الرائع ..أحمد ديدات .

[savary]

الصحف المصرية والعربية

أنا هنا هجيب فيديوهات من اليوتيوب


مش هتكلم عن عقائد الأخوة المسيحين أو كتابهم المقدس أو ما شابه ذلك من مواضيع ( تناحر الديوك )

لكن هحاول أجيب فيديوهات أحمد ديدات عن مواضيع يمكن تشغل بالنا أحنا المسلمين و نهتم أننا نعرفها


هحاول برده أنقل عن مصادر تانية غير ديدات فى نفس الموضوع , الأقرب بقلبى هنا هيكون الدكتور مصطفى محمود

الراجل اللى لحم دماغنا من خيره

ممكن طبعا الشيخ الشعراوى


التوبك مفتوح لأى اضافات طبعا ..حوالين نفس النقطة اللى بنتكلم فيها .

 

[savary]

هل انتشر الاسلام بحد السيف ؟؟؟

 

 

[س. نورينجتون]

مش فاهم , هو فيه حد هنا بيحارب الإسلام , عشان تحُط فيديوهات من النوعية ديه ؟

ولا ديه بروباجاندا مُضادة للبروجاندا بتاعت الإسلاميين البيصوروا الليبراليين على أنهُم أعداء للإسلام ؟

لو الثانية , طيب كُل ليبرالى هيبقى مُطالب بنقل موضوع يلعب على العاطفة الدينية و ليس فيه أى مواد

علمية و لكن مُجرد كلام إنشائى ما يصحش يطلع من واحد معاه الإبتدائية , عشان يثبت أنه مش عدو

للإسلام ولا حاجا !!؟

ولا الموضوع ليه زاوية ثالثة ؟

 

 

[Matrix]

دعوه لموضوعي

أطلق العنان لمشاعرك ، كن إنسان.

اقتباس المشاركة الأصلية كتبت بواسطة س. نورينجتون مش فاهم , هو فيه حد هنا بيحارب الإسلام , عشان تحُط فيديوهات من النوعية ديه ؟ ولا ديه بروباجاندا مُضادة للبروجاندا بتاعت الإسلاميين البيصوروا الليبراليين على أنهُم أعداء للإسلام ؟ لو الثانية , طيب كُل ليبرالى هيبقى مُطالب بنقل موضوع يلعب على العاطفة الدينية و ليس فيه أى مواد علمية و لكن مُجرد كلام إنشائى ما يصحش يطلع من واحد معاه الإبتدائية , عشان يثبت أنه مش عدو للإسلام ولا حاجا !!؟ ولا الموضوع ليه زاوية ثالثة ؟

ياعم أنت مزعل نفسك ليه؟
إعتبره موضوع تثقيفي في الباب المناسب ليه,,, باب شئون إسلامية

عاوز تتثقف إتثقف,,,,, مش عاوز أنت حر؟

 

 

[س. نورينجتون]

اقتباس المشاركة الأصلية كتبت بواسطة Matrix ياعم أنت مزعل نفسك ليه؟ إعتبره موضوع تثقيفي في الباب المناسب ليه,,, باب شئون إسلامية عاوز تتثقف إتثقف,,,,, مش عاوز أنت حر؟

هقولك أنا مزعل نفسى ليه - ولو إنى مش زعلان ولا حاجا - بس بعد ما سفارى يرُد على إستفسارى ,

بس بشكل مبدأى كفايا إنى شوفتك لأول مرة تاخد صف سفارى , بيتهيألى أستاهل عليها حلاوة

 

 

[Dr.Samo]

اقتباس المشاركة الأصلية كتبت بواسطة س. نورينجتون مش فاهم , هو فيه حد هنا بيحارب الإسلام , عشان تحُط فيديوهات من النوعية ديه ؟ ولا ديه بروباجاندا مُضادة للبروجاندا بتاعت الإسلاميين البيصوروا الليبراليين على أنهُم أعداء للإسلام ؟ لو الثانية , طيب كُل ليبرالى هيبقى مُطالب بنقل موضوع يلعب على العاطفة الدينية و ليس فيه أى مواد علمية و لكن مُجرد كلام إنشائى ما يصحش يطلع من واحد معاه الإبتدائية , عشان يثبت أنه مش عدو للإسلام ولا حاجا !!؟ ولا الموضوع ليه زاوية ثالثة ؟

هو ايه المشكله يا أستاذ نورينجتون ؟؟؟
أخونا سفارى مسلم ....والموضوع فى باب شئون إسلامية
وحتى لو فى باب مناقشات جادة برضه مفيش مشكله
هو ايه المشكله أنه يناقش فيديو عظيم فعلا
المداخلة دى يا أستاذنا بتفكرنى بمثل مصرى قديم

 

 

[Matrix]

دعوه لموضوعي

أطلق العنان لمشاعرك ، كن إنسان.

اقتباس المشاركة الأصلية كتبت بواسطة س. نورينجتون هقولك أنا مزعل نفسى ليه - ولو إنى مش زعلان ولا حاجا - بس بعد ما سفارى يرُد على إستفسارى , بس بشكل مبدأى كفايا إنى شوفتك لأول مرة تاخد صف سفارى , بيتهيألى أستاهل عليها حلاوة

مش تحزبات ,,,ده اللي بأحاول أفهمه ليك ولغيرك,,,,لكن يظهر مفيش فايدة.

 

 

[س. نورينجتون]

اقتباس المشاركة الأصلية كتبت بواسطة Dr.Samo هو ايه المشكله يا أستاذ نورينجتون ؟؟؟

المُشكلة أنا شرحتها بالفعل

اقتباس المشاركة الأصلية كتبت بواسطة Dr.Samo أخونا سفارى مسلم ....والموضوع فى باب شئون إسلامية

مانا عارف أن سفارى مُسلم و أن الموضوع فى شئون إسلامية ,

ده إيه علاقتُه بـ كلامى ,,,

اقتباس المشاركة الأصلية كتبت بواسطة Dr.Samo وحتى لو فى باب مناقشات جادة برضه مفيش مشكله

مش عارف إيه حكاية الأبواب ديه !! الموضوع عندى مالوش علاقة بالبيبان , و ردى كان هيبقى هو هو

لو كان فى أى باب تانى ,

اقتباس المشاركة الأصلية كتبت بواسطة Dr.Samo هو ايه المشكله أنه يناقش فيديو عظيم فعلا

طيب الجُملة ديه سؤال ولا خبر ولا إيه بظبط ؟

يا سيدى عظيم , عظيم , و مالُه ! أنا قلت رأيى فيه و سألت سفارى على حاجا

عايز يرُد عليا هو حر , مش عايز هو حُر برضوا ,

لكن مش فاهم حضرتك يعنى دخلتك عليا حسستنى أنك مُتفاعل مع البدلة الميرى الأنت معلقها

اقتباس المشاركة الأصلية كتبت بواسطة Dr.Samo المداخلة دى يا أستاذنا بتفكرنى بمثل مصرى قديم

 

 

[س. نورينجتون]

اقتباس المشاركة الأصلية كتبت بواسطة Matrix مش تحزبات ,,,ده اللي بأحاول أفهمه ليك ولغيرك,,,,لكن يظهر مفيش فايدة.

مين جاب سيرة تحزُبات ؟

المُستوى الفكرى العظيم بتاع سعادتك - الأحنا بنحاول نوصله بس مش عارفين - هو الخلاك تفسر كلامى

بالشكل الجهبذى ده , و بالتالى تتطلعلنا بالنتيجة الهُلامية الأنا علمتها بالأحمر , و بصراحة مش فاهم إزاى تقول

" اللى بحاول أفهمه ليك " و أحنا محصلشى أى نقاش ما بينا قبل كدا !

المسألة ليست تحزُبات , و لكن أراء , أنا قلت رأى و لم يعجبك , فأنت أخذت جانب سفارى - ليس تحزُباً ضدى - و لكن لأن رأيك أتفق مع رأى سفارى

و بالتالى رأيتك لأول مرة بتدافع عن سفارى !!

وصلت ؟

 

 

[جرديز]

الحقيقة موضوع مميز جدا وفكرته كويسة
فكرة انه مش لتجييش فصيل ضد آخر
وده متسق تماما مع شخصياته , احمد ديدات ومصطفى محمود
لاسيما احمد ديدات اللي المفروض نبص له من زاوية عالم أديان ... مش مجرد مـُناظر مسلم للمسيحية
رجل دارس أديان كويس وملم بالكتب , ومجيد للغات كثيرة أغلبها قديم متصل بالأديان
ان حضيف حاجات , إن شاء الله