأزمان

 

 

[nash]

أنا رأيي من رأي عبير وأم زياد

الصورة عاديه جداجدا ... ماهو اي مناسبه أو حفله كانت بتحصل لازم رموز الفساد يحضروها ...المفروض بأة الصحفيين يعملوا أيه ؟ ياخدولهم جنب زي المنبوذين مثلا ؟؟ ولا يقاطعوا المناسبات ويقعدوا في بيوتهم ويعزلوا نفسهم عن العالم الخارجي؟

واحد زي إبراهيم عيسي مواقفه واضحه ومحددة ومحترمه وعمرة ماكان من المتحولين أو المتلونيين أو مدح في المخلوع أيام حكمه ... ولماأنخلع غير موقفه زي غيرة ماعملها ....


علي العموم لسه في إنتظار أشياء أكثرغرابه وعبط من مجموعه بابا مبارك

 

 

[MFaisal]

يعنى مين اللى هيديروها ؟؟ أكيد شوية جهلة ومتخلفين يا اما حرامية

 

 

[last_samurai]

الفتره الحاليه
فيه ناس بتلعب على تدمير أى قيمه للمجتمع
بمعنى أى شخصيه عامه يكن لها الشعب التقدير
همهم وشغلهم الشاغل أنهم يدمروها

وده اللى حيوضح فى الأيام القادمه