عزيزى المترشح للإشراف العام بالمطاريد

[حشيش]

الصحف المصرية والعربية

بسم الله الرحمن الرحيم

الأخوة والأخوات المرشحين للإشراف العام بالمطاريد

السلام عليكم ورحمة الله وبركاته

أتمنى أن يطرح كلاً منكم ضمن حملته الإنتخابية ما الذى ينوى مناقشته مع زملائه فى الطاقم الإدارى بمجرد فوزه من ملاحظات ومقترحات لتطوير عمل الإدارة والنهوض بالمنتدى ككل؟ ... أعتقد أن الأعضاء من النضج لأن يكون ذلك المحور هو الفيصل فى ترجيح كفة مرشح على الآخر ... بالطبع روح المرح والدعابة مطلوب بل ومطلوب جداً لإضفاء جو من الألفة بين المرشح وبقية الأعضاء لكن يجب ألا نغفل النقطة المشار إليها مع أطيب تمنياتى وتمنيات جميع الزملاء بالإدارة بالتوفيق للجميع ... حتى لحظة كتابة هذا الموضوع عندنا 4 مرشحين زى الورد وأنا على ثقة بأن العدد سيزداد فى الأيام القادمة لأكثر من خمسة مرشحين إن شاء الله ... المترشحين حتى الآن بحسب ترتيب ترشحهم هم الأعزاء:

Eng Hesham
سيدة مصر الأولى
حسام
moka

 

[moka]

.
.

يعني نكتب هنا ولا في مغارتي الانتخابية ..!

ليه ياربي بس الاحراج .. اجيب افكار ولا اسرقها من فين ...!

 

 

[nash]

نريد ان نتعرف علي فكر مرشحين المطاريد لمنصب مشرف عام وأري من منظوري الشخصي جدا أن من حقنا ان نعرف كيف سيتصرفون حيال بعض مواضيع المنتدي الساخنه .. نريد أن نعرف كيف سيفرقون بين معرفاتهم الإداريه والعضويه العاديه ... كيف ستتم معالجتهم لإي شجار قد ينشأ بين معرفين علي أمر ما....
سيده مصر الأولي
المهندس هشام
الدكتور حسام
موكا
أتمني أن يتسع صدوركم لإي سؤال قد يطرح عليكم من الأخوات والأخوة وأن تتذكروا أن كلامكم سيكون حجه عليكم إذا ما خالفتم ماوعدتوة لنا ...
تمنياتي القلبيه بالتوفيق والنجاح لكم جميعا

 

 

[Eng Hesham]

اهدافى الانتخابيه

1- المتابعه الدائمه للعضويات الجديده حتى تثبت حسن نيتها

2- المتابعه الدائمه 24/7 للحوارات الحساسه و الساخنه فى اروقه المنتدى

3- التواجد بشكل دائم ومستمر لمعالجه المشادات بين الاعضاء ومحاربه الرمادى

4- اتاحه الفرصه لجميع اطراف النزاعات لعرض افكارهم بدون اى تعرض او اهانه

5- محاوله خلق مواضيع حواريه تفيد فى دعم روح الموده بين اعضاء المنتدى

6- الاستجابه الفوريه لبلاغات المشاركات السيئه 24/7

هذه هى مقدمات اهدافى الانتخابيه

وفى انتظار اهداف الزملاء

تحياتى استاذ حشيش

 

 

[Mizo]

اقتباس المشاركة الأصلية كتبت بواسطة Eng Hesham 3- التواجد بشكل دائم ومستمر لمعالجه المشادات بين الاعضاء ومحاربه الرمادى

ممكن توضيح يا بشمهندس اكتر حول الفقرة أعلاه ، يعنى ما هي أليات محاربة الرمادي

 

 

[nash]

أبدأ أنا بالسؤال الأول للجميع

نري مواضيع مثل ضرب الجنود لمتظاهري ماسبيرو ونجد في نفس الوقت أن هناك إداريين لم يشتركوا فيه والله أعلم بالأسباب رغم إهتمامهم بالسياسه ... فكيف سيكون تصرفك حيال هذه المواضيع ؟
هل سنحرم من رأيك كعضو حتي تكسب ود الجميع ... أم تكون دبلوماسي وتشتري دماغك؟

 

 

[Amro Elsayed]

6- الاستجابه الفوريه لبلاغات المشاركات السيئه 24/7


اعتقد دي يا هشام برضه تخضع للتصويت في الاداره يعني اعتقد انها زي ما احنا محددين بتاخد من ٧٢ ساعه و انت طالع لو قدرنا ناخد قرار قبل كده يكون تمام ممكن تشرحلي انت عندك وسيله او طريقه هنسرع بيها طريقه الرد علي الشكاوي لانها في الاخر مش قرار منفرد ..... وشكرا

اتمنالك التوفيق

 

 

[مزاياإنسانة]

اقتباس المشاركة الأصلية كتبت بواسطة moka . . يعني نكتب هنا ولا في مغارتي الانتخابية ..! ليه ياربي بس الاحراج .. اجيب افكار ولا اسرقها من فين ...!

خلاص يا موكا قول لهم
أنا من إديكم دي لإيدكم دي
وأقسم بالله العظيم أن أقوم بعملي على أكمل وجه
دون غياب من غير عذر
ودون الإنحياز لأي جهة من الجهات
وماعنديش كوسا في شغلي ولا شليلة
والله على ما أقول شهيد

 

 

[Eng Hesham]

اقتباس المشاركة الأصلية كتبت بواسطة Amro Elsayed 6- الاستجابه الفوريه لبلاغات المشاركات السيئه 24/7 اعتقد دي يا هشام برضه تخضع للتصويت في الاداره يعني اعتقد انها زي ما احنا محددين بتاخد من ٧٢ ساعه و انت طالع لو قدرنا ناخد قرار قبل كده يكون تمام ممكن تشرحلي انت عندك وسيله او طريقه هنسرع بيها طريقه الرد علي الشكاوي لانها في الاخر مش قرار منفرد ..... وشكرا اتمنالك التوفيق

انا بتكلم على البلاغات اللى مفيش فيها نقاش يا عمرو

واللى احيانا مبيكونش موجود فى وقتها حد من المشرفين

واحيانا بتستمر لعدد من الساعات لحين وصول مشرف

فى حين انى سأكون متواجد بشكل شبه دائم

تحياتى

 

 

[مزاياإنسانة]

اقتباس المشاركة الأصلية كتبت بواسطة Amro Elsayed 6- الاستجابه الفوريه لبلاغات المشاركات السيئه 24/7 اعتقد دي يا هشام برضه تخضع للتصويت في الاداره يعني اعتقد انها زي ما احنا محددين بتاخد من ٧٢ ساعه و انت طالع لو قدرنا ناخد قرار قبل كده يكون تمام ممكن تشرحلي انت عندك وسيله او طريقه هنسرع بيها طريقه الرد علي الشكاوي لانها في الاخر مش قرار منفرد ..... وشكرا اتمنالك التوفيق

عمرو 72ساعة مش كتير
المفروض لما يكون فيه 4من المشرفين وتوصل لهم أيقونة تبليغ
خلاص يبتوا في الموضوع على حسب القوانين
أو على الأقل يتدخلوا لتهدئة النفوس لحد مايشوفوا حل
لأنه أوقات المشاركة المسيئة تأثيرها بيكون موجع أوي خصوصاً على الشخص اللي مش من طبعه يغلط في الكلام ولا أصلا بيسمح لنفسه أنه يرد على الغلط بغلط