هاليفاكس رحلة العمر

[mostafasaad]

دعوه لموضوعي

كندا كعب داير

اقتباس المشاركة الأصلية كتبت بواسطة waliedsalam السلام عليكم ورحمة الله وبركاتة شكرا جزيلا لكم جميعا على مروركم واسف انى انقطعت فترة عن المنتدى والحمد لله رجعت تانى طبيعة الحال كل ما الواحد يعدى عليه فترة فى البلد بيتغير تفكيرة فيه ناس بتقول ياه ه ه هى دى بقى كندا اللى كنا بنحلم بيها وناس تانية لا تزال منبهرة وبتحمد الله مع كل سجدة وناس مستنيه الباسبور بفارغ الصبر علشان ترجع بلدها تانى وتتنطط على خلق الله كل دى نمادج بنشفها وبنقابلها فى حياتنا والتواجد هنا بغير الفكر بشكل سريع جدا . وخلال الفترة اللى عشتها هنا لاقيت السبيل الوحد للنجاح هنا هو العمل الحر نعم العمل الحر ودى نصحتيى لاى فرد ربنا هيكرمه ويجى هنا حط فى دماغك العمل الحر لان الوظيفة يادوب بتاكل عيش وبتوفرلك عيشة محترمة فقط لا غير مش هتعرف تحوش من ورا الوظيفة . طبع هيجى واحد من جماهيرة الدرجة التالتة شمال ويقول ياعم الحج المشاريع عندك بالدولار وكل اللى امتلكه يادوب تداكر السفر مع كام شهر اقامة لحد ما اخد كورس سكيورتى واشتغل وابقى ظابط امن قد الدنيا . هرد عليه وهقولك خليك فى التالتة شمال زى ما انت خليك هد جبال عندك انا عاوز من كل الناس تفكر وتجهز نفسها قبل ما تيجى هنا ومش تيجى تضيع وقت يعنى بمعنى اصح سخن كويس جدا طول ما انت فى مصر وجهز كل خططك علشان لما تيجى هنا تدخل الملعب تجيب اجوان علطول . وانهاردة النت ما خلاش اى حاجة ببساطة جدا تقدر تعمل دراسة جدوى لاى مشروع فى اى مكان انا بدات دلوقتى والحمد لله فى عمل دراسة جدوى لكدا مشروع وبعون الله وفضله حاطط لنفسى فترة الصيف المقبل للتنفيد دعواتكم جميعا . والدعاء يكون من القلب نرجع للراجل بتاع التالتة شمال علشان موضوع الفلوس ودا مهم جدا اقوله ما تقلقشى ياباشا لو عملت دراسة لمشروع كويس وكتبت الدراسة دى بشكل مقنع تقدر تاخد تمويل من اى بنك هنا وربنا يباركلك ان شاء الله هرجعلكم تانى لو عندكم اى اساله مع السلامة

ويلكام باك مستر وليد..

عود حميد ويا ريت ترجع لسرد الأحداث والتجارب

ومستنيين بدأ المشروع عشان أرجع هاليفاكس تاني أنا راشق معاك في المصلحة دي يا ريس

وحشتني قعدة تيم هورتنز والكلام عن التخطيط للمشاريع المستقبلية

ده باينه هيعملها ولا إيه

ربنا يوفقك يا كبير

 

[waliedsalam]

اقتباس المشاركة الأصلية كتبت بواسطة mostafasaad ويلكام باك مستر وليد.. عود حميد ويا ريت ترجع لسرد الأحداث والتجارب ومستنيين بدأ المشروع عشان أرجع هاليفاكس تاني أنا راشق معاك في المصلحة دي يا ريس وحشتني قعدة تيم هورتنز والكلام عن التخطيط للمشاريع المستقبلية ده باينه هيعملها ولا إيه ربنا يوفقك يا كبير

الحق نفس يادرش ياتلحق ما تلحقش انت وظروفك

 

 

[Mighty red]

متابع جداااااااااااا وفي انتظارك

 

 

[waliedsalam]

اقتباس المشاركة الأصلية كتبت بواسطة Mighty red متابع جداااااااااااا وفي انتظارك

ان شاء الله خير ويارب اقدر افيد

 

 

[IslamMounir]

حمدلله على السلامه بعد طول انقطاع ونورت المطاريد ومنتظرين البقيه .

 

 

[waliedsalam]

اقتباس المشاركة الأصلية كتبت بواسطة IslamMounir حمدلله على السلامه بعد طول انقطاع ونورت المطاريد ومنتظرين البقيه .

تسعدنى مشاركتك

 

 

[IslamMounir]

اقتباس المشاركة الأصلية كتبت بواسطة waliedsalam تسعدنى مشاركتك

متشكر جدا لحضرتك ومنتظرين بقية الحكاية وزي محضرتك قولت الشغل الحر مفيش احسن منه والحاسس بالموضوع ده الناس المحاسبين الزينه بكلم حضرتك من جدة السعودية محاسب
كمل واحنه كلنا شوق لبقية القصه .

 

 

[waliedsalam]

البزنيس او العمل الحر والتراخيص
عموما الموضوع منقسم لجزئين رخصة شخص ورخصة شركة يعنى اوضحهم بشكل اكتر
واحد معاه فلوس وعاوز يعمل مشروع زى الداى كار الحضانة دى من المشاريع المنتشرة هنا وممكن تعملها من تانى يوم توصل فيه كندا بكل بساطة بتعين حد عندك عنده رخصة وبترخص باسمه وتمشى فى اجراءات الترخيص وبتحصل على الرخصة فى الحالة دى الرخصة اصبحت لاسم المكان وليس للشخص اللى انت عينته عندك وفى حالة رحيل الشخص دا تجيب حد مكانة وخلاص .
اما الجزء التانى من التراخيص هى الرخص الشخصية لمزاولة اى مهنه زى المهن الحرة كهربائى سباك وخلافة مثلا لو حضرتك جاى من مصر وانت كهربائى كفاءة اول ما هتيجى اوعدك انك هتلاقى شغل فى اول شهر من حضورك فى اى شركة مقاولات براتب من 13الى17 دولار فى الساعة انا بتكلم عن حد كفاءة تعالى بقى لو خد رخصة من هنا لمزاولة هده المهنه وتقريبا بتبقى دراسه حوالى سنتين راتب بيعلى ويبقى 25 الى40 فى الساعة على حسب خبرتك الكندية
ان شاء الله المشاركة الجاية نتكلم عن بعض المشاريع الناجحه هنا

 

 

[الرويناء]

في انتظار المشاريع يافندم خلينا نحلم ونطلب من رب كريم التوفيق

 

 

[الرويناء]

في الانتظار ياريت تفيدنا باوجه العمل الحر